2023-07-02 05:00:33
Donolar bisotidan!
Ajabo, bir necha daqiqa masjidda naqadar uzoq-u, navbatdagi serial qarshisida naqadar oz!
Ajabo, qo'lingdagi ming so'm masjidga naqadar ko'p-u, bozorga naqadar oz!
Ajabo, duoda so'zlar naqadar topilmaydi-yu, g'iybatda shu qadar quyilib keladi!
Ajabo, agar futbolda qo'shimcha vaqtga o'tadigan bo'lsa, naqadar hayajonlanib turamiz-u, Ramazondagi qo'shimcha namozdan uzoq deb noliymiz!
Ajabo, odamlarga jum'a ma'ruzasini esda saqlab, boshqalarga yetkazish naqadar og'ir-u, ig'voyu mish-mishlarni tashib yurish naqadar yengil!
Ajabo, bo'lar-bo'lmas mish-mishlarga, cho'pchaklarga ishonamiz-u, Parvardigorning haq so'ziga shubha qilamiz!
Ajabo, sevimli ko'rsatuv oldidan tayyorlanib, xar qancha kutamiz-u, namoz vaqti deyarli utib ketsa xam, unga hech qancha tayyorgarlik ko'rmaymiz!
Ajabo, serial kahramonlarini naqadar sevib, ularni kuyib-pishib muhokama qilamiz-u, masjidda yonimizda turgan namozxonni tanimaymiz!
Ajabo, xar kim jannatga kirishni xar qancha tama' qiladi-yu, buning uchun bir nima qilish, gapirish yoki ishonish kerakligini qancha o'ylamaydi!
Ajabo, uzimizni to'g'ri yo'ldamiz deb bonglar uramiz-u, aslida to'g'ri yo'ldagilarga tosh otamiz!
Ajabo, din uchun biron narsa qilmadigu, lekin tinmayin dinga xizmat qilayotganlarga tosh otamiz!
Ajabo, ilmimiz hech vale, Ulamolar go'shtini yeymiz!
Ajabo, jannatning kalitini ko'lga kiritdik-mi, yo, eng to'g'ri yo'lda ekanimiz haqida vasiqa oldikmi, va yohud Allohning rahmatini taqsimlovchilarga aylandikmi-ki, odamlarni "anavi adashgan, manavi zalolatda" deya sinflarga ajratishga tushdik?!.. Ajabo, buning o'rniga o'z nafsimiz bilan shug'ullansak bo'lmasmidi?!..
Ajabo, salaflarga ergashamiz deya olamni buzayotganimizda beshak tillarimiz yolg'on so'zladi. Salaflar bizdan bezorlar. Biz bu pok nomga hali beri loyiq emasmiz... CHunki, biz ular bilan faqatgina eshakning kuchi halol-u go'shti harom qabilida muomala qilmoqdamiz xolos..
@PSXOLOGIYA
biz bilan albatta yuksalasiz!
13.2K views02:00