Prezident matbuot kotibi | Sherzod Asadov

2022-01-13 15:43:09 Президент Шавкат Мирзиёев айни пайтда давом этаётган Хавфсизлик кенгашининг кенгайтирилган йиғилишида Қозоғистондаги воқеаларга муносабат билдирди:

"Сўнгги кунларда биз учун яқин қўшни ва қардош бўлган Қозоғистон Республикасида содир бўлган воқеалар ҳаммамизни жиддий ташвишга солди.

Биз минг йиллар давомида қозоқ халқи билан яқин қўшни бўлиб, биргаликда ёнма-ён яшаб келганмиз. Бизни умумий тарих, урф-одат ва маданият боғлаб туради. Келажагимиз ҳам ўзаро чамбарчас боғлиқдир.

Шу кунларда мен Қозоғистон Президенти Қасим-Жомарт Тоқаев билан бир неча бор телефон орқали мулоқот қилдим. Ўзбекистон халқи номидан бутун Қозоғистон эли ва раҳбарига барқарорлик ҳамда фаровонликни таъминлаш борасидаги барча саъй-ҳаракатларини қатъий қўллаб-қувватлашимизни билдирдим.

Фурсатдан фойдаланиб, ушбу воқеаларда қурбон бўлганларнинг оила аъзолари ва барча яқинларига яна бир бор чуқур таъзия ва ҳамдардлик изҳор қиламан. Жабрланган инсонлар ҳам тез орада соғайиб кетишига тилакдошман.

Яратганга шукрки, қўшни мамлакатдаги вазият аста-секин ўз изига тушиб бормоқда, давлат тузилмалари ва ижтимоий муассасалар ўз фаолиятини қайта тикламоқда, одамлар осойишта ҳаётга қайтмоқда.

Ўз ўтмишида кўплаб мураккаб синовларни бошидан кечирган донишманд қозоқ халқи бу оғир кунларни ҳам тез орада мардона енгиб ўтишига ҳамда янада якдил ва ҳамжиҳат бўлишига ишонаман", деди давлатимиз раҳбари. Ochish/sharhlash

2022-01-13 15:00:56 Президент Қуролли Кучларимизнинг шаклланиши ва ислоҳ қилиниши ҳақида:

“Албатта, Қуролли Кучларимизнинг шаклланиш жараёни дунёда ва минтақамизда мураккаб ҳарбий-сиёсий вазият ҳукм сурган даврга тўғри келди.

Ислоҳотларимиз натижасида мамлакатимиз хавфсизлиги ва халқимиз осойишталигини таъминлашга қодир бўлган, ҳар томонлама замонавий қуролланган, қудратли армиямиз шаклланмоқда.

Биз 2016 йилда Қуролли Кучларимиз фаолиятини чуқур ўрганган ҳолда, ҳарбий қурилишнинг барча йўналишлари бўйича муҳим қарорлар қабул қилдик. Ва беш йиллик истиқболга мўлжалланган, кечиктириб бўлмайдиган комплекс чораларни кўрдик.

Аниқ мақсадга қаратилган ана шундай ишлар натижасида, армиямиз қиёфаси ҳам, ҳарбий хизматнинг маъно-мазмуни ҳам тубдан ўзгармоқда. Қўшинларнинг жанговар шайлиги ва тайёргарлик даражаси кескин ошмоқда”, деди давлатимиз раҳбари. Ochish/sharhlash

2022-01-13 14:28:53 Ўзбекистон Президенти, Қуролли Кучлар Олий Бош қўмондони Шавкат Мирзиёев раислигида Хавфсизлик кенгашининг кенгайтирилган йиғилиши бошланди.

“Ватан ҳимоячилари куни арафасида Қуролли Кучларимиз ва ҳарбий-маъмурий секторлар фаолияти самарадорлигини таҳлилий кўриб чиқиш ва келгусидаги долзарб вазифаларни белгилаб олиш яхши анъанага айланган.

Ушбу мажлис улуғ сана – Ўзбекистон Қуролли Кучлари ташкил этилганининг шонли 30 йиллиги арафасида ўтказилмоқда”, деди давлатимиз раҳбари ҳамда йиғилганларни, Қуролли Кучларимиз сафларида хизмат қилаётган барча ҳарбийларимиз ва соҳа фахрийларини байрам билан самимий табриклади. Ochish/sharhlash

2022-01-13 09:17:52 Бугун Ўзбекистон Республикаси Президенти, Қуролли Кучлар Олий Бош қўмондони Шавкат Мирзиёев раислигида Қуролли Кучлар ва ҳарбий-маъмурий секторлар фаолиятининг 2021 йил якунлари ҳамда 2022 йилга устувор вазифаларга бағишланган Хавфсизлик кенгашининг кенгайтирилган йиғилиши бўлиб ўтади.
—
Сегодня под председательством Президента Республики Узбекистан, Верховного Главнокомандующего Вооруженными силами Шавката Мирзиёева состоится расширенное заседание Совета безопасности, посвященное итогам деятельности Вооруженных сил и военно-административных секторов в 2021 году и приоритетным задачам на 2022 год. Ochish/sharhlash

2022-01-12 19:52:26 Президент ҳузурида ўтган йиғилишда Инвестициялар ва ташқи савдо вазирлиги ҳамда Стратегик ривожланиш агентлиги фаолияти кўриб чиқилди.

Батафсил — юқоридаги #инфографикада. Ochish/sharhlash

2022-01-10 08:22:05 Ўзбекистон Президенти Қозоғистон халқи ва Президентига таъзия йўллади

Ўзбекистон Республикаси Президенти Шавкат Мирзиёевнинг мактубида қардош Қозоғистон ҳудудидаги фожиали воқеалар ва уларнинг натижасида кўплаб ҳарбийлар ва аҳоли вакиллари нобуд бўлгани ҳамда оғир жароҳатлар олгани, кўрилган катта талофатлар муносабати билан Президент Қасим-Жомарт Тоқаевга ва дўст Қозоғистон халқига чуқур таъзия изҳор этилган.

Давлатимиз раҳбари Ватан осойишталиги ва мамлакат халқининг ҳимояси йўлида қурбон бўлган фидойи фарзандларнинг оила аъзолари ва яқинларига самимий ҳамдардлик билдириб, жароҳат олганларнинг тез фурсатларда шифо топишларини тилаган.

—

Президент Узбекистана направил соболезнования народу и Президенту Казахстана

В письме Президента Республики Узбекистан Шавката Мирзиёева выражаются глубокие соболезнования Президенту Касым-Жомарту Токаеву и дружественному народу Казахстана в связи с многочисленными жертвами и тяжело пострадавшими среди военнослужащих и населения, а также значительным ущербом в результате трагических событий в этой соседней братской стране.

Глава нашего государства выразил искренние соболезнования родным и близким самоотверженных сынов, погибших, защищая спокойствие Родины и народ страны, пожелал скорейшего выздоровления пострадавшим. Ochish/sharhlash

2022-01-07 14:00:33 Бугун Президент Шавкат Мирзиёев ёшларга оид давлат сиёсатини амалга ошириш, ёш авлодни ҳарбий-ватанпарварлик руҳида тарбиялаш, давлат хавфсизлиги соҳасида кадрлар тайёрлаш борасида амалга оширилаётган ишлар билан танишиш мақсадида Давлат хавфсизлик хизматининг "Темурбеклар мактаби" ҳарбий-академик лицейи ва ДХХ Академиясига ташриф буюради.
—
Президент Шавкат Мирзиёев для ознакомления с проводимой работой в области государственной молодежной политики, военно-патриотического воспитания молодого поколения и подготовки кадров в сфере государственной безопасности сегодня посетит военно-академический лицей "Темурбеклар мактаби" Службы государственной безопасности и Академию СГБ. Ochish/sharhlash

2022-01-07 07:01:36 Ўзбекистон Республикаси Президенти Шавкат Мирзиёев қисқа муддатли меҳнат таътилидан қайтди ва одатдаги тартибда ишлашга киришди.
__

Президент Республики Узбекистан Шавкат Мирзиёев вернулся из краткосрочного трудового отпуска и приступил к работе в обычном режиме. Ochish/sharhlash

2022-01-05 06:50:37 Ўзбекистон Республикаси Президенти Шавкат Мирзиёев 2022 йил 5 январдан навбатдаги қисқа муддатли меҳнат таътилига чиқди.

Давлат раҳбари ўтган йили ҳам айнан январь ойида қисқа муддатли таътилда бўлган эди.
—
Президент Республики Узбекистан Шавкат Мирзиёев с 5 января 2022 года вышел в очередной краткосрочный трудовой отпуск.

И в прошлом году, именно в январе, глава государства находился в краткосрочном отпуске. Ochish/sharhlash

2022-01-04 21:12:06 Таниқли давлат арбоби Қаллибек Камаловнинг рафиқаси, Қорақалпоғистон Жўғорғи Кенгеси Раиси Мурат Камаловнинг онаси Любовь Камалова вафоти муносабати билан Президент Шавкат Мирзиёев марҳуманинг оила аъзолари ва яқинларига телефон орқали таъзия билдирди ҳамда ҳамдардлик мактуби йўллади.

Бугун Олий Мажлис Сенати ва Қонунчилик палатаси, Президент Администрацияси, Вазирлар Маҳкамаси, Ўзбекистон мусулмонлари идораси, бошқа давлат ва жамоат ташкилотлари вакиллари ҳамда қорақалпоғистонлик фаоллар билан биргаликда Нукус шаҳрида Камаловлар хонадонида бўлиб, Любовь аянинг оиласи ва яқинларига таъзия билдирдик, Президентимиз ва халқимизнинг ҳамдардлик сўзларини етказдик.

Қуръон тиловат этилиб, марҳуманинг ҳақига дуо қилинди. Ochish/sharhlash