platforma.uz

2023-06-10 20:15:17 Бир кун у подстанцияда, эртаси куни бошқа, индинисига яна бир подстанцияда авария бўлиб, одамларнинг роса чироқсизликдан безори чиққач, Энергетка вазирлигимиз «Мана, кўряпсизлар, энергетка тизимимизни янгиламасак бўлмайди» дея АЭС қуриш пропагандасига ўтиб кетмаса бўлди, ишқилиб...
@platformauzb Ochish/sharhlash

2023-06-10 19:36:18 "ҲОСИЛОТ" ПОДСТАНЦИЯСИДАГИ АВАРИЯ САБАБ МИРОБОД ВА ЯШНАОБОД ТУМАНЛАРИНИНГ БАЪЗИ ҲУДУДЛАРИДА ЭЛЕКТР ЭНЕРГИЯСИ ТАЪМИНОТИДА УЗИЛИШЛАР КУЗАТИЛМОҚДА

Бугун, соат 18:27да Яшнобод ҳамда Миробод туманларини электр энергияси билан таъминловчи 110/35/10 “Ҳосилот” подстанциясида носозик юзага келди.

Бунинг натижасида, Миробод туманининг "Олтинкўл",  "Файзобод", "Оқ уй", "Фитрат", "Қорасув", "Фурқат", "Саракул", "Тонг юлдузи" МФЙлари ҳудудларида;

Яшнобод туманининг Авиасозлар, Авиасозлар 1-, 3-, 4-мавзелари, 58-сонли Харбийлар шаҳарчаси, Катта Янгиобод, Элбек, Алимкент, Асалобод 2-мавзе, Зангори, Бирлашган, Қиргизбой ота, Ойдинкўл, Занжирсарой, Ҳуснобод, Ҳислат, Прокуратура, Оҳангарон, Донишманд, Нодирабегим ҳамда Ширмонбулоқ кўчалари ҳудудида электр энергияси таъминотида узилишлар кузатилди.

Айни пайтда “Ҳудудий электр тармоқлари” АЖ Тошкент шаҳар филиали томонидан тезкор чоралар коърилмоқда. Тез фурсатларда тиклаш ишлари олиб борилиб, истеъмолчилар қайта тармоққа уланишини маълум қиламиз.

@platformauzb_live Ochish/sharhlash

2023-06-10 19:15:43 "Тошкент шаҳар Учтепа туманидаги 62-сонли мактабнинг информатика фани ўқитувчисини калтаклашда иштирок этган кимки бўлса, уларнинг барчаси қонунда белгиланган тартибда қаттиқ жазоланади. Бу бўйича ҳуқуқ-тартибот органларига керакли кўрсатмалар берилди. Валломати бўлса ҳам ўқитувчини хафа қилишга хеч кимнинг ҳаққи йўқ".
Комил Алламжонов

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-10 17:42:42 Bloomberg: Хитойда кучли жазирама туфайли электр тармоқлари ишдан чиққан

Bloomberg нашри Хитойда кучли жазирама кузатилаётгани, оқибатда уй ҳайвонлари нобуд бўлётгани ҳақида ёзмоқда. Натижада электр тармоқлари ишдан чиққан. Бу эса йирик заводлар ишини тўхтатиб қўйган.

Май ойидаги Шанхайдаги иссиқ сўнгги 150 йилдаги рекордни янгилаган.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-10 16:12:34 Бунга Алламжонов биринчи бўлиб муносабат берадими ёки вазир опамизми, билмадиму, лекин муносабат фақат муносабат учун бўлмаслиги керак, назаримизда.

Аниқ ва қонуний чора кўриш, айбдор томон жазосини олиш керак. Ўзи эркак ўқитувчиларни бозор ва мардикорликдан мактабга қайтаролмай ётган пайтимизда бундай ҳолатлар дард устига чипқондай бир гап.

Афсуски, бу биринчи ҳолат эмас. Бизда ўқитувчиларнинг мавқейини кўтариш ҳақида кўп яхши гаплар бўлаётир, бироқ ҳаётда бундай кўргиликлар ҳам кунда кун ора бўлиб турибди. Ўзи "скорий"нинг врачи, муаллим жамиятдаги энг паст табақа вакили даражасига тушиб қолдими, дейман. Қачон қарама ижтимоий тармоқларда калтакланган ўқитувчи ёки шифокор бўлиб чиқади.

Аҳвол шундай экан бу борада ҳуқуқий томондан қандайдир чораларни кўриш керак эмасми, масалан, муаллимларнинг ҳуқуқларини ҳимоя қилиш борасида. Акс ҳолда бундай ҳолатлар тугамайдиганга ўхшайди.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-10 15:33:21 Азиз Абдуҳакимов экология вазири лавозимига маъқулланди.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-10 09:15:43 Қозоғистондаги ўрмон ёнғинлари ортидан мамлакат фавқулодда вазиятлар вазири ишдан бўшатилди

Бир неча кундирки, Қозоғистоннинг Абай вилоятидаги 60 минг гектар майдонда ўрмон ёнғинлари рўй бермоқда.

Бугун Қозоғистон президенти Қосим-Жўмарт Тоқаев ушбу ҳолат ортидан мамлакат фавқулодда вазиятлар вазири Юрий Ильинни лавозимидан озод этди.

@platformauzb_live
Батафсил: https://t.me/+geI-VY4gXwA4MjEy Ochish/sharhlash

2023-06-09 16:10:25 ​​Сайлов ташвиқоти қандай кетмоқда?

Конституцияни янгилаш бўйича референдум тарғиботи жуда кенг қамровда, ҳатто кўнгилочар дастурлар билан биргаликда олиб борилди. Кимдир ундай деди, бошқа биров бундай. Лекин муҳим сиёсий тадбир кўнгилдагидек ўтди. Конституциямиз янгиланди.

Энди мамлакатимизда Президент сайлови бўлиб ўтади. Аҳамияти жиҳатидан референдумдан кам бўлмаган ўта муҳим сиёсий тадбир. Юртимизнинг яқин йиллардаги стратегиясини, позициясини белгилаб берадиган воқеа.

Номзодлар аниқ. Сайлов кампаниясига ҳам старт берилган. Пуллар ажратилган. Бироқ худди сувга тушган тошдек бу жараён деярли сезилмаяпти. Тўғри, "Фалон номзодга овоз беринг" деган чорлов радиода, ТВда қулоққа чалиняпти. Аммо умумий ракурсдан қараганда гўё одатий тадбир арафасида тургандекмиз.

Америкадаги сайлов кампаниялари билан қиёслаш ноўриндир, аммо қардош давлат Туркияда бўлган сайлов кампаниясини олинг. Жуда катта акс садо берди. Ҳатто юртдошларимиз қизиқиб кузатишди. Кечирасизу, бозорчидан сўрасангиз ҳам Эрдоған бўлармикан ё Қиличдарўғли деб турди. Тўғри, сиёсий билим, тафаккур бўлгани яхши. Лекин халқимиз эътиборини, қизиқишини ўзимиздаги сиёсий воқеага шунчалик қаратоляпмизми? Назаримда йўқ.

Ҳозир дабдурустдан кўчадаги бирор юртдошимиздан шунчаки "Президент сайловида кимлар номзод, иси-фамилиясини айтиб" беринг денг. Битта номзоднинг номини шубҳасиз ҳамма айта олади. Кўп "қовун туширган"идан балки Улуғбек аканинг номини ҳам қисман кимдир билар. Аммо қолгани мавҳум. Одамлар танимайди. Танимаса қандай танлов қилади, қандай хулоса қилади?

Аслида ҳаммасини беш қўлдек таниши, дастурини кўриши, маъқул деб топса, кейин бир хулосага келиши керак эмасми?! Буёғи эса оз қолди. Номзодлар ҳақида кенгроқ билайлик, таклифини кўпроқ эшитайлик.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-09 13:43:25 Абитуриентларга имтиҳон жавоблари чиққандан кейин йўналиш танлаш имкони берилиши мумкин

Кейинги ўқув йилларидан абитуриентларга ҳужжат топшираётганда эмас, имтиҳонга кириб, тест натижалари чиққандан кейин йўналиш танлаш имконияти берилиши мумкин. Олий таълим, фан ва инновациялар вазири мазкур тартиб устида иш бошланганини айтди.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2023-06-07 14:00:21 ​​Бугундан сайлов ташвиқоти бошланди, бироқ...

Сайлов жараёни муҳим паллага кирди – тарғибот-ташвиқот кампанияси бошланди. Номзодлар сайловолди дастури, қарашларини ифода этишга киришади. Бу жараёнлар учун бюджетдан уларга етарлича пул ажратилган, ҳеч бир партия ёнидан бир сўм сарфламайди.

Мақоламизда учта номзод – ХДП, Экология ва “Адолат” вакиллари ҳақида мухтасаргина гапириб ўтамиз. Бу номзодлар сайловда иштирок этяптими, буларга бюджетдан пул ажратилдими, демакки, эртага сайловда қанча овоз тўплашдан қатъи назар, биринчи навбатда, ўз сайловолди дастурларида жамиятни, давлатни ривожлантиришга қаратилган реал таклифлари бўлиши керак эмасми?

Бугун булар нима билан банд? Ажратилган пулларни календарь, баннер, кепка, футбол ва шунга ўхшаш нарсаларга сарфлаш билан! Айрим номзодлар эса хаёлга келмайдиган популистик фикрларни илгари суряпти ёки атайин “қовун” туширишга ўтганлари ҳам бор... “Адолат” ва Экологиядан номзодларни мазкур партиялар сайловчилари ҳам яхши танимаса керак...

Дунёда сайлов ўтказиш технологияси янгиланди. Бизда эса ўша эскича ёндашув. Кимдир қовун тушириши керак, кимдир яна нимадир қилиши...

Юқорида айтганимиздек, бизга учала партия номзодларидан мавжуд муаммоларни бартараф этиш, давлат ва жамиятни ривожлантиришга қаратилган реал таклифлар зарур...

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash