Pedagoglar

2022-08-28 11:00:42 Barcha davlat oliy ta’lim muassasalarining barcha bosqich talabalari uchun toʻlov-kontrakt miqdorlari oshirilmaydi

Talabalar va ularning ota-onalariga qulay sharoitlar yaratish, global iqtisodiy inqiroz sharoitida aholining toʻlov qobiliyatini inobatga olgan holda, istisno tariqasida, 2022/2023 oʻquv yili uchun barcha bosqichdagi talabalarning toʻlov-kontrakt asosida oʻqitish qiymati miqdorlari davlat oliy ta’lim muassasalari, jumladan, moliyaviy mustaqillik berilgan oliy ta’lim muassasalarida ham, bazaviy toʻlov-kontrakt qiymati 2021/2022 oʻquv yili uchun belgilangan miqdorlarda saqlab qolinadi. Ya’ni oʻtgan yili kontraktlar qancha boʻlsa, joriy yil ham shuncha boʻladi.

Shu bilan bir qatorda, 2022/2023 oʻquv yili tabaqalashtirilgan toʻlov-kontrakt miqdorlari oʻtgan oʻquv yili uchun belgilangan miqdorlarda oʻzgarishsiz qoladi.

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-26 11:36:53 Vaqtincha ishsiz pedagoglar attestasiyaga jalb qilinmaydi.

Savol: Men Xorazm viloyati, Xonqa tumanidanman.Fizika fani o'qituvchisiman. Hozirda vaqtincha ishsizman. Navbatdan tashqari attestasiyadan o'tmoqchi edim. Onlayn ariza berib, attestasiyada ishtirok etsam bo'ladimi?

Javob: Afsuski, mumkin emas. Nizomning 1 bandi: Ushbu Nizom davlat maktabgacha, umumiy o'rta, o'rta maxsus, professional va maktabdan tashqari ta'lim tashkilotlari (keyingi o'rinlarda — ta'lim tashkilotlari) pedagog kadrlarini (keyingi o'rinlarda — pedagog kadrlar) attestasiyadan o'tkazish tartibini belgilaydi.

P.S. Malaka toifasi olish uchun o'tkazildigan pedagog kadrlar attestasiyasida ishtirok etish uchun pedagog albatta, ta'lim tashkilotida asosiy yoki o'rindoshlik (soatbay) asosida faoliyat olib borayotgan bo'lishi kerak!

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-25 05:16:01 Sinf rahbari hujjatlar toʻplami
2022-2023-oʻquv yili uchun

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-24 19:07:05 O‘QUVCHILARNING SHAXSIY YIG’MA JILD HUJJATLARIDA ( YA’NI SHAXSIY FAYLLARIDA) QAYSI HUJJATLAR BO‘LISHI KERAK

Sinf rahbarlari bilib olishi kerak.

Oʻquvchilarning shaxsiy yigʻma jildi hujjatlari oʻquvchini maktabga qabul qilingan kunidan bitirguniga qadar yuritiladi. Unda quyidagi hujjatlar jamlanadi:

maktabga qabul qilish haqida ota-ona (yoki ularning oʻrnini bosuvchi shaxslar)ning arizasi;

oʻquvchining tugʻilganlik haqidagi guvohnoma (pasport, ID-karta) nusxasi;

ota-onasi (yoki ularning oʻrnini bosuvchi shaxslar)ning pasport (ID-karta) nusxalari;

tibbiy maʼlumotnoma;

baholar tabeli (10-11-sinf oʻquvchilari uchun 9-sinfda berilgan tayanch maʼlumot toʻgʻrisida shahodatnoma).

Oʻquvchining shaxsiy yigʻma jildi hujjatlari sinf rahbari tomonidan yuritilib, har oʻquv yili boshida xatlovdan oʻtkaziladi.

Oʻquvchining shaxsiy yigʻma jild hujjatlari oʻquvchi maktabni tamomlaganidan soʻng 3 yil muddatda maktabda saqlanadi.

Asos: Xalq taʼlimi vazirining 2021-yil 1-iyuldagi 205-sonli buyrugʻi

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-22 15:13:03 Pensiyaga chiqqan oʻqituvchilarga dars taqsimoti qay tartibda amalga oshirilishi kerak?

Bilamizki, hozirgi kunda pensiya yoshidagi oʻqituvchilarning maktablarda ishlab kelayotganli koʻpchilik yosh oʻqituvchilar tomonidan tanqid ostiga olib kelinmoqda. Shu sababli nafaqaga chiqqan oʻqituvchilarga dars taqsimoti qanday amalga oshirilishi hususida turli hil tushunmovchiliklar boʻlmoqda.

Ayrimlar pensiya yoshiga yetgan oʻqituvchilar maktabda ishlamasligi kerak deyotgan boʻlsa, ayrimlar bunday oʻqituvchilarning koʻp yillik tajribasidan foydalanib ular maktabda ishlashi kerak degan fikrni ilgari surmoqda.

Shu sababli pensiya yoshiga yetgan, lekin maktablarda hali-ham ishlab kelayotgan oʻqituvchilarga dars taqsimoti qay tartibda amalga oshirilishi hususida fikr bildirib oʻtishni lozim topdik.

Dars taqsimotida oʻqituvchining yoshi rol oʻynamaydi. Bunda oʻqituvchining ta’lim sifatiga hamda u erishgan natijalariga e’tibor qaratiladi. Har qanday holatda ham oʻqituvchilarga dars soatlari “Umumta’lim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisida” nizom bilan belgilab berilgan ustuvor ketma-ketlik asosida taqsimlanadi.

Oʻqituvchi pensioner ekan, unga kam dars berilishi kerak degan qoida yoʻq. Lekin pensioner xodimning hech qanday yutuqlari boʻlmasa, u dars beradigan sinfning ta’lim sifati past boʻlsa, nafaqa yoshida ekanligi sababli hech qanday malaka toifasiga ega boʻlmasa bu vaziyatda oʻz fanining mutaxasisi, bir qancha natijalarga erishib, malaka toifasiga ega boʻlgan xodimga koʻproq dars soatlari berish mumkin.

Aksincha xodim pensioner boʻlishiga qaramay bir qancha yutuq hamda malaka toifasiga ega boʻlsa u holda nafaqa yoshidagi oʻqituvchiga koʻproq dars beriladi. Pensioner xodim bilan mehnat shartnomasini bekor qilish yoki qilmaslik maktab direktorining ixtiyorida.

(c) Xalq ta'limi info

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-21 10:55:00 Ichki o‘qishni ko‘chirish bo‘yicha rad etilgan arizalarni tahrirlash uchun so‘nggi imkoniyat

2022/2023-o‘quv yili uchun davlat oliy ta’lim muassasasidan boshqa oliygohga o‘qishini ko‘chirish (tiklash) maqsadida transfer.edu.uz elektron tizimi orqali onlayn ro‘yxatdan o‘tgan talabalarning arizalari to‘liq ko‘rib chiqildi.

Ammo ayrim arizalar ma’lum bir sabablarga ko‘ra rad etildi.

Rad etilgan arizalarni tahrirlash uchun 22-avgust kuni soat 12:00 ga qadar so‘nggi imkoniyat berildi.

Ushbu muddatdan so‘ng tahrirlashga yo‘l qo‘yilmaydi va kamchiliklar bartaraf etilmagan arizalar ko‘rib chiqilmaydi.

Ro‘yxatdan o‘tgan barcha talabalardan o‘zlarining shaxsiy kabinetlariga kirib, arizalarining ko‘rib chiqilish holatini doimiy kuzatib borishlari so‘raladi.

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-19 16:23:10 Sinf rahbarlik uchun avgustda ham qoʻshimcha haq toʻlash kerak.

Vazirlar Mahkamasining 21.12.2005-yildagi 275-son qarori 4-bandiga koʻra umumtaʼlim muassasalari oʻqituvchilariga qoʻshimcha haq toʻlovlari mehnatga haq toʻlashning eng kam miqdoriga nisbatan foiz hisobida quyidagi miqdorlarda amalga oshiriladi:

Cинфдаги oʻquvchilar soniga koʻra sinf rahbarligi uchun:

— 15 nafar oʻquvchigacha — 26,4 foiz;
— 16 dan 20 nafar oʻquvchigacha — 31,6 foiz;
— 21 dan 25 nafar oʻquvchigacha — 36,9 foiz;
— 26 dan 30 nafar oʻquvchigacha — 42,1 foiz;
— 31 nafar va undan koʻp oʻquvchi boʻlganda — 52,8 foiz;

Ushbu bandda oʻqituvchilar yozgi yillik mehnat taʼtilidan qaytgandan keyin ularga yangi oʻquv yili boshlangunga qadar daftarlarni va yozma ishlarni tekshirganlik hamda informatika kabineti mudirligi uchun qoʻshimcha haq toʻlovlari amalga oshirilmasligi qayd etilgan.

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-19 09:44:45 0.5 stavkada faoliyat yuritayotgan direktor oʻrinbosarlariga 10 soatdan ortiq miqdorda dars berishga taqiq qoʻyildi

Maʼlumki, maktabda direktor oʻrinbosari lavozimida ishlayotgan xodim bir vaqtning oʻzida mutaxasisligi boʻyicha dars oʻtishi ham mumkin. Bu haqda Vazirlar Mahkamasining 2005-yil 21-dekabrdagi 275-son qarori bilan tasdiqlangan nizomning 14-bandida xalq taʼlimi muassasasining rahbar xodimi tomonidan asosiy lavozimning bir haftada 10 soatgacha hajmda oʻqituvchi lavozimi bilan qoʻshib olib borilishiga yoʻl qoʻyiladi deyilgan. Faqat nizomning mazkur bandida 0.5 stavkada ishlaydigan rahbar xodimlar nazarda tutilmagandi.

Shu sababli 0.5 stavkada ishlayotgan rahbar xodimlarning asosiy ishi oʻqituvchilik boʻlib, rahbarlik qilish ularga qoʻshimcha vazifa sifatida yuklatilgan taqdirda ular 20 soatgacha dars olishi mumkin edi. Amaliyotda ham mana shu qoida qoʻllanilayotgandi.

Ammo Vazirlar Mahkamasining 2022-yil 2-avgustdagi 425-sonli qarori bilan Vazirlar Mahkamasining 275-son qarori 3-ilovasining 14-bandiga oʻzgartirish kiritilib ushbu tartib bekor qilindi.

Amaldagi yangi tartibga koʻra xalq taʼlimi muassasasining rahbar xodimi tomonidan uning egallab turgan shtat birligidan qatʼi nazar, asosiy lavozimning bir haftada faqat 10 soatgacha hajmda oʻqituvchi lavozimi bilan qoʻshib olib borilishi mumkinligi belgilandi. YAʼni 1 stavkadagi rahbar xodim ham, 0.5 stavkada ishlovchi rahbar xodim ham endi faqatgina 10 soat dars oʻtishi mumkin.

Eslatib oʻtamiz, pedagog xodimlarga (rahbar xodimlarga ham) dars soatlari “Umumtaʼlim muassasalarida sinflarni komplektlash hamda tarifikatsiya roʻyxatlarini shakllantirish tartibi toʻgʻrisida”gi nizomida belgilangan tartibda taqsimlanadi.

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-19 06:37:32 Sinf rahbari hujjatlar toʻplami
2022-2023-oʻquv yili uchun

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash

2022-08-18 15:04:02 Buxoroda tuman hokimi 3 ta maktab direktorlarini Dubayga aylanishga joʻnatdi

Gʻijduvon tumanida eng faol 3 ta maktab direktorlariga Dubayga bepul sayohat tashkillashtirib berildi.

Pedagoglar kanaliga obuna boʻling

https://t.me/+SEjhuG-0kd7dL2wl Ochish/sharhlash