Оналар Канали

2024-04-24 13:13:46 Ҳаёт берар кўп синов,
Барчасидан фикр қил
Бунда йўқдир хеч алдов,
Нолимасдан шукур қил.

Хаёл билан ҳаётни
Хечам қўйма алмашиб,
Бу ҳаётнг йўлида
Қолма яна адашиб

Бу дунёдир паст баланд,
Баланд тутгин кўксингни,
Харом билан нон ема
Халол тотгин тузингни.

Уч кун бўлар бу дунё
Омонатдир танда жон,
Сиқилганда худо де
Худо ўзи меҳрибон

Яхшилик қил қўлдан келса
Кибр отин минмагин
Бу дунёда яхши бўл
У дунёни ўйлагин.

Ёш Бобурбек ҳаётда
Кўрди кўпнинг қисматин
Сунг дўстларга атайлаб
Йўллади ўшбу хатин!

Бобурбек Зиё

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-24 07:07:55 Умр ҳафтаси.

Душанба
- Ният қил. Яхшисига умид қил, мағлубиятларни унутма, ҳеч нарсадан қўрқма.
Аллоҳдан қанчага тайёр бўлсанг ўшанча сўра.
Энг асосийси олий мақсадни эсдан чиқарма.

Сешанба
- Манзил томон сени етаклайдиган устоз қидир, Шошилма, тажрибасиз йўлбошчиларга эътибор берма, уларга вақтингни сарфлама. Узоқ йўлга чиқиш учун катта кемага чиқилади, кичкина қайиқчага эмас.

Чоршанба
- Тайёрлан. Режалар туз, хато қилишдан қўрқма, бошқаларга эътибор берма, режаларда заҳирага эга бўл. Ота-онангни ва устозингни дуоларини ва маслаҳатларини ол, уларга амал қил. Унутма мўжиза содир бўлмайди.

Пайшанба
- Бошла. Аллоҳ сени режа билан тақдирладими зудлик билан ишга кириш, мукаммалликни унут, бор неъматларни қадрла. Асосийси бошладингми, ташлаб қўйма, нуқсонларни тўғирлаш мумкин аммо таслим бўлсанг бу тамом дегани. Бизни ўлдирмаган нарсалар бизни кучлироқ қилади.

Жума
- Кўп хатолар сени тажрибали қилди. Энди эса ўргат. Тажрибангни бошқалар билан бўлиш. Хатолар ҳақида огоҳлантир, саволларга жавоб бер. Эслаб қол, жавобларинг бошқалар тақдирини ҳал қилади.

Шанба
- Катта ишларни шогирдларга топшир, уларни тўғри йўлга бошла. Энди сен кема бўл узоқ сафарга йўловчилар билан бирга чиқа оладиган кема. Бағрингдаги инсонларни денгиз тўлқинларидан асра.

Якшанба
- Дам ол. Қилган ишларингни сарҳисоб қил, гуноҳлар учун тавба қил, савоблар учун таббассумнинг ўзи кифоя. Барокатли умр учун Аллоҳга ҳамд айт.

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-24 04:00:17 Ассаламу алайкум!
Чоршанба тонги муборак бўлсин

Аллоҳ таоло бугунги кунингизни
тинчлик офиятда, яхши кайфиятда, савобли амаллар билан тўла бўлиб ўтишини сизга насиб қилсин!

https://telegram.me/+TvtkEzLNY9xZb6Jw Ochish/sharhlash

2024-04-23 19:31:16 AKAM...

Кичиклигимда ота-онам ўтиб кетишган. Акам менга ҳам ота, ҳам она ўрнида эди. Қийналиб-қийналиб мени одам қилган, ўзлари ўқимаган бўлсада, мени ўқитган. Ота-онам уканга ғамхўрлик қил деб у кишига васият қилганлари учун оғир меҳнат қилиб бўлсада мени ҳеч нимага зориқтирмай катта қилдилар. 28 ёшида уйландилар. Икки фарзандлик ҳам бўлишди. Акам мени жуда яхши кўрардилар. Гоҳида янгам ҳазиллашиб: "Акангиз мендан ҳам кўпроқ сизни яхши кўради", дерди. Нима топсалар менга илинарди. Мени уйлантириш ниятлари бор эди. Ҳаммаси ўша кунлардан бошланди. Даставвал анча тоблари қочиб бир-неча кун ишга чиқмадилар. Кейин бир кун ҳушидан кетдилар. Шифохонага обордик. Доктор кўзимга боқиб, ташвишли нигоҳда биттагина сўз айтди: рак... Мен умримда бундан даҳшатли сўзни эшитган эмасман. Бутун вужудим музлаб кетди. Бир неча кун ўзимга келолмадим. Акам бу ҳақда янганг билмасин деди. Докторлар умид жуда кам, деярли давоси йўқ дейишди, 99 фоизга. Бир фоиз умид бор экан-у деб Худога шукр қилдим. Докторлар агар операция қилиниб илик кўчириб ўтказилса, уни сақлаб қолиш мумкин дейишди... Янгам билиб қолиб, йиғлади. Жиянларим ҳали ёш. Улар биз каби отасиз ўсмаслигини Аллоҳдан сўрардим. Акам уларга керак эди. Суяк кўчириб ўтказишса фақат меники унга мос келиши мумкин. Ягона муаммо бу операция туфайли менинг ҳаётимга ҳавф туғилиши мумкинлигида эди. Мен ҳали ёшман. Уйланмаганман. Акам учун шундай қилишим керак эди. Доктордан бу ҳақда акамга айтмаслигини сўрадим.. Операция куни яқинлашарди. Лекин хотиржам эдим. Ахир жондан ортиқ жигарим- акамни сақлаб қолишим мумкин эди. Акамга донор топилганини айтишди. Бироз севиндилар. Охирги ойда акам анча қийналди. Айниқса болаларини кўрганида бошқача эзиларди. Билдирмасада мендан бекитолмайди. Бир вақтлар мени оч қолмасин, кийими бут бўлсин деб елиб-югурганида, касал бўлиб қолганимда кечаси билан бошимда бедор ўтириб чиққанларида нигоҳида шу қўрқув бор эди. "Акажон, сиз ҳали яшайсиз! "Мен борманку". Ниҳоят ўша тонг отди. Иншоллоҳ, бу тонг акамга янги ҳаёт ато этади. Мен... насиб қилган бўлса яшайман! Шифохонага келсам доктор акамни палатаси ёнида ўйчан турарди. Саломлашдим, операцияга тайёрлигимни айтдим. У: "Энди операциянинг фойдаси йўқ" деди. -Акангиз оламдан ўтди, бандалик ука, бардам бўлинг... Совуқ тер чиқиб кетди танамдан. Ўтириб қолдим. Доктор акамни кечаги бир кунлик дорисини ичмаганлигини, ярим тунда жони узилганини айтди, қўлимга қоғоз тутқазди. Йиғлаб юбордим. Бор овозим билан йиғладим. Кўзимда ёш билан акамнинг сўнгги ёзувларини ўқидим: "Укагинам, сендан розиман. Тугаб бўлган одам учун ҳаётингни ҳавф остига қўйишнинг кераги йўқ. Янганг ва жиянларинг сенга омонат. Худо ёр бўлсин!" Акам билган экан.. Эҳ, акажон! Сизга бир мартагина ғамхўрлик қилмоқчийдим. Сизни қанчалик яхши кўришимни исботламоқчийдим. Қаранг акажон, барибир сиз мени кўпроқ яхши кўраркансиз....

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-23 14:00:02 ОНА!
Она қаранг йиллар ўтмоқда,
Юзларингиз гўзал, ажойиб.
Қўлларингиз суртай кўзимга,
Сизга фарзанд бўлдимми лойиқ?

ОНА!
Юринг бирга бозор борамиз,
Олиб берай гулли кўйлаклар.
Этагида жимжимадор ним,
Пушти, гўзал, оқ, капалаклар.

ОНА!
Дийдорингиз соғиндим  бугун,
Кўзларимдан ёшлар  тўхтамас.
Олам бир ён, ўзингиз бир ён,
Ҳеч бир инсон сизга   ўхшамас.

ОНА!
Ҳеч қиймати йуқки дунёда,
Дийдорингиз дилимга малҳам.
Ўзиз емай, бизга едирган,
Ҳар луқмани кўргансиз  баҳам.

ОНА!
Айланамиз кенг кўчаларни,
Кабобхўрлик қиламиз бугун.
Қолсин майли дунёнинг иши,
Дийдорингиз ҳар недан устун.

ОНА!
Меҳрибоним, жаннатим, Сизсиз,
Бойлигимсиз оламларга  тенг.
Сиз бахтимсиз, Дунёйим сиз  сиз,
Хокисорим қалби, бағри кенг.

ОНА!
Айтмаганман бир сўзни дилдан,
Балки ғўрман, буни биламан.
Қалбим бугун ҳайқириб айтар,
Сизни жуда яхши кўраман.

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-23 04:01:03 Ассалому алайкум! Сешанба тонги муборак бўлсин!

ХАЙРЛИ ТОНГ!

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият асло тарк этмасин!

https://telegram.me/+TvtkEzLNY9xZb6Jw Ochish/sharhlash

2024-04-22 04:00:33 Ассаламу алайкум!

Хайрли тонг Қадрдоним!

Душанба куни муборак бўлсин.
Бугунги кунингиз олдинги кунларингиздан кўра яхшироқ бўлсин.

Янги кунни яхши ниятлар билан, эзгуликка интилиш билан бошланг.

https://telegram.me/+TvtkEzLNY9xZb6Jw Ochish/sharhlash

2024-04-21 14:39:23 Расулуллоҳ

Зомон айнидими? Балки башарят--
Башарят ўзгарган асли ҳақиқат,
Одамлар бемеҳр бўлди бешавқат,
Йўлимда сиз нурсиз ё, Расулуллох.

Билолмайман, базан хазил ёки чин,
Туҳмат- ҳийлалардан синади кўнгил,
Душман-ку, майлига дўстдан ҳам бездим,
Йўлимда сиз нурсиз, ё, Расулуллоҳ.

Бойлигимда "дўстим, ошна"деганлар,
" Биргамиз "деб улфат ошим еганлар,
Ночор ахволимда кулиб-илжаяр,
Йўлимда сиз нурсиз ё, Расулуллоҳ.

Покдомон эмасман мен ҳам гуноҳкор,
Гуноҳларим талай, ювмоғим даркор,
Жойномоз устида оламан ором,
Йўлимда сиз нурсиз, ё, Расулуллоҳ.

Ким дўст-у, ким душман? Қандай ажратай?
Энг азиз дўстим ҳам оёғим чалар,
Ҳатто маҳрамимга кўзи олаяр,
Йўлимда сиз нурсиз, ё,Расулуллоҳ.

Дўстлар бор, юзаки мисли сувилон,
Хийлакор,муғонбир,жуда ҳам аяёр,
Тириклай лахатга жойлашга таёр,
Йўлимда сиз нурсиз ё,Расулуллоҳ.

Нафсини қулидир иймондан кечар,
Хидоят кор қилмас, қалблари касал,
Тор қабр кутмоқда қиёмат,маҳшар,
Йўлимда сиз нурсиз ё,Расулуллоҳ.

Етти-ёт эмас, ҳатто жигарлар,
Жиққамушт ҳар тараф ,уй-жой талашар,
Юз- кўрмас бегона қачон ярашар?
Йўлимда сиз нурсиз ё, Расулуллоҳ.

Акам дейми? Укам?.. Худди етти ет,
Ўзгаларга пешвоз қилмиш соҳоват,
Тўй-азаларда ,куп-қуруқ савлат,
Йўлимда сиз нурсиз ё, Расулуллоҳ.

Туғишган жигарлар бўлди бегона,
Дийдор йилда- бир кўпдир боҳона,
Жамдир.. Охиратга бўлсам равона,
Йўлимда сиз нурсиз ё, Расулуллоҳ.

Яхшиям Аллоҳ бор, қўлимда қуръон,
Ҳақми ё ботил? Қалбимда иймон,
Мен сизга умматман,йўқ қалбда армон,
Йўлимда сиз нурсиз ё, Расулуллоҳ.

Жамшидбек Тўймуродов

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-21 07:00:43 Жахл -бу оловдир,
Оловни олов билан ўчириб бўлмагани учун,
САБР деган нарса бор!

Ғам бу- заҳардир...
Гоҳо "заҳарни заҳар кесади" дейишади!
Баъзан у жон томирингни кесиши ҳам мумкин...
Шунинг учун САБР деган нарса бор!

Кулфат ўрмонингга яшиндек тушади...
Хўли қуруққа қарамай ёқаверади!
Йиғлаётган кўзларинг аслида бир аломат...
Сенга САБРнинг яшин ўчирувчи нарса эканлигини эслатувчи...

САБР ўзи нима?!
Тоғдай ғамни бир совуқ сув томчисидек ҳис эттирадиган неъматдир...
Оловни...
Заҳарни...
Яшинни...
"Бир томчи совуқ, сескантирувчи- сувдек" деб қабул қилдирадиган неъмат!

Ummu Zaynab Ummu

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-21 04:02:25 Aссалому алайкум. Якшанба тонги муборак бўлсин.

Соғ–саломат уйғотган Роббимизга ҳамдлар бўлсин!

Асл саодат нафас олиб турган ҳар онимизга шукр қила олишдир...
Шукр ва зикрга бой кун бўлсин!

Дам олиш кунингиз мазмунли ўтсин!

https://telegram.me/+TvtkEzLNY9xZb6Jw Ochish/sharhlash