Оналар Канали

2021-01-31 10:00:16 Бизнинг дунёйимиз- бизнинг ўй-қарашларимизнинг аксидир. Дунёқарашни ўзгартирмай туриб, дунёни ўзгартиролмайсан!!!

https://telegram.me/joinchat/AAAAAE77ZBOqBE_0idg08Q Ochish/sharhlash

2021-01-31 08:00:11 ​​СОҒИНДИМ ОТАЖОН

(Ўтганларнинг рухи шод бўлсин)

Қалбимни тирнайди бир ўтли армон,
Топилмас дардимга бирорта дармон.
Бошимни силашга бир қўлга зорман,
Соғиндим мен сизни бугун ОТАЖОН!!!

Ҳали ёш эдингиз кетдингиз эрта,
Йиғлайман кўзимга расмингиз сурта.
Кун сайин бормоқда дардларим орта,
Соғиндим мен сизни бугун ОТАЖОН!!!

Сиз йўқсиз уйларим хувиллаб қолди,
Қалбимга айрилиқ азобин солди.
Термулиб эшикка кўзларим толди.
Соғиндим мен сизни бугун ОТАЖОН!!!

Мусофир юртларда ризқимни териб,
Отам тирик дея кўкрагим кериб.
Билмабман мен сизни қўйибман бериб,
Соғиндим мен сизни бугун ОТАЖОН!!!

Ҳар доим мен учун қалқон эдингиз,
Не учун бизларни ташлаб кетдингиз.
Сўнги нафасгача мени кутдингиз,
Соғиндим мен сизни бугун ОТАЖОН!!!

Бир оғиз сўзингиз армон бўлдику,
Ўттизга кирмасдан рангим сўлдику.
Кимлардир етим деб ортдан кулдику,
Соғиндим мен сизни бугун ОТАЖОН!!!

Тиловат қиламан ҳар кун бир бора,
Рухингиз шод бўлсин Қурондан зора.
Юрагим хижрондан бўлдику пора,
Соғиндим мен сизни бугун ОТАЖОН!!!

Қаламим чидолмас кўзим ёшига,
Бораман эртага отам қошига.
Ашъорим ёзаман қабр тошига,
Жойингиз Жаннатдан бўлсин ОТАЖОН!!

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-01-31 06:00:08 БАХТЛИ ЯШАШИНГИЗ УЧУН АЙРИМ ТАВСИЯЛАР

Кунингизни Бомдод намозини адо этиш билан бошланг!

Истиғфор айтишда давомий бўлинг!

Дуо қилишни бир кун ҳам узиб қўйманг. Чунки дуо, нажот арқонидир.

Ҳамиша, талаффуз қилаётган сўзларингизни фаришталар ёзиб бораётганини эсланг!

Ғам - ташвишларга рўбарў бўлсангиз, «ЛАА ИЛАҲА ИЛЛАЛЛОҲ» ни айтинг!

Оз бўлсада, садақа беринг. Қурбингиз етмаса, ширин сўзингиз билан, ёки, табассумингиз билан бўлса ҳам!

Намозларда саждага борганингизда, қалбингиз то бироз бўлсада хотиржамликни ҳис этмагунча қайтманг.

Бирор сўз айтишдан олдин, уни мулоҳаза қилиб кўринг. Айрим парво қилмай айтилган гаплар бўладики, эшитган кишини тирик ўликка айлантиради!

Бирор мазлумнинг дуоибатига учраб қолишдан огоҳ бўлинг!

Ҳар қандай мақола, газета ва журналлар-у, китоблардан олдин, бир бора бўлса ҳам Қуръонга мурожаат қилинг!

Оилангизга кунда бир бора бўлса ҳам Аллоҳни эслатинг!

Нафс, ҳамиша ёмонликка буюрувчидир. Сиз, унга қарши қаттиқ кураш эълон қилинг!

Ғазаб қилмасликка ҳаракат қилинг!

Энг кучлиларнинг кучлиги, энг қудратлиларнинг Қудратлиги сиз билан эканини ҳис этиб яшанг!

Гуноҳларга тавба қилишни асло канда қилманг.

Сабрли бўлинг!

Салбий гумонлардан мутлақо йироқ бўлинг. Зеро, инсонни барбот қилувчи иллат, ўзгалар ҳақидаги салбий гумонлардир.

Аллоҳдан юз ўгиришга сабаб бўлувчи омиллардан йироқлашинг!

Мўминларга озор бериб қўйишдан эҳтиёт бўлинг!

Бугунги ахлоқингиз, кечагидан гўзалроқ бўлсин. Ҳеч бўлмаганда ёмонлашмасин.

Ҳаққингизда хатоликка йўл қўйган кишиларни гуноҳидан ўтинг. Хусусан улар, аҳли -оилангиз, яқинларингиз, дўстларингиз бўлса!

Намоз, юзингизга нур, ишларингизда муваффақият, қалбингизга ёруғлик бағишлайди. Уни доимо муҳофаза этинг!

Жаҳаннам оташини тез - тез тасаввурингизга солиб туринг. Чунки, маъсиятлардан узоқлаштиради!

«Ҳар бир қийинчилик билан бир енгилчилик бордир» оятини тез - тез ёдга олиб туринг!

Турли миш - мишлардан йироқ бўлинг!

Амалларингиз ўз ҳисобингизда қолишини тааминланг. Бунинг учун ғийбатдан йироқ бўлинг.

Оилангизни севинг, уларга ширин сўз бўлинг, дардини тингланг! Зеро, энг яқин кишиларингиз, оила аъзоларингиздир!

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-01-31 04:00:07 АССАЛОМУ АЛАЙКУМ

Ҳайрли тонг!

•Мусаффо тонг ва олдинда бизни кутаётган янги кун барчамизга муборак бўлсин.!!

•Аллохим ҳадя этган яна бир имкон муборакдур... Азизлар сизларни ҳеч вақт қалб гўзаллиги тарк этмасин...

•Кунингиз мазмунли, барокатли бўлсин. Ўзингизни ўзингизга керакли инсoнлар учун асранг- авайланг...

Ҳар бир бирингизни Яратган Эгам Ўзи қўллаб, паноҳида асрасин!!

Дам олиш кунингиз барокотли ўтсин

https://telegram.me/joinchat/AAAAAE77ZBOqBE_0idg08Q Ochish/sharhlash

2021-01-30 19:30:04 ​​АЖОЙИБ ХОТИМА!

(Ҳаётий воқеа)

Асли испан бўлган бир америкалик йигит тонг пайти Нью Йоркнинг Бруклин шаҳридаги масжидлардан бирига кириб, биродарларга: «Мен Исломни қабул қилмоқчиман», дебди. Улар унинг кимлигини сўрашибди. У эса: «Мендан ҳеч нарса сўраманглар, фақат мени йўллаб қўйинглар», дебди. Биродарларнинг йўл-йўриқ кўрсатишларидан сўнг йигит ғусл қилиб, шаҳодат калимасини айтиб, мусулмон бўлибди. Сўнг унга намоз ўқишни ўргатишибди. У ғоят ҳушуъ билан намоз ўқибди. Унинг ҳушуъси, саждаси ва намоздаги йиғисини кўриб, масжид аҳли ўзларини жуда ҳақир санаб қолишибди ва унинг ҳолатидан ажабланишибди.

Учинчи куни бир мисрлик биродар у билан ёлғиз қолиб, секин гапга солибди: «Эй биродар! Сенда бир гап бор, менга айтгин», дебди. Шунда йигит айтибди:
«Мен ўзим насроний хонадонида ўсиб-улғайган, қалбим Масиҳ алайҳиссаломга қаттиқ боғланган эди. Лекин одамларнинг аҳволини кузатиб, мутлақ кўпчилик Масиҳнинг ахлоқидан тамомила бегона бўлиб кетганини кўрдим. Шундан сўнг, Ислом ҳақида қизиқиб кўрдим, у ҳақда ёзилган китобларни ўқидим. Аллоҳ дилимни Исломга очди. Мен сизларнинг олдингизга келган куним тунда чуқур ўй-фикрлар оғушида ухлаб қолибман. Тушимда Масиҳ алайҳиссалом келиб, кўрсаткич бармоқлари билан мана бундай ишора қилиб: «Муҳаммадий бўлгин», дедилар. Шундан сўнг чиқиб, масжид қидирдим ва Аллоҳ мени сизларнинг масжидингизга йўллади».

Мана шу суҳбатдан кейин муаззиннинг ҳуфтон намозига чорловчи азон овози эшитилибди. Ҳалиги йигит ҳам намозхонлар билан сафга турибди. Имом биринчи ракатда сажда қилиб, ўрнидан туриб, иккинчи ракатни бошлабди. Лекин йигит саждадан бош кўтармабди. Ёнидаги одам уни секин туртган экан, йигит ёнига йиқилибди. Билишса, у аллақачон руҳини Аллоҳ жалла ва аълога топшириб бўлган экан. Аллоҳу акбар!!!

Аллоҳ йўлидаги биродарим! Аллоҳ ҳаққи, бу гўзал хотима ҳақида бир ўйланиб кўринг.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash

2021-01-30 17:40:03 АНГЛАГАНИМ

Етар энди ўз айбим қолиб,
Ўзга айбин тўғриламайман.
Яшамайман бир лаҳза нолиб,
Ҳаётимни ўғирламайман.

Излайвердим, охири топдим,
Хулқимдаги яхши ёмоним.
Нафратниям қучоқлаб ўпдим,
Кўрсатганда ожиз томоним.

Унвон каби кўксимга тақай
Рақибларим киноясини.
Бир чиройли қилиб тугатай
Кутган аянч ҳикоясини.

Эслайвермай тез ўчираман,
Қилган кўрган хатоларимни.
Аълосига алмаштираман,
Олган икки баҳоларимни.

Тингламайман ғамнинг овозин,
Бехуда дил тиғлаб юрмайман.
Орзу қилиб бургут парвозин,
Чумчуқман деб йиғлаб турмайман.

ШАҲНОЗА РЎЗИЕВА

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q Ochish/sharhlash