📚ONA TILI — MILLAT RUHI.🌿 O‘ZBEKISTON FILOLOGLARI🕊

2023-05-20 12:35:10 А С А Л А Р И

(20-май "Бутунжаҳон асаларичилар куни"

Гулдан гулга қўниб йиғар бол,
Тинмас сира тонгдан шомгача,
Гул умрини қилмасдан увол,
Ризқин терар Мисру Шомгача.

Ўзгаларга айтмас дардини,
Ва улардан кутмас марҳамат,
Юмушидан бахтиёр ҳар он,
Меҳнатини қилмайди миннат.

Ўздан кечиб бир умр тинмай,
Асалари мағрур болидан,
Кошки ҳар бир банда нолимай,
Рози бўлсин бахт-иқболидан.

МУХТОР  ПАРДАЕВ
ҚАШҚАДАРЁ ВИЛОЯТИ,
МИРИШКОР ТУМАНИ

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-05-20 09:08:04 Болаликни хотирлаб



Ассалом синфдош, Ассалом устоз!

Болалик онларим, ширин хаёллар,
Мактаб қучоғига чорлайверади.
Бахтли болаликнинг хотиралари,
Қалбимнинг қўрида порлайверади.

Ёшлигим баҳори ўтган дамларим,
Эртаклар сайлига этар саёҳат.
Биримиз Алпомиш,биримиз Барчин,
Бўлиб саҳналарда қилардик роҳат.

Мактабим бағрида улғайдик ёшлар,
Шаклланиб борди дунёқарашлар.
Ичимиздан чиқиб Тоҳир, Зуҳролар,
Сотиб қўярдилар ақли бебошлар.

Эндичи салмоқли, шахти ўзгача,
Ўйлаб ечим берар ҳар бир сўзгача.
Бириси бобо-ю, бириси буви,
Аммо ўша қараш, қошдан кўзгача.

Қанча йиллар ўтиб ҳамон ўшасиз,
Устоз муҳаббати юзларингизда.
Уларнинг ўгити, уларнинг ишқи,
Барқ урар, ўшандек кўзларингизда.

Мактабим, устозим, синфдошларим,
Барингиз қадрлик буюкларимсиз.
Энг ёрқин дамлардан хотира бўлган,
Ҳаётимда азиз суюкларимсиз.

Ассалом синфдош, Ассалом устоз!



Шоира БЕРДИЁРОВА.

https://t.me/ona_tilim_millat_ruhi Ochish/sharhlash

2023-05-20 09:07:12 ИШҚ

Дунёни тўлдириб гуллагим келар,
Аммо гул қайдадир, кўнгул қайдадир?
Ким у — қуёшни май қилиб тутган,
Ким у — юрагимни қиймалаган сир?

Мен ким дунёнинг бурчида бадар,
Ўйлари санқиган, хаёли дайди.
Кўнглумда бир гул бор, билар ҳаммани,
Афсуски, у гулни ҳеч ким билмайди.

Энди нилуфарнинг баргчаларидан
Бир уй қураман, мусаффо манзил.
Осмон, бўш қолдим, деб ўртанма ёмон,
Кел, менинг кўзимга, кўзимга осил.

Бир гул гуллигидан сўзлайди охир,
Дилимга илоҳий ифорлар елса.
Ахир, нима қилай тинмай ёнса дил,
Дунёни тўлдириб гуллагим келса.

Ғайрат МАЖИД

Уланиш учун: https://t.me/ona_tilim_millat_ruhi Ochish/sharhlash

2023-05-20 09:07:12 * * *
Балки, ҳали мол-давлатинг кам,
Кўргандирсан фойдамас, зарар.
Куйинмагин, тиш берган Эгам
Ризқини ҳам бир жойдан берар.

Дўстим, Азал китоби ичра
Қисматимиз ёзиғлик экан,
Бил, бесабаб бирор банданинг
Оёғига кирмаган тикан.

Бугун очмиз, эртага тўқмиз,
Бу дунё – бир кўҳна тегирмон.
Бугун бормиз, эртага йўқмиз,
Бир “пуф” десак, чиқиб кетар жон.

Шундай экан, тинмай югуриб,
Топган молинг бергайми фойда.
Ҳаммамиз ҳам охири бориб
Ётажакмиз совуқ бир жойда.

Ундан кўра, юракни ёқиб,
Эл-юртим деб бағрингни тиғла.
Ботаётган қуёшга боқиб,
“Умрим ўтиб борар...” деб йиғла.

Ҳаром-ҳариш сари кўп чопмай,
Ҳалол ризқим топай деб куйин.
Қара, нурдай оқиб борар МАЙ,
Қара, селдай келмоқда ИЮНЬ...

Абдунаби ҲАМРО

Уланиш учун: https://t.me/ona_tilim_millat_ruhi Ochish/sharhlash

2023-05-20 09:01:01 #SOʻNGGI_QONGʻIROQ_QALBIMDA_TITROQ

OʻZBEKISTON RESPUBLIKASI
Toshkent  viloyati  Angren shahar
8- umumiy oʻrta ta'lim maktabining 8-A  sinf  o‘quvchisi 
Sultonboyeva Surayyoning  25- may "So‘ngi qo‘ng‘iroq" tadbiriga bagʻishlab tayyorlagan videoroligi

Murojaat uchun: @Jurnalist_filolog

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
@ONA_TILIM_MILLAT_RUHI Ochish/sharhlash

2023-05-20 03:59:44 # Я Н Г И    Т А Р Ж И М А

Қалам бирла биров туҳмат битодур,
Муҳаббат-ла биров мактуб ёзодур.
Худонинг раҳмати бўлсин ул касга,
Ҳақиқатни ҳақиқат деб ёзодур.

АБРОРИ АҲРОРИЁН
МУХТОР ПАРДАЕВ

Тожик тилидан ўзбекчага ўгирди. Ochish/sharhlash

2023-05-20 03:41:54 Деразамнинг остида тонгда
сайраган қуш, сизмасму, ота?!

Хуршид Даврон

Азим Муллахонов

https://t.me/ona_tilim_millat_ruhi Ochish/sharhlash

2023-05-20 03:41:54 Мени одам этган,
Азизим онам...

Насиба Абдуллаева

https://t.me/ona_tilim_millat_ruhi Ochish/sharhlash

2023-04-26 21:01:30 Mavjuda Irgasheva Ochish/sharhlash

2023-04-26 21:00:30 #ULUGʻIMSAN_VATANIM!

OʻZBEKISTON RESPUBLIKASI
Toshkent viloyati Nurafshon shahar
73- umumiy oʻrta ta'lim maktabining ona tili va adabiyoti fani o‘qituvchisi 
Mavjuda  Irgashevaning oʻzbek xalqining sevimli shoiri MUHAMMAD YUSUF tavalludining 69 yilligiga bagʻishlab
"Ulugʻimsan,Vatanim!" shiori ostida tayyorlagan videoroligi

Murojaat uchun: @Jurnalist_filolog

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
@ONA_TILIM_MILLAT_RUHI Ochish/sharhlash