📚ONA TILI — MILLAT RUHI.🌿 O‘ZBEKISTON FILOLOGLARI🕊

2023-04-26 20:08:26 Rahmonqulova Zarnigor Ochish/sharhlash

2023-04-26 20:07:31 Yo'ldosheva Iroda Ochish/sharhlash

2023-04-26 20:05:59 Xolmo'minova Madina Ochish/sharhlash

2023-04-26 20:04:51 Nusratilloyeva Farangiz Ochish/sharhlash

2023-04-26 19:59:05 #ULUGʻIMSAN_VATANIM!

OʻZBEKISTON RESPUBLIKASI
Namangan viloyati CHortoq tumani
1- umumiy oʻrta ta'lim maktabining ona tili va adabiyot fani o‘qituvchisi
Rahmatullayeva Dildoraning oʻzbek xalqining sevimli shoiri MUHAMMAD YUSUF tavalludining 69 yilligiga bagʻishlab
"Ulugʻimsan,Vatanim!" shiori ostida "O‘zbekning erka shoiri" mavzusida tayyorlagan videoroligi

Murojaat uchun: @Jurnalist_filolog

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
@ONA_TILIM_MILLAT_RUHI Ochish/sharhlash

2023-04-26 19:46:39 Муҳаммад Юсуфга битилган энг гўзал марсия!

Назира ас - Салом.

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-04-26 19:46:39 ИҚРОР

О, ота маконим,
Онажон ўлкам,
Ўзбекистон, жоним тўшай соянгга.
Сендай меҳрибон йўқ,
Сенингдек кўркам,
Римни алишмасман бедапоянгга.

Бир гўша сув бўлса, бир гўша қирлар,
Қанча юртни кўрдим, қанча тақдирлар.
Қайга борсам суяб, бошни тик тут деб,
Тоғларинг изимдан эргашиб юрар.

Кўрдим сулувларнинг энг фарангларин,
Ё худбинман ё бир содда касман мен:
Парижнинг энг гўзал ресторанларин,
Битта тандирингга алишмасман мен.

На гапга кўнайин,
На тил билайин,
Кўздан уйқу қочди, дилдан ҳаловат.
Уч кунда соғинсам нима қилайин?..
Чала қолар бўлди ҳамма саёҳат.

Билдимки, баридан улуғим ўзинг,
Билдимки, яқини шу тупроқ менга.
Баҳорда Бахмалда туғилган қўзинг
Араб оҳусидан азизроқ менга.

Сен билан ўтган ҳар кун байрам-базм,
Сенсиз бир он қолсам ваҳмим келади.
Сени билганларга қиламан таъзим,
Сени билмасларга раҳмим келади.

Муҳаммад ЮСУФ

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-04-23 19:11:17 ДЎСТЛАРИМ 
(баллада)
Ассалом деб хабар келар, хабар шому- ироқдан,
Алайкум деб бош эгаман, юзларимда табассум.
Аллоҳим сен асрагайсан, яқинларим фироқдин,
Севги билан боқай дунё,кўзларимда табассум.

Гоҳ шимолдан,гоҳ жанубдан, омонмисан дўст дерлар,
Гоҳ дўстликнинг шаббодаси, машваратга айланур.
Талабалик олтин даврим, бўлмас
каму - кўст дерлар,
Дўстлик сўзин  маҳобати, саодатга айланур.

Шукр дейман тенгқурларим,
улуғлиги ,  шонига,
Чорлашади ғарбу- шарққа, таклиф келар висолга.
Шундай қилиб яратганга, шукур,берган нонига,
Дастурхонлар кенгаяди,  сўзлар айланар  болга.

Биз ўқидик , илм олдик, дунёда зўр шаҳарда,
Ўртамизга нон, туз қўйдик , дўстлик дедик,дўст дедик.
Бу йўлларда қоқилса ким, суягаймиз агарда,
Бир - биримиз фахр этдик, дўстим доим ўс дедик.

Ёшлик эди , бизга ғамлар, бизлар дедик чикора,
Беш йил ўтди , китоб билан, тўлди шеърий дафтарлар.
Оқшомлари байрам қилиб , Москов эди овора,
Биз шаҳарни тўлдирардик , учган каби каптарлар.

Ер шарининг ўртасида,ёшликнинг бўронлари,
Гоҳ тинимсиз ёмғир бўлиб, дарё бўлиб  тошдилар.
Минг чиғириқ,бўҳронлардан, ўтдик ёшлик онлари,
Дўстлигимиз  дарё, денгиз,уммонлардан ошдилар.

Шаффоф эди, гўзал  дунё,  бахтга шошилтирарди,
Эшик қолиб деразадан,  осмонларга учардик.
Тоғлар тутиб елкасини, шахдга шошилтирарди,
Биз космосни шеърга солиб,  юлдузларни қучардик.

Ҳужжат олиб, даҳоликка  ҳар томонга учдик биз,
Юртга келиб оёғимиз,  ерга теккани ростдир.
Тошкент, Киев, Маҳачқалъа, Софиялар қайдасиз,
Мўғулистон, Баку, Тифлис, Кавказ дегани ростдир.

Чех дўстимдан келар хатлар, Еревандан саломлар,
Араб дўстим Муҳаммаддан,билмам нега дарак йўқ.
Қозоқ, қирғиз, туркман қизлар, Қорақалпоқ , аварлар,
Чечен синглим, Олтой,  Саха, келгин дея урар дўқ.

Дунё асли дўстлик билан, йўғрилгани рост экан,
Оёғимга тикан кирса, дўст юрагин ушлайди.
Юз сўм пулмас,юзта дўстинг, бўлса агар бўлар  кам,
Улар борки, бегона ҳам,кулиб кўнглинг хушлайди.

Дўстларим бор,бири шоир, бири ёзар романлар,
Эшигимни тақиллатиб,кириб келар китоби.
Бу дунёнинг  хабарчиси,китоб ташир замонлар,
Яхшиликка,зукколикка таклиф бўлар хитоби.

Биз тинчликка қўл қўйган шу  -  биз толиби илмлар,
Сиёсатлар хизмат қилар, асли  биздай урвоққа.
Биз деганда олим яна  уламо-ю, билимлар,
Тайёр турар  халқлар билан, буюк замон қурмоққа!

О, ёшлигим , илмгоҳим, менинг даҳо дўстларим,
Қайда бўлсак, адаб илмин,турли тилда ёздик биз!
Бутун дунё ўзгарса ҳам, дилда сафо дўстларим,
Бу умрни   бирга -  бирга , ёруғ  дилга ёздик биз!
23.04.23.

Dilbar Haydarova

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-04-23 19:11:16 Замин билан осмон — сену менман,
Саҳар билан оқшом — сену менман.
Еру осмон аро бир ишқ бордир —
Ишқдан бунёд ҳижрон — сену менман.
Куздаги икки япроқ — сену менман,
Баргдаги митти фироқ — сену менман.
Жоним, фироқ аро бир севги бор,
Фироқда қолган чироқ — сену менман.
Машриқ билан Мағриб — сену менман,
Мағлуб, яна мағлуб— сену менман.
Жоним, мағлубликда бир умид бор —
Йўлларда сарсон мактуб - сену менман.
Олов билан олов — сену менман,
Олов ичида биров — сену менман.
Жоним, олов ичра шаҳидлик бор —
Ёниб қолган ялов — сену менман.
Қуёш билан қуёш — сену менман,
Кўз ёшга томган кўз ёш — сену менман
Ҳар томчи ёшимизда додимиз бор —
Доддан бунёд икки тош — сену менман.

Усмон АЗИМ

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-04-23 06:58:58    DIQQAT!!! TANLOV 

Aziz  o‘quvchilar, talabalar va o‘qituvchilar

O‘zbek elining sevimli farzandi,  O‘zbekiston xalq shoiri Muhammad Yusuf tavalludiga 69 yil to‘lishi munosabati bilan

   "ULUG‘IMSAN VATANIM! "

mavzusidagi tanlovimizda ishtirok eting!

Tanlovga shoir ijodiga oid videorolik, dars ishlanma, esse, taqdimot, tadbir ssenariysi, maqola, she’r, shoir ijodidan audioshe’rlar qabul qilinadi.

Ijodiy ishlar 04-mayga qadar qabul qilinadi.

Ishtirokchilarning barchasiga ijodiy ishi kanalda yoritilgan kuni bir sutka davomida  DIPLOM beriladi.

Tanlov g‘oliblari 05-may kuni e’lon qilinadi, g‘oliblarning ijodiy ishlari sifati, tanlov shartlariga mos kelishiga ko‘ra hamda ovoz yig‘ish orqali aniqlanadi.

Eslatma: Tanlovda ishtirok etish 15 ming to‘lov asosida!
Ishtirok etish ixtiyoriy.

Murojaat uchun
     @jurnalist_filolog

  Tanlov kanali manzili:
@ONA_TILIM_MILLAT_RUHI Ochish/sharhlash