📚ONA TILI — MILLAT RUHI.🌿 O‘ZBEKISTON FILOLOGLARI🕊

2023-06-05 07:59:09 5-iyun - Xalqaro atrof-muhitni muhofaza qilish kuni

TABIAT MADHI

Koʻzimga toʻtiyo tuprogʻim mening,
Toʻrt fasli rango-rang gulbogʻim mening,
Avvalim, oxirim, panohim mening,
Nurafshon makonim, jonimga payvand -
Ona tabiat.

Bir tomonda - voha, bir tomon - vodiy,
Anhorlari zilol, osmoni moviy,
Shovullagan bogʻlar - jannat - ilohiy,
Yurtim jamoliga koʻrk qoʻshgan ziynat -
Ona tabiat.

Nish urgan har giyoh jismingga malham,
Toʻyib boqsang, ruhing topar xotirjam,
Yaratganning kashfi - bunda hikmat jam,
Zavqlanib yashashga chorlaydi faqat
Ona tabiat.

Jilgʻalar - mugʻanniy, qushlar - gʻazalxon,
Toshdan toshga sakrar ohu bearmon,
Togʻlar havosidan orom olar jon,
Alloh ato etgan tabarruk neʼmat -
Ona tabiat.

Gohida boshimni silagan onam,
Goho mendan mehr soʻragan bolam,
Koʻksida ming tilsim, ming sirli olam -
Dunyoni lol etgan betakror hayrat -
Ona tabiat.

Inobat RIZAYEVA.

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-06-05 04:37:13 Жоним асир зулфингдаги илмоқларингда,
Илмоқ эмас,дил илинган
қармоқларингда..

@ISHQ_ROZLARIM Ochish/sharhlash

2023-06-05 04:09:32 Интернетсиз бир кун

Қишлоқ барибир бошқача-да. Эрталаб сигир-бузоқнинг маърашию, танани сескантирувчи елдан уйғониб кетаман. Яна бир кун, янги ташвишлар бошланади.
Энди буёғини сўрасангиз, замонавий ёшлар айтганидек ҳаммаси «окей», аммо кичкина муаммо бор. Айтсаммикин ёки айтмасам? Қишлоқда ҳаво беғубор эмас, дейсизми? Бе, шундай тозаки, ўпкани тўдириб нафас олар эканман, бутун дил-дунёйим равшанлашиб кетади. Айни ёз бўлганидан ҳаммаёқ ям-яшил, боғларда сайроқи қушлар, дала-даштда меҳнаткашлар тинмайди. Хуллас, китобларда тавсифланадиган «сахий ва қувноқ ёз»нинг ҳақиқий кўриниши!
Бу тарафдан-ку эътироз йўқ. Аммо қишлоққа келганимда бир-икки кун ўтгач, ўзимни қўярга жой тополмай қолдим. Шаҳарда юрган вақтимда қишлоғимизнинг баланд тоғлар билан ўралган водийда жойлашгани ва сиз таҳлил ва танқид қиладиган «ўргимчак тўри»нинг  яхши ишламаслигини бироз унутиб қўйибман. Мендек «зукко ва янгиликка интилувчи» талабага эртаси куниёқ интернет зарур бўлиб қолди.  Дарҳол уяли телефонимни олиб ишга киришдим. Афсус, қани энди «сигнал» деган нарса кўринсаю, телефоним қимир этса?! Бирпасда совуқ терга тушдим. «Шошганда лаббай топилмайди» деганларидек ойим буюрган ишлар ҳам эсимдан чиқиб кетибди. Ҳамма ҳайрон. Худди чироқ ўчиб қолиб, ўйиннинг давомини кўрмай қолган футбол ишқибози каби ғамга ботиб қолдим. На «ҳаётнинг ёрқин тарафида бўлиш»га ундайдиганлар, на «бир қадам олдинда бўл» дея даъват этадиганлар менга ёрдам бера олдилар.
Вақт худди бир жойда қотиб қолганга ўхшайди. Бошқа юмуш йўқлигидан атрофни жимгина кузатишга қарор қилдим. Шунчаки разм солиш ғалати машғулот, аммо мундоқ ўйлаб қарасам фойдали экан. Нуқул матн ва тасвир билан қотиб қолган нигоҳни жонли ифода аста-секин юмшатиб, бойитиб боради, ўшанда киши ҳаётнинг гўзаллигию, ҳар бир «ҳаёт» деб турган ҳужайранинг мўъжиза эканлигини англаб етади.
Аммо унинг ҳам ўз чегараси бор. Соатга қарасам ҳеч қанча ҳам вақт ўтмабди. Ов-асбобни кўтариб, боғга отландим, ахир у ерда ажойиб гуллар, сабзавотлар, мевалари ғарқ пишган ва пишаёзган дарахтлар кўп эди. «Қалам тегди — қўл тегди» қабилида у бу жойни кетмон билан тирнаган бўлдим. Жўякларга сув тарадим. Иш асносида кўкка боқаман, назаримда, қуёш қимир этмайди, уфқнинг чеккасига ёпишиб қолгандек.
Шу пайтда «Facebook»да нималар бўлаётган экан-а?
Боғдан қайтганимда ҳам қуёш ботмаган эди. Анҳорнинг салқини уриб турган салқин томонга қараб қурилган хонамда китобларим уюлиб ётган экан. Негадир аввал уларга эътибор бермас эдим, энди кўзимга китоблар ғаройиб ва қизиқарли туюлиб кетди.
…Мутолаадан зерикканимда қош қорайганди. Олдинда бутун бошли тун турардики, мен уни қандай ўтказишни билмас эдим. Мен уни нимага сарфлашни билмасдим. Ҳатто хаёлимга тузукроқ нарса келмасди. Тасаввур ва ўйларимнинг нақадар ғариблашиб қолганини ҳис қилдим.
Соат миллари эса ҳамон имиллаганича юриб борар эди.
Ҳамма нарсанинг давоси вақт, дейдилар. Кунлар ўтиши билан «интернетсизликка» ҳам ўрганиб қолдим. Энди мени табиат жозибаси, китоблар завқи ва муҳаббат қиссалари ва тоғнинг муздек нафаси олиб келадиган кумушранг дарё қизиқтирар эди.
Сиз-чи, қишлоғимизга бир келмайсизми?

Улуғбек Орипов

Бошқаларга  УЛАШИНГ
══════════════

Kanalga obuna bo'lish:
@ONA_TILIM_MILLAT_RUHI Ochish/sharhlash

2023-06-05 04:03:53 #Бисмиллаҳ

Ассалому Алайкум  Хайрли ТОНГ ЯХШИЛАРИМ !!!

Аллоҳим берган яна
бир кунингиз сиз
ўйлаганданда чиройли
бўлишини тилайман!!!

Аллоҳ раҳмат у барокат уруғларини оилангизга ҳадя этсин!

Савобларга тўлиб
яшанг қадрдонларим!!!
Аллоҳ барчангизни ўз паноҳида асрасин!!!

Эрта тонгда неки ният қилган бўлсангиз ижобат бўлсин.
Кунингиз хайрли ва барокатли ўтсин!

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-06-05 04:02:47 Ғ А М  Е М А

Бул ҳаёт дардингни билса, билмаса ҳам ғам ема,
Сен билан босса қадам, босмаса ҳамки ғам ема,
Ҳар касу нокасга қалбинг сирини этма аён,
Дўстларинг сирдошинг ўлса, бўлмаса ҳам ғам ема.
Шоҳмотнинг донаси бир қолиб узра айланар,
Гар рақиб андиша қилса, қилмаса ҳам ғам ема,
Ўзганинг молига кўз тикмайди асло мард киши,
Гар чўпон молингни боқса, боқмаса ҳам ғам ема.
Озарахшо, сўз Худосидан ўзингга лутф сўра,
Гар шеърингни беғам одам ўқиса, ўқимаса ҳам ғам ема.

ОЗАРАХШ
МУХТОР ПАРДАЕВ
Тожик тилидан ўзбекчага ўгирди.

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-06-04 18:28:23 ЁЗ  ТУНИ

Энг ёруғ, хуш кўрган чўпчакларини
Юлдузларга айтиб кетади ҳилол.
Гулларнинг муаттар кўйлакларини
Ҳидлаб, девонага айланар шамол.

Бир четда шовуллаб куймаланар боғ,
Ҳансираб, тер тўкиб бир зум тинмайди.
Оғочлар  ларзонга айланар шу чоғ,
Еллар нағмасига  парво қилмайди.

Тугайди ҳилолнинг эртаклари ҳам,
Боғлар пешвоз чиқиб тиз чўкар тонгга.
Сўнгра кўкси тўла саховат билан
Ризқ-рўз улашар Ўзбекистонга.

                         Инобат РИЗАЕВА.

Kanalimizga a'zo bo‘ling!
 @ONA_TILIM_MILLAT_RUHI Ochish/sharhlash

2023-06-04 15:08:06 BUGUN ONLAYN TEST!
BARCHA 100% QATNASHISHI SHART!

YUTUQ: 1.000.000 SO'M!

Bugun yakshanba, 4-iyun kuni Oliygoh.uz platformasi va Toshkent menejment va iqtisodiyot instituti hamkorligida Respublika miqyosidagi keng qamrovli navbatdagi 46-onlayn diagnostik imtihonga start beriladi.

Onlayn imtihon xuddi DTM standartida tashkil etilib, barcha fanlardan kirish imtihonlari andozasidagi 5 BLOKLI test savollari taqdim etiladi.

Umumiy sovrin: 1 mln so'm
G'oliblar soni: 20 nafar
Imtihonda qatnashish: BEPUL

BLOK TEST barcha fanlardan bo'lib o'tadi. O'zingizga mos yo'nalishni tanlang:

Huquq + Ingliz tili
Ingliz tili + Matematika
Ingliz tili + Ona tili
Kimyo + Biologiya
Matematika + Ingliz tili
Matematika + Ona tili
Matematika + Fizika
Ona tili + Ingliz tili
Ona tili + Matematika
Ona tili + Tarix
Tarix + Geografiya
Tarix + Ingliz tili
Tarix + Ona tili
Biologiya + Ona tili
Biologiya + Kimyo
Kimyo + Matematika
Geografiya + Matematika
Boshqa yo'nalishni tanlash

Testning afzalliklari:

DTM standartidagi savollar
Asosiy fan + majburiy fanni tanlash
Barcha fanlardan blok test
To'g'ri javoblar tahlili
Umumiy natijalar mandati
Test yakunida barchaga sertifikat
Pul yutib olish imkoni
Yuqori ball olganlar TMII OTMga imtihonsiz qabul qilinadi.

Eng muhimi, test yakunida qaysi oliygohga kirishingiz mumkinligi haqida tahliliy ma’lumotlar beriladi.

Ma'lumot uchun, TMII Instituti - xalqaro darajadagi yuqori malakali o'qituvchilarga ega hamda amaliy o'quv dasturi asosida iqtisodiyot, moliya va bank ishi sohalarida malakali kadrlar yetishtirib chiqarayotgan Respublikadagi nufuzli nodavlat oliy ta'lim muassasasi hisoblanadi.

Testga ro'yxatdan o'tish:
Ro'yxatdan o'tish
Ro'yxatdan o'tish Ochish/sharhlash

2023-06-04 15:08:06 ONA TILI — MILLAT RUHI. O‘ZBEKISTON FILOLOGLARI pinned Deleted message Ochish/sharhlash

2023-05-21 21:43:10 Qo‘llanma: Tutuq belgisili so‘zlar
DTM testlarida tushadi
Manba: "Imtihon" gazetasi
Formati: Pdf

Бошқаларга  УЛАШИНГ
══════════════

Kanalga obuna bo'lish:
@ONA_TILIM_MILLAT_RUHI Ochish/sharhlash

2023-05-21 21:43:10 #Juda_kerakli

Bir xil nomli
Asar yozgan ijodkorlar

Бошқаларга  УЛАШИНГ
══════════════

Kanalga obuna bo'lish:
@ONA_TILIM_MILLAT_RUHI Ochish/sharhlash