Nmuvahhida

2022-10-06 05:11:50 Assalomu alaykum va rohmatullohi va barokatuh

Foydali manba ekan, sizlarga ham ilindim.


Kuningiz xayrli bo'lsin, azizlar


t.me/nmuvahhida_nigora Ochish/sharhlash

2022-10-06 05:10:57 Зеҳн ва хотирани кучайтирувчи омиллар

Одинахон Муҳаммад Содиқнинг «Келинг, Қуръон ёдлаймиз» китобидан.

Manzlimiz 》@Myy_PDF_Book : Ochish/sharhlash

2022-10-05 15:39:42 -Кўрдим қизим, кўрдим. У аввал мени тўхтатмокчи бўлиб иккиқ ўлини хавода силкитди, тўхтата олишига ишончи сўнгач жон ҳолатда сени итариб юборди. Ўзиям бошдан оёқ оппоқ кийиниб олганди…Мен ҳам мўъжиза туфайли тўхтадим қизим. Сени уриб юборганимда нима бўларди. Қариган чоғимда...Э тасаввур ҳам қила олмайман.

Сўнг аллақанча пулни кафтимга тутқазди.

-Мана, буларни ол! Ҳеч нарса қилмаган бўлсада, талаба экансан. Бирор кунингга ярар. Мен мингдан-минг розиман. Сен ҳам мендан хафа бўлма!

Бош чайқаб, эътироз билдирар эканман, калима қайтариш билан банд эди. Ахийри тилга кирдим:

-Пулингиз керак эмас! Шу ерда ўтириб битта тиловат қилиб юборсангиз етади.

Унга олис қишлоқдаги ғаройиб опам, унинг онаси ва албатта тушим хақида айтиб бердим. Шундагина хайдовчининг елкалари силкиниб йиғлаётганига эътибор берибман. У овози титраб, Яратганга шукроналар келтирарди...

Хайдовчи ўзимни қўйиб юбормади. Ётоқхонага ўша оқ "Нексия"да қайтдим. Келгунча шукрона айтиб чарчамаган одамга оқ йўл тиладим.

Ўзим ҳам пичирлаб, дуода эдим. Ғайб олами, нариги дунё деган гаплар бор эканда. Уни кўрмадимку! "Бандасидан қайтмаса Худодан қайтсин!" деб кузатган холани эсладим. Наҳотки у мени қутқариб қолди? Қандай? Қанақасига? Балки у кампир бошқадир?Буткул бегонадир? деган жавоби йўқ саволлар гирдобида эдим. Балки фариштадир! Балки умуман бегона бир одамдир. Аммо ким бўлишидан қатъий назар, у хайдовчи айтгандай кетиб қолмаган. Ҳа, ҳеч қаерга кетмаган. У мен билан бирга, ёнимда келаётган эди.

Хаёл билан тўртинчи қаватга кўтарилганимни ҳам билмай қолибман. Хонамга кирар чоғим кимдир чақириб қўлимга хат тутқазди. Қадрдон хаджилдни, номанинг эгасини таниб, шоша-пиша очдим.

“ Яхшимисиз дўхтир қиз? Бугун туғилган кунингиз экан, чин кўнгилдан табриклайман!”

деган ёзув турарди.

(Давоми бор)

2012-й.

Муаззам Иброҳимова Ochish/sharhlash

2022-10-05 15:39:41 ...Қанақадир пўртана сувли ариқ лабида ўтирибман, қўлимда бир дона куйган обинон. Уни лой сувга ботириб энди оғзимга солмоқчи бўлибман. Шу вақт қаердандир марҳума қудамиз келиб қолганмиш. Қўлимдан куйган нонни олиб, бир бўлак пирог тутқаздилар. Сўнг "ол қизим егин, бу торт" деб жилмайди. Хайронман, ахир кампир аллақачон ўлган бўлса.

Шу вақт қаттиқ шамол турибди. Энди кампир буйруқ берди: «Ариқнинг нариги томонига ўт! Сакра!» Мен ҳеч тушунмай, важоҳати ўзгарган кампирдан қўрққанимдан юзимни беркитдим. Шу вақт ёнимда унинг қизи пайдо бўлибди. “ Юринг бошқа қўшниларнинг ҳам уйига кириб чиқамиз. Бизни қанақа қариндошимиз борлигин кўришсин!” деб , хув ўшандаги каби судрай бошлади...

Чўчиб уйғондим. Тинчликмикин? Ҳеч тушимга киришмасди. Таҳорат олиб, келинимизнинг мархума оналари хаққига Қуръон тиловат қилдим. Аммо туш ҳам нимадандир дарак бериши рост экан.

... Навбатдаги имтихонни ҳам топширдим. Ўша куни эрталаб чой ичмаганим ва қорним қаттиқ очиққани учун пулимни чамалаб, йўл юзидаги нонвойхона томон бурилдим. Аксига олиб бир дона обинон қолибди, унинг ҳам ярми куйган эди. Ноилож ўша нонни олдим.

Одатдагидек олийгоҳ ва ётоқ хонамиз ўртасидаги катта йўлга чиқиб олдим. Чинорлар соясида пиёда кетаман. Уф, етиб олгунча бироз зерикар эканман. Ўртоқларим билан чақчақлашиб қайтишимиз мумкин эди. Улар кинога киришни ихтиёр қилишди. Мен хинд киносига унчалик хушим йўқ. Ундан кўра кейинги синовга тайёрланай. Ҳаёл суриб, сумкамдаги нонни чиқардим. Куйган жойини четлаб, бир бурда синдирдим. Энди ундан бир тишлам оғзимга солганимни биламан, дахшатдан тиқилиб қолай дедим. Не кўз билан кўрайки, катта тезликдаги оқ «Нексия" мен томонга ўқдек учиб келаётган эди. Рангим докадек оқариб, жойимда қотиб қолдим. У босиб кетма-кет сигнал бергани ёдимда . Сўнг...

Кўзимни очганимда атрофимни ўраб олган одамларнинг овози узоғлардан, ғўлдираб эшитилар аммо тирик эдим. Бир оздан сўнг қулоғим очилди. Баданимни бирор жойи тирналмаган, оғриқ йўқ. Нима бўлганини эслашга ҳаракат қиламану, довдираб одамларга мўлтирайман. Ранги оқариб кетган каттароқ ёшдаги одам, пиёлада сув тутди.

-Мана ичиб ол қизим. Ҳеч нарса қилмадими? Тормоз ўлгур ишламай қолди болам. Бир худо асради-да! Сени уриб юборганимда нима бўларди? Бола-чақамнинг бахтига фалокат рўй бермади.

Мен унинг гап сўзидан “Нексия”нинг хайдовчиси эканини англадим. Бечора менга гирдикапалагу шашқатор ёшлари сизиб дамба-дам шукрона келтиради. Ахволимни сўрайди. Сўнг нимадир ёдига тушди чоғи сакраб ўрнидан турди. Атрофга алангаб томошаталабларга бир-бир қараб чиқиб, савол билан юзланди:

-Халиги онахон қани?

-Қайси онахон! Аёллар йўқ бу ерда ака.

Одамлар елка қисиб,тарқала бошлашди. У анча вақтгача атрофга жовдираб, сўнг яна менга юзланди:

-Қизим, анув кампир қани?

-Қанақа кампир амаки?

-Сени ариқ томонитариб юборган кампирчи?

-Қанақа ариқ? Мени, ҳеч ким итаргани йўқ.

-Қўйсангчи қизим. Мана ариқ. Сен анави йўл четида келаётган эдинг. У сени итариб юборди.

Шундагина бўтана сувли ўзани кенгроқ ариққа эътибор берибман. Дархақиқат, мен хар куни дарсдан қайтадиган ва бугун учиб келаётган машинани кўриб михланиб қолган йўл қаердаю, хозирги ўтирган жойим қаёқда. Ўртада икки ярим- уч метрча масофа бор. Ўзим сакраб олишим даргумон. Биров олиб ўтмаган. қолаверса лойқаланиб тўлиб оқаётган ариққа ҳам йиқилмаганман,усти-бошим қуп-қурук.

-Нонингни босиб кетибман қизим.

Қарасам, ўша бир чети куйган нон боя ўзим тушган йўл четида эзғиланиб ётарди.

Лоп этиб кўрган тушим кино тасмадек ўта бошлади. Менга "торт" узатган марҳума қуда хола, унинг хат ёзмай қўйган қизи бирма-бир нигоҳимдан ўтишди. Беиҳтиёр мижжаларимда ёш халқаланди. Хайдовчи хайрон. Юпатиб далда берди.

-Қарая, кетиб қолибдида қизим. Мен бирга бўлсангиз керак деб ўйлабман.Миннатдорчилик ҳам билдирмабман.

Сўнг пул бермоқчи бўлиб, чўнтагини кавлади. Олмадим, бутун хаёлим тушимни таҳлил қилиш билан банд эди.

-Амаки, сиз ростдан ҳам мени ариқ томон итариб юборган кампирни кўрдингизми? Ochish/sharhlash

2022-10-05 15:39:41 Дархол жавоб ёздим. Эсимда қолган қўни-қўшнисига алоҳида салом ҳам ҳам йўлладим. Эртасигаёқ атайин оқ халатда , юзимга жиддий тус бериб суратга тушгач орқасига катта –катта қилиб ёздим.

“Родной опамга Тошкондаги катта дўхтир синглисидан!”

Ўшандан сўнг яна бирталай мактублар келди. Мен унинг хисобсиз илтимосларини бажаришга кўникиб қолгандим. Улар ғаройиб. Гоҳ юлдуз бўлган машхур қўшиқчи билан бирга тушган суратимни юборишимни сўраса, гоҳ самолёт ёки поезднинг олдида олинган расмларни талаб қиларди. "Опам" нинг кўнглига қараб, битта стипендиямга чипта олиб концертга тушганим, калондимоғ хонандадан гап эшитганим кечагидек ёдимда. Чунки ўша пайтда қўл телефонлари йўқ эди. Саҳна ортига ўғринча сураткаш бошлаб келсам, концертдан сўнг чарчаган хонанда хақоратлаб қувлаб солса бўладими. Унга ялиниб, ёлвориб, антиқа муҳлисаси ҳақида гапириб бериб аранг суратга тушиб, жўнатдим. Яна бир куни сураткашни Авиасозлар заводи олдидаги самолёт макети олдига, бошқа куни Темир йўл музейига бошлаб борганларим ҳам хангомаларга тўла эди. У Хатни қай тартибда ёзишимга ҳам эътибор берарди. Қўлимни қоғоз устига қўйиб, ручка билан юргизиб , бармоқларимга узук чизиб қўйишим майли, худди ўзидай қоғоз ва хатжилдни лаб бўёғ билан ўпишимни хохларди. Бўлмаса, соғинмаган бўлармишман.

Бўлажак шифокорлигим учун-ми, у каби хасталарнинг феъл-атворини тобора яхшироқ тушуна бошлагандим. Айниқса иккинчи курсдан хафтада бир марта 5-трамвай охиридаги “Рухий касаллар шифохонаси” га дарсга қатнай бошлаганимиздан сўнг. Уларининг феъли турфа. Чиройлиги ҳам, хуниги ҳам бор. Аммо ҳеч қайсиниси мен кўрган қизга ўхшамасди. Бир сафар хат жилд ичида сурат ҳам келди. Уни курсдошларимга кўрсатдим. Бир муддат суратга маҳлиё бўлиб қараб турган ўртоқларим шарақлаб кулиб юборишди:

- Роса кўнгилчансанда ўзиям. Ха, жиннилиги кўриниб турибдику! Нима, чиройли тентаклар йўқми?

Томоғимга тиқилган нарсани ютиб, суратни уларнинг қўлидан юлқиб олдим.

“Нима, сен унга ростдан сингил бўлмоқчимисан?” дея, важохатимдан қўрқиб кетган дугоналаримнинг очиқ-пинҳона кинояларининг охири йўқ эди. Аммо ҳаммасини ноябрнинг бошида келган “Дўхтир қиз, бу хатни ўзим ёздим” деган бир дона жумлага олмадим. Беш юз километр олисда бўлсам ҳам, кичкина устозидан ёзишни ўрганиб олган қизнинг қувончига шерик эдим.

***

Қисматнинг синовлари аччиқ экан. Бир куни ундан онаси қазо қилгани хақидаги мактубни олдим. Кўз ёшлардан сувалиб кетган харфлар сатрлар эмас , тоғдан баланд дард, осмондай чексиз армонларни териб чиққанди. Ҳокисоргина, муштдаккина кампирни эсладим. Ахийри бу оламнинг чексиз ғурбатларидан қутулибдида! Шу фикр ҳаёлимдан ўтиб, сесканиб кетдим. Бечора ақли заиф қизини кўзи қиймай, ҳеч кимга ишонмай, паймонаси тўлгандангина ўлишга мажбур булганига амин эдим.

Йиллар ўтди. Энди чегара билан боғлиқ машмашалар бошланган эди. У яшайдиган қишлоққа ўтиш амри маҳол, хохласам ҳам бора олмасдим. Тоғамнинг хотинидан синглисини енг учида қўшни йигитга узатилганини эшитганимда ҳам, тўққиз ойдан сўнг қўчқордек ўғил туққани хақидаги хабар етиб келганида ҳам ишонгим келмади. "Қандай қилиб? Нахотки!" дейману, аммо ўзимда йўқ хурсандман. Гарчи хатларни тўхтатиб, мен билан бутунлай алоқани узганидан яхшигина хафа бўлсамда, унинг баҳтиёр чеҳрасини, фарзандига қараб турган мунглиғ нигохларини, чиройли лабларидан чиқаётган аллани тасавввур қилардим.

***

Яна шошқалоқ йиллар ўтди. Охирги курсни ҳам битириш арафасидамиз. Уйдагилар "Тезроқ кел" деб шошириб қўйишмайди. Мен узатилаётган эдим. Тақдирнинг тухфаси туфайли Қирғизистонга келин бўляпман. Гарчи куёв бўлмишни атиги бир мартагина кўрган бўлсамда, ота-она танловига рози бўлдим. Ана, энди йўлларим очиқ. Тўйим куни бўлсада ўша қишлоққа бораман. Хақиқий дўхтир бўлиб, қўни -қўшнисидан уялмай, ҳижолат бўлмай кириб бораман. Уни тўйимга ҳам олиб кетаман деган ниятда эдим.

Ўша ёз тунларининг бирида ғалати туш кўрибман. Ochish/sharhlash

2022-10-05 04:54:55 Davomini kechroq joylayman Ochish/sharhlash

2022-10-05 04:52:57 Қишлоқ четидаги энг охирги кулбага кириб чиққанимиздан сўнг, хартугул қўлимни бўшатди. Ўзи бўлса тарвақайлаган тут остида ерга тап этиб ўтириб хўнграб йиғлаб юборди. Қочиб кетай десам, қаерда турганимни ҳам билмайман. Оёқларимдаги оғриқдангина анча жойдан келганимзни билиб, унга жавдираб қараб турардим. У эса парвойи -фалак. Айтиб-айтиб йиғларди:

-Одамлар ёмон синглим. Ёмон! Мени кўп хафа қилишади. Пачағлаб ташлай дейману, Худодан қўрқаман!

Худодан! Ялт этиб унга қарадим. Ажабо, шу гапларни у айтдими? Жинния?! Мени бир қоп пахтадай судраб келган тентакнинг истаган қўшнисини бир уриб майиб қиладиган кучи бор-ку. Нега у қўрқадиган Аллохдан, ақли хуши жойида бўлган одамлар қўрқмайди?

У тинмай жавраб, ўрнидан туриб, хаёлчан узоқ-узоқларга тикилди. Унинг қадди-бастига назар солдим. Ё қудратингдан! Келинойимнинг синглиси жудаям чиройли экан. Сумбатдек нозик қомат, мармардек оппоқ бадан рўдапо кийимлар билан ҳам ажаб гўзал эди. Тиззасигача сачраган лой ҳам, бир безак каби ўзига ярашиб турарди. Кўзларичи? Шашқатор ёш қуйилаётган ва кимлардандир аламзада кўзлар шахло, узун киприкларини ёй каби отишга шай турган қорачиқлар тубсиз беғубор эди. Пойма-пой сўзлари учиб чиқаётган лабларининг шакли эса мана-ман деган таннозларининг ҳавасини келтиришига амин эдим.

Уни овутишга журъатим етмас, зеро бисотимда унга муносиб сўз борлигига ишончим комил эмасди. Қоп-қора аммо пахмоқ сочларига алламбалоларни тақиб олган, гоҳ хўнграб гох кулаётган қизга нима дейишни билмасдим. Яратганнинг танловига қаранг! Тоҳир мисол йигитнинг қучоғига муносиб малак бир ахволда. У фариштачеҳра тентакми ёки тентак қиёфасидаги фариштами билолмай халак эдим.

...Кетар чоғимиз ҳам осон бўлмади. Улар биздан айрилгилари келмайди. Она-бола бири қўйиб, бири ёпишишади.

Кампир бечораку алқаб чарчамайди:

- Биз ғарибларни йўқлаб келиб, айниқса кичик қизимни кўнглига қараб бир Хаж савобини олдингиз болам. Бандасидан қайтмаса Аллохдан қайтсин! Сиз...

У гапини тугатмай қизи бидирлайди:

-Дўхтир яна келинг! Тепа маҳалладаям мани калака қиладиганлар бор. Кейин, халиги тортизданам олиб келинг. Ман пиширишни билмиманда...Адрессизи опамдан олдим. Жинни хат ёзолмеди деманг. Бировга ёздираман. Энди ман сизи тутинган йўқ, родной опезман. Эшитдингизми родной!

Ҳеч нарсани эшитгим келмасди. Ростини айтсам, ўша қишлоқдан тезроқ кочиб кетишни хохлардим. Чунки ҳамон қўлимдан маҳкам ушлаб турган қизнинг ақли ва хуснини таққослашга ортиқ кучим қолмаганди.

Ниҳоят бир томонга оғиб қолган автобус ҳам келди. Ундан аранг қутулиб, ўзимни ичкарига урдим. Аммо, анча пайт орқамиздан чопиб келган ва ахийри қўл силкиб қолган опамни хохласам ҳам, унута олмадим.

Уйда ҳам, таътилдан қайтганимдан сўнг ҳам у хақида ўйлайман ва нима сабабдан кичик келинойим доим ғамгин юришини тушунган эдим. Январь, февраль тез ўтиб, иккинчи семестр ҳам бошланиб қолганди. Сабоқлар анча мураккаблашиб, дарсдан бошқасини ўйлашга,бош қашигани вақт қолмаган палла менга ғалати бир мактуб келди. Сиёҳли ручкада чизилган антиқа расмлар ва қип-қизил лаб бўёғи билан ўпилган хат жилдга қараб бирорта жиянчам ёзгандир деб кулиб юбордим. Аммо манзил бошқа эди. Хайрон бўлиб очдим.

Хат ундан экан.

“Салом Тошкондаги катта дўхтир синглим. Яхшимисиз? Ёлғончи бўме, хатни ўзим ёзмаяпман. Ану огородимиздан тўртта ариқ хатлаганимиздан кейин кирган уйимиздаги Халима борку, ўша ёзяпти. Яна Ширин шапағ билан адаштирмен. У бешинчи ариғдан кейин яшейди. Халима яхши. Мангаям хат ёзишни ўргатаркан. Учинчи синфни битирганидан кейин, ёзда ўрганамиз. Битта янгилик айтайми? Сизи кўришганидан кейин хурмат қилишяпти мани. Энди магазинга чиқаётганимда ҳам масхара қилмайдиган бўлишган. Илтимос, манга битта хат ёзин, расмизи ҳам жўнатинг! Халиги, Наби ва Салим бангига кўрсатмоқчиман. Улар ишонишмаяпти. Ха айтганча Халима фақат хатни ёзиб берди. Конвертни ўзим ясатдим..” Ochish/sharhlash

2022-10-05 04:52:57 КЎНГИЛ

У вақтлар энди олийгоҳга кирган, ўн саккиз ёшли қиз эдим.

Қиш таътилига чиқиб уйга борсам , кичик тоғамнинг хотини йиғлаб ўтирибди. Сабабини сўрадим. Онаси қандайдир йиғин қилаётгани ва албатта уч –тўртта хотин- халаж билан бирга боришлари керак экан. Тоғамку руҳсат берибди. Аммо на катта бувим,на холам, ёки овсини бориш ниятлари йўқ эмиш.
Келинойим бизга чегарадош қўшни республикадан келин бўлиб тушган. Раҳматли дадаси анча эрта қазо қилган, қуда хола қудачиликни ўринлатмагани учун бизникилар аразда эди. Унга раҳмим келди. Тавба, шу ерда ҳам одамнинг мавқеи муҳим. Тўғрида, содда, камбағалгина кичик қудадан, ўзига тўқ катта келинойимнинг оналари билан тупроғимиз бир жойдан олинган.
Кун бўйи ўйладим. Қандай ёрдам берсам экан? Барибир менинг айтганимни қилишмайди. Холаларимнинг баҳонаси тайин, катта келинойим калондимоғ, бувимга тишим ўтмайди. Ойим ўша куни касалхонада навбатчи эканлар.
Аммо, кечки таом пайти кўнглимдаги гап бўлди:э. Ойижонимнинг ўзи шу мавзуда гап очди:
- Жон деб борардим қизим. Афсус ишда бўлар эканман. Бир нарса пишириб, сен бирга борақол. Ҳар холда ёлғиз борса қариндошларининг олдида ҳижолат бўлади..

Хурсанд бўлдим. Нима пиширсам экан? Ха топдим. Энг осони пирог. Келинойим ҳам яхши кўради. Ўзининг айтишича у катта бўлган қишлоққа хали табиий газ бормаган, Сурпа-тахтага уста бўлгани билан пишириқларга унча уқуви йўқ эди. Шунинг учун, мен кўзимни юмиб пиширадиган пироглар қанақа чиқишидан қаттий назар мақтаб ерди. Бир соат нари-берисида пишириғим тайёр бўлди.

Саҳарда йўлга тушдик. У вақтда чегаралар хали ёпилмаган, аммо йўлнинг олислиги боис, айтилган вақтда етиб бора олмаймиз деган хавотирда эдик.

… Келинойимнинг онаси ўттизларга чиқиб турмуш қурмаган, руҳий хаста қизи билан бирга яшашарди.
Қишлоқмисан қишлоқда ўзиям, таббий газнинг йўқлиги майли, бирорта таранспорт қатнамайдиган кўчаларидан одам ҳам аранг юра оларкан. Амаллаб кириб бордик.

Қуда хола Биби Сешанба-и Мушкулкушод ўқитаётган эканлар. Бизни кўриб шунақа хурсанд бўлдиларки, қалампирмунчоқ исли бағридан чиқаргиси келмайди. Қизига ҳамроҳ бўлиб келганим учун тинмай дуо қилади. Маросим тугагач бир уй хотинлар олдига бошлади;

-Мана, Манзурамнинг жияни, Тошконда дўхтирликка ўқийди. Қизимни опасидай яхши кўради, роса хурмат қилади. Тарелкадаги тортни шу қиз пиширган.-деб мақтаса бўладими. .

Ҳижолатланаман, қанақа торт? Ёки бу қишлоғдагилар торт кўришмаганмикин? Кампир бир бўлак шакари оз пирогимни тиши йўқ оғзида айлантириб, тинмай илжаярди. ..
Бу холва экан. Келинойимнинг синглиси қўлимдан махкам ушлаб ташқарига судраганида бўларим бўлди. Хозир бир нима қилиб қўйсая? Жиннидан ҳамма нарсани кутиш мумкин. Қўрқиб юзига қарайман. Аммо кайфиятини билиб бўлмайди. Ховлини бир қатор айланиб чиқиб, катта томорқаларининг охирига етганимиздагина тўхтади:

-Аввал бу томонга юрамиз. Ха, нимага рангиз оқариб кетди? Қўрқманг, емайман. Фақат битта иш қиламиз.

У айтган иш нима эканлигини бир оздан сўнг тушуниб етдим.

Ариқлардан сакраб қўшниларникига кирамиз, бировларнинг томоқасидан бошқа ховлига ўтамиз. Ўтиб бўлмаса лой кўчани кезиб яна дарвоза қоқамиз. Очиқ бўлса сўроқсиз бостириб кирамиз. Мен ҳеч нарса қилмайман. Фақат туриб берсам бўлгани.

-Эй менга қараш, мана мани қанақа синглим бор-дўхтир! ТОШКАНЛИК! Қани энди биттанг жинни деб кўр-чи?!. Ҳаммени ётқизиб операция қилиб ташеди!

Гапи тугамай бошқа хонадонга судрайди. Мен қўрқиб тилим танглайимга ёпишиб қолган, аммо бақувват панжаларидан қутула олмайман.

- Э, ўлиб қолишиларинг ҳам мумкин. Санларга буям кам! Қачон қарама болаларинг жиннилаб қочади. Индамесилар...

-Қани энди биттен мани мазхара қилгин! Кооооотта уколи билан ҳаммени тинчитиб ташлемиз. А дўхтир?

Мен уяламан,унинг қўлидан чиқиб кетгим келади. Иложи йўқ.

-Жон дўхтир қиз, яна иккита мени калака қиладиганлар бор. Ўшаларга ҳам сизни кўрсатиб келай, билволишсин бизниям қанақа қариндошларимиз борлигини!

Мен унга хали дўхтир эмаслигимни, талаба эканимни тушунтирмокчи бўламан, қани тушунса. Ochish/sharhlash

2022-10-05 04:30:08 #иқробекати


Ризқ кам ёки кўп эмас, балки бизга аталган ва аталмаган бўлади. Муҳими шукр билан бизга аталган ризқни кўпайтира олишимиздир.

t.me/nmuvahhida_nigora Ochish/sharhlash

2022-10-05 04:00:09 Aссалому алайкум.

Чоршанба тонги муборак бўлсин.

Соғ–саломат уйғотган Роббимизга хамдлар бўлсин!

Аллоҳим тонгингизни нурафшон,
Кўнглингизни хотиржам,
Чеҳрангизни нурли қилсин.
Бахт,омад, муваффақият, меҳр-муҳаббат ҳамиша ҳамрохингиз бўлсин!!

t.me/nmuvahhida_nigora Ochish/sharhlash