Нигоҳ

2024-05-04 11:50:49 Ўзбекистон Италия билан ҳамкорликда “The Samarkand express” сайёҳлик поездини ишга туширади.

“The Samarkand express”да йўловчилар кенг купелар, гурме таомлари, биринчи даражали хизмат кўрсатиш ва Ўзбекистоннинг гўзал ландшафтларининг манзараларини тақдим этувчи панорамали ойналардан фойдаланишлари мумкин.

Telegram | YouTube Ochish/sharhlash

2024-05-03 20:47:55 Қатарда ўтган футбол бўйича 23 ёшгача бўлган спортчилар ўртасидаги Осиё чемпионатида Япония ёшлар терма жамоаси Ўзбекистон устидан ғалаба қозонди — 1:0.

Эслатиб ўтамиз, ярим финалда Индонезияни мағлуб этган Ўзбекистон ғалаба эвазига тарихда илк бор олимпияда йўлланмасини қўлга киритганди.

Telegram | YouTube Ochish/sharhlash

2024-05-03 19:28:14 ​​Президент Шавкат Мирзиёев Хитойнинг етакчи компаниялари раҳбарлари билан учрашув ўтказди

“CAMCE” корпорацияси билан Тошкент шаҳрида Олимпия шаҳарчаси қурилиши ҳамда энергетика, саноат ва инфратузилма соҳаларидаги лойиҳалар портфелини кенгайтириш масалалари муҳокама қилинди.

“Goldwind” билан компаниянинг Ўзбекистонда “яшил” энергетикани ривожлантиришдаги иштироки истиқболлари кўриб чиқилди. Шамол электр станциялари қисмларини ишлаб чиқаришни маҳаллийлаштириш ва жорий лойиҳаларни жадаллаштиришга келишиб олинди.

“China Southern Power Grid” билан Бухоро вилоятида шамол электр станциялари, бутун мамлакат бўйлаб гидроаккумуляция станциялари ва юқори кучланишли линиялар қуриш лойиҳалари муҳокама қилинди.

Ўзбекистонда электр ҳисоблагичлар ишлаб чиқариш бўйича “Holley Group” компанияси муваффақиятли ишлаётгани қайд этилди. Тошкент вилоятида технопарк қуриш ва унга Хитойнинг йирик компанияларини жалб қилиш юзасидан келишувга эришилди.

Telegram | YouTube Ochish/sharhlash

2024-05-03 17:01:10 Президент Шавкат Мирзиёев Америка-Ўзбекистон савдо палатаси раиси Кэролин Лэмм бошчилигидаги делегацияни қабул қилди. Учрашувда “Air Products”, “CNH Industrial” ва “Silverleaf” компаниялари раҳбарлари ҳам иштирок этди.

Кэролин Лэмм АҚШ ишбилармон доиралари номидан давлатим раҳбарига икки мамлакат иқтисодий ҳамкорлигига шахсан эътибор қаратаётгани ва уни ҳар томонлама қўллаб-қувватлаётгани учун самимий миннатдорлик билдирди.

Америка тадбиркорларининг Ўзбекистондаги фаолиятни кенгайтириш, молиявий инструмент ва механизмларни ривожлантириш борасидаги илғор тажрибани жорий этиш ҳамда турли тармоқларда лойиҳаларни амалга ошириш бўйича аниқ режалари муҳокама қилинди.

Жорий йилда Тошкент шаҳрида АҚШнинг пешқадам компания ва банклари иштирокида бизнес форумини ўтказиш юзасидан келишувга эришилди.

Telegram | YouTube Ochish/sharhlash

2024-05-03 11:10:46 ​​Қирғизистоннинг Тошкент шаҳридаги элчихонаси янги биносининг очилиш маросими бўлиб ўтди.

Икки мамлакат Бош вазирлари рамзий тасмани кесиб, Қирғизистон дипломатик ваколатхонаси биносини очиб бердилар. Элчихонада дипломатлар учун яратилган шароитлар билан танишдилар.

Telegram | YouTube Ochish/sharhlash

2024-05-03 10:56:13 ​​Иккинчидан, масъулиятли бизнес юритиш. Бу борада иқтисодиёт барқарорлиги, шаффофлиги ва очиқлигини таъминлашга қаратилган Иқтисодий ҳамкорлик ва тараққиёт ташкилотининг тегишли тамойилларини кенг жорий этиш долзарб вазифадир.

Учинчидан, муқобил инвестицияларни рағбатлантириш. Бунда стартап, инновацион лойиҳалар, биргаликдаги сармояларни кўпайтириш учун қулай шарт-шароитлар яратиш мақсадида “Венчур инвестициялар тўғрисида”ги янги қонунни ишлаб чиқиш ва қабул қилиш катта аҳамиятга эга.

Тўртинчидан, инвесторлар билан ишлаш тизимини рақамлаштириш. Хорижий инвесторлар билан давлат органлари ўртасидаги барча хизматларни амалга ошириш учун мукаммал электрон платформани ишлаб чиқиш ва амалиётга кенг жорий этиш вақти келгани таъкидланди. Бу инвесторларни қийнаётган комплекс муаммоларни ўз вақтида ва тизимли ҳал этишга имкон беради.

Telegram | YouTube Ochish/sharhlash

2024-05-03 10:29:14 Президент Хорижий инвесторлар кенгаши доирасида тўртта йўналишда ишчи гуруҳларни ташкил этиш ва уларни тўлиқ амалга оширишда фаол иштирок этишга таклиф этди.

Биринчидан, капитал бозорини ривожлантириш. Бу йўналишда хорижий инвесторларнинг талабларига тўла жавоб берадиган халқаро молия марказини ривожлантириш учун ички ва ташқи капитални кенг жалб этишга асосий эътиборни қаратиш лозимлиги таъкидланди.

Telegram | YouTube Ochish/sharhlash

2024-05-03 08:54:41 Бугун Кўксарой қароргоҳида Президент Шавкат Мирзиёев раислигида Хорижий инвесторлар кенгашининг навбатдаги ялпи мажлиси бўлиб ўтади. Тадбирда етакчи компания ва банклар, нуфузли халқаро ташкилотлар ва молиявий институтлар вакиллари иштирок этади.

Telegram | YouTube Ochish/sharhlash

2024-05-02 19:05:08 Жаҳонда кун якунлари:

АҚШ Россияни Украинага қарши кимёвий қурол қўллаганликда айблади;

Bloomberg: Туркия Исроил билан барча савдо алоқаларини тўхтатди, бугундан бошлаб барча импорт ва экспорт тўхтатилди;

Қирғизистон ТИВ мамлакат фуқароларига Россияга саёҳат қилишдан вақтинча воз кечишни тавсия қилди;

ЕИ Ливанга мамлакат иқтисодиётини қўллаб-қувватлаш ва қочқинлар сонининг кескин кўпайишининг олдини олиш учун 1 млрд евро миқдорида молиявий ёрдам беради.

— — —

К итогам дня в мире:

США обвинили Россию в применении химоружия против Украины;

Bloomberg: Турция приостановила все торговые отношения с Израилем, весь импорт и экспорт останавливается с сегодняшнего дня;

МИД Кыргызстана порекомендовал гражданам страны временно воздержаться от поездок в Россию;

ЕС предоставит Ливану финансовую помощь в размере 1 млрд евро для поддержки экономики страны и предотвращения резкого увеличения числа беженцев.

Telegram | YouTube Ochish/sharhlash

2024-05-02 16:57:17 Фармон билан 2024 йил 1 майдан қуйидаги тартиблар ўрнатилади бирламчи уй-жой бозоридаги квартираларни сотиб олиш учун ипотека кредитларини ажратишда ипотека предметини суғурта хавфларидан суғурта қилиш талаби бекор қилинади.

2025 йил 1 январдан қурилиш ташкилотларига “яшил” уй-жой стандартлари талаблари асосида кўп квартирали уй-жойларни қуриш учун Марказий банкнинг асосий ставкасидан бир фоиз бандга юқори ставкада кредитлар ажратилади.

2025 йил 1 апрелгача “яшил” уй-жой стандарти талаблари асосида қурилган уй-жойларни сотиб олиш учун жисмоний шахсларга “яшил” ипотека кредитларини ажратиш амалиёти йўлга қўйилади.

Telegram | YouTube Ochish/sharhlash