2022-10-08 20:07:33
Матбуот хизматлари фақат мақташ учунми?Идоравий мансублигидан қатъий назар исталган матбуот хизматини кузатсангиз фақат ижобий материаллар берилган бўлади. Сайёр қабуллар ўтказилди, унда фуқароларни қийнаб келаётган фалонча муаммолар жойида ўзининг ижобий ечимини топди ва ҳаказо. Гўёки умуман муаммо йўқдек.
Ижтимоий тармоқларда қандайдир қонун бузилди, ўз хизмат вазифасини суиистеъмол қилиш оқибатида жиддий зарар етказилди ёхуд фуқароларнинг конституциявий ҳуқуқлари бузилмоқда каби хабарларга раддия бериб ўтиришади. Шуми матбуот хизматларининг вазифаси?
Нега мана шу матбуот хизматлари ўз тизимларида ходимлар орасида ва аҳоли орасида турли ижтимоий сўровлар ўтказмайдилар? Тизимни соғломлаштириш бўйича халқ фикрини, таклифларини билдирмайдилар? Нима бу уларнинг лавозим йўриқномаларида йўқми? Йўқ бўлса ўзлари ташаббус кўрсатсинлар. Қолаверса, айрим матбуот хизматлари билан боғланиш контактлари мавжуд эмас.
Бизнингча матбуот хизматлари тизимда амалга оширилаётган ишларни ёритишдан ташқари, айнан ўзининг тизимини хато ва камчиликларини ҳам кўрсатиб боришлари керак.
Матбуот хизматлари тизим раҳбарияти ва ходимлари учун кўзгу вазифасини бажариши керак, жамоатчиликка эса мажозий маънода "кўз ва қулоқ" вазифасини бажариши керак.
@muxbirdaliev
16.5K viewsedited 17:07