Vashington kundaligi

2022-08-31 03:10:40 Tolibon AQSh ustidan qozonilgan g'alabaning bir yilligini nishonlamoqda, Kobul, Afg'oniston.

@bmamadiev Ochish/sharhlash

2022-08-28 20:48:54 Xitoy qurishga ham, buzishga ham usta.

@bmamadiev Ochish/sharhlash

2022-08-28 00:11:31 Bizning davrlarda faqat bitta universitetga hujjat topshirish mumkin edi. Imtihon natijasini bilish uchun universitetingizga (uzoq yo'l bosib viloyatdan Toshkentga) borishingiz, tumonat odam orasida devorga ilib qo'yilgan qog'ozdagi ro'yxatga termulib, o'z raqamingizni qidirishingiz kerak bo'lardi.

Hozir tizim ancha o'zgaribdi, ancha yaxshilangan. Imtihonlar, adashmasam, bir necha kun davomida o'tkazilyapti va bir emas, bir nechta universitetga bir paytda hujjat va imtihon topshirishingiz mumkin.

Bundan ham qulayi - imtihon natijasini, qabul qilingan-qilinmaganingizni uyingizda o'tirib bemalol bilishingiz mumkin.

Mana, Amerikadan turib jiyanimning imtihoni natijalarini ko'rib o'tiribman. Farg'ona davlat universitetiga Matematika yo'nalishi bo'yicha davlat granti asosida qabul qilinibdi.

Barakalla, Vasilaxon! Bilimingiz, martabangiz bundan ham ziyoda bo'lsin!

@bmamadiev Ochish/sharhlash

2022-08-26 15:39:13 AQShning Kaliforniya shtati 2035-yildan boshlab ichki yonuv dvigateliga ega avtomobillar ishlab chiqarish va sotish shtat doirasida taqiqlanishini e’lon qildi. Demak, shtat 2035-yilgacha to’liq elektromobillarga o’tadi.

AQShning eng yirik shtatlaridan biri bo’lgan Kaliforniyaga boshqa shtatlar ham ergashishi kutilmoqda. Shuningdek, shtat bozoridagi ulushini boy bermaslik uchun avtomobil ishlab chiqaruvchilar modellarini elektromobillarga o’tkazish jarayonini yanada tezlashtiradi.

@bmamadiev Ochish/sharhlash

2022-08-25 00:28:18 AQSh Prezidenti Jo Baydenning yangi qarori bilan yiliga 150 ming dollargacha daromad oladigan odamlarning talabalik davrida olgan va hali to'lab tugatilmagan ta'lim kreditlaridan 10 ming dollargacha bo'lgan qismi bekor qilinmoqda. Agar ta'lim krediti federal hukumatning "Pell Grants" dasturidan olingan bo'lsa, qarzning 20 ming dollargacha bo'lgan qismidan voz kechiladi.

Bu qarordan 43 million odam naf ko'rishi aytilyapti. 20 millionga yaqin sobiq talaba u orqali butunlay qarzidan qutiladi.

Shuningdek, ta'lim kreditlari uchun oylik to'lovlarni va ularning foizini to'xtatib turish chorasi yil oxirigacha uzaytirildi. Bu chora koronavirus pandemiyasi paytida yo'lga qo'yilgan edi. Bundan tashqari, bakalavr darajasi uchun qarz olganlar har oy ta'lim krediti to'lovi uchun maoshining faqat besh foizini ishlatish imtiyoziga ega.

Hisob-kitoblarga ko'ra, talabalarning 10 ming dollar qarzidan voz kechish birinchi yilning o'zida AQSh hukumatiga 300 milliard dollarga tushadi.

@bmamadiev Ochish/sharhlash

2022-08-23 02:02:01 AQShda koronavirus pandemiyasi yetmagandek, maymunchechak degan virus sharpasi ham kezib yuribdi.

Poytaxt Vashingtondagi metro yo’lovchilaridan biri: yuzda niqob, qo’lda qo’lqop, hatto telefon ham yelim xaltaga o’ralgan.

Ehtiyot bo’lgan yaxshi.

@bmamadiev Ochish/sharhlash

2022-08-21 22:12:21 As I am in the process of completing my one-year Java backend specialization program at Kenzie Academy, I decided to share my experience on what it takes to become a software engineer.

This post is written in English:

https://medium.com/@bmamadiev/can-i-become-a-software-engineer-559539ccfcbe

@bmamadiev Ochish/sharhlash

2022-08-21 18:24:30 AQShning Ukraina uchun 775 million dollarlik navbatdagi yordam paketi, jumladan, “Scan Eagle” rusumidagi razvedkachi dronlar, minaga chidamli “MaxxPro” zirxli mashinalari, 16 ta gaubitsa va ular uchun 36 ming dona o’q-dori, 1000 ta tankka qarshi “Javelin” va TOW raketalari, minadan tozalovchi vositalar hamda HIMARS raketa sistemalari uchun o’q-dorini o’z ichiga oladi.

Bu bilan yil boshidan beri AQSh Ukrainaga yetkazib bergan harbiy yordam qiymati 10,6 milliard dollarga yetadi.

Kiyev G’arb davlatlaridan 300 kilometr masofadagi mo’ljalni ura oladigan ATACMS raketa tizimlari, tank va qiruvchi samolyotlar berilishini ham so’ramoqda.

Manba: Amerika ovozi

@bmamadiev Ochish/sharhlash

2022-08-15 17:04:54 Afg'onistonda Tolibon hukmronligi qayta o'rnatilganiga bugun bir yil to'ldi. Bir necha hafta ichida butun mamlakatni qo'lga kiritib dunyoni hayratga solgan guruh 2021-yil 15-avgust kuni poytaxt Kobulni ham o'z nazoratiga olgan edi. Bu orada hali mamlakatni to'la tark etib ulgurmagan AQSh kuchlari tartibsiz ravishda 31-avgustgacha evakuatsiya ishlarini olib bordi.

Aeroportdagi ur-sur, to'polonlar, samolyot g'ildiraklariga osilib uchib ketishga uringan... va halok bo'lgan afg'onlar voqeasi butun dunyoni larzaga soldi...

AQSh 2001-yil Afg'onistonga aynan Tolibonni hokimiyatdan ag'darish uchun kirgan edi. Oradan 20 yil o'tib, hokimiyatni yana shu guruh qo'liga topshirdi va mamlakatni tark etdi.

20 yillik Afg'oniston urushi AQShga 2 trillion dollarga tushdi. Olti mingdan ortiq amerikalik askar va xizmatchilar halok bo'ldi. Afg'onistonliklar orasida esa 180 mingga yaqin harbiylar va tinch aholi vakillari qurbon berildi.

Ekspertlar fikricha, AQSh chiqib ketishi ortidan 85 milliard dollarlik zamonaviy qurol-aslaha va harbiy texnika Tolibon qo'liga o'tgan.

O'tgan bir yil ichida hali hech bir mamlakat Tolibon hukumatini rasman tan olgani yo'q.

@bmamadiev Ochish/sharhlash

2022-08-15 03:01:17 "CNN" telekanali sharhlovchisi Farid Zakariya "GPS" dasturining maxsus sonida Afg'oniston sobiq prezidenti Ashraf G'ani bilan suhbat o'tkazdi. Ashraf G'ani bir yil avvalgi voqealar, Afg'onistonni qanday tark etgani haqida gapirib berdi.

Uning aytishicha, qayerga ketayotganini vertolyotga chiqqungacha bilmagan. Aeroportga ketyapmiz, deb o'ylagan edim, lekin u yer xavfli bo'lgani uchun O'zbekistonga uchdik, deydi u.

U o'zi bilan millionlab dollar pul olib chiqib ketgani haqidagi mish-mishlarga ham izoh berdi. Ustimdagi bitta kiyim bilan ketdim, hatto pasportimni olishga ulgurmadim, deydi u.

Ashraf G'ani va oilasini olib ketayotgan vertolyot ruxsatsiz O'zbekiston hududiga qo'nadi. O'zbekiston ulardan mamlakatni tark etishni talab qiladi. Ertasiga ular charter samolyot orqali Birlashgan Arab Amirliklariga uchib ketadi.

@bmamadiev Ochish/sharhlash