2022-10-12 07:54:29
Янгийўлни ҳокимига тонгги “саломимиз” бор!
"Ассалому алайкум, Хуршид ака, айрим раҳбарларни фақат ижтимоий тармоқларда чиқиб танқид қилмасанг ишламайди шекилли. Масалан, Янгийўл туман ҳокимини икки ярим йил аввал (айни карантин пайтлари) Самарқанд МФЙ ҳудудидан ўтган автомобиль йўлини қаровсиз ташлаб қўйгани ҳақида пост чиқарилгач, апил-тапил икки кунда таъмирлаб кетган эди.
Кўрингки, у ёғини ямаб, бу ёғини ямаб кетгани сабаб бугун ушбу йўл яна яроқсиз аҳволга келиб қолди. Лекин нафақат ҳоким, балки ушбу секторга масъул бўлишига қарамай туман ҳокими Самарқанд МФЙ йўлларини “унутган” (байрамларда мактаб ўйингоҳига келиб совға-салом улашиб кетишини айтмаганда).
Устига устак маҳалла ҳудудидаги эски бекат туман каттаконларининг кўзига хунук кўрингани сабаб олдириб ташланганига ҳам икки йил бўлди. Шунча вақтдан бери маҳалла халқи “қачон ҳокимбува кўзига ёқадиган бекат келаркин” дея кутиш билан яшашмоқда.
Янаям, маҳалла ички йўллари, симёғочу, электр симлари, газ қувурлари ҳақида гапирмайман. Чунки ҳокимнинг маҳаллани обод қилиш бўйича шу пайтгача берган саноқсиз ваъдаларини маҳалла халқи эмас, ҳатто симёғочлар ҳам “кўтара олмай” эгилиб қолмоқда. Агар ишонмасангиз, маҳалламизга келинг. Тошкентнинг шундоққина биқинида жойлашган.
Фақат “запаска” оволиш эсдан чиқмасин-а!"
@muxbirdaliev
3.7K viewsedited 04:54