Alisher Qodirov

2021-02-13 20:51:43 Ochish/sharhlash

2021-02-12 05:15:26 “Миллий тикланиш” ва “Адолат” партияларининг Қонунчилик палатасидаги фракциялари томонидан қонунчиликка ўзгартиш ва қўшимчалар ташаббуси биринчи ўқишда қабул қилинди.

Қонун лойиҳасида:

1) Жиноят кодексининг
244-моддаси ўзгартирилмоқда. Моддада ҳокимият вакилларининг қонуний талабларига фаоллик билан бўйсунмасликка, оммавий тартибсизликка ва фуқароларга нисбатан зўравонлик қилишга оммавий даъват қилиш каби ҳуқуқбузарлик учун жарима ёки икки йилгача ахлоқ тузатиш ишлари ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланиши назарда тутилмоқда;

2) Маъмурий жавобгарлик тўғрисидаги кодекснинг 201-моддасига 1-қўшимча киритилмоқда. Унда, фуқароларни Ўзбекистон қонунчилик ҳужжатлари талабларини бажармасликка ёки бузишга, шу жумладан оммавий ахборот воситаларидан, телекоммуникациялар тармоқларидан, интернет жаҳон ахборот тармоғидан, шунингдек матнни нашр этиш ёки бошқа шаклда кўпайтириш турларидан фойдаланган ҳолда оммавий даъват қилиш каби ҳуқуқбузарлик учун базавий ҳисоблаш миқдорининг олтмиш бараваридан саксон бараваригача миқдорда жарима солинади.

3) «Ахборотлаштириш тўғрисида»ги қонуннинг
12-моддаси 1-қўшимча билан тўлдирилмоқда. Унда веб-сайтнинг ва (ёки) веб-сайт саҳифасининг эгаси, шу жумладан блогер ҳамма эркин фойдаланиши мумкин бўлган ахборот жойлаштириладиган интернет жаҳон ахборот тармоғидаги саҳифасида:

- оммавий тартибсизликларга, фуқароларга нисбатан зўравонликка, белгиланган тартибни бузган ҳолда ўтказиладиган йиғилишлар, митинглар, кўча юришлари ва намойишларда иштирок этишга даъват қилиш;

- жамоат тартибига ёки хавфсизлигига таҳдид солувчи ёлғон ахборот тарқатиш;

- жамиятга, давлатга, давлат рамзларига (миллий ва умуминсоний қадриятларга) ҳурматсизликни намоён этувчи беодоблик билан ифодаланган ахборотни тарқатиш;

- порнография, зўравонлик ёки шафқатсизликни тарғиб қилиш, шунингдек ўз жонига қасд қилишга даъват этиш;

- вояга етмаган шахсларни уларнинг ҳаёти ва (ёки) соғлиғига ёхуд ўзга шахсларнинг ҳаёти ва (ёки) соғлиғига таҳдид солувчи ғайриҳуқуқий ҳаракатларни содир этишга ундашга ва бошқа тарзда жалб қилишга йўналтирилган ахборотни тарқатиш;

- референдум тўғрисидаги ва сайлов ҳақидаги қонунчиликда назарда тутилган чекловларга риоя этмаслик;

- фуқароларнинг шахсга доир маълумотларини уларнинг розилигисиз жойлаштириш;

- ҳамма эркин фойдаланиши мумкин бўлган ахборот жойлаштириладиган интернет жаҳон ахборот тармоғидаги ўз веб-сайти ва (ёки) веб-сайт саҳифаларининг, шу жумладан тезкор хабарлар алмашиш тизимларининг мониторингини ушбу модданинг биринчи қисмида кўрсатилган ахборот ва материалларни аниқлаш мақсадида амалга ошириши таъқиқланмоқда.

Ўзига хабар юборилиши учун интернет жаҳон ахборот тармоғидаги ўз веб-сайтига ва (ёки) веб-сайт саҳифасига, шу жумладан тезкор хабарлар алмашиш тизимларига электрон почта манзилини, қонунни бузган ҳолда тарқатилаётган ахборот тўғрисида мурожаатлар юборилиши учун ўз исм-шарифининг бош ҳарфларида, фамилиясини (жисмоний шахс учун) ёки номини (юридик шахс учун) жойлаштириши;

- ушбу модданинг биринчи қисмида кўрсатилган ахборот аниқланган тақдирда, ушбу маълумотлардан фойдаланишни чеклаш чораларини дарҳол кўриши;

- ўз веб-сайтида ва (ёки) веб-саҳифасида интернет жаҳон ахборот тармоғи миллий сегментининг домен номлари тизимида изоҳ берувчи шахслар турган мамлакатни идентификацияловчи ноёб манзил тўғрисидаги маълумотларни акс эттириши шарт эканлиги белгиланмоқда.

@alisher_qodirov Ochish/sharhlash

2021-02-09 17:32:46 Олий таълим муассасасида бирон нарсага мажбурлаш моҳиятан хато.

Талаба бу масканга тарбия кўриш учун эмас, мутахассис бўлиш учун келиши керак. Тарбия бериш жараёнини мактабда тугатиш зарур.

Афсус, бизда кўпгина олий таълим муассасалари талабага излаб келганини бериш ўрнига тартиб ва тарбия ўргатиш билан шуғулланмоқдалар.

@alisher_qodirov Ochish/sharhlash

2021-02-09 17:05:16 Олий таълим вазири Абдуқодир Тошқулов гул беришга жалб қилинадиган талаба қизлар бўйича муносабат билдирибди:

«Энг ёмон кўрганим шу, хориждаги меҳмонларни кутиб олиш (фон) учун нега менинг гул қизларим гул кўтариб чиқиши керак? У ерга ҳам ўзингизнинг фарзандингизни қўйиб кўринг. Бу бўйича алоҳида буйруқ қиламиз. Буни мажбурий меҳнатга тенглаштирамиз. Бу мажбурий меҳнатнинг бир кўриниши. Яъни у қизлар хоҳлаб бораётгани йўқ. Совуқда, дарсдан чиқиб, тўгаракка бориш керак бўлган вақт ёки дам олиш вақти адрас кўйлакни кийиб, гул кўтариб бориш қайси қизга ёқади? Бўлмаган нарса у. Таржимон бўлса тушунаман, туризмда ўқиса тушунаман.

Стадионни тўлдириш учун ҳам талаба, фон учун ҳам талаба, фестиваль бўлса ҳам талаба... Ҳамма жой ҳуқуқий қолипга тушиши шарт. Талаба ўқиши керак. Керак бўлса тўйиб ухлаши керак, талабанинг шахсий ҳаётига аралашишга ҳаққимиз йўқ».


@xushnudbek Ochish/sharhlash

2021-02-09 10:52:09 Ochish/sharhlash

2021-02-06 10:04:41 Ochish/sharhlash

2021-02-05 06:02:59 Бухорода қурилиши давом этаётган бинода қурувчи компаниянинг иш ташкил қилишдаги хатолари туфайли содир бўлган портлаш яна бир бор мамлакатимизда қурилиш соҳасини такомиллаштириш, қурувчилар ва қурилиш сифатига талабларни кучайтириш заруратини кўрсатди.

Ўзбекистонда сўнгги 4 йилда қурилган уй-жойлар бутун советлар даврида қурилган уй-жойдан 5 баробар кўп. Бу жуда катта ўсиш, иш ҳажми ва аҳоли учун иш ўрни. Аҳолининг йиллар давомида кўриб кўрмасликка олиб келинган эҳтиёжи қондирилмоқда. Лекин бу жиддий масъулият ҳамдир. 

Бугун Ўзбекистон қурилиш бозорида 20 мингга яқин тадбиркорлик субъектлари фаолият кўрсатмоқда. Уларнинг кўп қисмини белгиланган талабга жавоб бериши, хавфсизлик ва сифатни таъминлаётганига ишончимиз комил бўлиши керак. Айниқса ҳудудларда бу соҳа коррупция ботқоғига ботиб кетмаган деб баралла айтолмай қоляпмиз.

Яқинда Қонунчилик палатасида қабул қилинган қонун билан Маъмурий жавобгарлик Кодекснинг 99-моддасига қўшимча киритилди. Унда қурилиш соҳасида назорат қилиш инспекциясининг бошлиғи ва унинг ҳудудий инспекция бошлиқларига қурувчи компаниялар томонидан қурилиш талабларини бузаётганлиги учун жарима солиш тариқасида маъмурий жазо чорасини қўллаш, зарур бўлса қурилишни тўхтатиб қўйиш ҳуқуқи берилмоқда. Лекин, инспекциялар ҳам бу қадар катта ҳажмни малакали ва ҳалол кузатувини олиб борадилар деб кафолат бериш қийин.

Қурилиш соҳасида талаблар кескин кучайтирилиши керак. Бу соҳада энг танланганлар ишласин. Майли, айрим ҳолларда тадбиркор вақтдан ютқазсин, фойдаси камайсин, лекин фуқаролар масъулиятсизлик ва беъэтиборликдан жабр кўрмасинлар.

@alisher_qodirov Ochish/sharhlash

2021-02-03 13:17:56 Давлат раҳбари билан мазмунли, жуда фойдали, самимий ва том маънода очиқ мулоқот бўлди.

Партиялар жамиятда ўз сўзи ва овозига эга бўлаолмаяпди. Ишончни қозонаолмаяпмиз. Президентга очиқ айтдик: сизнинг ташаббусингиз билан бошланган янги Ўзбекистон ислоҳотларига 4 йил бўлди. Парламент ўзгарди, партиялар ўзгарди, лекин халқимиз ишончини қайта қозониш осон бўлмаяпти.

Партияларку бир нарсани дўндириб қўймаган, тушунса бўлади, лекин, Президент томонидан қисқа вақт ичида халқ манфаатлари учун жуда кўп ўзгаришлар қилинди, жуда катта сиёсий ирода кўрсатилди, шунда ҳам Президентга туҳмат қилаётган, қарорларидан кир қидираётган, ҳамма муаммоларни бир кунда ҳал бўлиб қолишини талаб қилаётганлар бор. Қўлини қўлига урмасдан фаровон турмушни хукуматдан тайёр кутаётганлар ҳам кам эмас. Бу эса мамлакатда иқтисодий ўсиш ва инсон эркинликларини таъминлаш билан бир қаторда дунёқараш ва тафаккурни ўзгартиришдек муҳим масалани ҳам кун тартибига қўяди.

Инсон ўзгармаса жамият ўзгармайди! Бугунги ўзгариш даврини халқимиз юзлаб йил кутди. Ўзбек халқини гапириш у ёқда турсин бошини кўтаришга қўйишмади. Халқимизни авомга айлантириш, йўқ қилиб юборишга ҳаракатлар қилинди. Бугунги ислоҳотлар Президентнинг иродаси билан юзага келди ва у тарихимизда миллий уйғониш даври сифатида муҳрланади. Бу давр миллий тараққиётимиз учун имкониятдир. Лекин, имконият баракадек тинчликсевар бўлади, ғийбат, туҳмат, ҳақоратлар билан уни кўкка совурилган жойдан кетиб қолади.

Хатоларни ҳеч ким яширмаяпти, уларни тузатишга ҳисса қўшайлик. Зеро, муваффақият ҳаммамизники бўлгани каби инқироз ҳам ҳар биримизни дастурхонимизга келиб тушади. Ўзбекистон оёққа тураяпди, камчиликларимизни камайтириб, яхшиликларимизни кўпайтириб, бир-биримизга далда бўлиб Ватанимизни ривожлантирайлик. Муаммоларимиз кеча пайдо бўлиб қолмаган, бир ҳаракат билан эртага ҳал бўлиб ҳам қолмайди. Ҳамма ҳаракат қилаяпди, қилолмаганлар қатордан тушиб қолаяпди. Яхши ниятли ватандош бундай ҳолатда далда беради, қўллайди. Дарғазаб туҳмат ва бузғунчи шовқин ҳолимизни заифлаштириб, ғалабани узоқлаштиради.

“Миллий тикланиш” партияси барча ватандошларни бир тану бир жон бўлиб мамлакатдаги ўзгаришларда фаол иштирок этишга чақиради.

Ҳар биримиз ўзгаришларни ўзимиздан бошлайлик.

@alisher_qodirov Ochish/sharhlash

2021-01-30 15:28:54 Бу йил 9-феврал арафасида барча масжидларда Навоий ҳақига қуръон хатм қилиниб, дуо ўқилади.

Бу йил улуғ шоир Алишер Навоий таваллудининг 580 йиллиги арафасида масжидларда Навоий ҳақига қуръон хатм қилиниб, дуо ўқилади.

Президент ҳузурида ўтган йиғилишда таниқли адабиётшунос Шуҳрат Ризаев томонидан: "Ҳазратни бобомиз деймиз. Лекин, ул зотнинг фарзанди бўлмаган. Биз ўғиллик, фарзандлик қилиб, бу йил масжидларда маънавий падаримизнинг руҳи покига хатми қуръон ўқилишига рухсат берсак..." дея таклиф киритилди.

Таклиф қабул қилинди. Ўзбекистон тарихида илк бор Ҳазрат Навоий туғилган сана исломий анъаналарга мувофиқ бошланади.

@alisher_qodirov Ochish/sharhlash

2021-01-28 13:34:35 Ochish/sharhlash