Mehrob.uz

2024-06-30 07:47:00 Ҳакимлар айтади: «Сендан ғазабланса ҳам, бирор ёмонлик қилмаган одам билан дўст бўлавер, чунки ғазаб кишининг асл лойини кўрсатб беради».

@mehrob_uz Ochish/sharhlash

2024-06-30 05:40:00 СУРАЛАРНИНГ ФОЙДАЛАРИ

1. Фотиҳа сураси Аллоҳнинг ғазабидан сақлайди.
2. Ёсин сураси қиёматнинг чанқоғидан сақлайди.
3. Духон сураси қиёматнинг шиддатидан асрайди.
4. Воқеа сураси фақирликдан сақлайди.
5. Мулк сураси қабр азобидан сақлайди.
6. Кавсар сураси хусуматдан сақлайди.
7. Кофирун сураси ўлим пайти куфрдан сақлайди.
8. Ихлос сураси мунофиқликдан сақлайди.
9. Фалақ сураси ҳасаддан сақлайди.
10. Нас сураси васвасалардан сақлайди.
@mehrob_uz Ochish/sharhlash

2024-06-30 01:47:00 АССАЛОМУ АЛАЙКУМ!
Хайрли тонг!

#Дуо
ОФАТНИ ДАФ ҚИЛИШДА ЎҚИЛАДИГАН ДУО

Анас ибн Молик розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Аллоҳ таоло бир бандага аҳли аёли, моли ва фарзандида бир неъмат берса, у:
مَا شَاءَ اللهُ لاَ قُوَّةَ إِلاَّ بِاللهِ

«Ма ша`аллоҳу ла қуввата илла биллаҳи» деб айтса, шу неъматларда ўлимдан бошқа офат кўрмайди», дедилар.

Маъноси: Аллоҳнинг хоҳлагани бўлади. Аллоҳдан бошқада қувват йўқ.

Ибн Сунний ривоятлари.
@Mehrob_uz Ochish/sharhlash

2024-06-29 19:45:00 #Расулуллоҳ_мўъжизалари
149-мўъжиза
Дуо билан қўлнинг шол бўлиб қолиши

Расулуллоҳ соллаллоҳу алайҳи ва салламнинг ишлари юксалаётганини, мусулмонлар кўпайиб кетаётганини кўрган Қурайш аҳли токи Расулуллоҳ соллаллоҳу алайҳи ва саллам таслим бўлмагунларича Бани Ҳошим, Бани Абдулмутталиб ва Бани Абдуманнофлар оиласига қарши келишишди. Улар билан олди-сотди қилмаслик, никоҳ тузмаслик, гаплашмаслик, ўтирмасликка аҳд қилиб, уларга шарт қўйишди, бу тўғрида саҳифа ёзиб, Каъбанинг деворига осиб қўйишди. Бу саҳифани Мансур ибн Икрима ибн Омир ибн Ҳошим ёки Назр ибн Ҳорис ёзган дейилади.
Аслида, уни Буғайз ибн Омир ибн Ҳошим ёзган эди. Кейин Расулуллоҳ соллаллоҳу алайҳи ва саллам уни дуоибад қилдилар, қўли шол бўлиб қолди.
Илм аҳлидан баъзиларининг келтиришича, Расулуллоҳ соллалоҳу алайҳи ва саллам амакилари Абу Толибга: “Эй амаки, Раббим Аллоҳ таоло Қурайшнинг саҳифасига бир қуртни қўйди. У қурт саҳифадаги бўҳтон, зулм, қариндошлик алоқаларини узиш ҳақидаги барча сўзларни йўқ қилди. Унда фақат Аллоҳнинг исми қолади”, дедилар. Абу Толиб: “Сенга бу ҳақда Раббинг хабар бердими?” деб сўради. Расулуллоҳ соллаллоҳу алайҳи ва саллам: “Ҳа”, дедилар. “Аллоҳга қасам, сенинг олдингга ҳеч ким кирмайди”, дея Абу Толиб Қурайшнинг олдига чиқди. “Эй Қурайш аҳли, укамнинг ўғли хабар берди. Кўрайлик-чи, агар саҳифаларингиз жияним айтганидек бўлса, қариндош-уруғчиликни узишдан қайтинглар ва қўйган шартларингизни бекор қилинглар, агар ёлғон бўлса, жиянимни сизларга топшираман”, деди. Шунда қурайшликлар: “Розимиз”, дейишди. Бориб қарашса, саҳифа Расулуллоҳ соллалоҳу алайҳи ва саллам айтганларидек бўлиб чиқди. Буни кўриб, уларнинг ёмонлиги ортди. Қурайш аҳли бир жамоа тузиб, тузган шартномаларини бекор қилишди.

@mehrob_uz Ochish/sharhlash

2024-06-29 19:34:00 Намоз вақтлари:
30.06.2024 - ЯКШАНБА

Telegram | Facebook | Instagram | YouTube Ochish/sharhlash

2024-06-29 17:20:00 115. Муоз ибн Жабалдан ривоят қилинади:
"Расулуллоҳ соллаллоҳу алайҳи васаллам: "Кишининг табиатига айланиб кетадиган тамагирликдан, тама қилинмайдиган ўринларда ва тама қилинмайдиган нарсаларда тама қилишдан Аллоҳдан паноҳ тиланг!" дедилар".

Изоҳ: Тама – қаноатнинг зидди бўлиб, ўзига тегишли бўлмаган моддий нарса (бирор мол-мулк)нинг ўзига тилайман". тегишли бўлишини умид қилиш, умид қилиш билан чекланиб қолмасдан, шунга интилишдир. Тама кишининг дини ва тақвосини бузадиган, эгасининг даражасини пастга туширадиган, алал оқибат эгасини ҳалок қиладиган воситадир. Зеро, инсондаги очкўзликнинг манбаси ҳам унинг табиатига айланиб кетган тама ҳисобланади.

Муснади Кеший китобидан.
@mehrob_uz Ochish/sharhlash

2024-06-29 15:58:00 Садақа кўп қилинса, кенг ризқ келтиради, эҳтиёжларни қондиради, зафарга, Муваффақиятга, шифога, орзуларнинг ушалишига сабаб бўлади.

Жобир ибн Абдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васаллам бизга хутба қилиб, шундай дедилар: «Эй инсонлар, вафот этишингиздан олдин тавба қилинглар, банд бўлиб қолишдан олдин солиҳ амалларга шошилинглар. Аллоҳни кўп зикр қилиб, махфий ва ошкора кўп садақа қилиб ўзингизни Роббингизга боғланглар, шунда сизларга ризқ берилади, ёрдам (нусрат) берилади, (садақангизнинг ўрни) тўлдирилади» (Имом Ибн Можа ривояти).
@mehrob_uz Ochish/sharhlash

2024-06-29 13:46:00 Фараз қилинг, кўзгулар қалбларнинг ҳолатини ҳам акс эттирса...
Ўзининг ҳуснига ром бўлиб юрган жуда кўп кишилар бундай кўзгуларини дарҳол синдириб ташлаган бўлишарди.
@mehrob_uz Ochish/sharhlash

2024-06-29 11:27:00 Жин мавзуси хатарлидир унга қизиқманг


Шайх
Саййид
Раҳматуллоҳ
Термизий.
@MEHROB_UZ Ochish/sharhlash

2024-06-29 08:56:42 Имом Шофеъий раҳимаҳуллоҳдан
«Бандани Аллоҳга яқин қиладиган амалларнинг энг буюги қайси?» деб сўрашди. У зот йиғлаб юбордилар, сўнг: «Аллоҳ қалбингга қараганида дунёу охиратдан фақат Унинг Ўзинигина исташингни қўрмоғи», дедилар.
Аллоҳим! Бизларга ана шундай қалб насиб эт!
@mehrob_uz Ochish/sharhlash