Matematikadan repetitor

2021-02-08 00:59:06 Abadiy hayot

Biz qachon tug‘ilganimizni hujjatimiz yoki bizga bu haqida aytgan ota-onamiz tufayligina bilamiz. Bizning hayotimiz qachondan boshlandi? Bizga in’om etilgan bu buyuk ong tug‘ilmasimizdan avval qayerda edi? Nega boshlang‘ich nuqtamiz mavjud emasdek tuyuladi bizga? Azizlarim, mening fikrimcha aynan mana shu bilmasligimiz juda ajoyib, negaki ana shunda biz ibtidosi yo‘q ongga (umuman, hayotga) ega bo‘lamiz. Bu yog‘ini surishtirsangiz esa biz qachon o‘lishimizni ham bilmaymiz. Albatta, yuz yildan keyin yashamasligimizni bilamiz, lekin qazo vaqtining noaniqligi abadiyatga o‘xshab ketadi va natijada biz intihosiz ongga (umuman, hayotga) ega bo‘lamiz. Ha, meni xursand qiladigan narsa shu. O‘limdan qo‘rqish kerak emas. Bu hayotda o‘z burchini o‘tash uchun bor kuchi bilan harakat qilib yashagan inson uchun ayniqsa o‘lim dahshati hechdir. Biz bor paytda o‘lim yo‘q, o‘lim bor paytda esa biz yo‘q bo‘lamiz. Biz hech bo‘lmaganda o‘z ongimiz nuqtai nazarida ibtidosi va intihosi yo‘q bo‘lgan abadiy mavjudotlarmiz!

@matematikadan_repetitor Ochish/sharhlash

2021-02-06 06:41:21 ИБТИДО БОР, ИНТИҲО ЙЎҚ.
Юқорида мен изоҳлаган ғоялар асарнинг таркибий қисмларига мисоллар, холос. Асарнинг ўзи эса инсоннинг «ўлиб бориш» жараёни ҳақида. Ва албатта, кимнингдир «ўлиши» бошқа бировнинг «туғилиши»га хизмат қилади. Инсон бутун умри давомида тортадиган барча азоблар ва ҳис этадиган бахтли онларнинг бари ҳаётнинг мана шу «ўлиш» ва «туғилиш» номли абадий босқичларини тўлдириб турувчи оддий бир қисм бўлиб қолаверади. Одамлар ўтиб кетгани билан, ҳаёт бошқа бир инсонда ўзининг эски кўринишида, эски дардлар ва эски бахтларни рўёбга чиқарган кўйи давом этаверади.

Rahimjon Qudratov Ochish/sharhlash

2021-02-05 20:41:17 ​Matematikani nega o‘rganamiz?

(Sarkazmik drabl)

«Oliy matematika» darsida integrallardan misol yechishni ko‘rsatib berayotgan o‘qituvchi Erikdan studentlardan biri so‘radi:
— Domla, shu integralni hayotimizda baribir ham ishlatmaymiz manimcha. Mana o‘zimdan misol, shu paytgacha matematikadagi narsalar biror marta hayotimda uchramagan. Yo endi uchraydimi?
Erik qo‘lidagi bo‘rni stol ustiga qo‘ydi va xotirjam ovoz bilan dedi:
— Man sizlarga o‘rgatayotgan narsalarimni hayotingizda uchratasiz deganmanmi biror marta?
— Yo‘q, domla, o‘shanga so‘ruttimizda — dedi shevasi udar boshqa student.
— Hayotingizda albatta hech qachon uchratmaysiz bularni, jumladan integralniyam.
— Iye, ha unda nimaga o‘rganutto‘, befoyda vaqtimizzi ketqazib, ha uni o‘nniga maza qilib spesimizzi o‘qisak bo‘maydimi do‘mla?
— Unda biz matematika o‘qituvchilarining bolalarini kim boqadi uka? — dedi Erik qo‘lini nam salfetka bilan artarkan.
Xonada kulgi ko‘tarildi.
— Boshqa ish qilinglar sizlar, kashfiyotlar qilinglar matematikada — bilag‘onlik qildi yana allaqaysi student.
— Moliya masalasi nima bo‘ladi unda? Faqat ilmiy ishga sho‘ng‘ib o‘tirganimiz uchungina qornimiz to‘q, ustimiz but yursa mayli edi. Axir biz kelajagi buyuk davlatda yashaymiz, hoziri buyuk davlatda emas. Chiqing davomini integrallab qo‘ying — dedi Erik keskin ohangda.
— Uzr, domla, man matematikani tushunmayman.
— Yashasin bepul ta’lim! — dedi Erik yana bo‘rni qo‘liga olib doska tomonga yo‘nalarkan...
Erkin Aliyev

@matematikadan_repetitor Ochish/sharhlash

2021-02-05 10:40:36 ​G. M. Fixtengolsning «Matematik analiz asoslari» kitobini o‘qiyotgan edim, mana bu joyi e’tiborga loyiq joy ekan, sizlarga ham ilindim.

@matematikadan_repetitor Ochish/sharhlash

2021-02-05 06:39:56 ​Sherzod Turdiyev: O‘zbekiston - terrorizm va diniy ekstremizmga qarshi!!!

Kun bo‘yi maqola parchalaridan repostlarni o‘qib qisqacha fikr bildirib qo‘yaqolgan edim. Hozir o‘sha o‘chirilishi talab etilgan 2 maqola, Azon.uz muharriri rasmiy bayonoti-yu, ikki maqoladan biri tahrirlanib asos qilib olingan Kun.uz maqolasini to‘liq o‘qib chiqdim.
Yetib kelyabmiz birodarlar. Avvaliga Kun.uzdagi bir fanatik Prezident 4 yil davomida gapirgan gaplariga din prizmasi orqali qarab, soqol, masjidga bolalar chiqishiga ruhsat bo‘lgani va umraga cheklovni olib tashlanganiga minnatdorchilik bildirib, umra va hajni davlat nazoratiga olganini monopoliya deb atab, burnini jiyiribdi. Azon.uz muharriri esa Prezident nutqidagi birgina iborani shunday ko‘pirtiribdiki, uni o‘qigan odam O‘zbekistonda millionlab odamlar islomiy maktab ochilishini ovqat ham yemay, ko‘zda yosh bilan kutib o‘tiribdi. Har bir tumanga, maktabga alternativ xujralar ochilsayu, dunyoviy bilim olib bo‘lgach bola xurjunini ko‘tarib, so‘ppisini kiyib, qizlar esa qora qopga o‘ranib madrasaga ketsada
Shu gaplaringga "To‘xtaniyoz otanikidan yebsan dolb&y@b" deydigan odam yo‘q.
Avvaliga axborot erkinligi cheklanibdi deb biroz achinibman ham. Bu zombilar iddaosini yaxshilab o‘qisangiz, tekst ostida keyingi talabimiz: "maktabda qur’onni yodlatishga ruhsat", "xalifat", sal keyinroq "xayz ko‘rgan qizga uylanishga ruhsat", "burqa kiymagan ayollar toshburon qilinsin" -degan iddaolar elas-elas eshitilib qoladi. Yaqindagina "Qora burqa kiymagan ayollar fohisha, ularni toshburon qilish joiz" — deb ham fatvo bilan chiqqan edi shu Azon.uzdagi bir ekstremist. Xalq reaksiya bildirgach, maqolasini o‘chirib, bu mening shaxsiy fikrim deya juftakni rostlagan o‘shanda. Mana yana huruj qilyabdi bu fanatiklar.
Azon.uz ga bari o‘zi kabi islamistlarni yig‘ib olgan Mubashir domla birpasda uzidan mazlum yasab, ko‘rpa-tushak qilib yetib olibdi mug‘ombir. ))
OAV sifatida ro‘yxatdan o‘tgan bo‘lsang axborotingni ulashib, o‘zingni ishingni qil, nima qilasan dinni targ‘ib qilib, davlatga ultimatum qo‘yib?! Prezident so‘zini o‘z manfaatiga mos talqin qilib, tanqid qilingach Prezidentga orqa qilib, uni ortiga berkinmoqchi bo‘lgan bu kabi pisib yetgan ilonlardan ehtiyot bo‘lish kerak. Qizig‘i bularni pobegda yurgan salafiylar qo‘llab, postlarini ulashib yotishibdi.

@matematikadan_repetitor Ochish/sharhlash

2021-02-02 09:27:53 Kanalimiz obunachisidan kelgan mem

@matematikadan_repetitor Ochish/sharhlash

2021-02-01 05:24:00 АЁЛЛАР ҲУҚУҚЛАРИ - ХУН БИЛАН ТЎЛАНГАН ҲУҚУҚЛАР !
(Тарқатинглар)

Ўзбекистонда қизлар ўғил болалар билан бирга мактабларга борадилар, ота-оналарининг дунёқарашлари илғорроқ бўлса, олий маълумотга эга бўладилар, тақдирларига қараб ишлашлари ёки уйда ўтиришлари мумкин. Улар паранжига ўранишга, эркаклардан 7 қадам орқада юришга мажбур эмаслар. Улар тошбўрон қилинмайдилар, минора тепасидан ташланмайдилар, ёввойи мушуклар билан бирга қопга қамаб ўлдирилмайдилар.

Буларнинг барчаси Ўзбекистонда аёлларнинг ҳуқуқлари анча илгарилаганлигини билдиради. Тўғри, республикадаги 200 та ҳокимдан бор йўғи тўрттаси аёл бўлсин деса иштонини бошига кийиб олиб додлайдиганлар топилади. Тўғри жамиятда қизларни эрта эрга беришни хоҳловчилар, аёл ўқиши, ишлаши керак эмас деб ҳисоблайдиганлар, ҳатто аёллар қайтадан паранжига ўранишлари, бировларга биринчи, иккинчи, учинчи, тўртинчи хотин бўлиб, туғиш машинаси, жонсиз предмет бўлишлари керак деб ҳисоблайдиганлар ҳам бор. Бу маърифат ва жоҳиллик ўртасидаги абадий кураш...


Дунёда бир нечта секталар бор. Улардан айримларида "Аёлларни бўлиб олиш ва аёлларга хоҳлаганча эгалик қилиш" ғояси асос қилиб олинган бўлади. На инсониятга, на жамиятга, на инсонларнинг ўзларига бир тийинлик фойдаси йўқ, аксинча турган битгани зарар бўлган мазкур секталарга ҳам минглаб, ҳатто миллионлаб инсонлар қўшилганлари қайд этилган. Чунки бундай секталарга қўшиладиганларнинг ҳиссиётлари шундай манипуляция қилинган-ки, уларнинг миялари фақат ўзларининг икки оёқлари ораси ҳақида ўйлайди ва кўзлари фақат жинсий эҳтиёжларни кўради. Умуман "жинсий" мавзу жуда нозик мавзу ҳисобланиб, дунёда кўплаб динлар, ташкилотлар ва мафкуравий доиралар ундан қурол сифатида фойдаланадилар.

Суриядаги "Исломий давлат" деб аталган секта вакиллари ҳам эркакларга истаганча аёллар ва қизларни ваъда қилганлиги, бутун дунёдаги руҳан ожиз қиз ва аёлларни диний алдовлар билан жалб қилиб жинсий фоҳишаларга айлантирганлиги худди шундай усуллардан бири ҳисобланади...

Мақолани тўлиқ ўқиш учун ҳавола : https://telegra.ph/Ayollar-huquqlari---xun-bilan-tolangan-huquqlar-01-31

"Уч замон" каналига ҳали обуна бўлмаганлар учун ҳавола: https://t.me/uchzamon Ochish/sharhlash

2021-01-31 08:30:38 ​Брейнвашинг ёки мияни ювиш

Мияни ювиш ёки брейнвашинг— инсоннинг иродаси ва хоҳишидан фарқли унинг тафаккури, хулқ-атвори, эътиқоди, ҳиссиётлари ёки қарор қабул қилиш жараёнини ўзгартиришга уринишда манипуляция усулларидан фойдаланиш.

Ғарбда бу атама биринчи марта AҚШда 1950-йилларда Корея уруши пайтида ишлатилган. Америкалик журналист Эдвард Хантер "мияни ювиш" атамасини хитойлик коммунистлар америкалик ҳарбий асирларга қўллаган "қайта тарбиялаш" усулини таърифлаш учун ишлатган. Ўша пайтда мамлакатга қайтган кўплаб маҳбусларнинг АҚШ ҳукуматига ишончи сўниб, давлат сиёсатини қоралашни давом эттиришган.

1953 йилда ўша пайтдаги Марказий разведка бошқармаси директори Aллен Даллес брейнвашингни "мияга бошқа бир киши томонидан диск қўйилиб бошқарилиши" деб тушунтирган.

Мияни ювиш терминини манқуртлаштириш, зомбилаштириш жараёни билан ҳам қиёсласа бўлади. Бугунги кунда ҳукуматлар, турли сиёсий гуруҳ ва қатламлар ҳам жамият, аҳоли миясини ювиш билан шуғулланишади. Бунда улар албатта ўз сиёсати устунлигини кўрсатиб, кишилар онгини манипуляция қилишга уринишади. Натижада соғлом фикрловчи ва мияси ювилган жамият вакиллари ўртасида турли низо ва баҳслар кўпаяди. Манипуляцияга учровчилар кўплиги учун кўпинча ёлғон ва ҳақиқат ўртасидаги фарқни сезиш қийинлашади.

Турли шиорлар, плакатлар, ОАВ, мактаб дарсликлари, миллий одатлар, байрам ва тадбирлар тарғиботи орқали мияни ювиш жараёни амалага оширилиши мумкин.

Бу ҳолатларга киши фақат танқидий фикрлаш ва скептиклик билангина қарши курашиши мумкин.

@kitoblog Ochish/sharhlash

2021-01-29 04:53:45 @matematikadan_repetitor Ochish/sharhlash

2021-01-28 14:29:17 ​Jichcha matematika buyog‘i Hurmat bilan o‘zim @matematikadan_repetitor Ochish/sharhlash