Laa tahzan

2022-08-31 04:23:16 Инсонларга ва асосан, дунё аҳлига асло ҳолингиздан шикоят қилманг!
Кейин Аллоҳ сизни уларга ташлаб қўяди.

Имом Ғаззолий

https://t.me/laa_tahzan92 Ochish/sharhlash

2022-08-29 12:42:10 https://t.me/mohir_qollar_turli_aksesuarlari

Andijonliklar uchun zakazga qoʻl mehnati ishlari Ochish/sharhlash

2022-08-25 12:07:36 Maqolasi har qancha uzun yozilmasin erinmay oʻqiydigan yozuvchilarimdan biri Muazzam Ibrohimova. Ochish/sharhlash

2022-08-25 12:06:44 Камбагалликни қисқартириш Вазирлиги ортиқча сарф -харажатларни эмас, камбагалларни ўлдириб қисқартиришга очилгандай гўй. Шундай бўлмаса уялмай шохона тадбирлар харажатига изн берадими?
Миллат боласи ея олмаётган қўй-қўзиларни миллатни бир тийинга олмайдиган меҳмонлар учун сўйилишига жим қараб тура оладими?
Антикорупция қўмитаси, Бош прокуратурачи?
Улар тугатишга журъат эта олмаётган йирик-йирик порахўрлар, юлгич, ўғрилар катта холасининг эмас, Ўзбекистоннинг келажагини ўғирлаётгани билишадими?
Бюджетдан гоциб бўлаетган миллиардларда оч-нахор, сулайиб юрган юрт боласининг ҳам хаққи борку!

Чет элларда сарсон бўлиб юрган мардикорлар орасида кўча супураётган, хожатхона тозалаётган, бировнинг подасмни боқиб, кўтини юваётган собиқ ўқитувчи, инженерлар, шифокорларни учратганимда қон йигладим. Юртимиздаги шунча муаммоларга кўз юмиб, подалашиб халқ хисобидан Хажга борганларга Равза эшиклари осонликча очилганида ожиз инградим...

Юртдошиим, яна саноқли кунлардан сўнг
оғир сумкасини елкасига илиб, чайқалиб-чайқалиб кетаётган озғин, пачоққина, ўқувчиларга ҳам кўзингиз тушади. Илтимос, бефарқ бўлманг! Имконингиз етканча, ҳеч бўлмаса бир коса иссиқ овқат, иккитагина ширин кулча олиб беринг.
Уларнинг уволи- келажак заволидир.


Муаззам Иброҳимова Ochish/sharhlash

2022-08-25 12:06:44 Тупрогида дарахт ўсмайдиган шимолий ўлкаларда ҳам мактабдаги иккинчи нонуштага йил давомида олма, нок ёки яна қандайдир мева берилади болаларга.
Яхши нонушта қилиш имконияти йўқ болаларгина эмас, истаган қорни оч ўқувчи , ўқитувчи мактаб буфетида бепул нонушта қилиб олиш имконияти бор мамлакатлар мавжуд.
Ижтимоий холати огирроқ оила фарзандларига тўйимли тушлик ҳам бепул. Бизда эса?

Ўқувчи тўйимли нонушта есагина мактабдаги иккинчи нонуштага эхтиёжи бўлмай, тушликка етиб олади.
Емасачи? Мияга етарли озуқа борадими?
Масала мисоллари катталарни шошириб қўядиган математика, физика , химияни қайси қувват хисобига ўзлаштиради?

Тушликдачи? Шундай оилаларни биламан. Бир маҳалгина қозон осишади. Икки махалга имконият йўқ.

Пешинга ҳам худди нонуштадаги каби қуруқ нон -чой....

Камбагалнинг дастурхонидаги гўштсиз кечки таомгина ўқувчи рационига тўгри келади. Чунки гўштни ётишдан аввал еб бўлмайди.


Ўқувчи қандай овқатланиши керак?

Жаҳон соғлиқни сақлаш ташкилоти, Соғлиқни сақлаш вазирлиги ва бошқа илмий жамоалардан соғлом овқатланиш бўйича асосий тавсиялар мавжуд.

ОУЁ МУВОЗАНАТИ

Яъни оқсиллар, ёғлар ва углеводларнинг мувозанати. Ушбу моддаларнинг етишмаслиги соғлиқ учун зарарлидир. Оқсиллар тананинг қурилиш материали бўлиб, тўқималар ва метаболизм учун жавобгардир. Унинг катта қисми дуккакли экинларда учрайди.

Тўйинган ёғлар организмдаги озуқа моддаларини ташиш ва зарур гормонлар ишлаб чиқаришни таъминлайди. Улар энг кўп балиқ ва ёнғоқларда бўлади.

Углеводлар энергия манбаидир. Улар оддий ва мураккаб: агар биринчиси кўпроқ пиширилган маҳсулотлар ва ширинликларда бўлса, иккинчиси бутун дон, дуккакли ва донли экинларда кўпроқдир.

Агар болалар, айниқса ўсмирларнинг рационида оқсиллар, ёғлар ва углеводлар мувозанати бузилса , ҳар хил муаммоларга олиб келиши мумкин: ўсишнинг кечикиши, иммунитет тизимининг бузилиши, куч ва фаолликнинг пасайиши, соч тўкилиши, мўрт тирноқлар. Энг муҳими эса мия фаолияти сустлашади.

Хайвонот маҳсулотларида ўсаётган организм учун жуда зарур бўлган муҳим аминокислоталар мавжуд. Бундан ташқари бу махсулотлар таркибида
темир, кальций моддалари бор. Соғлом организм учун муҳим витамин Б12 ҳам кўп миқдорда фақат ҳайвонлардан олинган озиқ-овқатларда мавжуддир. Ўсимлик овқатларида эса ҳалокатли даражада кам ёки умуман йўқ, деса ҳам бўлади.

Энди дўппини бир четга олиб бир ўйлаб кўрайлик, нон ва шакар чой билан қорнини алдаб келган ўқувчи беш, олти соат дарсда оч -нахор ўтириб, мураккаб мавзуларни ўзлаштира оладими? Йўқ! Чунки, мавзуни миясига мажбуран жойлагиси келсада жисмонан кучи етмайди.

Бундан ташқари аксарият оилалардаги асосий таом -нон очликдан қутқарсада, унинг фойдасидан зарари кўпроқ.
Гарчи унинг таркибида углевод, ўсимлик клечаткалари, В гуруҳи витаминлари, магний, селен, темир каби микро ва макроэлементлар кўп бўлсада, унинг суиистеъмол қилиниши, ортиқча вазн, семизлик, юқори холестерин, диабет ва юрак ва қон томирлари касалликларига олиб келади.

Бундан ташқари, аксарият оилаларнинг асосий таоми бўлмиш "бўлка" нонда консервантлар, эмулсификаторлар каби зарарли кимёвий моддалар қўшилади.

Ўқувчилар кальций етишмовчилигидан суяклари мўрт, мушаклари бўш, емиши фақат нонлигидан юрак-қон томир хасталикларига эрта ёшиданоқ мубтало бўлишяпди.
Сурункали касалликларга чалинган болалар сони ортди.
Миллиондан беш... ўнтаси чемпион бўлса, медаль олса кўкка сакраймиз. Халқаро фан олимпиадаси ғолиблари бўлса
Ибн Сино, Беруний, Улуғбекларнинг авлодимизда деб кўксимизга муштлаймиз.
Аммо бу вундеркиндлар миллиондан неча фоизини ташкил қилишини ўйлаб ҳам кўрмаймиз.

Ҳукумат, ўқитувчидан, мураббийдан натижа талаб қиладию, таълим тизимини кетига тиққан, халқнинг хаққи бўлган миллиардларни ўғрилаётган харомхўрларни топиб жазоламайди. Ochish/sharhlash

2022-08-25 12:06:44 Нахотки шунга ҳам овқатланишимиз сабабчи бўлса?
Биз икки сабаб туфайли миямизни фаол ишлата олмаймиз.
Камбағал- тўймайди. Етарли озиқланаолмаётган мия ҳам шунга яраша ишлайди.
Бой- керагидан ортиқ ейди. Семиради. Мия ҳам ортиқча хилтларга тўлиб дангасалашади.
Соглигини авайлаган, тўгри овқатланадиган, турли рухий зўриқишлардан қочадиган инсонларнинг миясигина фаол ишлайди.

Ўқишга киролмаган камбағалнинг боласини айблашдан аввал, унинг жисмоний, ақлий имкониятларини чамалаб кўрайлик. Витаминларга тўйинмаган оч мия инсоннинг фақирлик доирасидан чиқиб кетишига руҳсат берадими?

Мана, янги ўқув йили бошланяпди.
Жорий йилнинг 27 февралида камбағалликни қисқартириш чора-тадбирлари юзасидан видеоселектор йиғилиши бўлиб ўтди. Унда Президент Шавкат Мирзиёев мамлакатимиз аҳолисининг 12-15% ёки 4-5 милллион аҳоли камбағаллик шароитидалигини таъкидлади. Аслидачи бу рақамлар нисбий, кабагал ва қашшоқни фарқлай олмайдиган, тепага яхши кўринишни ёқтирадиган маҳаллий ҳокимиятларнинг касофати туфайли хақиқий холат анча ачинарли.

2020- йили Ҳукуматнинг «Умумий ўрта таълими муассасаларида соғлом овқатлантиришни ташкил этишни янада такомиллаштириш чора-тадбирлари тўғрисида»ги қарори лойиҳаси эълон қилинди. Унга кўра 2021-2025 йиллар давомида 2990 та мактабларда талаб даражасидаги ошхоналар ишга тушиши керак.

Лойихага мувофиқ Халқ таълими вазирлиги манфаатдор вазирлик ва идоралар билан биргаликда умумий ўрта таълим мактабларидаги мавжуд фаолият юритмаган ошхоналарни тўла қувват билан қайта ишга туширилиб, шунингдек умумий ўрта таълим мактабларида ошхоналарни қуриш ва таъмирлаш ишларини олиб борган хусусий тадбиркорларга узоқ муддатли “ноль” ставка билан ижарага берилиши маълум қилинди.
Бир қарашда халқни хурсанд қилиши керак бўлган лойиҳа. Бироқ унинг назоратичи?

Узоққа бормай, тўрт болам ўқиган Тошкентнинг қоқ марказидаги умумтаълим мактабининг биноидек ошхонаси бўлсада ҳеч яхши ижарачига ёлчимади. Иссиқ овқат ўқувчилар тугул , ўқитувчиларга аранг етади. Фестфудларининг салати ачиган. "СаНпиН"талаблар хақидаку гапирмасам ҳам бўлади. Бу манзарани Республикамиздаги Умумтаълим мактабларидаги яна бир қанча ошхоналарда кўрдим.

Кун ора келадиган комиссия виждонлироқ бўлса "СанПиН" талаби бузилганини кўрса, ошхона фаолиятини чегаралайди. Нафси хакалак отгани ўзига аталганини олиб кўзини юмади.
Ошхонадан умид узган ўқувчилар, яқин атрофдаги дўконлар, фес-футларда арзонгина, захри қотилга кон- ўсаетган организмга зарарли кимевий унсурлар қўшилган махсулотлар билан тамадди қилишади.



Ўқув жараёни болалардан юқори ақлий фаолликни талаб қилишини хисобга олсак,
ўқувчи (ўқитувчини ҳам) организмини витаминларга бой, соғлом мувозанатли овқатланиш билан таъминлаш даркор.
Одатда, мактаб ўқувчилари ҳар 4-5 соатда овқатланишни талаб қилинади.


Хўш, тўқ болалар қанча?

Қанча болалар дарсга кетишдан аввал қуруқ нон -чой билан қорин алдашади. Нонушта ўқувчининг энергия сарфини қоплаши учун етарли миқдорда озуқа моддалари ва калорияларни ўз ичига олиши шарт. Чунки айнан кундузги 8-12 орасида боланинг танаси энергияни интенсив равишда истеъмол қилади, чунки бу вақтда у энг фаол ишлайди.

Эрталаб ейилган бир коса иссиқ таом ( сутли бўтқа, ёки гўштли) тушгача ўзлаштириладиган дарсларга етарли қувватни беради. Творог, тухум, сарёг, қаймоқ дедикат4с эмас, ҳар куни дастурхонда бўлиши шарт махсулотлардир. Тонгда ейилган мевалар кун бўйи кайфият яхши бўлишга кафолатдир?

Аммо улар қани? Хозирку пишиқчилик, "тўйиб евол" дейди катталар. Бироқ қоракўзларимиз ақлли , соглом бўлиши учун меваларни фақат пишиқчиликдагина эмас,иложи бўлса йил давомида едиришимиз шарт.

Ана шунда пишиқчилик пайтида сотилмай, гектар -гектар бўлган богларда ер билан битта бўлиб ётган, қишга сақланмаган, қайта ишланмаган меваларни ўйлаб ичим тўкилади. Ochish/sharhlash

2022-08-25 12:06:43 ТАЪЛИМДАГИ ИНҚИРОЗ САБАБЛАРИ
(2-МАҚОЛА)

Яқиндагина ижтимоий тармоқларда Халқаро тадбир учун дастурхонга қўйилган 70000 лик сомса, 50 000 лик мантилар обдон муҳокама қилинди-ю, шов-шув қандай бошланган бўлса ўшандай тинди.
Куни кеча эса Андижондаги мактабгача таълим муассасаларинг бирига тегишли деб иддао қилинаётган ажабтовур махсулотлар рўйҳати эълон қилинди. У ҳам яхшилаб чайналгач, бошқа мавзуларга ўтлаб кетдик.
Ҳар дойим шунақа. Энг долзарб мавзуларни ҳам ҳам нари борса уч, тўрт кун муҳокама этиб, кейин унутамиз.

Ёдингизда бўлса, Давлат раҳбари бир неча марта огиз кўпиртириб ваъда қилган мактабдаги бепул тушликлар ҳам унутилди. Аниқроғи фақат телевизордангина тарқатилди.

Замонавий ошхона эмас, оддий буфетга ёлчимаётган мактабларда, ғулдираб турган оч қорин билан ўқиётган қоракўзлар эса Афгонистон, ёки Африкадагина эмас , Ўзбекистонда ҳам бор.

Жисмонан заиф, касалманд, йилдан -йилга пачоғ бўлиб бораётган миллат болаларига қараб юрагим эзилади. Чет элда ҳам уларни дарров таниб оламан. Озғин, шумшайган, кимларнингдир кўзига мўлтираб мут'е турувчи ёшларнинг аксари ўзбек бўлади.

Сўрасанг, тирикчилик сабаб , ноилож мардикорликни, хизматкорликни , қулликни танлаган ёшларимизнинг аждодлари алпкелбат Темур, Жалолиддинлар ....бўлганига ишонгинг келмайди.

БЎШ ҚОП ТИК ТУРМАЙДИ.

Болалигимизда дадам бу мақолни кўп такрорларди.
Катталар: "Камроқ кийсанг ҳам , кўпроқ е" деб, эрталабки нонуштада бақувватроқ овқатланишимизни назорат қилишарди. Ўша вақтлар энг оддий мактаб ошхонасида тўйиб овқатланишга 20 тийин етарли бўларди. Хозирчи?

Ўз вақтида, тўйиб ва сифатли овқатланмайдиган болалар фанларни ўзлаштиришга қанчалик лаёқатли?

Миянинг асосий функциялари туғилишимиздан олдин шакллана бошлайди ва бу жараён беш ёшгача давом этади.
Бу вақтда миянинг маълум кўникмаларни ўрганиш қобилияти энг юқори даражада бўлади ва бу қобилият инсон улғайган сари аста-секин камайиб боради.
Агар биз беш ёшгача даврни бой берсак, боланинг янги кўникмаларни ўрганиши ва ўзлаштириши қийинроқ бўлади.

Беш ёшгача бўлган, соглом овқатланмайдиган оила болалари интелект жихатидан ҳам, жисмоний жихатдан ҳам тенгдошларидан орқада қолади. Боз устига, иммунитет заифлиги туфайли ўткир ва сурункали касалликлларга кўпроқ чалинишади.

Хўш бундай болалар қандай оилада ўсади?
Албатта фақир, даромади оз, харажатлар эса чегараланган оилаларда-да!
Ўлганни устига тепгандай ота ёки онанинг бири мардикор, ёки маълум бир сабаблар билан тарбияда бевосита иштирок этмаса, бола ривожланиш рағбатидан махрум бўлса, у мактабда ҳам ёмон ўқийди.
...
Балки сиз, ҳаётда катта мувафаққиятларга эришган фақир оила фарзандлари ҳам бор дерсиз. Албатта бор. Узоққа бормай, теварагингиздаги шундай омадли инсонларни санаб кўринг. Қанча экан? Саноқли-а?
Ирсият ва мотивация туфайли, камбағалликдан қутулган, жамиятда маълум бир поғонани эгаллашга муяссар бўлган инсонлар ҳам бор.
Лекин қанча?
Ижтимоий холатига қарамай, яхши жойларда ўқиган, яхши маошли ишларга ўрнашган таниш-билишингиз саноқли эмасми?

Шахсан мен санасам, улар юзтага бормайди.
Бир вақтлар , асосан бошлангичда зўр ўқиб, кейин турмуш ташвишлари туфайли давомати пастлаган, бир неча бор уриниб олий маълумотли бўлолмагач заводда қора ишчи, хизматчи, чўпон, мардикор бўлиб юрган мактабдошларим, қишлоқдош, таниш -билишларим эса жуда кўп.
Бир савол менга сира тинчлик бермасди. Нега биз яхудийларга ўхшаб дунёга танилган Нобель мукофоти совриндорларини тарбиялай олмаяпмиз?
Нега Илон Маскка ўхшаган вундеркиндларимиз кам?

Тўғри, Ўзбекистон таълим тизимида муаммолар қалашиб ётибди.
Аммо фақат таълим сифати айбдорми? Ochish/sharhlash

2022-08-25 12:06:32 Ўқувчиларнинг 70% икки сменада ўқиётгани ,баъзи жойлардаги мактабларда холат ўта абгорлигини ҳам яширмаган. Бу муаммоларни хал этиш учун эса 36 трилион сум (3.5 миллиард доллар) лозим эди.
Бу йилги статистикани хали кўрганим йўқ. Балки сезиларли ўзгаришлар бордир. Ахир 3000 дан ортиқ таъмирталаб мактабнинг 135 таси қайта қурилиши, 1177 таси реконструкция қилиниши, 1695 таси капитал таъмирланиши ваъда қилинганди. Лекин бир йиллик инвестиция дастури 2 трлн сўм маблағ атрофида бўлса , баъзи баъзи ўқувчилар замонавий мактабда ўқишни орзу қилиб ўтиб кетаверар эканда.

Жахон банкининг 2020-йилдаги маълумотларига асосан давлатларнинг таълимга ажратадиган харажатлари даражасига назар ташласак, 217 мамлакат ичида 49-ўриндамиз ( Яъни.Ялпи ички махсулотга нисбатан таълимга давлат ва хусусий харажатларнинг фоиздаги умумий суммаси - 5,3% дир. )
Ўзбекистоннинг ЯИМ (ВВП) и 389,63 трлн сум (35,27 млрд. 2020- йил маълумоти) ташкил қилишини инобатга олсак, унинг 5.3 % ҳам кичкина маблағ эмас.
Аммо бу маблағни мақсадли сарфланишини кимдир назорат
қиладими?

Қолаверса тупрогида Менделеев даврий системасидаги деярли барча кимёвий унсурлари бор ва осмони муп-мусаффо, яп -янги Ўзбекистон ҳукумати нега Шарқий Самоа ( 14.1 %),Микронезия (12.5), Кирибатти (12%), Ботсванна (9.6%).... Жибутти, Ямайка, Гаяна, Гондурас, Аруба, Лесота, Бутан каби давлатлардан ҳам камроқ ажратади таълимга? Хатто қўшни Қиргизистон ҳам ЯИМ нинг 6% ни таълимга ажратади. Биз қиргизчалик ҳам эмасмизми? Рейтингда Кения (5,3%) билан бир сафда эканмиз. Агар унинг ахолисини 47 миллионлигини, ЯИМ и 87 миллиардлиги, 2007-йилгача сиёсий ва этник можаролар ичида нотинчлиги, табиий шароити туфайли мутасил қургоқчиликдан азият чекиб, ахолиси деярли оч яшашишини инобатга олсак, биз анча бойроқмиз ва таълимга ҳам кўпроқ маблағ ажратишимиз мумкун эдику!
Ахир энг яхши сармоя - таълимга ажратиладиган сармоя эмасми?
ХТВ рахбари депутатлардан давлат бюджетини тасдиқлашда мактабларни реконструкция қилиш ва қуриш учун ажратиладиган маблағларни, шу жумладан маҳаллий бюджетлар даражасида кўпайтиришни сўрайди. Лекин бусиз ҳам миллионта харажат юкланган маҳаллий бюджет ўқув муассасаларини юзаки, хўжамкўрсинга пардозлашдан нарёғига ўта олмайди.

Мактаб раҳбарияти эса ноилож. Жорий таъмирнинг кам-кўстига албатта ота-оналар жалб қилинади. Уларнинг ўнтаси рози бўлса , биттаси чақимчилик қилиб порахўр ўқитувчини сотади. 30-50 минг сўм йиққан айбдор, мактабдан тортиб, ижтимоий тармоқларгача сазои қилинади. Хайфсан олади, ишдан кетади, сал кўпроқ олгани қамалади.
Нафси хакалак отиб, мактаблар таъмирига ажратилган пулларини ямламай ютаётганларнинг эса ошиғи олчи...

Хуллас, 50% дан кам натижа кўрсатган абитуриентлар ичида етарлича шароитга эга бўлмаган мактабларда ўқиётган, бир кўзи ўқтитувчида-ю, биттаси шифтга қараган болалар ҳам бор.

Муаззам Иброҳимова Ochish/sharhlash

2022-08-25 12:06:31 ТАЪЛИМДАГИ ИНҚИРОЗ САБАБЛАРИ
(1- мақола)

5-синфда ўқиётганимда бошимга биз болалар тарвуз дейдиган "плафон" чироқ тушиб кетган.
Математикадан берилиб назорат иши ёзаётган эдим. Бошим ёрилган, уст -бошим қонга бўялган. Ўшанда шу даражада қўрққаманки, ўн биринчи синфни битиргунча ҳаёлимни ярми ўқишда бўлса, ярми дойим шифтдаги "тарвузлар"да бўларди.
Қайси синфхонага кирсак ҳам фарқи йўқ,
барчасида шифтнинг у ер бу ери кўчиб, одам скелетини эслатувчи эски ёғочлар очилиб турарди.
Ўша даврларда мактабни оталиққа олган "Цемкомбинат" ёзда ҳар қанча таъмирламасин, 3-4 ой ўтмай устимизга охак аралаш қум ёғилишни бошларди. Ер қимирласа-ку ўқувчиларгина эмас, ўқитувчилар ҳам дод солиб, ташқарига отилишарди...

Мактаб 2-жахон уруши бошида, эвакуация қилинган Одесса денгизчилари ўқув юрти учун қурилган бўлиб, бирор марта капитал таъмирга тушмаганини анча катта бўлгач билдим.
Афсус, ўша "тарвуз"лар яна бир нечта ўқувчининг бошига тушди. 2016-йили мактабимизнинг ўша вақтдаги раҳбари билан ёзмаган ташкилотимиз қолмади. Ота-оналарда икки мингга яқин имзо қўйилган арзномаларни Президент девонхонасининг ўзига нақд беш марта киритдик.
Махаллий ҳокимият, вилоят раҳбарларига ёмон кўринсакда " мактаб шу ўқув йилида капитал таъмир дастурига киргизилди" деган жавобни олиб, роса хурсанд бўлган эдик. Аммо минг афсус, ўша жавобдан сўнг яна олти йил ўтди.
90000 дан ортиқ ахолиси бор шаҳарда иккита арзанда мактаб бор. Биттасида собиқ пошшомизни хотини ўқиган. Унга эътибор И.Каримов давридан бошқача эди. Иккинчиси 1- ИДУМ.
Яна 3-4 та бошидан қурилган ва таъмирланган мактаблар бор.
Қолган 15-16 та мактаб эса дойим юзаки пардозланиб ўқувчи қабул қилаверади. Вахима билан таъмирланганларини ҳам сувоғи ярим йилга етмай, тўкилиб кетади...
90-йиллардаёқ расман "аварийный" деб тан олинган мактабимиздан Вазирликни хабари бор. Аммо, "маблагимиз йўқ, капитал таъмирни махаллий ҳокимият қилсин" дейди, вилоят ва махаллий ҳокимият эса "бизда бунақа пул йўқ" деб орқага суришади.
Афсуски, бундай таълим даргоҳлари республикамизда анча.

Мен хисобчи эмасман, бироқ ўтган йили Президентимиз 1-ноябрь куни бўлиб ўтган йиғилишда таълим ва тиббиёт соҳаларига 58 трлн сўм ажратилишини маълум қилган эди.
Ўша маблағ қани ? Биров назорат этяпдими?

Нахот, шу маблағларга болаларни том босиб қолиши мумкин бўлган мактаблар таъмирланмаса?

Халқаро андозаларга мувофиқ қурилаётган ихтисослаштирилган , Президент мактабларига топилаётган маблағлар ярим аср аввал қурилган ўқувчиларининг ҳаёти хавф остида бўлган ўқув даргоҳларига топилмаса?!

Битта саволимга жавоб беринглар: Талабга мутлақо жавоб бермайдиган хароб ўқув муассасаларида ҳам ўзимизнинг қоракўзлар ўқишадими?

Баъзи мактаблардаги супер шароитни оддий халқнинг боласига қилиб бера олмасангиз, п...х еб кун ора ТВ дан Президент мактаблари-ю, ихтисослаштирилган ўқув даргоҳларини кўрсатиб, маддохлик қилиб мақтайверсиз?!
Ялтираб турган ошхонасию, туалетигача кўрсатиб лавҳа тайёрлаетганлар, алмисоқдан қолган синфхоналарда ўқийдиган болалардан уяласизми?!

Мен бежиз бугун бу мавзуда оғиз очмадим. Тест синовларидаги қониқарсиз натижани кўриб, юзимизга яна бир бор ойна тутгим келди.

Хўш, йиқилганлар кимлар?

Инкор этмайман, уларнинг ичида ўқимаганлар,шунчаки таваккалига хужжат топшириб, таваккалига тест ечиб чиққанлар ҳам бор?
Бироқ, ҳамма омадсиз ҳам билимсизми?
Келинг, таълим тизимидаги, муаммоларга бир назар ташлайлик.
Республикамизда 10181 та (2021-йил маълумоти) умумтаълим мактаб бўлиб, ундан 3893 таси шаҳарда, 6288 таси қишлоқларда жойлашган. ХТВнинг собиқ Вазири Шерзод Шерматов 2021-йилда мамлакатда ўқувчилар сони 6,24 млн нафар га етгани ва бу мактаблар лойиҳавий қувватидан (5,06 млн) сезиларли даражада ошиб кетгани айтган. Яъни болаларнинг мактабларда минимал стандартларга мувофиқ ўқишлари учун улар сиғимини 1,2 млнтага кенгайтириш кераклигини тан олган. Ochish/sharhlash

2022-08-12 19:14:49 Баъзан эришганларинга баъзан эса йуқотганларинга шукр қиласан ...

https://t.me/laa_tahzan92 Ochish/sharhlash