Mushtariy Abdullayeva/Psixolog

2022-09-01 20:48:20 ﷽

Nima uchun qalbimiz borgan sari zaiflashib, noziklashib bormoqda?

Tanamiz og'risa, albatta, shifokor ko'rigiga borishni reja qilamiz yoki tanishlardan so'raymiz, hech bo'lmaganda internetda bu haqida o'qiymiz. Nima uchun ruhimizni unutib qo'yganmiz? Qalbimizni holatiga umuman qaramaymiz. U qorayib ketganmi, kasallik tekkanmi yoki umuman tosh kabi qotib ketganmi bundan bexabarmiz. Vaholanki Alloh bilan bo'lgan aloqamiz qalb orqali bo'ladiku?! Shuning uchun ham borgan sari qalbimiz zaiflashib, noziklashib bormoqda. Qo'shnimizni bir og'iz gapini og'ir olamiz. Bizga nisbatan bildirilgan noto'g'ri fikrlarni eshitib bir necha kun jig'ibiyron bo'lib yuramiz yoki birovdan salbiy fikr eshitsak, bu gapni aytgan insonni muhokama qilishni boshlab yuboramiz hk. Chunki qalbimizni ahvoli og'ir. Solihlar avvalo qalblarini holatiga e'tibor qaratishgan. Shuning uchun o'zlari haqida aytilgan salbiy fikrlardan ijobiylik ko'rganlar yoki bu gaplarga umuman ahamiyat bermaganlar.

Qalbingizga ham g'amxo'rlik qiling, unga e'tibor bering. U ham Allohning omonati. Bu haqida so'ralishimizni unutmang.

Qalb salomatligi uchun Qur'on suv va havodek zarur.Bugundan boshlab Qur'on bilan do'stlashing. Agar u bilan do'stlik rishtalarini avvaldan bog'lagan bo'lsangiz, uni bir pog'onaga ko'taring. "Bugun kech bo'ldi, erta bo'lsin boshlayman" yoki "Mana shu ishimni yakunlashim bilan boshlayman" demang. Bugundan boshlang. Men har bir insonga avvalo dindosh sifatida, so'ng bir Psixolog sifatida tavsiya qilaman Qur'onga bog'lanish vaqti keldi!

P.s. Menga ko'pincha psixologik muammo bilan yordam so'rab murojaat qilishadi. Ularga ham shu tavsiyani bergan bo'lardim. Qur'ondan sizni hech narsa to'sa olmaydi. Alloh bizga buni oson qilib qo'ygan. Tahorat olsangiz bo'ldi...

@islomiypsixologiya_uz
kanaliga ulanish

https://t.me/+oHQQIqk8g_ljMGU6 Ochish/sharhlash

2022-09-01 08:48:14 ﷽
Mutaxassisga murojaat qilishda yordam beradigan tavsiyalar

Siz ma'lum bir muammo ustida psixolog bilan ishlashga qaror qildingiz yoki vaziyat shuni taqozo qildi. Quyidagi tavsiyalar sizga foydali bo'ladi degan umiddamiz:
1. Mutaxassisga murojaat qilishga qaror qilgan ekansiz, avvalo uni sizdagi muammo bilan ishlagan yoki ishlamaganligini bilishga harakat qiling ya'ni ish tajribasi muhim omillardan hisoblanadi.
2. Psixolog tanlash biroz vaqt talab qilsada ko'nglingiz chopgan psixologga borishingiz maqsadga muvofiq. U bilan siz o'zingizni xotirjam va qulay his qilishingiz kerak. Chunki mijoz va psixolog o'rtasidagi aloqaning sifati juda muhim. Agar sizda psixologga nisbatan iliq munosabat uyg'onmayotgan bo'lsa yaxshisi, boshqa psixolog toping.
3. Agar psixolog bilan konsulatsiya amalga oshirgan bo'lsangiz, quyidagi savollarni o'zigizdan so'rang:
- psixologga muammoyingizni ochiq bayon qilish juda noqulay bo'lmadimi?
- psixolog siz gapirgan muammolarni tushundi deb hisoblaysizmi?
- sizga hurmat va hamdardlik bilan munosabatda bo'lindimi?
-konsultatsiyadan so'ng psixologga bo'lgan ishonchingiz ortdimi yoki aksincha?

@islomiypsixologiya_uz
kanaliga ulanish

https://t.me/+oHQQIqk8g_ljMGU6 Ochish/sharhlash

2022-08-31 10:10:02 ﷽

Travmadan o'z ustida ishlash orqali xalos bo'lishga yordam beruvchi 5 tavsiya

1. Yaqinlar bilan birgalikda ko'proq vaqt o'tkazish
Atrofdagilar bilan aloqani uzmaslikka harakat qiling. Chunki travmadan xalos bo'lish jarayonida o'zini yakkalash depressiya kabi salbiy oqibatlarga olib kelishi mumkin.
2.Jismoniy harakat
Tushkunlik bilan bog'liq kasalliklarda sport eng samarali usul hisoblanadi. Chunki jismoniy harakat davomida tana endorfin gormonini ishlab chiqaradi. Bu esa odam o'zini yaxshi his qilishiga yordam beradi. Sport mening yo'nalishim emas desangiz, har kuni mashq bajaring. Agar sizga jismoniy mashqlar umuman yoqmasa hech qisi yo'q. Shunchaki sayr qiling yoki velosiped haydang. Muhimi doimo jismoniy harakatda bo'ling.
3. Qalbingizga sokinlik olib keladigan mashg'ulotlar bilan band bo'ling
Qur'on o'qing, yodlang, tinglang, tafakkur qiling.
Kuningizni ma'lum qismini ibodat va zikrlarga ajrating. Duoda bo'ling.
4. Xotiralarga tik boqing
Sizga travmatik hodisani eslatuvchi narsalarga odatda e'tibor bermaslikka yoki unutishga harakat qilgansiz. Endi ularga tik boqishdan qo'rqmang. Ularni qabul qiling* va o'sha xotiralar bilan birga o'zingizni yaxshi his qilishga harakat qiling.
*Yomon xotiralarni qabul qilish uchun bu ishlar Allohning taqdiridan ekanligini, har bir musibatga mukofot borligini va Alloh har bir ishni hikmat bilan qilishini o'zingizga eslatib turing.
5. Albatta, siz tanlagan yo'l oson bo'lmaydi
Ba'zan energiyangiz tugab qoladi, ba'zan esa miya biror narsa haqida bosh qotirishni xohlamaydi. Shunday vaziyatlarda biroz o'zingizga dam bering. Yuqoridagi tavsiyalarni oz-ozdan bo'lsada har kuni qilishga odatlaning.

@islomiypsixologiya_uz
kanaliga ulanish

https://t.me/+oHQQIqk8g_lj Ochish/sharhlash

2022-08-31 10:09:26 ﷽
Psixolog muammoni hal qilishda mijozlarga taklif qiladigan ikki yo'l

Har qanday psixologik muammoni yechimida ikki xil yo'l mavjud:
1) mutaxassisga murojaat qilmagan holda, o'z ustida ishlash orqali muammodan xalos bo'lish;
2) mutaxassisga murojaat qilish.
Keling, har ikki yo'lni batafsil ko'rib chiqamiz. Demak, bugun birinchi yo'lni travmadan xalos bo'lish misolida ko'rsak. Kelgusi maqolalarda esa ikkinchi yo'l haqida gaplashamiz.(iA) Ochish/sharhlash

2022-08-30 08:29:22 Bog'lanish qaysi tomonga bo'lishi kerakligini tushundingiz

@islomiypsixologiya_uz
kanaliga ulanish

https://t.me/+oHQQIqk8g_lj Ochish/sharhlash

2022-08-29 12:28:00 Islomiy psixologiya_uz pinned «﷽ Assalomu alaykum Aziz obunachilar! Orada biroz vaqt maqola e'lon qilishda uzilishlar bo'ldi. Buning uchun uzr so'ragan holda bizni tark etmaganingiz uchun minnatdorchilik bildirmoqchiman. InshaAlloh manfaatli ma'lumotlarni bo'lishishda davom etamiz...» Ochish/sharhlash

2022-08-29 11:57:36 Psixologik travmaning ham darajalari mavjud bo'lib yengil holatlarda o'z ustingizda ishlab ham undan xalos bo'lishingiz mumkin. Albatta bu jarayon oson kechmaydi, lekin tez orada harakatlaringiz o'z samarasini beradi. Shunday bo'lsada, ba'zi holatlarda mutaxassisdan yordam olish zarur. Ularni quyida keltirib o'tamiz:
- Uyda yoki ishda vazifalarni bajarishda jiddiy muammolarga duch kelish;
- Uzoq vaqt davomida kuchli qo'rquv, xavotir va depressiyadan aziyat chekish;
- Qo'rqinchli xotiralar, yomon tushlar tufayli kechalari bosinqirash;
- Travmani eslatuvchi har qanday narsadan o'zini chetga olish;
- Ba'zan emotsional jihatdan karaxt bo'lib qolish, boshqalar bilan aloqani uzish
- O'zini yaxshi his qilish maqsadida ichkilikka, narkotik moddalar iste'moliga ruju qo'yish va boshq.
Agar sizda ushbu holatlarning birortasi mavjud bo'lsa, mutaxassisga murojaat qilishni kechiktirmang.

@islomiypsixologiya_uz
kanaliga ulanish

https://t.me/+oHQQIqk8g_lj Ochish/sharhlash

2022-08-29 11:57:35 ﷽

Psixologlar lug'atidagi mashxur so'z -"travma" nima? Uning ruhiy salomatlikka qanday ta'siri bor?

Psixologik travma yoki mental travma insonning tushkunlikka tushishiga sabab bo'ladigan hodisalar, zo'ravonlik, falokatlar, tabiat ofatlari kabi hodisalarga bo'lgan emotsional javobidir. Qisqa muddatli psixologik shok travmaga misol bo'la oladi. Ammo uzoq muddatli reaksiyalar ham mavjud bo'lib, ular beqaror emotsional holat, o'zaro munosabatlardagi muammolar yoki fiziologik simptomlar, bosh og'rig'i, ko'ngil aynishini o'z ichiga oladi. Tadqiqot natijalariga ko'ra psixiatrik bemorlarning 61% muammolariga travmatik hodisalar sabab bo'lgan.
Psixologik travmada ham insonning individual xususiyatlari ahamiyatlidir. Masalan, hayotda ma'lum salbiy voqea hodisadan kimdir qattiq tushkunlikka tushsa ham unda psixologik travma paydo bo'lmasligi mumkin. Ammo ba'zilar huddi shunday voqea-hodisa tufayli psixologik travma orttirib oladilar.
Travmaning yana shunday jihati borki, o'tmishdan psixologik travma olgan insonlarning hammasi ham bundan qiynalmasligi mumkin ya'ni ayrimlar travma bilan bemalol baxtli yashashlari mumkin. Huddi shu paytda travma boshqa insonning hayotiga jiddiy xavf solishi mumkin.

@islomiypsixologiya_uz
kanaliga ulanish

https://t.me/+oHQQIqk8g_lj Ochish/sharhlash

2022-08-29 11:43:51 ﷽
Assalomu alaykum Aziz obunachilar! Orada biroz vaqt maqola e'lon qilishda uzilishlar bo'ldi. Buning uchun uzr so'ragan holda bizni tark etmaganingiz uchun minnatdorchilik bildirmoqchiman.
InshaAlloh manfaatli ma'lumotlarni bo'lishishda davom etamiz... Ochish/sharhlash

2022-08-21 08:58:44 ﷽

Har gal o'lim xabarini eshitganimda ushbu fikrlar menga qayta-qayta kelaveradi:
Vafot etganimizdan so'ng biz hammadan qizg'onib, asrab avaylayotgan barcha narsalarimzdan ayrilamiz. Bu qimmatbaho buyumlarimiz, brend kosmetikalarimiz, yaxshi ko'rgan kiyimlarimiz, xatto farzandlarimiz, turmush o'rtog'imiz bo'lishi mumkin. Ularning bittasidan ayrilish shunchalar og'irki, bir onda hammasidan ayrilish qanchalik bo'lar ekan?!
Shuning uchun solihlar nafs tarbiyasini avvalo dunyoga muhabbatini sindirishdan boshlagan.

E'tibor qiling, ayni damda sizni muhabbatingiz nimada? Nimaga qattiq mehr qo'ydingizu, uni hammadan qizg'onyapsiz? O'limdan keyin sizni tark etadigan narsa uchun shunchalik yonib- kuyish shartmikin?

@islomiypsixologiya_uz
kanaliga ulanish

https://t.me/+oHQQIqk8g_ljMGU6 Ochish/sharhlash