2023-06-08 13:28:59
Hamma ham chet elda o'qishi shartmi?
Chet elda o'qish deganda ko'pchilikning hayoliga go'zal manzarali joylar, ulkan maydonga ega zamonaviy universitet, xalqaro muhit, umuman olganda yaxshiroq va osonroq hayot ko'z oldiga gavdalanadi. Lekin aslida ham shundaymi? Hamma chet elda o'qishi shartmi?
2022 - yil, 5 sentabr oddiy bir bola Toshkent Davlat Yuridik Universiteti majlislar zalida, universitet xodimlari nutqini grantga qabul qilingan talaba sifatida tinglamoqda. Ne ko'z ko'rsinki, Koreyaga bir oy oldin topshirgan vizasi tasdiqlanibdi va u bola xursandchiligidan baqirib yubora yozdi.
Shundan so'ng, 10 - sentabrda Toshkentdan kechki reysda uchib ketib, 11 - sentabr Koreyaning Inchon shahridagi aeroportiga qo'ndi. U bola juda xursand, go'yoki butun dunyo quvonchi unda mujassam. TDYU da atigi bir kun talabalik baxtini his etgan bu bola, hali oldinda nimalar kutayotganini bilmasdi.
Koreya zamonaviy, go'zal xuddi kinolardagidek. Xullas, o'qish boshlandi, Koreyadagi eng yaxshi universitetlardan birida o'qish u uchun katta yutuq edi. Darslar boshlanishi bilan, 1-partaga o'tirib, men albatta eng zo'r talaba bo'laman degan shijoat bilan o'qishni boshladi. Lekin qarangki, professorlar saviyasi u kutgandek bo'lmadi va ba'zilari ingliz tilini u boladan yomonroq gapirardi va fanlar... Fanlarning nomi va xonalari chiroyli edi xolos. Darsda, 70 kishi... Ta'lim sifati u kutgandek emas edi. Professorlar faqat "qanday yaxshi baho olish" haqida soatlab gapirsa, uning ustiga talabalar ham baho uchun o'qirdi. U kutgan "xalqaro sinfxona"ning 90% ini O'zbeklar tashkil etardi.
U bola Koreyada ingliz tilini tushunishadi xuddi bizda ruschani tushunishganidek deb o'ylardi. Ammo, u qattiq adashdi. Koreyada ingliz tilini tushunish uyoqda tursin, hamma reklama, yozuvlar va xattoki do'konlar faqat Koreyscha yozuv va brandlar bilan to'lgandi. Google emas Naver, Google map emas KakaoMap va u Koreya rostan ham "orol" ekanligini tushundi.
Lekin, sharoit, imkoniyatga kelganda, Koreyaga yetadigani yo'q edi. Zamonaviy sinfxonalar, ulkan kutubxona, forma talab qilmaydigan kezi kelganda shippakda ham borsa bo'ladigan universitet va yuqori yashash standardlari. Ha bu tomondan qarasa, chet elda o'qish mazza.
Lekin, u shuni tushunib yetdiki, bari o'zingizga bog'liq ekan. Siz agar universitetdan ko'p narsa kutsangiz, hech narsaga erishmas ekansiz. Bariga o'zingiz harakat qilishingiz kerak hoh-u top universitet bo'lsin, hoh Agrar va xattoki Koreyada Seoul Milliy Universiteti (dunyo reytingi 37) ni ham bitirib, ish qidirib yurganlar bor. U shunga ishonadiki, agar O'zbekistonda ham bironta tayinli yutuqqa erishmasdan, mamlakatni ayblab o'tirgan bo'lsangiz, chetda ham ko'p narsaga erisha olmasligingiz mumkin chunki sizda aybni chetdan, boshqalardan qidirish xususiyati shakllangan. Bahona har doim topilaverarkan... Va yana, u bola sizdan iltimos qiladiki agar chet elga o'qishga kelmoqchi bo'lsangiz, albatta mamlakat haqida o'rganing, ular o'zini tutishi, odatlari va hkz. va iltimos kelgandan so'ng, o'qishni tashlab, 2-3 so'm orqasidan ta'limdan voz kechib, ishga berilmang. Afsuski, chet elda, "O'zbek" deganda, aqlli, salohiyatli odamlar emas, balkim, mardikorlarni ko'z oldiga keltirishadi va buni sababini u chet elda ishlab, pul yig'ib, ilmga emas, faqat uy va mashina oladigan odamlarda ko'radi. Xullas, fikrlar subyektiv, xulosa o'zingizdan..
O'sha Bola: @zokiroffpost
23 views10:28
I
