2023-07-04 19:33:14
Insonning borligida hech kim uning qadriga yetmaydi. Yoʻqotgach, biladi u qanchalar qadrli boʻlganligini. Buniyam vijdoni, insofi bor boʻlgan odam biladi. Ichi biladi, oʻzi biladi. Dunyoda hech kimga zarracha yomonlik qilma ekan. Yomonlik qilganlaring zarracha afsuslanmaydi yoʻqligingdan, yaxshilik qilganlaring qoladi sendan rozi boʻlib.
Bu yurtda odamlar dunyoga kelmaydi, ular tugʻiladi, ular hayot kechirmaydi, ular kun kechiradi. Farzandlari noqobil, jaholatga koʻmilgan, bilganlar jim turadigan, bilmaganlar shunchaki anglamaganidan bosh koʻtarmaydigan xalq bor bu yurtda. Ularda hali jamiyat shakllanmagan, ular poda, olomon. Ular birlasha olmaydi, erkin nafas olmaydi, mutelikni boshiga taqib, gʻing demay yuraveradi...
Natijada yaqin qarindoshlari birin-ketin olamdan oʻtadi. U sezmaydi, baribir hamma narsa taqdirdan deydi. Lekin bilmaydiki, Alloh insonning taqdirini oʻz qoʻliga berib qoʻygan. Xayrlisini qilsa, xayrlisi boʻladi. Bosh egsa, battar mute, tobe boʻlib boradi. Qamchi yesa, indamaydi, odamlarga isyon qilmaydi. Oʻz holicha yashashni istaganlarni tezda kasal qilib, bu dunyodan sidirib chiqarishadi. Erkinlikka intilgan odam uzoq umr koʻrmasligi mumkin bu elda. Bu el shunday donoki, uning maqollari xilma-xil, uning bobolari dono. Lekin qalbi qaqroq, ming yil yashasa ham, rohat koʻrmaydi. Ketma-ket judolik, boshiga tushgan musibatlar bilan oʻralashib yuraveradi. Hali yorugʻ kunlar kelar-ku deb yuraveradi. Bilmaydiki, boʻgʻilgan narsa u odamni tinch qoʻymaydi. Ichidagi boʻgʻilgan erkinlik uni kasal qiladi. Yaratib berilayotgan keng imkoniyatlar unga kor qilmaydi. Ha shunday sabrli xalq bu. Bu xalqning mentaliteti shu darajada kuchliki, uning kuchidan inson shaxsga aylanmaydi, u sevgan insoni bilan turmush qurmaydi, oʻz sevgan kasbida ishlamaydi, doim alamzada yashaydi.
@imho_my
13 views16:33