Human.uz | Rasmiy kanal

2023-05-10 14:08:42 Долларнинг расмий курси кўтарилди

Марказий банк 11 майдан хорижий валюталарнинг сўмга нисбатан расмий қийматини белгилади.

— 1 АҚШ доллари — 11 453.07 (+20.02) сўм;
— 1 евро — 12 549.13 (-69.53) сўм;
— 1 Россия рубли — 150.09 (+1.99) сўм.

Каналга уланинг: @humanuzofficial Ochish/sharhlash

2023-05-10 13:45:12 Тошкент вилояти соғлиқни сақлаш бошқармасига янги раҳбар тайинланди

Соғлиқни сақлаш вазирининг тегишли буйруғи билан Абдуганиев Улуғбек Абдуфаттохович Тошкент вилояти соғлиқни сақлаш бошқармаси бошлиғи лавозимига тайинланди.

Каналга уланинг: @humanuzofficial Ochish/sharhlash

2023-05-10 10:28:50 Ўзбекистондаги сиёсий партиялар 17 май – 1 июнь оралиғида президентликка номзодларини эълон қилишади

Сиёсий партиялар ўз ваколатли вакилларини рўйхатдан ўтказиш учун сайлов кампанияси эълон қилинганидан кейин 3 кун муддат ичида Марказий сайлов комиссиясига мурожаат қилиши керак бўлади. Сайловда иштирок этиш учун партиялар 15 майгача ҳужжатларни тақдим этишлари зарур. 17 май – 1 июнь оралиғида президентликка номзодлар кўрсатилади.

Каналга уланинг: @humanuzofficial Ochish/sharhlash

2023-05-10 10:16:35 Роберт Де Ниро 79 ёшида 7-марта ота бўлди

Роберт Де Ниро яна бир марта ота бўлди, у ҳозир 79 ёшда ва бу унинг 7-фарзанди.

Де Ниронинг вакили сешанба куни Американинг Associated Press ахборот агентлигига берган интервьюсида яна бир чақалоқ туғилганини расман тасдиқлаган, бироқ бошқа тафсилотларни маълум қилмаган.

Сешанба куни кечқурун фильм премьерасида Роберт Де Ниронинг ўзи ҳам агентлик мухбирига яна бир бор ота бўлиш арафасида эканини айтган. "Бундай лаҳзалар ҳар доим ажойиб бўлган, бироқ жуда сирли ва нима бўлишини олдиндан билиб бўлмайди", — деган эди у.

"Оскар" мукофоти совриндори, шунингдек, биринчи турмушидан 51 ёшли Дрена ва 46 ёшли Рафаэль, иккинчи турмушидан эса 27 ёшли эгизаклар Хулиан ва Аарон, 24 ёшли Эллиот ҳамда 11 ёшли Хелен Грейс исмли фарзандларнинг отаси ҳисобланади.

Каналга уланинг: @humanuzofficial Ochish/sharhlash

2023-05-10 09:39:10 Бугундан Ўзбекистон президентлиги учун сайлов кампанияси бошланди

Марказий сайлов комиссиясининг мажлиси ўтказилди. Мажлисда 10 майдан сайлов кампаниясини бошлашга старт берилди.

Каналга уланинг: @humanuzofficial Ochish/sharhlash

2023-05-10 09:25:44 Қашқадарёлик аёлнинг самосуд қилингани юзасидан жиноят иши қўзғатилди

Бош прокурор матбуот котибининг хабар беришича, Қашқадарёда аёл самосуд қилинганлиги ҳолати юзасидан Жиноят кодексининг 138-моддаси (Зўрлик ишлатиб ғайриқонуний равишда озодликдан маҳрум қилиш) жиноят иши қўзғатилган.

Шунингдек, мазкур иш доирасида Қарши шаҳар ИИО ФМБ ҳузуридаги ТБ томонидан тергов ҳаракатлари олиб борилаётгани айтилган.

Жорий йилнинг 8 май куни ижтимоий тармоқларда Қашқадарёнинг Нишон тумани "Абдулла Қодирий" қишлоғидан бўлган аёлнинг самосуд қилингани тўғрисида хабарлар тарқалган эди. Хабарда нишонлик аёл биринчи турмуш ўртоғи билан ажрашган эркакка турмушга чиққани, бироқ кўп ўтмай эркакнинг биринчи аёли келиб уни аёвсиз калтаклагани ҳамда кийимсиз ҳолатда видеога олиб, ижтимоий тармоқларда тарқатиб юборгани айтилган.

Каналга уланинг: @humanuzofficial Ochish/sharhlash

2023-05-10 09:12:34 Пахтачи туманида содир бўлган портлаш ҳолати юзасидан жиноят иши қўзғатилди

Пахтачи туманида содир бўлган ёнғин ҳолати юзасидан вилоят ИИБ ҳузуридаги Тергов бошқармаси томонидан ЖКнинг 259-моддаси 1-қисми билан жиноят иши қўзғатилиб, судга оид тиббиёт, ёнғин-техника ва судга оид баҳолаш экспертизалари тайинланган.

Бу ҳақда Самарқанд вилояти ИИБ ўзининг телеграмдаги расмий саҳифасида маълум қилди. Аввалроқ эса 9-май куни соат 21:25 да Самарқанд вилояти Пахтачи тумани “Янгиобод” МФЙда жойлашган тумангаз корхонаси ҳудудида ёнғин портлаш содир бўлаётганлиги тўғрисида ФВ бўлимига хабар тушгани айтилган.

Каналга уланинг: @humanuzofficial Ochish/sharhlash

2023-05-10 09:00:00 Ёнғин туфайли Россиянинг Тюмень вилоятида фавқулодда ҳолат эълон қилинди

Тюмень вилояти губернатори Александр Моор ўрмон ёнғинлари сабабли бутун вилоят ҳудудида фавқулодда ҳолат эълон қилди, дея хабар беради ТАCC.

А.Моор вилоят аҳолисини ёнғин хавфсизлиги чораларига қатъий риоя қилишга чақирди.

Ёнғин натижасида Речкина ва Богандинский қишлоғида, шунингдек, Тюмень вилоятининг учта боғдорчилик бирлашмасида 120 дан ортиқ бино вайрон бўлган. Бу ҳақда фавқулодда хизматлар хабар берди.

Ёнғинни ўчириш учун Россия Фавқулодда вазиятлар вазирлигининг Ил-76 самолёти ва учта вертолёт сафарбар қилинган. Авиация томонидан жами 192 марта, қарийб 1219 тонна сув қуйилган.

Тюмень вилоятида тўққизта ландшафт ва учта ўрмон ёнғинлари ўчирилди. Кучли шамол ва иссиқ ва қуруқ об-ҳаво ёнғинга қарши курашни қийинлаштиряпти. Етти аҳоли пункти аҳолиси хавфсиз жойга эвакуация қилиниши маълум қилинди.

Каналга уланинг: @humanuzofficial Ochish/sharhlash

2023-05-10 08:52:48 Тошкент вилоятидаги айрим автомобиль йўллари 4 кун ёпилади

Велоспортнинг шоссе тури бўйича "Оқтош-Чорбоғ Mountain" халқаро мусобақаси ўтказилиши муносабати билан жорий йилнинг 10-11-13-14 май кунлари соат 08:00 дан 17:00 га қадар Тошкент вилоятининг Бўстонлиқ ва Юқоричирчиқ туманларидан ўтган автомобиль йўллари вақтинчалик ёпилади.

Батафсил: https://human.uz/2/19/12647

Каналга уланинг: @humanuzofficial Ochish/sharhlash

2023-05-10 08:34:18 Жанубий Кореяда ўзбекистонлик аёл ўз ўғлини бўғиб ўлдиргани айтилмоқда

Жанубий Корея оммавий ахборот воситаларининг хабар беришича, 30 ёшлар атрофидаги ўзбекистонлик аёл туғруқдан кейинги депрессия даврида ўз ўғлини бўғиб ўлдирган ва ўзини маҳаллий полицияга топширган.

Хабарда айтилишича, Чхонжу Хеунг Девок полиция бўлими аёлни қотиллик иши бўйича тергов қилаётганини айтган.

Полиция маълумотларига кўра, 29 апрель куни соат 03:40 лар атрофида полиция бўлимига 4 ёшли боланинг бўғиб ўлдирилгани тўғрисида хабар келиб тушган. Полиция гумонланувчини ҳибсга олиш учун ордер сўраш билан бирга ҳодиса тафсилотларини ҳам ўрганяпти.

Каналга уланинг: @humanuzofficial Ochish/sharhlash