Human.uz | Rasmiy kanal

2023-07-07 12:31:55 ЖССТ: 53 давлатда қайд этилаётган касалликларнинг 15 фоизи экологик муаммолар туфайли келиб чиқмоқда

Сайёрамизда экологик инқироз ва атроф-муҳит ифлосланиши билан боғлиқ глобал муаммолар кўлами ортиши инсоният саломатлиги ва ҳаёти учун жиддий хавф туғдираётгани сир эмас.

ЖССТ Европа минтақавий бюросининг янги ҳисоботи айни шу масала таҳлилига бағишланди. Унда келтирилишича, бюрога аъзо 53 давлатда (жумладан, Марказий Осиё мамлакатларида) қайд этилаётган барча касалликларнинг қарийб 15 фоизи ушбу омил оқибатида пайдо бўляпти.

Бундан ташқари, Буюк Британиядан Хитой чегараларигача қамраб олган мазкур ҳудудда экологик муаммолар туфайли йилига 1,4 миллион инсон ҳаётдан кўз юммоқда.

Уларнинг 570 минг нафарга яқини атмосфера ифлосланиши оқибатида келиб чиқаётган хасталиклар қурбонларидир.

Батафсил: https://human.uz/14/58/12898

Каналга уланинг: @humanuzofficial Ochish/sharhlash

2023-07-07 11:22:51 Индонезияда куйдиргининг жиддий эпидемияси қайд этилди: 87 киши аллақачон касалланган, уч киши вафот этган

Индонезияда 87 киши куйдиргининг жиддий эпидемияси билан касалланган, улардан 3 нафари ҳалок бўлган, деб хабар бермоқда "РИА Новости" ахборот агентлиги.

Хабарда айтилишича, мазкур касаллик аҳоли ўлган сигирнинг касалланган гўштини қўшниларга улашиши натижасида тарқалган.

Шунингдек, Тувада куйдирги касаллиги авж олиш арафасида экани айтилмоқда, бу касаллик билан аллақачон 5 киши оғриган. Жорий йилнинг 30 июнь куни маҳаллий аҳоли вакилларидан бирида айнан шу касаллик аниқлангани ҳақида ҳабар берилган.

Батафсил: https://human.uz/14/58/12897

Каналга уланинг: @humanuzofficial Ochish/sharhlash

2023-07-07 10:31:33 АҚШда янги сув ости дронларини яратишни тезлаштиришга қарор қилинди

АҚШ ҳарбий-денгиз кучлари янги сув ости дронларини яратишни тезлаштириш бўйича ечимини топди.

АҚШ ҳарбий-денгиз кучлари мудофаа бўйича ҳамкорлардан янги катта диаметрли сув ости учувчисиз транспорт воситалари - LDUUV'ни яратишни тезлаштирадиган ечимларни сўради. АҚШ ҳарбий-денгиз кучлари хабарига кўра, кейинги ўзгартиришлар турли фойдали юкларни қўллаб-қувватлаш учун мос бўлиши керак, деб ёзади EADaily The Defence post нашрига таяниб.

Нашр маълумотларига кўра, дастлаб LDUUV диаметри 1,2 м ва узунлиги 2,1 м бўлиши ва сув ости кемасидан чиқарилиши керак эди. Бироқ, АҚШ Ҳарбий-денгиз кучларининг янги талабларига кўра, дрон "экипажли сув ости кемалари бошқарувчисиз операциялар учун таянч платформа бўлиб хизмат қиладиган" тарзда ишлаб чиқилади. Бундан ташқари, дрон тижорат мақсадларида фойдаланишга яроқли бўлиши ва кўп кунлик қувват захирасига эга бўлиши керак.

Каналга уланинг: @humanuzofficial Ochish/sharhlash

2023-07-07 10:26:13 Фозилжонова Нилуфар Ҳикматжоновна — Ўзбекистон Республикаси Президенти ҳузуридаги Ижтимоий ҳимоя миллий агентлигининг Тошкент шаҳар бошқармаси бошлиғи этиб тайинланди.

Н.Фозилжонова тайинловга қадар қатор масъул лавозимларда—Мирзо Улуғбек туман Мактабгача таълим бўлими мудири ва Тошкент шаҳар Мактабгача таълим бош бошқармаси бошлиғи в.в.б. бўлиб ишлаган.

Каналга уланинг: @humanuzofficial Ochish/sharhlash

2023-07-07 10:25:11 Ochish/sharhlash

2023-07-07 09:55:04 Онлайн суғурта хизматлари яна тўрттага кўпайди

Жамият томонидан яна тўртта онлайн суғурта хизматлари, хусусан, аҳоли уй-жойларини суғурта қилиш, вакцинасия (COVID-19) оқибатларидан суғурта қилиш, ҳомиладор аёллар ва уларнинг ҳомиласи (боласи)ни суғурта қилиш ҳамда болаларни бахтсиз ҳодисалардан комплекс суғурта қилиш хизматлари йўлга қўйилди.

Батафсил: https://human.uz/2/19/12895

Каналга уланинг: @humanuzofficial Ochish/sharhlash

2023-07-07 09:36:34 9 июль куни метро поездлари ҳаракати доимий жадвал асосида ташкиллаштирилади

“Тошкент метрополитени” ДУК шуни маълум қиладики, жорий йилнинг 9 июль куни бўлиб ўтадиган Президент сайлови муносабати билан якшанба куни бўлишига қарамай, Тошкент метрополитенида поездлар ҳаракати иш кунлари учун тасдиқланган доимий жадвал асосида ташкиллаштирилади.

Каналга уланинг: @humanuzofficial Ochish/sharhlash

2023-07-07 09:01:44 Қирғизистонда жамоатчилик талабига кўра Лепснинг концерти бекор қилинди

Қирғизистонда 2 август куни бўлиб ўтадиган Лепс концерти жамоатчилик норозилиги сабабли бекор қилинди

Хонанда Григорий Лепснинг Қирғизистоннинг Чўлпон-Ота шаҳрида 2 август куни бўлиб ўтиши керак бўлган концерти бекор қилинди, дея хабар бермоқда “Azzatyk” радиоси тадбир ташкилотчиларига таяниб. Уларнинг фикрича, бекор қилинишига жамоатчилик норозилиги сабаб бўлган.

Радио хабарига кўра, Лепс концерти эълон қилинганидан сўнг ижтимоий тармоқлар фойдаланувчилари россиялик хонанданинг чиқишига қарши чиқишган.

Маълумот ўрнида, Ўзбекистонда ҳам жорий йилнинг 23 октябрь куни россиялик хонанда Григорий Лепснинг "Халқлар дўстлиги" саройида концерт дастури белгиланган эди.

Ушбу концерт дастури айрим техник сабабларга кўра қолдирилди.

Каналга уланинг: @humanuzofficial Ochish/sharhlash

2023-07-07 07:30:49 ЖССТ прогнози: Келгуси ойларда дунё бўйлаб экстремал об-ҳаво ҳодисалари кузатилади

Жаҳон соғлиқни сақлаш ташкилотининг навбатдаги баёноти яқин ойларда дунёда содир бўлиши кутилаётган жазирама об-ҳаво, сув тошқинлари ва бўронлар прогнозига бағишланди.

“Душанба куни сайёрамиз бўйича рекорд даражадаги энг иссиқ кун қайд этилди, — дейди ЖССТ раҳбари Тедрос Гебрейесус. — Яъни 3 июль санасида Ердаги ўртача ҳарорат Цельсий шкаласи бўйича 17 даражадан ошди.

Бу — мазкур йўналишда кузатувлар бошланган 1979 йилдан бери кузатилган юқори кўрсаткич.

Келгуси ойларда эса бир қатор экстремал об-ҳаво ҳодисаларига рўбарў келишимиз мумкин. Қурғоқчилик, тошқин ва бўронлар, жазирама тўлқинлари шулар жумласидан”.

Баёнотда қайд этилишича, Африка қитъасининг шимоли-шарқида жойлашган баъзи мамлакатлардаги узоқ давом этган қурғоқчилик аллақачон очарчилик, миграция ва юқумли касалликларни келтириб чиқарган ва бу ҳолат соғлиқни сақлаш муассасалари учун ортиқча юклама бўляпти.

Бундан ташқари, айни пайтда етти давлат — Жибути, Эфиопия, Кения, Сомали, Жанубий Судан, Судан Республикаси ва Угандада деярли 60 миллион киши озиқ-овқат танқислигидан азият чекмоқда.

Каналга уланинг: @humanuzofficial Ochish/sharhlash

2023-07-07 06:00:36 Бугун айрим ҳудудларда қисқа муддатли ёмғир ёғиб, момақалдироқ бўлиши мумкин

Республика Гидрометеорология хизмати агентлигининг хабар беришича, 7 июль куни Тошкентда ҳаво бироз булутли бўлади, вақти-вақти билан ўзгариб туради, қисқа муддатли ёмғир ёғиб, момақалдироқ бўлиши мумкин. Шарқдан секундига 3-8 метр тезликда шамол эсади. Кечқурун шамолнинг тезлиги секундига 12-14 метргача кучайиши мумкин. Кечаси 18-20 даража илиқ, кундузи 31-33 даража иссиқ бўлади.

БАТАФСИЛ: https://human.uz/2/19/12894

Каналга уланинг: @humanuzofficial Ochish/sharhlash