Fitrat.uz

2022-09-24 21:16:48 “... албатта, намоз мўминларга вақти тайин фарз бўлгандир” (Нисо сураси 103-оят)

2022/1444 Ҳ. ЙИЛ, 25 СЕНТЯБР ЯКШАНБА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

ТОНГ - 04:54
ҚУЁШ - 06:13
ПЕШИН - 12:20
АСР - 16:28
ШОМ - 18:17
ХУФТОН -19:34

Улашинг
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 18:33:15 #МУТОЛАА_ВАҚТИ

Салама бир онда қушдай енгил тортганини ҳис этди.
— Бошимни кўкларга етказдингиз, эй Оллоҳнинг расули! — деди.
Роса узоқ йўл юрилганидан сўнг бир кечкурун қўшин яна дамга тухтади.
— Ким пойлоқчилик қилади бу гал? — деб сўрадилар Жанобимиз (с.а.в.) Хазрати Билол хоҳиш билдирди:
⎯ Пойлаб чиқаман, эй Оллоҳнинг расули!

Йўловчилар юкларини тушириб, дарҳол оёқларини узатишди Сал фурсат ўтар-ўтмай ҳамма ухлаб қолди. Билол бир муддат аскарлар орасида кезинди, бир муддат намозлар ўкиди Вужудини зўр бир чарчоқ, ҳорғинлик боснб келаверди. Юра-юра оёқлари ҳам толди, ўзига бўйсунмай кўя бошлади. Бир неча дақиқа ўтириб дам олса.нимабўларкин?

Туяга суяниб, срга утирди. Утиргани шу булди. Кузларига чўкаётган ва борган сари устига ёиирилиб бостириб келаётган уйкуни енга олмади: ўзини унинг теран оғушига ташлади...

Куёшнинг илк нурлари юзларга урилганида, биринчи бўлиб Хазрати Умар (р.а.) уйғонди. Баланд овозда такбир айтиб, одамларни уйғотди. Ҳамма донг қотганидан намоз вактини ўтказиб юборишган эди. Даҳшатга тушишди (Бошқа бир ривоятга кўра, биринчи бўлиб Расули акрам «анобимиз уйғонадилар.)

Бу орада Хазрати Билол ҳам уйғониб, келди.
⎯ У нима килганинг, эй Билол?! — дедилар расулуллоҳ (с.а.в.)
— Отамонам сизга фидо булсин, эи Оллоҳнинг расули, сизни босган уйқу мени ҳам босибди, деди Билол (р.а.).

Ха бу ходиса Буюк Мавлонинг такдири экани аниқ. Келажакда бир сабаб билан бомдод намозига вақтида тураолмай қолган мўминлар нима қилишлари лозимлигини Жаноби Пайғамбаримиз шахсан кўрсатиб беришлари учун махсус олинган бир тадбир эди.

Аҳмад Лутфий Қозончи “Саодат асри қиссалари”

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 17:14:26 ​#ЯНГИ_ЛОЙИҲА: БУГУН СОАТ 20:00 ДА МАХСУС ИЛМИЙ СУҲБАТНИ ОНЛАЙН КУЗАТИНГ

Бугун, 24 сентябрь кечки соат 20:00 да (Тошкент вақти билан), АҚШнинг Шарқий қирғоғи вақти (ЭСТ) билан эса соат 11:00 да Шайх Муҳаммад Содиқ Муҳаммад Юсуф ҳазратларининг шогирди, Ўзбекистон мусулмонлари идораси бўлим мудири, Тошкент ислом институти катта устози МУҲАММАД АЙЮБ ДОМЛА ҲОМИДОВ иштирокида хориж ва юртимиздаги ватандошлар учун бўлиб ўтадиган махсус суҳбат тўғридан-тўғри эфирга узатилади.

Мазкур жонли диний савол-жавоб дастури АҚШ, Канада ва бошқа хориж мамлакатларида истиқомат қилаётган ватандошлар таклифига биноан ташкил этилди.

Махсус дастурда қатнашиш истагидаги юртимиз ва хориждаги ҳамюртлар қуйидаги ҳавола орқали Ўзбекистон мусулмонлари идорасининг Facebookдаги (https://www.facebook.com/muslimuzportal) ва Ёки Youtubeдаги расмий саҳифалари (https://www.youtube.com/c/Muslimuzz) орқали кузатиши мумкин.

Таклиф, мулоҳаза ва саволлар билан @kavsariy телеграм манзилига мурожаат қилишингиз мумкин.

Ўзбекистон мусулмонлари идораси
Матбуот хизмати
Muslim.uz
@muslimuzportal | @fitratuz | @diniysavollar

#онлайн Ochish/sharhlash

2022-09-24 16:18:14 #Солиҳлар_гулшани

Йўлдан азият берувчи нарсани олиб ташлаш

Абдуллоҳ ибн Курдус айтади: «Муҳаммад ибн Сийрин менга шундай деди: «Тушимда болдирлари олтиндан бўлган суҳбатдошни кўрдим. Унга: «Аллоҳ сенга нима қилди?» деган эдим, «У Зот мени кечирди, жаннатга киргизди ва икки болдирим ўрнига иккита олтиндан болдир берди ва улар билан жаннатдаги хоҳлаган еримга юборди», деди. Унга: «Қайси амалинг учун?» дедим. У: «Йўлдан азият берувчи нарсани олиб ташлаганим учун», деди».

«Солиҳлар гулшани» китобидан

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 12:43:43 Муфтий ҳазрат: Аллоҳни зикр қилиш кишини ташвишлардан узоқлаштиради!

Тошкент ш. "Шайх Зайниддин" масжиди, 2022 йил 23 сентябрь

Youtube | Tas-ix | Facebook | Instagram

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar Ochish/sharhlash

2022-09-24 10:28:12 #САВОЛ_ЖАВОБЛАР

ҒУСЛДАН ОРТГАН СУВНИ ИШЛАТИШ МУМКИНМИ?

CАВОЛ: Ҳайз кўрган аёл кишининг ғуслидан қолган сувини ғусл ёки таҳоратда ишлатиш мумкинми?

ЖАВОБ: Бисмиллаҳир Роҳманир Роҳим.
Мумкин.

Ибн Аббос разияллоҳу анҳудан ривоят қилинган ҳадисда:

"اغتسل بعض أزواج النبي صلى الله عليه وسلم في جفنة، فجاء النبي صلى الله عليه وسلم ليتوضأ منها أو يغتسل، فقالت له: يا رسول الله إني كنت جنباً، فقال: "إن الماء لا يُجنب"

"Пайғамбар соллаллоҳу алайҳи васалламнинг аёлларидан бирлари (Маймуна онамиз) бир идишдан жанобатдан ғусл қилдилар. Ғуслдан ортган сув билан Набий соллаллоҳу алайҳи васаллам таҳорат ёки ғусл қилмоқчи бўлдилар. Аёллари У Зотга: “Эй, Аллоҳнинг Расули! Мен жунуб эдим”, дедилар. Набий соллаллоҳу алайҳи васаллам: "Албатта, сув жунуб бўлмайди" дедилар". (Имом Аҳмад, Абу Довуд, Термизий, Насоий ва Ибн Можа ривоят қилишган). (“Раддул муҳтор” ва “Эълоус сунан” китоблари). Валлоҳу аълам.

Ўзбекистон мусулмонлари идораси
фатво ҳайъати.

@fitratuz Ochish/sharhlash

2022-09-24 09:04:02 УЛАМОЛАРНИНГ ТОШКЕНТ ВИЛОЯТИГА ТАШРИФЛАРИ ДАВОМ ЭТАДИ

Бугун, 24 сентябрь куни юртимиз уламолари Тошкент вилояти Оҳангарон шаҳри "Хонобод" масжидига ташриф буюриб Пешин ва Хуфтон намозларини жамоат билан бирга адо этиб, мўмин-мусулмонларга маърифий суҳбатлар қилиб берадилар.

"Хонобод” масжидига:
Пешинга Иброҳимжон домла Иномов;
Хуфтонга Яҳёхон домла Бобохоновлар ташриф буюрадилар.

Аллоҳ таоло уламоларимизнинг суҳбатларини манфаатли ва давомли қилсин!

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 08:46:38 #Видео #Маъруза

Тавбани кeчиктирмайлик азизлар!

Элёржон домла
"Олимжон ота" жоме масжиди имом-хатиби

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 07:24:21 #ҲАДИС

Абу Ҳурайрадан розияллоҳу анҳу ривоят қилинади.

Бу зот: «Ундан бошқа илоҳ йўқ бўлган Зотга қасамки, мен очликдан жигаримни ерга қўйиб ётар ва қорнимга тош боғлаб маҳкамлаб юрар эдим. Кунларнинг бирида кишилар юрадиган йўлда ўтирдим.

Ногаҳон Расулуллоҳ соллаллоҳу алайҳи васаллам олдимдан ўтиб қолдилар. Мени кўриб, кулиб қўйдилар. Ҳамда юзимдаги хафалик ва нафсимдаги очликни билиб: «Эй Або Ҳирр» (Абу Ҳурайранинг қисқартмаси), дедилар. Мен: «Лаббай, эй Аллоҳнинг Расули!», дедим. У зот: «Менга эргаш», дедилар. Мен у зотга эргашдим.

У зот уйларига кириб, изн сўрадилар. Кейин менга изн бердилар. Мен ичкарига кирсам, у зот қадаҳда сут топдилар. Ва: «Бу сут қаердан келди?» дедилар. Улар: «Фалончи киши ёки фалончи аёл ҳадя қилди», дейишди. Расулуллоҳ соллаллоҳу алайҳи васаллам «Эй Або Ҳирр», дедилар. Мен: «Лаббай, эй Аллоҳнинг Расули», дедим. У зот: «Аҳли суффа ҳузурига бориб, уларни менинг ҳузуримга олиб кел», дедилар.

Аҳли суффа Ислом меҳмонлари эди. Уларнинг аҳли аёллари, мол-дунёлари ва суянадиган кишилари йўқ эди. Агар бирор садақа келадиган бўлса, Расулуллоҳ соллаллоҳу алайҳи васаллам садақани емасдан ўшаларга юборардилар. Агар ҳадя келадиган бўлса, уларга ҳам жўнатардилар ҳамда ўзларига олиб қолиб, уларни бунда шерик қилардилар.

Расулуллоҳ соллаллоҳу алайҳи васаллам уларни чақиртирганлари мени бироз хафа қилди. Дилимда: «Бу сут Аҳли суффага нима ҳам бўларди? Бу сутдан бир ҳўплам ичиб бўлса ҳам, бироз куч тўплашга мен ҳақлиман», дедим.

Улар келишганида, у зот менга амр қиладилар. Мен эса уларга сутни тортиқ қиламан. Бу сутдан менга нима тегади? Энди мен учун Аллоҳ ва Унинг Расулига итоат қилишдан бошқа чора йўқ эди. Кейин уларнинг ҳузурларига бориб, чақириб келдим.

Улар келиб киришга изн сўрашди. Изн берилган эди, уйнинг ичидан ўз ўринларини топишди. Расулуллоҳ соллаллоҳу алайҳи васаллам «Эй Або Ҳирр», дедилар. Мен: «Лаббай, эй Аллоҳнинг Расули!» дедим. У зот:
«Мана буни олиб, уларга тортиқ қилгин», дедилар.

Абу Ҳурайра: «Мен сути бор қадаҳни олиб бир кишига узатдим. У ичиб тўйди. Кейин қадаҳни бошқасига узатдим. У ҳам ичиб тўйди. Ҳаттоки Расулуллоҳга соллаллоҳу алайҳи васаллам етиб тўхтадим. Қавмнинг барчалари ичиб тўйишди.

Расулуллоҳ соллаллоҳу алайҳи васаллам қадаҳни олиб қўлларига қўйдиларда, менга қараб табассум қилиб: «Эй Або Ҳирр», дедилар. Мен: «Лаббай, эй Аллоҳнинг Расули!», дедим. У зот: «Ичмаган мен ва сен қолдик, холос», дедилар. Мен эса: «Тўғри гапирдингиз эй Аллоҳнинг Расули», дедим.

У зот: «Ўтириб ичгин», дедилар. Мен ўтириб, у сутдан ичдим. У зот: «Ичгин», дедилар. Мен у сутдан яна ичдим. У зот: «Ичгин», деб айтишда бардавом бўлдилар, мен эса: «Сизни ҳақ билан юборган Зотга қасамки, уни ичиш учун бошқа жой қолмади», дедим. Шунда у зот: «Уни менга узатгин», дедилар. Мен қадаҳни узатган эдим, у зот Аллоҳга ҳамд айтиб, «бисмиллоҳ»ни зикр қилиб, сутнинг қолганини ичиб қўйдилар.

Имом Бухорий ривоятлари.

Дўстларингизга ҳам улашинг
https://t.me/joinchat/AAAAAEGj0hkBXGlopIDbXA Ochish/sharhlash

2022-09-24 03:13:02 Ассалому алайкум!

Аллоҳ хонадонингиздан ҳузур, оилангиздан тотувлик, ризқингиздан баракот, тилларингиздан зикру-дуо, қалбингиздан меҳр-оқибатни аритмасин!

Тонгингиз хайрли, кунингиз мазмунли бўлсин!

@fitratuz Ochish/sharhlash