БОЛАЛАР ПСИХОЛОГИЯСИ

2022-09-01 16:02:04 ​​– Болангизга: "деворга чизма!", деб айтманг. Балки, "вараққа чиз, деворга ёки музлатқичга осиб қўямиз", деб айтинг!

– Болангизга: "тур, намозингни ўқи, йўқса жаҳаннамга тушасан", деб айтманг. Балки, "кел, болажоним, бирга намоз ўқийлик, жаннатда ҳам бирга бўлайлик", деб айтинг!

– Болангизга: "тур, тўзиб кетган хонангни йиғиштир!", деб айтманг. Балки, "болажоним, хонангни тартиблаш ва тозалашда сенга ёрдам берайми, чунки сен тозалик ва тартибликни яхши кўрасан-у", деб айтинг!

– Болангизга: "тур, дарсингни тайёрла, ўйин ўйнама, дарс ўйиндан кўра муҳимроқ", деб айтманг. Балки, "болажоним, дарсларинги эрта тугатсанг, сен билан ўйин уйнашда шерик бўламан ёки ўзинг яхши кўрадиган бирор бир нарсани бирга қиламиз", деб айтинг!

– Болангизга: "тур, тишларингни ювиб кел ёки доим мен айтишим керакми?!", деб айтманг. Балки, "болажоним, мен сендан жудаям хурсандман, чунки сен мен айтмасам ҳам тишларингни ювасан", деб айтинг!

– Болангизга: "чап томонинг билан ухлама!", деб айтманг. Балки, "болажоним, Пайғамбаримиз соллаллоҳу алайҳи ва саллам бизларга ўнг томонимиз билан ухлашимизни ўргатган", деб айтинг!

– Болангизга: "шоколад емагин, тишларинг қуртлаб кетади", деб айтманг. Балки, "майли, кунда бир марта ейишинга рухсат бераман, чунки сен ақллисан, тишларингни доим тоза тутадиган боласан", деб айтинг!

Сиздан содир бўлаётган ҳар бир гапингиз ва феъл-атворингиз – болангизга жуда катта таъсир кўрсатади, билингки, болангиз сизни ва суратингизни аксидир!
Араб тилидан Умму Довуд таржимаси

t.me/farzand_tarbiyasi759 Ochish/sharhlash

2022-08-31 15:14:09 FARZAND TARBIYASI


ИЛОЖИ БЎЛСАЙДИ...

Фарзандимни бошқатдан улғайтиришнинг иложи бўлсайди:
— Хатоларини тинмай юзига солиш ўрнига, у билан яқинроқ бўлишга ҳаракат қилардим;
— ўйин соатларини чегараламас, қувнаб-яйраётганини завқ билан кузатардим;
— унга нисбатан зўраки жиддийликни йиғиштириб, шафқатлироқ бўлардим;
— арзимаган нарсага койийвермай, кўпроқ қучоқлардим;
— доим қўпол муомалада бўлмай, унинг ўзига ишонч туйғусини ривожлантирардим;
Агар иложи бўлсайди...

"Бахтли ҳаёт сари" китобидан.

t.me/farzand_tarbiyasi759 Ochish/sharhlash

2022-08-31 08:12:15 РУХИЯТ

​​ЯРАТГАНГA ИШОНИНГ,
«ҲОЗИР ВA ШУ ЕРДA»
ЯШAШ БAХТИНИ ҲИС ҚИЛИНГ!

Яратганга ишонганингизда, ҳамма нарсани назорат қилишни истовчи ақл-идрок ҳолатидан дарҳол чиқиб кетасиз.

Қалбингиз билан, ички яратувчанлигингиз билан уланасиз!

Ишонч - ҳар бир нарсани борича қабул қилишнинг енгил, қулай усули…

Мен яратганга тўлиқ ишонаман, керакли маълумотлар керакли вақтда келади. Ниманидир эшитишим, айтишим ёки бажаришим керак бўлса, борлиққа бўлган ишончим туфайли барчасини ҳис қиламан.

Aтрофингиздаги барча одамлар ва воқеалар тасодифий эмас ва ҳамма нарса ҳар доимо сизга яхшилик олиб келиш учун юз беради.

Яратганга бўлган бутунлай ишончингиз, қалб ҳотиржамлигини, вазиятларни қабул қила олмай улар билан бефойда курашишингизга якун ясайди.

Сиз «ҳозир ва шу ерда» яшаш бахтини ҳис қиласиз!

Ҳаётингизда Сиз учун ёқимли бўлмаган нарсалар содир бўлса Яратганга ишонинг ва миннатдорчилик билдиринг!
Билинг-ки, бу вазиятлар Сизни юрагингизни кўпроқ очишингиз учун, ўзингиз билан янада яқин бўлишингиз учун, қайсидир истагингизни амалга оширишингизда Сизга кўмак бўлиш учун келган!

Ўтмишни ўйлаб келажагингизни бой берманг, келажакни ўйлаб ҳозирги онингизни бой берманг!

Ҳар онингизда яшанг, ҳар онингиз учун миннатдорчилик билдиринг!

Яратганга бутунлай ишонч -
«Ҳозир ва шу ерда» яшаш бахтини ҳис қилдиради!

Хайрли кун азизларим!

t.me/psixologFeruza759 Ochish/sharhlash

2022-08-30 18:28:47 3. Дўст

Бундайларни қандай таниб оламиз?

Уларнинг сўзлари ширин, суҳбати енгил, маслаҳатларни дарров қабул қилади. Гапи ва мавзулари кўп, баъзан тартибсиз ҳолда бўлади. Сиз билан ўтириб маза қилаётганини сезасиз. Сизни ўзининг мулкидек кўради. Ёлғон гапирсангиз қаттиқ хафа бўлади. Сиздан кўпроқ нарса талаб қилади.

У билан қандай муомалада бўламиз?

Улар яхши кўрилишга, ҳурматга лойиқдирлар. Уларнинг гапига диққат билан қулоқ тутиш, уларга астойдил ишонишимизни кўрсатишимиз керак. Ҳазил-мутойиба алмашиш, кези келганда масъулиятини билдириб туриши, муҳаббатини чуқурроқ қозониш, уни биринчи даражали ишларга йўллаб туриш, зарурат туғилгандагина маслаҳат бериш лозим. У билан очиқ юзлик билан, ширин сўзларни ишлатиб гаплашиш, имкон қадар оғирини енгил қилишга ҳаракат қилиш яхши.

Нималардан эҳтиёт бўламиз?

Ёлғон ишлатмаслик ва унинг сиздан кутмаган ёмон ишларини қилмаслик керак.
vunderkind

t.me/psixologFeruza759 Ochish/sharhlash

2022-08-29 14:24:21 ҚАЙТАР ДУНЁ, БУ...

- Ҳа дўстим, нега асабийлашасан, тинчликми?
- Кўрмайсанми, папаша билан мамашкамни? Қизиқ, уларга барча шароитни керагидан ортиғи билан яратиб қўйган бўлсам. Ҳовлигa бир нафар хизматчи ёллаганмaн. Қишлоқда яшашса-да, бирон-бир оғир иш қилдирмайман: кир ювишмайди, овқат қилишмайди, иккаласида ҳам энг сўнгги русумдаги қўл телефони. Қизиқ уларни тушунмайман, нуқул менга қўнғироқ қилиб, биз сени, набираларимизни соғиндик, қачон келасизлар, деб ҳол-жонимга қўйишмайди. Нима, мен бу ерда ўйнаб юрибманми? Ахир, менинг ҳам дам олиш кунлари режалаштирган муҳим ишларим бўлиши мумкин-ку. Йўқ, мен уларни тушунолмайман. Хўш, яна нима керак, ўзи, уларга?!

Орадан 30 йил ўтиб яна ўша эски дўстлар

- Ҳа, қадрдоним, нега хомушсан? Бирон жойинг безовта қилмаяптими, ишқилиб?
- Кўрмайсанми, бу фарзандларни, ўзлари билан ўзлари овора. Уларга қўнғироқ қилиб, нега келмаяпсизлар, сизларни соғиндим-ку десам, отажон, сизга нима етишмаяпти? Еганингиз олдингизда, емаганингиз ортингизда бўлса? Хизматингизга махсус киши ёллаган бўлсак. Катта бир ҳовлида ўзингиз ўзингизга бек бўлсангиз, дейишади, занғарлар. Ахир, ёлғизликдан бу ҳовли мени ютиб юборай деяпти-ку! Ахир, буларнинг барчаси, фарзанду набираларимнинг бир дақиқалик ширин дийдорига, улан билан мулоқот гаштига етмайди-ку. Наҳотки, улар шу оддий нарсани билишмайди?!

“Фарзанднома” китобидан.

t.me/farzand_tarbiyasi759 Ochish/sharhlash

2022-08-28 14:35:18 2. Қайсар

• Бундайларни қандай таниб оламиз?

Улар билан гаплашиш ёқимсиз. Рўпарасидагиларни паст санайди. Нима қилишингиз кераклигини ўргатади. Ўз фикрига ёпишиб олган. Кўп нарсага шубҳа билан қарайди. Юқори дозали маълумотлар беришга ҳаракат қилади. Мавзуга алоқасиз эътирозлар билдиради. Бир фикрга қониққач уни асло ўзгартирмайди. Ўзининг аҳамиятли шахс эканлиги ҳақида таассурот қолдиришга интилади.

• У билан қандай муомалада бўламиз?

Улар билан шахсий тортишувларга киришмаслик керак. Имкон қадар улардаги қимматли маълумотлардан фойдаланган маъқул. Улар билан суҳбатлашиш вақтини олдиндан белгилаб олган яхши. Гаплашаётганда ўзингизга бўлган ишончингиз кўриниб турсин. Унинг гапларини кенг юрак билан қабул қилиш, уни яхшилаб тинглаш, мақташ, баъзи ишларда уни шерик қилиш, унга хизмат кўрсатиш орқали ҳурматини жойига қўйиш аъло натижалар келтиради. Мавзудан тойган пайтларда асосий мавзуни эслатиб туриш лозим. Маслаҳат ва насиҳатлар билвосита билдирилади.

• Нималардан эҳтиёт бўламиз?

Ундаги билим ва маълумотларни пастга уриб қўймаслик керак
vunderkind

t.me/psixologFeruza759 Ochish/sharhlash

2022-08-27 12:53:11 Ҳар бир бола эшитиши лозим бўлган иборалар!!!

Баъзида биз фарзандларимизга “баракалла” деган сўздан бошқа сўзни айтмаймиз. Фарзандларимизни қанчалик яхши кўришимизни қай тарзда ифодалашни билмаймиз. Аслида эса уларга бу ҳақда гапириш жудаям муҳим. Ота-оналарнинг сўзлари худди сеҳрли тумор каби фарзанд қалбида бир умр сақланади ва уларни бутун ҳаётлари давомида ҳимоя қилади, илҳом бағишлайди. Болалар психологларининг фикрига кўра айтиш муҳим бўлган ибораларни эътиборингизга ҳавола этади.

Сени яхши кўраман. Сен билан фахрланаман.

Сенинг борлигингдан хурсандман.

Сенинг даданг/ойинг бўлиш менга жудаям ёқади.

Сен менга жудаям кераксан. Сенга ишонаман.

Сен менинг бойлигимсан. Сен менинг бахтимсан.

Сени бахтли кўрсам, мен ҳам бахтли бўламан.

Мен ҳеч қачон сени яхши кўришдан чарчамайман.

Сени тушунаман. Сени кечираман.

Менга сенинг фикринг муҳим.

“Йўқ” дейишинг мумкин. “Ҳа” дейишинг мумкин.

Ҳамма ҳам хато қилади. Ҳа, мен ҳам.

Эшитаман, гапиравер.

Сен ўшанда мутлақо ҳақ эдинг.

Майли, сен айтганча бўлақолсин.

Сени тушундим. Фикрингга қўшиламан.

Гапларингга ишонаман.

Сен менга яхши ёрдам беряпсан.

Сен ажойиб боласан. Сен бунга лойиқсан.

Чизган суратинг / ҳикоянг/ қўшиғинг зўр чиқди.

Зўр савол бўлди!

Сен яхши боласан/қизсан. Сен чиройлисан.

Мен сенга ишонаман.

Каналимизга уланинг
t.me/farzand_tarbiyasi759 Ochish/sharhlash

2022-08-27 06:05:20 ​#MOTIVATSIYA

Ushbu soʻzlarni har tong oʻzingiz uchun oʻqib qoʻying.

Menga pul yetishmaganda paytlarda men yugurib ishga chiqib ketmas edim, aksincha o‘tirib o‘ylar edim. Dunyodagi eng qimmat tovar - g‘oyadir.
Stiv Jobs

Aqlli odamlarni ishga olib, keyin ularga nima qilishni oʻrgatish ahmoqlikdan boshqa narsa emas. Biz aqlli odamlarni bizga nima qilish kerakligini aytish uchun yollaymiz.
Stiv Jobs

Har doim qiyin yoʻlni tanlang , bu yoʻlda siz haqiqiy raqobatchilarni uchratasiz.
Sharl de-Goll

Agar siz yagona maqsadingiz boy boʻlish boʻlsa, siz hech qachon unga yeta olmaysiz.
Jon Devis Rokfell

Umuman kitob o‘qimaydigan mehnatkashdan ko‘ra, kitob o‘qiydigan dangasa bilan ishlagan yaxshiroq. Chunki u doim qiyin topshiriqlarga oson yechim topa oladi.
Bill Geyts

Hayrli kun azizlarim!

t.me/psixologFeruza759 Ochish/sharhlash

2022-08-25 16:45:50 1. Кеккайган одам.

• Бундайларни қандай таниб оламиз?

Бу турга кирувчи одамлар билан учрашиб муомала қилганда вақт жуда секин ўтади. Тезроқ суҳбатни тугатгинг келади. У ўзини жуда муҳим, ўта қобилиятли, нодир сифатларни жамлаган шахс деб ҳисоблайди. Бошқаларнинг саъй-ҳаракатларини пастга уришга мойил. Ҳеч кимга ҳамдардлик, ҳайрихоҳлик кўрсатмайди. Ҳамма менга ҳурмат, илтифот кўрсатиши, хизматимда бўлиши, совғалар бериши керак деб ўйлайди. Дўстлари вақтинчалик бўлишади. Ўзига, ўз фикрига бино қўйган. Фикрида қаттиқ туриб олади. Ғазаби тез. Унга нисбатан бўлган туйғуларга эътибор бермасликка интилади. Баъзан катта мол-дунё эгаси бўлади.

• У билан қандай муомалада бўламиз?

Бундайлар баъзан бой фикр-мулоҳаза соҳиблари бўлишини эътибордан қочирмаслик муҳим. Унинг ўткир, кенг дунёқарашларидан фойдаланган маъқул. Фикри қимматли эканини самимий тарзда билдириб туринг. Унинг хулқидаги қора нуқталарга ҳужум қилишдан аввал, унинг ишончини, меҳрини қозониш керак. Унга тўғридан тўғри насиҳат қилиб бўлмайди. Унинг ҳам бошқаларга эҳтиёжини борлигини англатиш яхши.

• Нималардан эҳтиёт бўламиз?

Имкон қадар ғазабини қўзғотмаслик ва уларни қайта тарбиялашга интилмаслик керак.
vunderkind

t.me/psixologFeruza759 Ochish/sharhlash

2022-08-24 15:58:44 ​Бола олдида жанжаллашишнинг оқибатлари

Салбий хулқ-атвор.

Ота-оналар ўртасида зиддият юзага келганда, бола қўрқув, ғазаб ва хавотир каби негатив ҳиссиётларни бошдан кечиради. Ва ҳали мурғак бўлганлиги сабаб улар билан курашиш йўлларини билмайди.

У фақат қичқириқ, инжиқлик, ўжарлик ёки итоатсизлик билан ўзининг азоб чекаётганлигини кўрсатиши мумкин. Бир сўз билан айтганда, бола ўз ичидаги ҳиссий бўронни енгишга ёрдам бериши учун, ҳар қандай усул билан ота-онасининг эътиборини жалб қилишга ҳаракат қилади.

Шунинг учун, агар сиз боланинг салбий хулқ-атворига қарши курашишдан чарчаган бўлсангиз, ҳамкорингиз (эрингиз/хотингиз) ва бошқалар билан ўзингизнинг алоқангизни кўриб чиқишингиз керак.

Иммунитетнинг пасайиши.

Ота-оналарнинг ҳар қандай жанжаллари бола учун стрессли ҳолатдир, ва ҳар қандай стресс ҳар доим, ҳаттоки катталарнинг ҳам соғлигига таъсир қилади.

Агар бола доимо стрессли вазиятда яшаса, унинг иммунитети камаяди ва психосоматик касалликларнинг ривожланишига сабаб бўлади.
Шунинг учун кўпинча зиддиятли оилаларда болалар мунтазам касал бўлиб қолаверадилар.

Мурожаат килинг
99897 440-72-74

t.me/farzand_tarbiyasi759 Ochish/sharhlash