FATVO.UZ

2021-05-24 12:27:24 #Диний_савол_жавоб

Таҳорат олаётганда гапирмаслик керакми?

Muhammad Ayyub domla HOMIDOV

YouTube | Instagram | Facebook | Tiktok

Улашинг: @diniysavollar Ochish/sharhlash

2021-05-24 10:09:17 КАЪБАИ МУАЗЗАМАНИНГ ИЧИ
#каъба

651-CАВОЛ: Каъбаи муаззама ичида ҳавода муаллақ турувчи тош бор деб айтишди. Лекин Каъбанинг расмларида бу нарсага кўзим тушмади. Илтимос шу хақида озроқ маълумот берсангиз.

ЖАВОБ: Бисмиллаҳир Роҳманир Роҳим.
Каъбанинг ичида ҳавода муаллақ тош борлиги ҳақидаги гап-сўзлар асоссиз ва воқъликка тўғри келмайди. Чунки у ерда ғайри табиий нарсанинг ўзи йўқ.
Ҳозирги кунда Каъбаи муаззаманинг ички қисмининг тавсифи қуйидагича: Каъбанинг ичи ва деворларига мармар плиталар ётқизилган. Ушбу мармарлардан бири бошқаларидан ранги ва тузилиши билан ажралиб туради. Макка шаҳри мусулмонлар қўлига ўтгач, Пайғамбаримиз айнан ана шу ерда намоз ўқиганлар. Шунинг учун шу жойда қилинган ибодат савоби улуғ ҳисобланади.
Деворларда бир хил оралиқда Аллоҳ уйини сақлаш учун қайғурган буюк шахсларнинг исмлари ва Каъбатуллоҳда қилинган ишларни ёритувчи матн ва безаклар илиб қўйилган. Каъба шифтига ипак мато қопланган. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
@SavollarMuslimUzBot

YouTube | Instagram | Facebook | Tiktok Ochish/sharhlash

2021-05-23 15:17:29 #қисқа_савол_жавоблар

CАВОЛ: Витр намозини ўқиб туриб чалғиб иккинчи ракатда намозни тугатиб қўйдим. Шундай ҳолатда витрни қайта ўқишим керакми?

ЖАВОБ: Бисмиллаҳир Роҳманир Роҳим.
Агар икки ракат билан намозни тугатиб қўйган бўлсангиз, витрни қайта ўқийсиз. Аммо иккинчи ракатни ўқиб салом бераётиб учинчи ракат эсга тушса, дарҳол учинчи ракатга туриб, намозни давом эттириш мумкин. Бу ҳолатда намоз бузилмайди. Намоз охирида саждаи саҳв қилинади. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @diniysavollar Ochish/sharhlash

2021-05-23 12:27:25 #Диний_савол_жавоб

Қазо намозларни ўқиш тартибини тушунтириб берсангиз

Muhammad Ayyub domla HOMIDOV

Telegram | Instagram | Facebook | Tiktok

Улашинг: @diniysavollar Ochish/sharhlash

2021-05-23 10:12:18 ДУО ҚИЛАЁТГАНИМДА ЁМОН ҲАЁЛЛАР КЕЛАДИ
#намоз #дуо

650-CАВОЛ: Намозлардан кейин дуо қилсам ҳаёлимга "дуо қилиб овора бўлма, сани дуойинг қабул эмас", "чин дилдан қилмадинг қабул эмас" ёки "Aллоҳнинг қудратига шубҳа қилиб қўйдинг, энди қабул эмас" деган ҳар хил ҳаёллар келади. Кейин шу ҳаёллар билан урушиб-урушиб зўрға дуо қиламан. Илтимос маслаҳат беринг устоз қандай йўл тутай.

ЖАВОБ: Бисмиллаҳир Роҳманир Роҳим.
Сиздаги ҳолат васваса ҳисобланади. Бунга эътибор берманг. Ҳадиси шарифда “Дуо ибодатнинг мағзидир” дейилган. Яъни биз дуо қилганимизда ибодат қилаётган бўламиз. Шайтон дуо қилмасликни васваса қилмоқда. Агар бунга эътибор қилсангиз охири бориб дуо қилишдан безиб қоласиз. Натижада дуо қилмай қўясиз. Шайтоннинг мақсади ҳам шу – сизни дуодан тўхтатиш эди.

Ахир Буюк Роббимиз “дуо қилинглар, ижобат этаман” деган бўлса, биз нега дуо қилишдан тўхташимиз керак, тинимсиз дуо қилавераман, деб дуоларни кўпайтиринг. Ояти каримада:

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

«(Эй Муҳаммад алайҳиссалом), (турли гуноҳ-маъсиятлар қилиш билан) ўз жонларига жиноят қилган бандаларимга айтинг: «Аллоҳнинг раҳмат марҳаматидан ноумид бўлмангиз! Албатта, Аллоҳ (Ўзи хоҳлаган бандаларининг) барча гуноҳларини мағфират қилур. Албатта, Унинг Ўзигина мағфиратли, меҳрибондир» (Зумар сураси, 53).

Бошқа бир оятда:

وَرَحْمَتِي وَسِعَتْ كُلَّ شَيْءٍ

«...Раҳматим – меҳрибонлигим эса ҳамма нарсадан кенгдир» (Аъроф сураси, 156).

Абу Ҳурайра розияллоҳу анҳудан ривоят қилинади: «Пайғамбар соллаллоҳу алайҳи васаллам айтдилар: «Аллоҳнинг юзта раҳмати бўлиб, ундан битта раҳматни жинлар, инсонлар, ҳайвонлар ва ҳашоратлар орасига туширди. Ана ўша битта раҳмат билан улар бир-бирига раҳм қиладилар, шафқатли бўладилар. Ва шу раҳмат билан ваҳший ҳайвон ўз боласига меҳрибон бўлади. Аллоҳ тўқсон тўққизта раҳматни олиб қолдики, улар билан қиёмат кунида бандаларига раҳм қилади» (Муттафақун алайҳ). Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
@SavollarMuslimUzBot

YouTube | Instagram | Facebook | Tiktok Ochish/sharhlash

2021-05-23 09:17:14 #Сўраган_эдингиз

Исломда оила ва никоҳ қандай аҳамиятга эга?

Оилалар пухта ва мустаҳкам бўлишининг шаръий асослари борми?

Ҳозирги кундаги ёш оилаларнинг ажримлари ҳақида.

Саволларингизни қуйидаги манзилга юборинг
http://savollar.muslim.uz
@SavollarMuslimUzBot

Telegram | Instagram | Facebook | Tiktok

Улашинг: @diniysavollar Ochish/sharhlash

2021-05-22 15:13:17 #қисқа_савол_жавоблар

CАВОЛ: Мени бир қўлим синган қандай таҳорат оламан ёки қандай таяммум қиламан?

ЖАВОБ: Бисмиллаҳир Роҳманир Роҳим.
Қўлингиз синиб гипс қилиб боғлаб қўйилган бўлса, соғ қўлингиз билан таҳорат оласиз. Бу ҳолатингиз таяммум қилишга сабаб бўла олмайди. Гипс қилиб боғланган бўлса ва гипсни ечиш касалликка зарар қиладиган бўлса, қўлни сув билан намлаб, гипс устига масҳ тортасиз. Агар қўлингизда таҳоратда ювиладиган жойидан бирор жойи гипсдан ташқарида бўлса, у жойни ювасиз. Умумий ҳолат шу. Агар сиздаги ҳолат биз тушунгандан бошқача бўлса, ўзингизга яқин жойдаги бирор аҳли илмга мурожаат қилиб, бу масалани батафсил билиб олсангиз мақсадга мувофиқ бўлади. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @diniysavollar Ochish/sharhlash

2021-05-22 12:27:23 #Диний_савол_жавоб

Расулуллоҳ алайҳиссаломни тушда кўриш учун нима қилиш керак?

Muhammad Ayyub domla HOMIDOV

Telegram | Instagram | Facebook | Tiktok

Улашинг: @diniysavollar Ochish/sharhlash

2021-05-22 10:17:25 ЧЕРКОВНИ ТАЪМИРЛАСАК БЎЛАДИМИ?
#ҳалол_ҳаром

649-CАВОЛ: Россия давлатидаман. Рус черковини таъмирласак бўладими, христианларнинг том, эшик ва хоказоларини? Алҳамдулиллоҳ мусулмонман.

ЖАВОБ: Бисмиллаҳир Роҳманир Роҳим.
Аллоҳ таоло Қуръони каримда:

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ

яъни: "Дин тўғрисида сизлар билан урушмаган ва сизларни ўз юртингиздан (ҳайдаб) чиқармаган кимсаларга нисбатан яхшилик қилишингиз ва уларга адолатли бўлишингиздан Аллоҳ сизларни қайтармас. Албатта, Аллоҳ адолатли кишиларни севар" (Мумтаҳина сураси 8-оят).

Ушбу ояти каримадан маълум бўладики, мусулмонларга душманчилиги бўлмаган ва уларга азияти етмаган кофирларга яхшилик қилиш ва адолатли муносабатда бўлиш жоиз. Уламолар кофирларга яхшилик қилиш уларнинг куфрига ёки гуноҳ ишида ёрдам бўлмаслиги шарти билан жоиз бўлишини айтиб ўтганлар. Масалан, насронийлар учун черков қуриб бериш, ўзларини динларини тарғиб қилишлари учун китоб ва журналларини чиқариш ва тарқатишда ёрдам бериш жоиз бўлмайди. Чунки бунда куфрни ривожига ҳисса қўшиш бор. Мусулмон киши бундай ишларни қилмаслиги лозим. Балки, уларга яхшилик қилишдан мурод муҳтож бўлиб қолганида инсонийлик нуқтаи назардан хайрия қилиш, шахсий манфаатларини қондиришда ёрдам бериш тушунилиши лозим. Бунда мусулмон киши ажр олиши умид қилинади. Шунингдек, кофирларнинг жамият учун манфаатли бўлган, ортидан мусулмонларга зарар етмайдиган ғояларида ҳам кўмаклашиш мумкин. Зеро, Аллоҳ таоло Қуръони каримда:

...وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ

яъни: “...Эзгулик ва тақво (йўли)да ҳамкорлик қилингиз, гуноҳ ва адоват (йўли)да ҳамкорлик қилмангиз! Аллоҳдан қўрқингиз! Албатта, Аллоҳ азоби қаттиқ зотдир”, дея марҳамат қилган (Моида сураси, 2-оят).

Демак, сиз черков қурилиши ва таъмиридан қочишингиз, лекин уйларининг эшик-ром, том ва ҳоказоларини қилиб бериш каби ишларида қатнашишингиз мумкин. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
@SavollarMuslimUzBot

YouTube | Instagram | Facebook | Tiktok Ochish/sharhlash

2021-05-22 08:11:35 #аудио

НАБИРАЛАР МЕРОС ОЛАДИМИ?

Савол йўллаш
@SavollarMuslimUzBot

Улашинг: @diniysavollar Ochish/sharhlash