Bayyina.uz

2021-02-16 11:55:00 Зикр нима дегани? | 1.9 мб.
Азизхўжа домла Иноятов

———
Дўстларингизга ҳам улашинг!
@Bayyinauz | #Аудио

Telegram | Instagram | YouTube Ochish/sharhlash

2021-02-16 09:35:00 ​​Ана шунда интернетнинг самимиятсиз муҳитида намоз ўқиймиз, ҳаж қиламиз, рамазонимизни ўтказамиз. Телевизор деган жиҳознинг экранида мусулмоннинг телевизоридек тасвирни кўрсатолмаганимиз учун ҳам рамазонимиз кўнгилхушликка айланиб кетди. Яқин орада рамазон рақслари деган нарса чиқса, уни мусулмонлар учун рамазон ойи ҳадияси сифатида экранларда қўйишса ажабланмаймиз. Чунки рамазон шарбатидан, кўнгилхушлигигача, кўнгилхушликдан тортиб мусиқасигача ҳар нарсани ўйлаб топишди. Ҳатто ҳаром нарсалар ибодатларга қўшиб юбориладиган даражада самимиятсиз муҳит пайдо бўлган.

Уммати Муҳаммад динини қиёматгача ўзгартирмаслиги учун уммати Муҳаммад бўлган. Рим империяси бостириб келса, тоғларга қочиб кетадиган уммат эмасмиз, империяга қарши йигирма киши билан қаршилик кўрсатган, кисронинг саройига ҳассаси билан кириб ёлғиз ўзи Аллоҳга даъват қилганлардан руҳланадиган умматмиз. Шундай уммат эканмиз, энди виртуал оламнинг кўз кўрмайдиган дажжолидан қочамизми? Инсоният интернетни ўйлаб топди, Аллоҳ инсониятга шундай неъматни инъом этди. Интернетни бошқалардан кўра яхши йўлда ишлатиб, инсониятга ва ибодатларимизга хизмат қиладиган ҳолга келтирамиз.

Муаллиф: Нуриддин Йилдиз
Таржимон: Абдуллоҳ Раҳим

———
Дўстларингизга ҳам улашинг!
@Bayyinauz
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-16 09:35:00 ИНТЕРНЕТ ФИҚҲИ
Нима учун керак? (2-қисм)

Интернет ва қўл телефони Байтул Ҳаромда ҳам ибодатларга ўз таъсирини кўрсатмоқда ёхуд булар мўминни ўша муборак ерларда ҳам Аллоҳнинг зикридан ва саловатдан қандай бўлмасин чалғитмоқда. Шундай экан, мусулмонлар учун интернет фиқҳи китоблари китоб жавонларида ёки бош учларида бўлиши ўта муҳимдир. Катталар учун матн тарзида, болалар учун расмли тарзда бўлиши қандай бўлмасин мусулмонда барибир бўлиши керак.

Қолаверса бу бир домланинг лутф қилиб ёзаётган китоби каби ёхуд ижтимоий давлат хизматларидан бири сифатида ижро қилиши керак бўлган ишлардан эмас. Бу зарурий ҳолга келган ва умумбало даражасига етган масалалардандир. Мусулмонлар зотан бу масалада кечикиб бўлишган, ҳали 50 ёшига етмасидан энди новдалаётган вақти бунга қарши чора кўришлари лозим. Интернет балки шунчалик кенг ёйиладики, инсонлар баъзи касалликлар учун касалхонага бормай, ўтирган жойларидан муолажа қилина бошлайдилар. Ҳозир ҳам бунинг кичик намуналарига гувоҳ бўляпмиз, ўқишлар ёпилиб, таълим берувчи каналлар уйда интернет орқали таълим бера бошлади.
Жумладан биз ҳам ана шундай ҳаёт тарзига қараб кетяпмиз. Бу масаланинг фиқҳини ёзиш 2050 йилларга қолиб кетадиган бўлса, унда жуда кеч бўлади. Олимлар, расмий кишилар, инсонларни бир жойга жамлай оладиган вақфлар, ва бошқа шу соҳага оид ташкилотлар вақтдан унумли фойдаланиб қолишлари керак. Бу турғунлик даврини бекор ўтказган олимлар, масъул шахслар наслларимизнинг ҳалол-ҳаромдан ҳоли ва фиқҳий асоси йўқ, ҳукмсиз қолган интернетга ғарқ бўлиб кетсалар Аллоҳнинг ҳузурида жавобини беролмайдиган муаммога йўлиқадилар.

Чунки инсонлар орасидаги алоқа Аллоҳ таолонинг шариати асосида қилиниши керак. Зеро биз уммати Муҳаммад эканмиз, тоғу тошларга чиқиб кетишга ҳаққимиз йўқ. Жамият фасодга тўлди деб ташлаб чиқиб кетилмайди. Жамият фасодга тўлиб кетса ҳам, динимизни ўрганиш ва ўргатишга масъул умматмиз. Уммати Муҳаммаднинг бошқалардан ажратиб турадиган сифати ҳам шундадир. Қочадиган, беркиниб оладиган эмас, ҳаётга юқоридан назар соладиган, Аллоҳнинг шариати билан ҳаётни борича қабул қилиб уни шакллантирадиган насл бўлишимиз даркор. Инсонлар қандай технологиядан фойдаланаётган бўлишса, биз ҳам шу технологияни динимиз кўрсатмалари асосида ишлатишга, фойдаланишга мажбурмиз.

Уммат ўлароқ бизнинг Аллоҳ билан ҳам, ота-оналаримиз билан ҳам, қариндош-уруғимиз билан ҳам ўзимиз билан ҳам маълум алоқаларимиз мавжуд. Бу интернет деган нарса Аллоҳ билан бизнинг орамиздаги алоқагача ҳар нарсамизга ўз таъсирини кўрсатиб бормоқда. Ибодатларимиз ҳам интернет томонидан шакллантирилмоқда. Бунга ҳақиқий мўминдек шакл бермасак, интернетнинг фиқҳини ёзсагу ўқимасак интернет эртага бизнинг ибодатларимизни тўлиқ шакллантиришга ўтадиган бўлса, бундан йигирма йил кейин Исломни мисол учун электрон ибодатга айлантириб юборишимиз ҳеч гап эмас. Ochish/sharhlash

2021-02-16 07:35:00 Таҳорат бузилмайдими?

САВОЛ: – Шайх ҳазратлари. Саволим шундан иборатки таҳорат олишдан олдин танадаги бирон яра ёки ҳуснбузар бироз кичик кўринишда қонаб турган бўлса, таҳорат олгандан кейин ҳам бироз қонаб кейин тўхтаса ўша олган таҳоратида намоз ўқиса бўладими ёки таҳоратни янгилаш керак бўладими ?

ЖАВОБ: – Бироз деганда ярадан чиқиб, тананинг пок қисмига тегса, таҳорат кетади.

Шайх Муҳаммад Содиқ Муҳаммад Юсуф раҳимаҳуллоҳ
———
Дўстларингизга ҳам улашинг!
@Bayyinauz | Манба
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-16 04:35:00 @Bayyinauz | #150_яхшилик
Дўстларингизга ҳам улашинг!
———
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-15 18:05:01 Зикр нима дегани? | Азизхўжа домла Иноятов





———
Дўстларингизга ҳам улашинг!
@Bayyinauz
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-15 14:50:50 Шарҳ: Ушбу ҳадиси шарифда уч хил ишдан наҳ¬йи қилинмоқда:
1. Бировнинг битирган савдоси устига савдо қилиш.
Бу икки хил кўринишда бўлиши мумкин:
Биринчи кўринишда бировдан нарса сотиб олган одамга, савдонгни бузиб, нарсасини қайтариб бер, мен сенга худди шу нарсани арзон нархга бераман, дейди.
Иккинчи кўринишда эса, бировга нарса сотган одамга, савдонгни бузиб нарсангни қайтариб ол, мен сенга ундан кўра кўп баҳо тўлайман, дейди.
Бу иш бузғунчиликдан иборатдир. Кишилар ичида келишмовчилик, уруш-жанжал келтириб чиқарадиган ишдир. Эркин бозор қоидасига, одамларнинг баъзилари баъзиларидан фойда олишига зид нарсадир. Шунинг учун ҳам шариатда бу нотўғри иш ман қилинган.
2. Бировнинг совчилиги устига совчилик қилиш.
Бир киши бир қизга совчилик қилиб турганда у ўз ишини битирмагунча бошқа одам ҳалиги қизга совчилик қилиши ҳаромдир. Бу иш ҳам кишилар ўртасида хусумат келтириб чиқарадиган ишдир. Аммо биринчи совчилик қилган одам ўзи изн бериб, майли, насиб қилгани бўлар, сиз ҳам совчи қўяберинг, деса, иккинчи одам совчилик қилиши мумкин. Бу масала, иншааллоҳ, «Никоҳ» китобида батафсил ўрганилади.
3. Бировнинг савдолаши устига савдолашиш.
Яъни, бир киши бир нарсани савдолашиб қўйди, ҳали бир йўла сотиб олгани йўқ. Шунда бир одам келиб сотувчига менга сотсанг, ундан кўп нарх бераман дейиши мумкин эмас. Ёки харидорга менинг худди шу савдолашган нарсангга ўхшаш нарсам бор, сенга арзон бераман, дейиши мумкин эмас. Савдо битса, битиб кетди, битмаса, учинчи киши ўз мақсадини айтса бўлади. Бу ишда ҳам бошқаларга зарар келтириш борлигидан ҳаром қилинган.
Ўйлаб кўрадиган бўлсак, бозор ва савдо соҳасида келиб чиқадиган кўпгина уруш-жанжал, келишмовчиликларнинг асосий сабабларидан бири ушбу ҳадиси шарифда зикр қилинган масаладир. Кишиларнинг Исломдан бехабарликлари, хабардорларнинг амал қилмасликлари оқибати нима бўлишини шундан ҳам билиб олаверсак бўлади.

———
Дўстларингизга ҳам улашинг!
@Bayyinauz | #Кун_ҳадиси
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-15 14:50:14 @Bayyinauz | #Кун_ҳадиси
Дўстларингизга ҳам улашинг!
———
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-15 13:35:00 Жоҳилиятда, арабларнинг бир одати бор экан. Агар отлари кўпайиб, зотдори билан хашакиси аралашиб кетиб, уларни бир-биридан ажратолмай қолишса, бир ишни амалга оширишар экан.
Ҳамма отларни бир жойга тўплаб, емиш ва сувдан ман қилиб, уларни қийнашар, уришар экан.
Сўнгра бироз ўтгач уларга ем ва сув келтиришаркан. Ана шу пайтда отлар икки гуруҳга бўлинар экан. Бир гуруҳи ҳеч нарсага қарамасдан, очлиги сабаб ем ва сув учун шошганча чопиб келар, иккинчи гуруҳдаги отлар эса, уриб хорлаган қўлдан емиш ейишдан бош тортар эканлар.

Улар мана шундай услуб ила асл, зотдор отларни хашакилари орасидан ажратиб олишар экан. Биз яшаётган даврда хашаки отлар ва хашаки фикрловчилар нақадар кўп-а?!

———
Дўстларингизга ҳам улашинг!
@Bayyinauz
Ижтимоий тармоқларда бизни кузатинг!

Telegram | Instagram | YouTube Ochish/sharhlash

2021-02-15 11:35:00 Аллоҳ нақадар кенг раҳмат ва фазл эгаси

Бир киши ҳикоя қилиб айтади. Мен ҳаётимда икки карра шарманда бўлдим. Яширинча ҳолда қиладиган гуноҳларимдан баъзи инсонлар хабардор бўлиб қолишди. Аллоҳ таолонинг сатр деб аталмиш неъмати мени икки мартагина тарк этди. Билмадим, гуноҳларга тўла ҳаётимда бу неъмат бутунлай йўқ бўлиб қолса нима ҳолга тушар эканман?!

Лекин айни шу гуноҳларим фош бўлиб, одамларга шарманда бўлганимда ҳам яна мени меҳрибон Роббим ёлғиз ташлаб қўймади. Яна жойнамоз устида фақат У билан қолган эдим. Қилмишимдан хабардор одамлар мендан юзўгирар даражада бўлса ҳам, фақат У менга раҳм қиларди.

Роббимнинг фазли бунчалар ҳам кенгки, ҳатто сатрини олиб қўйиб ҳам сизга яхшиликни истайди. Сатр неъмати мендан ажралган иккала онда ҳам яна Роббимнинг раҳмати мени қамраб олди. Бу биринчи ўринда ушбу гуноҳни қайта қилмасликка аҳд қилган ҳолда гуноҳдан тўхтаб, тавбага юзланиш эди.
Иккинчидан эса бу менга катта тарбия бўлди. Гуноҳ қилган бандани кўрсам энди унинг шахсини эмас, қилган ишини ёмон кўриш кераклигини ўргандим. Гуноҳкор кишига нисбатан кибр, уни менсимаслик ва унинг олдида фаришта мисол бўлиб олиш каби иллатларни йўқотиш кераклигини ўргандим. Бирор киши гуноҳ қилганидан хабардор бўлсам, ичимда у ҳақда фосиқ деган ўй ўтаётган бир пайтда гўё Роббим менга шундай деяготгандек бўлади: «Ҳой банда! Ўзинг кеча ким эдинг? Сени ўзинг ҳам бундан бадтар гуноҳларни қилиб юрмасмидинг? Сен кимсанки Менинг раҳматимни бошқа бандаларимдан дариғ тутасан? Сенга раҳм қилганим каби бу бандамни ҳам Менга йўллаб қўй!».

Ё Аллоҳ, бу сатрларни ўқир эканмиз беихтиёр қуйидаги энг умидбахш оят эсга келади:
Сен менинг тарафимдан: «Эй ўз жонларига исроф (жабр) қилган бандаларим, Аллоҳнинг раҳматидан ноумид бўлманг! Албатта, Аллоҳ барча гуноҳларни мағфират этар. Албатта, унинг ўзи ўта мағфиратли ва ўта раҳмли зотдир», деб айт. (Зумар 53)

Аллоҳим, гуноҳларимиз ҳар қанча кўп бўлмасин, Сенинг марҳаматинг, фазлинг улардан буюкдир. Бизга раҳм қилиб уларни сатр қилиб келмоқдасан, ё Саттор, энди уларни кечириб юборгин, ё Ғаффор!

———
Дўстларингизга ҳам улашинг!
@Bayyinauz
Ижтимоий тармоқларда бизни кузатинг!

Telegram | Instagram | YouTube Ochish/sharhlash