Bankvabiznes.uz

2021-02-14 09:23:23 Биткойн нархи 49 000 доллар Ochish/sharhlash

2021-02-12 10:32:47 Автокредит тақдим этувчи корхона раҳбари фуқароларнинг 713 млн сўмини ўзлаштиргани аниқланди

Пойтахтнинг Мирзо Улуғбек туманида автокредит беришни ваъда қилган корхона раҳбари фуқаролар маблағларини ўзлаштирганликда айбланмоқда. Бу ҳақда «Газета.uz»га Бош прокуратура хабар бермоқда.

Бош прокуратура ҳузуридаги департамент томонидан ўтказилган терговга қадар текширувда аниқланишича, “E.A.” хусусий корхонаси раҳбари Д.Т. фуқароларни йиллик устама тўлови 12 фоизлик авто кредит беришга қизиқтирган.

119 нафар фуқаро билан 4 ой мобайнида тузилган шартномаларга асосан автомашина нархининг 6 фоиз миқдорида олдиндан тўлов шаклида корхона ҳисоб-рақамига 713,8 млн сўм ўтказилган.

Корхона раҳбар ушбу маблағларни ўзининг шахсий эҳтиёжларига ишлатиб юборгани аниқланган.

Ҳолат юзасидан корхона раҳбарига нисбатан Жиноят кодексининг 168-моддаси 4-қисми (Фирибгарлик) билан жиноят иши қўзғатилиб, тергов ҳаракатлари ўтказилмоқда. Ochish/sharhlash

2021-02-12 08:05:20 #олтин_қуймалар #золотые_слитки

Web | Telegram | Facebook | Instagram | Youtube | Twitter | Linkedin Ochish/sharhlash

2021-02-11 12:13:51 ​Совға муборак!

Янги ташкил этилгани ва унинг таркибига Coscom МЧЖнинг 100% улуши тақдим этилган айтилаётган Digital Holding ҚК МЧЖ бўйича Қарор жуда чиройли - "Ахборот технологиялари ва коммуникацияларини янада ривожлантиришга инвестицияларни жалб қилиш чора тадбирлари тўғрисида" деб номланади.

Қарор билан танишиб, жуда ажойиб ҳолатларга дуч келасиз.

Хусусан,
26 ой муқаддам 228 миллион АҚШ доллари қийматидаги Coscom МЧЖнинг 100% улуши камайиб 201,4 миллион АҚШ долларига айланиб қолган. Қандай қилиб, абонентлари сони кўпайишда ва фойда олишда давом этаётган Coscom МЧЖ 26,6 миллион АҚШ долларига арзонлаган?!
Истиқболда Digital Holding ҚК МЧЖнинг ягона муассиси «Диджитал Инвест» МЧЖ бўлиб қолиши мумкин, Ўзбекистон томонинг улуши "ювилиб" кетишига олдиндан рухсат бериб қўйилган.
Digital Holding ҚК МЧЖ ва «Диджитал Инвест» МЧЖ дивидендлар кўринишида юзага келдаиган фойда солиғидан озод этилгпан. Яъни, "инвестор" бемалол олинган фойдани бир сўм солиқ тўламай репатриация қилавериши мумкин. Имтиёзлар фақат шу билан кифояланмайди.

Нимаям дердик, ўзбекистонликлар номидан яна бир бор совға муборак. Бағримиз кенг ва бойликларимиз мўл. Ҳар қанча совға қилсак, берворсак ҳам тугамайди. Ochish/sharhlash

2021-02-11 10:44:37 Ёшларга 33 миллион сўмгача бўлган 6 ойлик имтиёзли давр билан гаровсиз кредит берилади

Ёшларни тадбиркорликка йўналтириш ва уларнинг бизнес лойиҳаларини қўллаб-қувватлаш мақсадида Савдо-саноат палатаси ва ҳамкор ташкилотлар томонидан ёшларга тадбиркорлик ҳақида назарий билимлар берилиши маълум қилинди.

“Ёшлар 1+1” дастури асосида 6 кун, яъни 48 соат давомида махсус курслар ташкил этилиб, курс тингловчиларига махсус сертификатлар берилиши режалаштирилмоқда.

Курсларни тугатган ишсиз ёшлар 3 йил муддатга 33 миллион сўмгача бўлган 6 ойлик имтиёзли даври ва гаровсиз кредит олиш имкониятига эга бўлади. Ochish/sharhlash

2021-02-11 10:29:57 «Ҳафта ўртасида бирорта вазирни Тошкентда кўрсам, ишдан оламан» — президент

Шавкат Мирзиёев вазирлар иш кунларини Тошкентда эмас, вилоятларда ўтказиши кераклигини таъкидлади, дея президентнинг сўзларини келтирмоқда «Газета.uz» мухбири.

«Вазирлар душанба куни бош вазир билан йиғилиш ўтказиб, ҳисоботларини беради, хафта учун иш режасини тузиб олади ва вилоятларга кетади», — деди давлат раҳбари.

«Вазирлар фақат шанба ва якшанба кунлари Тошкентда бўлишади. Якшанба куни уйда бўлади, яхшилаб дам олиб, бола ва невараларни ўқитиб, душанбадан яна ҳудудларга кетишади. Агар ҳафта ўртасида бирорта вазирни Тошкентда кўрсам, ишдан оламан. Вазир республикага хизмат қилади, Тошкентни қоровуллаб ўтирмайди», - дея таъкидлаган Шавкат Мирзиёев. Ochish/sharhlash

2021-02-11 10:27:59 Январда нақд пул айланмаси 32,1 трлн сўмни ташкил этди

Марказий банк маълумотига кўра, 2021 йил январь ойида банклар орқали нақд пул айланмаси 32,1 трлн сўмни ташкил этган. Бу 2020 йил январига нисбатан 7 фоизга кўп.

Жумладан, банклар кассаларига нақд пул тушумлари 17 трлн сўмни, чиқим эса 15,1 трлн сўмни ташкил қилган. Бу 2020 йилга нисбатан 6,7 фоизга ошган.

Мазкур ҳолат асосан банк карталаридан нақд пул ечиш ҳажмининг 1,7 трлн сўмга (1,5 баробар) ўсиши ҳисобига юзага келган. Натижада банклардан берилган нақд пуллар таркибида банк карталаридан ечиб олинган нақд маблағлар улуши 25 фоиздан 35 фоизга етди.

Январда банк карталарига жами 15,9 трлн сўмлик маблағлар келиб тушган. Аҳоли банк карталаридаги 5,2 трлн сўмлик (32,8 фоиз) маблағларни нақдлаштириб олган. Ochish/sharhlash

2021-02-11 10:19:36 ​​Кичик банклар фаоллик индекси

2020 йил 4-чорак учун Ochish/sharhlash

2021-02-11 10:17:59 ​​2020 йилда Ўзбекистоннинг энг фаол банклари рейтинги эълон қилинди

Иқтисодий тадқиқотлар ва ислоҳотлар маркази ҳар чоракда ўтказган сўровномасида мамлакатдаги 31 банкнинг фаолият кўрсаткичларини баҳолади.

Банк активларида хусусий банклар улуши ўзгаришини, шунингдек, банк секторида амалга оширилаётган ислоҳотлар ва трансформация жараёнлари самарадорлигини доимий равишда баҳолаб бориш мақсадида Иқтисодий тадқиқотлар ва ислоҳотлар маркази томонидан мамлакатимиздаги 31 тижорат банклари учун “Банклар фаоллик индекси” ишлаб чиқилди. Ушбу индекс асосида Марказ ҳар чоракда банклар рейтингини эълон қилиб бормоқда.

Мазкур индексни ҳисоблашда банкларнинг қуйидаги йўналишлар бўйича кўрсаткичларидан фойдаланилди:

- Молиявий воситачилик
- Молиявий оммабоплик
- Капитал етарлилиги
- Активлар сифати
- Бошқарув самарадорлиги
- Даромад олиш салоҳияти
- Ликвидлилик

2021 йил 1 январь ҳолатига республикамиз банк тизими активлари 366,1 трлн. сўм, мажбуриятлари 307,8 трлн. сўм ҳамда капитали 58,4 трлн. сўмни ташкил этди. Ҳозирги кунда банк тизимида 55 274 киши фаолият олиб бормоқда.

Банкларнинг ўзига хос хусусиятларини ҳисобга олиб, банклар икки гуруҳга ажратилди: 1) йирик банклар 2) кичик банклар. Ҳар бир гуруҳ бўйича алоҳида рейтинг тузилди.

Йирик банклар учун фаоллик рейтинги
17 йирик банклар учун фаоллик индекси бўйича умумий рейтингда Капитал банк ва Ҳамкор банк етакчилик қилмоқда. Капитал банкнинг молиявий воситачилик, активлар сифати ҳамда ликвидлилик кўрсаткичлари бўйича юқори натижалари банкнинг 1-ўринни эгаллашини таъминлади. Хусусан, мазкур банкнинг муддатли депозитларининг жами кредитларига нисбати 85 фоизни ташкил этди. Бундан ташқари, банкнинг мажбуриятлари таркибида бошқа банклар ва молия институтларидан олинган маблағлар улуши (3 фоиз) ва ҳукуматдан олинган маблағлар улуши (0,5 фоиз) энг паст кўрсаткичлардан ҳисобланади. Лекин, қайд этиш керакки, Капитал банкнинг капитал етарлилиги бўйича рейтинги банкнинг бу борадаги кўрсаткичлари Базель қўмитаси томонидан белгиланган минимал талабларга яқинлашиб қолганидан далолат бермоқда.

Йирик банклар фаоллик индекси
2020 йил 4-чорак учун

Ҳамкор банк умумий рейтингнинг 2-поғонасидан жой олди. Ҳисоб-китоб натижаларига кўра, Ҳамкор банк молиявий оммабоплик бўйича 1-рақамли банк сифатида эътироф этилди. Чунки, ушбу банкнинг ҳар бир филиалига тўғри келувчи кредит олган юридик ва жисмоний шахслар сони нисбатан кўпроқни ташкил этмоқда. Шунингдек, ушбу банк даромад олиш ва ликвидлилик кўрсаткичлари бўйича ҳам топ-5 йирик банклардан бири ҳисобланади. Шунга қарамасдан, Ҳамкор банк алоҳида рейтинг натижалари активлар сифатини оширишга алоҳида эътибор қаратиш лозимлигини кўрсатмоқда.

Давлат улуши мавжуд йирик банклардан Алоқа банк 3-ўринни эгаллади. Ушбу банк молиявий воситачилик (3-ўрин), капитал етарлилиги (2-ўрин) ва активлар сифати (4-ўрин) бўйича энг яхши кўрсаткичлардан бирини намоён этди. Банкнинг муддатли депозитларининг жами кредитларига нисбати (58 фоиз) бошқа давлат банкларига нисбатан юқори ҳисобланса, бошқа банклар ва молия институтларидан олинган депозитлар ва кредитларнинг жами мажбуриятларидаги улуши (23 фоиз) ҳамда ҳукуматдан олинган маблағларнинг мажбуриятларига нисбати (11 фоиз) банк тизими кўрсаткичларидан пастроқдир. Ochish/sharhlash

2021-02-10 19:53:10 Одамлар бизнинг қоғозбозлигимиздан чарчади, „ура-ура“ лардан чарчади - президент

Президент Давлат дастури бўйича йиғилишда бош вазирга топшириқ бериб, «ҳар ой давлат дастурини бажармаган раҳбарларни ишдан бўшатишини» айтди, деб хабар берди Газетауз

Президент раислигида «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастури доирасида амалга ошириладиган устувор вазифаларга бағишланган йиғилиш бўлиб ўтди.

«Газета.uz» мухбирининг хабар беришича, президент Фарғонадан тушкун кайфиятда қайтганлигини айтди. «У маҳаллада („Шодиёна“) раҳбар йўқ, ҳоким йўқ. Маҳаллага кирасан, 80-йиллардагидай… Кўчаларга, уйларга қараб бўлмайди, 1 кв.м. ҳам ободонлаштирилмаган…», — дейди у.

«Миллий банкнинг Фарғона филиалида 80 дан ортиқ ходим ишлайди, ҳокимиятда 50дан кам. Лекин банк ходимлари икки баравар ойлик олади», — дея таъкидлайди давлат раҳбари.

«Бизда назорат қилиш тизими йўқ. Бош вазирга топшириқ. Ҳар ой давлат дастурини бажармаган раҳбарларни ишдан бўшатади. Одамлар бизнинг қоғозбозлигимиздан чарчади, „ура-ура“ лардан чарчади…», — деди Шавкат Мирзиёев.

Давлат раҳбари бош вазир вазиятни таҳлил қилиб, кимни ишдан олиш кераклигини, қуйи поғонани қандай ишлашга мажбур қилиш кераклигини айтишини таъкидлади. «Биз Тошкент вилояти ҳокимини, спорт вазирини ишдан олдик. Бу ҳали бошланиши».

У раҳбарларнинг аҳоли билан тўғридан-тўғри ишлаши лозимлигини қайд этди. «Нега Кудбиев (ДСҚ раҳбари), Бобожонов (ИИВ раҳбари) пастга тушмайди. Нега сизлар Худайбергеновга (президент маслаҳатчиси) ўхшаб қоғозда эмас амалда натижа кўрсатмайсизлар?», — деди президент.

«Раҳбарлар, масъул шахслар кўп, лекин одамлар муаммоларини ҳал қиладиганлар деярли йўқ», — деди Шавкат Мирзиёев. Ochish/sharhlash