Bankvabiznes.uz

2021-02-10 16:33:11 «ЮэСэМ Телеком» ва «МегаФон» Ўзбекистон бозорига кириб келмоқда

«ЮэСэМ Телеком» ва МегаФон ўзбекистонлик ҳамкорлар билан биргаликда Марказий Осиёдаги энг йирик телекоммуникация бозорининг технологик илғори бўлиши кутилган янги қўшма корхона – Digital Holding’ни ташкил этди. Янги ҚК таркибидан мамлакатнинг телекоммуникация бозори илғори бўлган Ucell компанияси ҳамда USM’нинг Ўзбекистондаги активлари – CRPT Turon ва ICS Holding Uzbekistan ҳам ўрин олган.

Ўзбекистон ҳукумати Давлат активларини бошқариш агентлиги (ДАБА) орқали ҚКга Ucell телеком-операторининг 100% улушини топширмоқда. Россия томони Digital Holding ривожланиши учун 100 млн доллар миқдорида инвестиция, шу билан бирга USM’нинг шўъба корхоналари – CRPT Turon ва ICS Holding Uzbekistan’ни киритмоқда.

ҚК таркибига кириш учун «ЮэСэМ Телеком» ва МегаФон «Диджитал Инвест» компаниясига асос солишди, унда икки компаниянинг улуши 50%дан тақсимланди. Янги ҚКда «Диджитал Инвест» улуши 51%, ДАБА улуши 49%га тенг.

Битим доирасидаги жараёнлар 2021−йил давомида якунига етади. Digital Holding эътиборини Ўзбекистон Республикасида алоқа хизматларидан фойдаланишни янада қулайроқ қилиш ҳамда сифатини ошириш учун халқаро стандартларга мос келувчи телекоммуникация инфраструктурасини шакллантиришга, ахборот хавфсизлиги ва маълумотларни сақлаш, баъзи турдаги товарлар ҳаракатини маркировкалаш ва кузатиб бориш соҳаларидаги илғор технология ва тизимларни татбиқ этишга қаратади.

Маълумот учун, «ЮэСэМ Телеком» – USM холдингининг рақамли бўлинмаси. МегаФон телеком оператори ва «ИКС Холдинг» АТ гуруҳининг 100 фоизини назорат қилади. «ЮэСэМ Телеком»нинг асосий мулкдорлари − USM (80% акциялар), Иван Стрешинский (10%) ва Антон Черепенников (10%).

Ucell 2018 йилнинг 5 декабридан ООО «COSCOM» («Ucell» савдо белгиси) сифатида 100% давлат компаниясидир. Ўтган икки йил мобайнида 8 миллион абонентга эга Ucell Ўзбекистон уяли алоқа бозорида етакчига айланди. 2020 йил февраль ҳолатига аҳоли пунктларидаги қамрови 97,6% (GSM); 72,9% (UMTS); 60,8% (LTE)ни ташкил этмоқда. Ucell Ўзбекистонда 5G стандарти бўйича илк оператор саналади. Ochish/sharhlash

2021-02-10 06:55:51 Фуқаролар ўз кредит тарихини мустақил олиш мумкин бўлди

Фуқаролар учун ҳам “Кредит-ахборот таҳлилий маркази” кредит бюроси веб сайти орқали кредит тарихини олиш имконияти яратилибди, деб ёзмоқда @davletovuz

Кредит бюро веб сайтидаги шахсий кабинет орқали кредит тарихини олиш имкониятини йўлга қўйди.

Қуйидаги йўллар билан шахсий кабинетга кириш мумкин:

1) Электрон рақамли имзо (ЭРИ) ёрдамида (Давлат хизматлари марказларидан ЭРИ олган ҳолда);
2) id.gov.uz ёрдамида (id.gov.uz сайтидан идентификациядан ўтган ҳолда);
3) Логин ва парол ёрдамида (Кредит бюрога бир марта ташриф буюриб идентификациядан ўтган ҳолда).

Фуқаролар ўзи ҳақидаги кредит ҳисоботини бир йилда бир марта текинга олиши мумкин. Бир йил мобайнида қўшимча кредит ҳисоботини олиш нархи БҲМнинг 0,05 баробарини (+15% ҚҚС) ташкил этади.

Кредит тарихини олиш: www.infokredit.uz Ochish/sharhlash

2021-02-09 17:27:13 "Business Invest Online school" kompaniya rahbari Islom Ibrohim tomonidan yangi eksklyuziv vebinar -
" Professional sotuv va marketing " .

Dolzarb mavzu va yechilishi qiyin muammo - Biznes marketing va sotuv

Agar siz :
biznesingizni rivojlantirmoqchi,

mijozlar oqimini jalb qilmoqchi ,

sotuvingiz hajmini ko‘paytirmoqchi bo‘lsangiz yoki

Xodimlaringizni marketolog sifatida o‘qitmoqchi bo‘lsangiz 10 fevral soat 19:00 da bo‘ladigan online vebinarga qatnashing.

Ha aytgancha bu vebinarda, tanlovga qatnashib pullik sovg‘aga ega bo‘lish imkoni bor.

Marhamat qilib pastdagi tugmani bosing va vebinar kanalga ulaning.

https://t.me/joinchat/U-P29SIJ_pPyALgA Ochish/sharhlash

2021-02-09 13:58:21 ​​Банклар, ҳомийлик ва репрезентация

Банклар ҳисобот даври якунида регуляторга топширадиган ва очиқлайдиган ҳисобот шаклларидан бири банк баланси бўлиб, унда баланс бўлимларининг умумлаштирилган моддалари бўйича рақамлар келтирилади.

Хусусан, баланс таркибидаги "Даромад ва харажатлар" бўлимидаги рақамларга қараб, банкларнинг ва банк тизимининг даромадлилик кўрсаткичлари ёки харажатлар самарадорлиги бўйича бир қанча статистик-таҳлилий материаллар тайёрлаш мумкин.

Масалан, банкларнинг харажатлари таркибида "Ҳомийлик ва репрезентация" харажатлари суммаси 2020 йил якунлари бўйича жами 279 млрд. сўмни ташкил қилибди.

"Ҳомийлик ва репрезентация" моддаси ўз ичига "Репрезентация ва кўнгилочар тадбирлар харажатлари", "Аъзолик бадаллари" ҳамда "Хайр-эҳсон ва хайрия харажатлари"ни олади. Тажрибада аксарият банклар балансида бу моддада асосий улушни "Хайр-эҳсон ва хайрия харажатлари" эгаллайди.

"Ҳомийлик ва репрезентация"нинг банклар кесимида қанча суммадан бўлганлиги иловадаги жадвалда.


@bankers_uz Ochish/sharhlash

2021-02-09 13:04:21 Элёр Иномжонов "Ипотекабанк" Бошқарув раиси вазифасини вақтинча бажарувчи этиб тайинланди

Корпоратив ахборот ягона портали хабар беришича, Э. Иномжонов банкнинг раҳбари в.в.б этиб тайинлаган. Бунгача у банк бошқаруви раисининг биринчи ўринбосари бўлган.

Банкнинг аввалги раҳбари президентининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси ўринбосари лавозимига тайинланган эди. Ochish/sharhlash

2021-02-09 09:28:57 Маҳалла трансформацияси, диагноз,драйвер (с) Ochish/sharhlash

2021-02-08 16:18:03 Tesla купила биткоины на $1,5 млрд, следует из раскрытия на сайте SEC. На этом фоне стоимость монеты приблизилась к $42 тыс. (более 8% роста).

В заявлении говорится, что компания обновила инвестиционную политику и теперь может вкладывать в альтернативные резервные активы, включая цифровые активы, золотые слитки и золотые биржевые фонды.

Tesla надеется, что сможет принимать биткоин как средство платежа за свою продукцию. Но это должно соответствовать применяемому законодательству.

UPD. На 15:58 мск биткоин обновил исторический рекорд, превысив $42 тыс. Ochish/sharhlash

2021-02-08 10:07:38 09/02/2021й. дан бошлаб валюта курслари.

АҚШ доллари курси пасайди. Расмий курс — 10 530,83 сўм Ochish/sharhlash

2021-02-08 08:22:55 Ўзбекистон Республикаси Бош вазирининг ўринбосари Ислом тараққиёт банки Гуруҳи Бошқарувчилари Кенгаши Раиси этиб сайланди

Ўзбекистон тарихида биринчи марта Ислом тараққиёт банки (ИТБ) Гуруҳи Бошқарувчилари Кенгаши – Банк олий бошқарув органи Раиси этиб Ўзбекистон томонидан Бошқарувчи, Ўзбекистон Республикаси Бош вазирининг ўринбосари - инвестициялар ва ташқи савдо вазири С.Умурзаков сайланди.

Аввалроқ, ўтган йилнинг октябрь ойида С.Умурзаков Европа тикланиш ва тараққиёт банки (ЕТТБ) Бошқарувчилари Кенгаши Раисининг ўринбосари этиб сайланган эди.

Маълумот учун: ўз ичига Ислом тараққиёт банки, Хусусий секторни ривожлантириш бўйича ислом корпорацияси, Халқаро ислом савдо-молия корпорацияси, Инвестициялар ва экспорт кредитларини суғурталаш ислом корпорацияси ва Ислом тадқиқот ва таълим институтини олган Ислом тараққиёт банки Гуруҳи 1974 йилда Жидда (Саудия Арабистони) шаҳрида ташкил этилган.

ИТБ аъзолари таркибига 57 мамлакат киради. Банк фаолиятининг асосий йўналиши иқтисодиётнинг стратегик тармоқларида йирик инфратузилмавий ва ижтимоий аҳамиятга эга лойиҳаларни молиялаштиришдир. Ochish/sharhlash

2021-02-06 19:18:09 Биткойн $40 000 Ochish/sharhlash