Assoodiq

2022-10-24 18:31:20 Кийим-кечак сотувчилар қандай ният қилиши керак?

Абдулманнон Абдуллоҳ

@assoodiq – обуна бўлинг Ochish/sharhlash

2022-10-22 12:03:23 Бугун премьера!

Бугунги кўрсатувимизда «Қарз неъматми ёки мусибатми?» мавзусида суҳбатлашамиз.

Соат 20:30 да YouTube саҳифамизда томоша қилинг:




Яқинларга ҳам улашамиз.
@assoodiq – обуна бўлинг Ochish/sharhlash

2022-10-21 18:30:30 Тижоратчи қандай ният қилиши керак?

Видеони кўриш:

Ochish/sharhlash

2022-10-21 09:02:50 Ochish/sharhlash

2022-10-17 08:51:44 Ходимларнинг иш вақтига, компаниянинг молиясига хиёнати – бизнесга энг катта зарар келтирувчи омиллардан бири бўлиб, бу ҳолатда ҳатто жарималар ҳам ёрдам бермаслиги мумкин.

Ишчиларим ҳалол, тўғри ишласин десангиз, уларга шариатнинг ишчиларга оид ҳукмларини ўргатинг.

Билмасангиз, улар билан бирга келиб, ўзингиз ҳам ўрганинг.

Кўпчилик бизнес эгаларининг илтимосларига кўра «Ишга ёлланиш, ишлаш ва хизмат кўрсатишга оид ҳукмлар» номли тренинги ташкил килдик.

Сана: 22 октябрь (шанба)
Вақти: 10:00 – 16:00
Танаффус: 12:30-14:00

Манзил: Тошкент шаҳри, BigData илм маркази.

Марҳамат, жамоангиз билан рўйхатдан ўтинг.

Рўйхатдан ўтиш

Телефон: +998712005559

@assoodiq Ochish/sharhlash

2022-10-15 08:02:26 Хизматни қилдириб, ҳаққини вақтида бермаслик

Аллоҳ таоло «Қиёмат куни уч тоифага қарши даъволашаман», деган. Улардан бири – хизматни қилдириб, ҳаққини бермаганлардир. Қодир бўла туриб, имкони бўла туриб меҳнат ҳақини кечиктирувчилар ҳам шу тоифага киради.

22 октябрь кунги тренингда ишчиларга маош тўлаш, жарималар қўллаш, чекловлар белгилаш ҳақида, шунингдек, иш берувчи билан ишчи ўртасидаги бошқа жоиз ва ножоиз жиҳатларни ўрганамиз.

Рўйхатдан ўтиш

Телефон: +998712005559

@assoodiq Ochish/sharhlash

2022-10-12 18:37:14 Анъанавий ва исломий лизинг ўртасидаги асосий фарқлар

Лизинг – молиявий ижара битимининг бир тури бўлиб, бугунги кунда тадбиркорлар томонидан кўп фойдаланиладиган хизмат туридир. Лизингда бирор мулк (ускуна, транспорт воситаси, техника ёки кўчмас мулк) ижарага олиниб, ижара муддати охирида ушбу мулк ижарага олувчининг мулкига ўтиб кетади. Бундай битимлар тадбиркорлар учун керакли асосий воситалар ва бошқа қимматбаҳо мулкларни муддатли ижара тўлови асосида қўлга киритиш имконини беради.

Бироқ аксар анъанавий лизинг шартномаларида томонларнинг исломий молия тамойилларига зид шартлар ҳам учрайди. Шунинг учун халқаро амалиётда исломий молияси тамойилларига мувофиқ лизинг битимини («ижара мунтаҳия бит-тамлик») тузиш қоидалари қўлланилади.

Анъанавий ва исломий лизинг шартлари асосан қуйидагиларда фарқ қилади:

1. Анъанавий лизингда лизинг шартномаси тузилгани учун комиссия тўлови ундирилиши мумкин, исломий лизингда бу жоиз эмас.

2. Анъанавий лизингда мулкнинг нобуд бўлиши ёки зарар кўриши хавфи тўлиқ лизинг олувчининг зиммасига ўтказилади. Исломий лизингда эса лизинг олувчи мулк унинг айби билан зарарланган тақдирдагина жавобгар бўлади. Форс-мажор ёки бошқа сабабларга кўра мулкнинг зарар кўриш хатари лизинг берувчининг зиммасида қолади.

3. Анъанавий лизингда ижара тўлови вақтида тўланмаса, қўшимча фоизлар (пеня) ҳисобланади. Исломий лизингда бу каби қўшимча фоизлар ҳисоблаш тақиқланган.

4. Анъанавий лизингда шартноманинг баъзи шартларини бузганлик учун жарималар белгиланиб, бу жарималар лизинг берувчининг даромади сифатида тан олинади. Исломий лизингда бундай жарималар тўланган тақдирда ҳам, уларни тўғридан-тўғри хайрия мақсадларига йўналтириш талаб қилинади, бу тўловлар лизинг берувчининг даромадига олинмайди.

5. Анъанавий лизингда мулкни суғурталаш харажатлари лизинг олувчининг зиммасига юклатилиши мумкин. Исломий лизингда мулкни суғурталаш харажатлари фақатгина лизинг берувчининг зиммасида бўлади.

6. Анъанавий лизингда мулк шартнома муддати тугамасидан аввал лизинг олувчига боғлиқ бўлмаган сабабларга кўра нобуд бўлса, зарар лизингга олувчининг зиммасида бўлади. Исломий лизингда бундай ҳолат юз берган тақдирда аввал тўланган ижара тўловлари оператив ижара бўйича бозор нархида қайта ҳисоб-китоб қилинади. Агар лизинг олувчи тўлаган тўловлар кўпроқ чиқса, ортган маблағ унга қайтариб берилади.

Исломий лизинг шартномасини тузишда бундан бошқа яна бир қатор шартлар ҳам бор бўлиб, уларни ҳам исломий молия тамойилларига мослаштириш керак. Бу борада маслаҳатлар олиш учун «ASSOODIQ CONSULT» компаниясига мурожаат қилишингиз мумкин.
Телефон: 55 500 5995

Яқинларга ҳам улашамиз.
@assoodiqconsult – обуна бўлинг Ochish/sharhlash

2022-10-11 08:06:36 Ассалому алайкум! Иш вақтида зикр айтиб ўтириш, намозларни адо қилиш иш берувчининг хаққига хиёнат қилишга кириб қолмайдими?

ЖАВОБ:

– Ва алайкум ассалом! Иш вақтида ўз вазифаларингизни адо қилишингиз ва бунда камчиликка йўл қўймаслигингиз вожибдир. Шунинг учун зикрларни асосий ишингизга таъсир қилмайдиган қилиб адо этсангиз бўлади. Лекин фарз намозларни албатта адо қилишингиз шарт. Лекин буни намозга ҳам футур етмайдиган, ишингизга ҳам салбий таъсир қилмайдиган қилиб ўқишингиз мақсадга мувофиқ, яъни намознинг вақти бемалол бўлса, ишингизни бажариб, кейин намозни ўқишга имкон бўлса, ишни қилиб, кейин ўқийсиз. Аммо намознинг вақти чиқиб кетадиган даражада бўлса, ишингизни тўхтатиб, намозни ўқиб олишингиз керак бўлади. Нафл ибодатларни ёки вақти бемалол бўлган фарз ибодатларни қилиш ишингизга салбий таъсир қилса, иш берувчининг ҳаққига тажовуз қилган бўласиз. Шунинг учун бу масалаларни иш берувчи билан келишиб олсангиз, у рози бўлса, бундай ноқулайликларга дуч келмайсиз. Хулоса шуки, ишнинг табиатидан келиб чиқиб, ўртача йўл тутиш керак. Ишни ҳам қилинг, зикрни ҳам. Иккиси бир-бирига халал бермасин. Даст бакору дил ба Ëр!
Валлоҳу аълам!

«Зикр аҳлидан сўранг» ҳайъати

Манба (https://savollar.islom.uz/s/181826)

@assoodiq Ochish/sharhlash

2022-10-10 18:20:38 Хизмат ҳаққи фақат моддий бўлиши керакми?

Ойликни олдиндан олса бўладими?

"Ишга ёллаш, ишлаш ва хизмат кўрсатишнинг ҳукмлари" тренингига рўйхатдан ўтиш

Телефон: +998712005559

@assoodiq Ochish/sharhlash

2022-10-08 15:18:20 Бугун премьера!

Бугунги кўрсатувимизда
«Дистрибюторликда нималарга эътибор бериш керак?» мавзусини ёритишга ҳаракат қиламиз.

Соат 20:30 да YouTube саҳифамизда томоша қилинг:




Яқинларга ҳам улашамиз.
@assoodiq – обуна бўлинг Ochish/sharhlash