2022-12-19 18:08:58
Савдодаги мукофотлар қимор (майсир) бўлмаслиги учун қўйилган талаблар
Сaвдодaги мукофот шундай ютуқки, ундан мақсад – харидорларни муайян бозор ёки дўконга, муайян хизмат ёки товарларга қизиқтиришдир. Бундай мукофот мижозларга соврин тарқатиш, муайян баллар йиғиш, маълум бир товарни сотиб олган ёки хизматдан фойдаланган мижозга нимадир совға бериш шаклида бўлади.
Бугунги кунда бирор товар ёки хизматни сотиб олиш шарти билан қуръада иштирок этиладиган мусобақалар оммалашиб кетди. Бундай мусобақаларн Ислом молиясига мувофиқ уюштириш учун авваламбор олиш шарт қилинган товар ёки фойдаланиш шарт қилинган хизмат ҳам, бунинг учун бериладиган мукофот ҳам шариатга мувофиқ нарса бўлиши керак.
Қолаверса, Ислом молиясидаги асосий тақиқлардан бири бўлган майсир (қимор) бўлиб қолмаслиги учун қуйидаги шартларга амал қилиш керак:
а) қуръада қатнашишга шарт қилинган товар ёки хизматнинг нархи одатий нархдан оширилмаслиги керак;
б) қуръада қатнашиш учун олиш шарт қилинган товар ёки фойдаланиш шарт қилинган хизмат одатда одамлар сотиб олишни мақсад қиладиган (яъни одамлар мукофот қўйилмаса ҳам оладиган) нарса бўлиши керак. Шунинг учун мусобақа ўтказаётган томон «Фақат мукофот олиш учунгина қатнашиш жоиз эмас» деб эълон бериши керак. Aгар гумонида қуръага қатнашмоқчи бўлганларнинг кўпчилиги фақатгина мукофот учун қатнашаётгани ғолиб бўлса, бу ҳолатда мукофот қўйиш жоиз бўлмайди, аввал қўйилган бўлса, уни ҳам тўхтатиш лозим бўлади;
в) қуръада қатнашувчи ҳар бир мижознинг ютиш имконияти тенг бўлиши керак;
г) мукофот қўйишдан мақсад рақибларни синдириш, уларга зарар етказиш бўлиши мумкин эмас;
д) мукофот олиш ниятида қуръага қатнашиш учун тўғридан-тўғри ёки қандайдир воситалар орқали бадал (пул) тўлаш жоиз эмас. Восита орқали тўловга мисол шуки, баъзи уяли алоқа операторлари мижозлар қуръа иштирокчи бўлиши учун сўзлашувларни қимматроқ қилиб қўяди..
AAOIFI ташкилотининг «Шаръий меъёрлар» китоби асосида тайёрланди.
Яқинларга ҳам улашинг.
@assoodiqconsult – обуна бўлинг.
1.4K views15:08