Amaliy psixologiya

2022-09-01 07:08:04 ​Agar ertaga “koshki...” deb afsuslanib qolishni xohlamasangiz, uchta narsani tanlashda adashmang:

1. Turmush oʻrtoqni..
2. Kasb-korni...
3. Doʻstni...

Yunus Emro

@amaliy_psixologiya Ochish/sharhlash

2022-09-01 05:04:57 Do’ppingizni ko’kka oting,
Orzu osmoniga yeting.
Ozod yurtni obod eting,
Bugungi kun baxtdan darak,
Mustaqillik kun muborak.

Madh etgancha sho’x ovozing
Qadamlarni dadil bosing,
Parvoz uzra, qanot yozing.
Yoshlardur buyuk kelajak,
Mustaqillik kun muborak.

O’zbek eli o’ziga bek,
Yaxshi yomon kunlar ko’rdik.
Baxt ostonasiga keldik
Bugungi kun eltar ko’prik,
Mustaqillik kun muborak.

@Amaliy_psixologiya Ochish/sharhlash

2022-09-01 03:40:29 Mustaqillik bayrami muborak bo‘lsin!

Jannatmakon o‘lkamiz osmonining musaffoligi, sarhadlarimiz osoyishtaligi barqaror, vatanimizning yuksak kuchu-qudrati, nurli yo‘li, xalqimiz farovonligi bardavom bo‘lsin!

Milliy qadriyatlarimizga to‘yingan oilalarimizning mustahkamligi, serbaraka rizqu-nasibasi, mehru-oqibati, Vatanga bo‘lgan sadoqati bundanda yuksak bo‘lishiga tilakdoshmiz!
@Amaliy_psixologiya Ochish/sharhlash

2022-08-31 20:11:02 TUGALLANMAGAN GESHTALT yoxud yo'lingizni nima to'syapti?


Tugallanmagan geshtalt – o'tmishda oxirigacha yetkazilmagan voqealar, munosabatlar, rejalar, istaklardir. Ularni ongli tarzda eslab yurmasangiz ham, ongsiz ravishda ularning ta'sirida yurasiz.
Tugallanmagan geshtaltlar oldinga harakat qilishimizga halal beradi, chunki sharoitlar o'zgargan taqdirda ham, psixika o'tmishdagi vaziyatni qayta takrorlash orqali uni tugatmoqchi bo'ladi. Natijada yangi hayotga qadam qo'yib bo'lmaydi.

Masalan, otasi tashlab ketgan ayol o'z erini doim nazoratda tutishga harakat qiladi, garchi rashk qilishga sabab qoldirmasa ham. Aslida ayol otasiga o'z noroziligini bildirishi kerak edi, chunki geshtalt otasi bilan ochilgan.

Tugallanmagan geshtalt qanday yuzaga keladi?
1. Biror narsani qattiq xohlaganimizda, lekin qo'lga kiritolmaganimizda.
2. Munosabatlar tushunarsiz holda yoki hissiyotlar ko'pirgan vaqtda uzilgan bo'lsa.
3. Boshlagan ishingizni, kitobingizni, uchrashuvni, suhbatni oxiriga yetkazmagan bo'lsangiz.
4. Biror ishni muvaffaqiyatli yakunlangach, natijadan rohatlanishga o'zingizga imkon bermagan bo'lsangiz.
Avval xavotir, notinchlik his qilasiz. Keyin diqqatingizni istagan narsangizga qaratolmaysiz. Bosh og'rig'i, qon bosimining beqarorligi, uyqusizlik bezovta qiladi. Oxir oqibat depressiya, surunkali kasalliklarni orttirib olishingiz mumkin.
Bir oyni mayda muammolarni hal qilishga sarflang: santexnika ishlari, uy tozalash, singan narsalarni tashlab yuborish va hokazo.
Muhimi, ichingizdagi hissiyotlarni ifodalashga o'rganing. Nimadir demoqchimisiz, ayting. Bo'lmasa, bu hislar ta'siridan chiqilmaysiz.
@Amaliy_psixologiya Ochish/sharhlash

2022-08-31 20:08:17 @Amaliy_psixologiya Ochish/sharhlash

2022-08-31 20:01:30 PSIXIK HOLSIZLIK: sabablari, chiqish yo'llari

Psixik holsizlik — odamning biror bir faoliyat bilan shug'ullanishi uchun hissiy jihatdan yetarlicha energiyaga ega bo'lmasligidir. Uni ishtiyoq, motivatsiya yo'qligi deyish ham mumkin. 
Psixikamizning o'zini himoya qilish xususiyati bor. Agar biror ishni qilish imkoniyatimizdan ko'ra ko'proq energiya talab qilsa, psixika bunda ishtirok etishdan bosh tortadi, organizmni ham bloklaydi.
Masalan, odam o'z oldiga pul ishlab topishni maqsad qildi. Biroq ish sharoitlarining yaxshimasligi, maoshning tez-tez kechiktirilishi ishga qiziqishni kamaytiradi. To'g'ri, odam ishni davom ettirishi kerakligini aqlan biladi, ammo hissiy jihatdan unga dangasalik, asabiylik, uyquchilik, diqqatni jamlolmaslik kabilar hamroh bo'ladi.
Biroq yuqoridagi misol hayotning faqat bir sohasida quvvatsizlikni ko'rsatadi.

Shunday bo'ladiki, odamning umuman hech narsaga xohishi qolmaydi, qo'li bir ishga bormaydi. Buning ikki sababi bor:
Hayot sharoitlarining butunlay yomonligi
Haddan ziyod baland niyatlar

Birinchi sababga to'xtalsak. Odam katta yo'qotishga uchraganda, masalan, sevgan insonini yo'qotganda, og'ir kasallikka chalinganda, bu muammo uning butun hayotini qamrab olishi mumkin. Salbiy hislarning haddan ziyod ko'pligi ijobiy ishlar uchun energiyaning qolmasliga olib keladi.

Ikkinchi sababga kelsak, o'z oldiga juda katta maqsadlar qo'yish, hamma narsani birdan xohlash, bir o'q bilan o'nta quyonni urishga intilish energiyaning yetishmovchiligiga olib keladi. Katta maqsad uzoq yo'lni talab qiladi. Uzoq yo'lga chiqqan avtomobil yoqilg'i shaxobchalarida to'xtamasdan manzilga yetib borolmaydi. Odam ham katta maqsad qo'yar ekan, uni mayda bo'laklarga bo'lishi, har bir qismni bajarganda o'zini quvvatlantirishi lozim.
@Amaliy_psixologiya Ochish/sharhlash

2022-08-31 19:56:28 KERAKSIZ KERAKLI ISHLAR


Nega har yangi yilda yoki oy boshida rejalashtirgan ishlarimizning ko'pchiligi amalga oshmaydi? Sport bilan shug'ullanish, ingliz tilini o'rganish, ko'proq kitob o'qish va hokazolarni rejalashtirganda ularning bizga foydali va kerakli ekanini bilamiz. Nega bajarishni boshlab qo'yamiz-u, oxiriga yetkazolmaymiz, yoki boshlamay turib tashlab ketamiz?

Gap shundaki, ong qabul qilgan qarorlar qanchalik kerakliday tuyulmasin, ongosti ularni kerakli deb topmasa, qaror ijrosi qolib ketaveradi.
Ongosti – bizning anglanmagan istaklar, ehtiyojlar, hislarimizni qamrab oladi.
Ong, ongosti, ongsizlik tushunchalari nimaligini mana bu yerda bilib olishingiz mumkin.

Masalan, fitness bilan shug'ullanishni olaylik. Qomatingiz chiroyli bo'lishi uchun fitness bilan shug'ullanishni maqsad qildingiz va fitness klubga ham aboniment sotib oldingiz. Motivatsiya beruvchi bir qancha videolarni ham ko'rdingiz. Do'stingizga ham qaroringizni ma'lum qilib, sizni nazorat qilib turishini so'radingiz. 
Ammo...
Uch-to'rt marta shug'ullangach, motivatsiya ham o'ldi... Do'stingiz tergashi mumkinligiga beparvogina qo'l siltadingiz. 
Nega?
Gap shundaki, ongosti energiyangizni ko'p sarflanishingizni istamaydi. Ong bilan qabul qilingan qaroringiz unga yoqmasa, sizni to'xtatib qo'yadi. Fitness-zalning uzoqligi, begonalar bilan shug'ullanish, trenerning talabchanligi... Bularga qarshi jismonan va ruhan bardosh berish uchun ancha energiya ketadi. Ongosti esa psixika va organizmning ortiqcha "asabiylashmasligi" uchun divandan jilmasligingiz uchun istagancha bahona topib beradi.

Til o'rganish borasida ham shunday. Agar 3 oydan keyin chet davlatga ketishingiz aniq bo'lsa, istasangiz ham, istamasangiz ham, chet tilini o'rganasiz. Yoki biror davlatga borgach, aholi bilan so'zlashishni vaziyat taqozo qilgani uchun tilini tez o'zlashtirasiz. 
Demak, reja tuzayotganda hali muhim bo'lmagan va juda xohlamagan ishlaringizni qilishga qaror qilmang.
@Amaliy_psixologiya Ochish/sharhlash

2022-08-31 19:54:14 #taqdir_oyini

@Amaliy_psixologiya Ochish/sharhlash

2022-08-31 19:49:32 #iqtibos

Яхши одам бўлиш учун ақлли бўлиш шарт эмас; менга ҳатто, баъзан бунинг акси бўлиш керакка ўхшаб туйилади.

Жон Стейнбек

@Amaliy_psixologiya Ochish/sharhlash

2022-08-31 19:45:57 Dalay-Lamaning shunday gapi bor: "Qanchalik qulay o'tirmang, oyog'ingiz uvishib qoladi. Holatingizni o'zgartirib turishingiz kerak". O'ylaymanki, hayotda ham shunday.

O'zgarishlar yaxshidir, ular bo'lmasa qotib qolasiz, oyoq-qo'llaringiz va qalbingiz sezmay qoladi. Holatingizni o'zgartiring. Bu axir tabiiy-ku. Chivin asalga yopishib qolgani kabi hayotda qotib qolish aslida notabiiydir.

Doimiy narsaning o'zi yo'q, butunlay o'tmishga tayanib kelajakni bilish imkonsizdir. Hozirni his qiling va zavqlaning. Muhimi – holatingizni o'zgartiring, buni sinab ko'ring.

Irina Xakamada

@Amaliy_psixologiya Ochish/sharhlash