Abdurahmon Meshayan

2022-08-24 11:45:07 ​​"ҚЎҒИРЧОҚ"

Ўн еттига энди тўлган гул экансан,
Сен ичидан пишган-у, ғирт гўл экансан.
Жанонсану арзимаган пул экансан,
Сен бўриларга таланган бир қўзичоқ,
Номаҳрам-ла ишрат қилган эй қўғироқ.

Оҳу каби сехрловчи кўзинг бордир,
Ойни хижолат айлаган юзинг бордир.
Не ажабки олти ойлик қўзинг бордир,
Жигарларингни сўйибсанку бепичоқ
Номаҳрам-ла ишрат қилган эй қўғирчоқ.

Келгандингку сен Тошкентга ўқийман деб,
Нечун умринг ўтказяпсан номақул еб?
Tуғилганингдан бошлаб онанг йиғар сеп,
Сенчи мағзи ейилган бир пистапўчоқ,
Номаҳрам-ла ишрат қилган эй қўғирчоқ.

Энди кимсан махлуқмисан айт беидрок,
Ё қурт тушган олмасан ё чириган нок.
Бир кун сени шу ифлослик айлар халок,
Нечун отанг тенгиларга очдинг қучоқ?
Номаҳрам-ла ишрат қилган эй қўғирчоқ.

Teргасалар дуч келганни дейсан акам,
Сийнанг очиқ ёпмоғингга матоми кaм?
Бўса тортиқ айлайдирсан маймунга ҳам,
Сендан афзал бокиралар кийими ямоқ,
Номаҳрам-ла ишрат қилган эй қўғирчоқ

Меҳрибонлик уйидаги қизинг етим,
Сенга эмас шу гўдакка ачир ичим.
Сендан нафратланмасликка етмас кучим,
Аслида сен кўзи очиқ кўр қизалоқ,
Ғўр қизалоқ, пешонаси шўр қизалоқ...

Эх қўғирчоқ...

@A_meshayan
1-май 2014
Абдураҳмон Мешаян Ochish/sharhlash

2022-08-23 19:48:45 Ochish/sharhlash

2022-08-23 14:21:00 СЕНГА ЁҚИШНИ ИСТАЙМАН! Ochish/sharhlash

2022-08-23 09:10:05 #Бир #йил #олдинги #шеър

​​​​ЭШАК

Гарчи эшак зотин пайғамбар минган,
Гарчи эшак зоти ишлаб толмади.
Эшак зотин набий мингани билан,
Эшаклар саҳоба бўлиб қолмади.

Минг йил чирансада нафсин енггани,
Тулпор бўлмоқликка жиддий қилиб қасд.
Барибир эшакдир эшак дегани,
Тулпор бўлолмайди чунки...зоти паст.

@A_meshayan
23:27-21.08.2021
Абдурроҳман Мешаян Ochish/sharhlash

2022-08-22 22:10:07 ​​​​ЎҒЛИ МУСОФИР ОНА ДАРДИ

Мен эшикка термулиб йиғлаб,
Сени ҳар кун кутарман болам.
Наҳот энди бағримни тиғлаб,
Армон билан ўтарман болам?

Вужудда тўққиз ой кўтардим,
Сўнг икки йил кўтардим қўлда.
Юрагимда бир умр тағин-
Кўтарганча кўзларим йўлда.

Ғам-қайғуга биродар экан,
Татимаскан тўй-шодиёна.
Хўрланишда баробар экан,
Дайди ит ва қадрсиз она.

Ит бир умр хожасин уйин,
Қўриқларкан марҳамат кутмай.
Хожасичи суяк тутмайин,
Дуч келганда ўтмайди тепмай.

Ит хам Аллоҳ яратган жонзот,
Дея ўйга чўммайди асло.
Вақти келиб этганда вафот,
Хожа итни кўммайди хатто.

Гарчи юзи бойдир чиройга,
Кўнгил уйи тўлиб нафратга.
Улоқтирар ташландиқ жойга,
Ё ташлайди итни ахлатга.

Пора-пора онангнинг қалби,
Ташлаб кетдинг уч йил илгари.
Сенга вафо қилсам ит каби,
Хорландинг-ку сен ит сингари!

Ёдингдами болалик чоғинг,
Олиб беринг девдинг кучукча.
Мушук боққин деса ўртоғинг,
Керак эмас дердинг мушукча.

Олиб берган эдим ит шунда,
Қувонгандинг, ўйнаб кулгандинг.
Боласанда, итинг ўлганда,
Йиғлаб-йиғлаб уни кўмгандинг.

Тушса ҳамки бошга муаммо,
Минг бир дардга кўнади одам.
Итингни-ку кўмгандинг аммо,
Мен ўлсам ким кўмади болам?

Ханузгача ўйлайман сени,
Болажоним очмикан тўқми.
Лек бир савол қийнайди мени,
Бир итчалик хурматим йўқми?

@A_meshayan
16:01-28.06.2015
Абдурахмон Мешаян Ochish/sharhlash

2022-08-22 14:06:31 ​​​​МАҲРАМ ТОПИНГ ЁЛҒИЗ АЁЛГА!

Йиғлаб-йиғлаб сочин ўради,
Шум айрилиқ қонин сўради.
Тунни жуда ёмон кўради,
Маҳрам топинг ёлғиз аёлга.

Деманг бир бор қилгандик тўйинг,
Ўзинг қилгин ташвишинг ўйинг.
Қондошлари никоҳлаб қўйинг,
Маҳрам топинг ёлғиз аёлга.

Қирқдан ошган юзи бўлса хам,
Унда ажин изи буўлса хам.
Хам ўғли, хам қизи бўлса хам,
Маҳрам топинг ёлғиз аёлга.

Ёри кетмиш жаннат боғига,
Қайтмас энди хаёт чоғига.
Ботмасин деб фахш ботқоғига,
Маҳрам топинг ёлғиз аёлга.

Қўрқманг бўлгум халққа деб кулги,
Қаритмасдан рўзғорнинг юки.
Йўдан урмай кўппаг-у тулки,
Маҳрам топинг ёлғиз аёлга.

Биз дунёинг Ғарб эмас Шарқи,
Мўминмиз бор, кофирдан фарқи.
Унинг хам бор севмоққа хаққи,
Маҳрам топинг ёлғиз аёлга.

Ишққа ташна, мехрга ташна,
Ёрсиз аёл сувга зор чашма.
Ўлмагандир унда карашма,
Маҳрам топинг ёлғиз аёлга.

Кичик эмас муаммо йирик,
Фақат Аллоҳ якка бешерик.
Ёри ўтган бўлса у тирик,
Маҳрам топинг ёлгғиз аёлга.

Қондошлари яшанг юксалиб,
Яшанг мудом бахт созин чалиб.
Халқдан эмас, Хақдан уялиб,
Маҳрам топинг ёлғиз аёлга.

Фарзанд учун жаннат эрур у,
Мўъжиза-ю санъат эрур у.
Хам фарз-у хам суннат эрур бу,
Маҳрам топинг ёлғиз аёлга.

@A_meshayan
18:52-26.05.2015
Абдураҳмон Мешаян Ochish/sharhlash

2022-08-21 22:10:20 ​​АЁЛГА МАСЛАҲАТ:

Ёрингга қўйиб бер, сенчи ғам ема,
Оилани у боқса юрагинг яйрар.
Эй аёл рўзғорга бош бўлгум дема,
Булбулнинг ҳам фақат эркаги сайрар!

ЭРКАККА МАСЛАҲАТ:

Гар тили қалампир бўлса ёрингнинг,
Хам тил билан чақмоқ бўлса ҳунари.
Эй эркак, дош бергин, чақаркан ахир,
Чивиннинг ҳам фақат урғочилари!

2015-йил
Абдураҳмон Мешаян Ochish/sharhlash

2022-08-21 20:46:14 ​​НОШУКУР БАНДА...

(Ўзи бой лекин хеч миннатдор бўлмайдиган ўртахол жигарлари борларнинг дарди. Бутун оламдан қарзинг оқиб ётади, жигарларинг сенга дастак бўлиш ўрнига сени маънан эзади. Сен эса Аллоҳдан қўрққанинг учун силаи раҳмни узмайсан, узолмайсан. Чидайсан не-не ўзинг муносиб бўлмаган юз қароликлару, шармисорликларга ҳам )

Қўй инъом айласам, арқон сўрадинг,
Патир узатгандим талқон сўрадинг.
Боғимда мевалар пишди тер десам,
Яна уялмасдан нарвон сўрадинг.

Дединг: Уйим тордир шўрдир пешона,
Сен-чун қаср қурдим қилмай бегона.
Э вох уялмасдан талаб айладинг,
Қурмоқни бунданда баланд кошона.

Новвот йўқми дединг қуйиб берсам чой,
Тулпор берсам яна қўшинг дединг той.
Фақир бўганлигинг имтиёзингми,
Менинг гуноҳимми бўлганлигим бой?

Сен учун уриндим суриндим бироқ,
Лек сенинг ичингда ёришмас чироқ.
Сен-чун либос олсам арзони дейсан,
Жип олиб берсам хам сен-чун шалдироқ.

Сенга керак бўлса бирор бир ёрдам,
Менинг укамлигинг ёдингда ҳар дам.
Аммо аканглигим ёдингдан чиқар,
Менга керак пайтда йўқламайсан ҳам.

Хар гал сени кўрсам ғам чекиб ғоят,
Ёдимга тушади эски ривоят.
Бир пайтлар бор экан икки ялқов зот,
Бири бирисидан ялқов бағоят.

Бир кун диёрларин сув босса лекин,
Бири эй Худо деб ёлвормиш секин.
Шунда унга демиш ялқов шериги,
Менинг ўрнимга хам ё Худо дегин.

Қачон инсонлардек ишлагинг келар,
Йўқ сен ишламасдан тишлагинг келар.
Кузда хирмонингни тўлдирмай қишда,
Менинг ҳисобимга қишлагинг келар.

Сендан бошқа ташвиш йўқми айт манда?
Шукр қилмайдиган ношукур банда.
Бир кун бу дунёдан мен кетсам агар,
Бу кетишда холинг не кечар жигар?

Туйинг қилиб берсам чиқарганча сас,
Раҳмат демасанг хам майли эй нокас.
Нега уйлантирдинг эди ўрнимга,
Чимилдиққа ўзинг кир демасанг бас!

@A_meshayan
03:00-23-сентябр 2015-йил
Абдурроҳман Мешаян Ochish/sharhlash

2022-08-16 22:21:18 ​​#ҚЎРҚУВ

АЛЛОҲГА НИМА ДЕЙМАН?

Кимдир ўйлар эртага,
Нима ичиб не ейман?
Менчи ўйлайман ўлсам
Аллоҳга нима дейман?

Гоҳи ҳаром ютганман,
Наҳс қўлидан тутганман,
Намозни унутганман,
Аллоҳга нима дейман?

Нафс ортида турганман,
Ҳирс йўлида юрганман,
Юзим айбга бурганман
Аллоҳга нима дейман?

Шайтон елкамга минса,
Ихлос чечагим синса,
Бир кун юрагим тинса
Аллоҳга нима дейман?

Айбга тўла тўрт ёним,
Бўшдир савоб ҳамёним,
Чўғда ёнарми жоним
Аллоҳга нима дейман?

Гуноҳларим бир гала
Хайрияларим чала,
Дуоим беҳафсала
Аллоҳга нима дейман?

Қaзo Бомдод, Пешиним,
Аср, Шом ва Хуфтоним,
Йиғлаётир виждоним
Аллоҳга нима дейман?

Подшоҳ билиб боламни
Гоҳ ранжитдим отамни,
Йиғлатмишам онамни,
Аллоҳга нима дейман?

Ҳушим олди жанонлар
Дўст тутинди нодонлар,
Тил сўзлади ёлғонлар
Аллоҳга нима дейман?

Гарчи номим мусулмон,
Ғайридиндайман нодон
Ёдламам сура Қуръон
Аллоҳга нима дейман?

Юрагим ҳадиксирар,
Кўзимда ёш ялтирар
Тиззаларим қалтирар
Аллоҳга нима дейман?

Май тўлдириб қадаҳга
Чипта олиб дўзахга,
Қолдимми эҳ мазахга
Аллоҳга нима дейман?

Гуноҳим кўплигидан,
Сиротнинг кўпригидан,
Қандай ўтадирман ман?
Аллоҳга нима дейман?

Гоҳи бўлдим такаббур,
Ҳеч қилмадим тафаккур,
Қўрқдим қилиб тасаввур,
Аллоҳга нима дейман?

Дардим бор шу жумлада
Ҳафтада бир Жумъада
Масжиддаман бир марта
Аллоҳга нима дейман?

Айб қилиб айтмай узрим
Кўпларга қилдим кибрим,
Чаён тўларми қабрим?
Аллоҳга нима дейман?

Номаҳрамни қучоқлаб,
Рақибларим пичоқлаб,
Яшадим ёвни талаб,
Аллоҳга нима дейман?

Берилиб кайф-сафога,
Вафо қилмай вафога
Мукка кетдим зинога,
Аллоҳга нима дейман?

Оҳ ақлимни занг босди,
Жойнамозим чанг босди,
Хатокордирман рости
Аллоҳга нима дейман?

Мен пули кўп бечора
Тополмаяпман чора,
Аллоҳ олмаску пора
Аллоҳга нима дейман?

Нафсингга бердинг деб эрк,
Ҳирсингга бердинг деб эрк,
Сенга деса ЖАННАТ БЕРК!!!
Аллоҳга нима дейман?

Юзланганимдир Каъбам,
Илтижо қилсам ҳар дам
Қабулмикан-а тавбам
Аллоҳга нима дейман?

Гуноҳ бисёр, савоб йўқ,
Саволлар кўп, жавоб йўқ,
Мендай ҳоли хароб йўқ,
Аллоҳга нима дейман?

@A_meshayan
2007- 22:27-17.11.2014.
Абдурроҳман Мешаян Ochish/sharhlash

2021-02-12 08:47:40 ​​ҚАЙДАДИР ЎҚИГАН ҲИКМАТИМ

Эй эркак кўмилгунг маломат тошига,
Сенга ҳеч ким тенгмас пасткашлик бобида.
Таҳорат қилиб онангнинг кўзёшига,
Рукуъ қилсанг хотинингнинг меҳробида.

Абдураҳмон Мешаян Ochish/sharhlash