Abdurahmon Meshayan

2022-08-29 16:28:37 ​​МАСЖИДДАГИ ФАВВОРА

Боязид буюргач Али Нажжор ҳам,
Бир муҳташам масжид қурмиш қурсада.
Олти аср сўнг хам хатто ушбу дам,
У қад ростлаб турар гўзал Бурсада.

Мени гўзал тарих хайратга солар,
Иши шу-да илҳом овворасининг.
Тарихин эшитган лол бўлиб қолар,
Улуғ Жомедаги фавворасининг.

Масжид қурмоқ учун гўзал Бурсанинг,
Сўлим гўшасини афзал билишган.
Гўзал маскандаги бой-фақирларнинг,
Уйин тилло тўлаб харид қилишган.

Ҳеч кимни уйидан қувмаган мажбур,
Зулмга кетмаган султон хаёли.
Ерини сотмаган турганча мағрур,
Биргина кексайган арман аёли.

Ўз ерин сотишга  кўнмаган ахир,
Зар тутқазсалар-да беш баробар кўп.
Инсофга келибми ё зар деб охир,
Бир шарт қўйиб деган ерим сотгум хўп.

“Мен сизга еримни  сотмоққа рози,
Кўп зар беряпсизлар, асло эмас оз.
Маним шартим шуки, мен сотган ерда,
Ҳеч ким ўқимасин, ҳеч қачон намоз”.

Аёлнинг шартига кўнмишдир султон,
Меъморлар ҳам, шудир ваъда начора.
Кампирдан олмай жон ва тўкмасдан қон,
Қурганлар у сотган ерда фаввора...

Ҳануз ўшал жойда мўмин-мусулмон,
Намоз ўқимоқ-чун олур таҳорат.
Боязид I бўлгач чин одил султон,
Кўрсатганда Али Нажжор маҳорат.

Йўқса қийинмиди кекса кампирни,
Бир уриб, уч тепиб тамоман янчмоқ.
Айримлардек дилга жо қилиб кирни,
Одам ёллаб  ханжар кўксига санчмоқ?

Шеърни нега ёздим? Ҳа ёздим  нечун,
Такрорлаш учунда, тағин минг дафъа:
Муслимлар золиммас, поклиги учун,
Хатто насронийни қилмаган хафа.

Мен хавас қиламан Каломуллоҳга-
Қалбин очиб, қулоқ тутган соъмега.
Ёлворишим шуки қодир Аллоҳга:
Оёқларим бошла Улуғ Жомеъга.

@A_meshayan
15:39-28.12.2020
Абдураҳмон Мешаян Ochish/sharhlash

2022-08-28 14:22:35 ​​"ҲАММАСИГА АЙБДОР МУЛЛАЛАР"

Диёридан ташиб тиллалар,
Хориж ёқда қурса виллалар.
Ўғрилар ҳеч гуноҳкор эмас,
"Ҳаммасига айбдор муллалар"

Иссиқ келиб қолса чиллалар,
Қуриб кетса халқда силлалар.
Айбламангиз об-ҳавони сиз,
"Ҳаммасига айбдор муллалар"

Ипак қурти қилмай жилвалар,
Бермай қўйса бизга пиллалар.
Гуноҳкорни излаб эзилманг,
"Ҳаммасига айбдор муллалар"

Сочи қаро ёҳуд маллалар,
Ҳушторидан тинглаб "алла"лар.
Беникоҳни туғиб қўйса ҳам,
"Ҳаммасига айбдор муллалар"

Сиғармиди дилга яллалар,
Қимматчилик бўлган паллалар,
Арзончилик бўлмай қолсада,
"Ҳаммасига айбдор муллалар"

Туҳмат қилар қовоқкаллалар,
Ёқмагани учун саллалар.
Фирдавсга киргунигача,
"Ҳаммасига айбдор муллалар"

@A_meshayan
16:19-28.08.2022
Абдураҳмон Мешаян Ochish/sharhlash

2022-08-28 10:02:49 ​​"Мусульманская собака"

Мен бунақа хақоратларни 2006-йилдан бери эшитиб келаман.
Пешин намозини ўқиётган вақтим уйимизга катта акам меҳмонга келиб қолса, кўчадан овозини эшитсам жойнамозни тезда йиғиштириб, қўшнимнинг уйига чиқиб намоз ўқиб келардим. Ваҳоланки намоз тугай деб қолган мен уни саккизинчи ракаатдан бузган бўлардим.
"Мусульманская собака" "Предатель" ва яна алламбалолар дейишарди.
Ҳозирку арман қариндошларим менга гапиришмайди, гапиришолмайди чунки моддий мустақилман.
Бизнинг қисматимиз шу энди. Мозорга киргунча маломат тинглаймиз.
Яҳудий нима арман нима бир гўр. Илло, мусулмон бўлмаса.
Арманларнинг битта яхши тарафи бор, шуни айтмасам ўзим мансуб бўлганларга ҳиёнат бўлади: Сенга бирор кор ҳол бўлса, бор пулини, танишларини, ўз хукуматини, парламентини ишга солади. Жиззаҳлик насроний динига эътиқод қиладиган арман йигит Арамаис Авакянни "Ишидчи" деб қамашганида Арманистон парламенти Ўзбекистон хукуматига ишни одилона кўриб чиқишини сўраб мактуб юборгани шундан далолат.
Ҳуллас бу арман болага сабр ва шулани ёзган "Мусульманская собака"га ҳам. Умуман олганда дахрийнинг арслони бўлгунча мусулмон ити бўлган афзал менга.

Абдураҳмон Мешаян Ochish/sharhlash

2022-08-27 17:56:23 Buncha uyalmasang o‘zbekligingdan? Ochish/sharhlash

2022-08-27 16:37:18 ​​БУНЧА УЯЛМАСАНГ ЎЗБЕКЛИГИНГДАН?

Майли, саккиз тилни билганинг яхши,
Хорижий юртларда бўлганинг яхши.
Аммо, бир ишинг деб ўлганинг яхши,
Бунча уялмасанг ўзбеклигингдан?

Минг йил чирансангда сендан чиқмас рус,
Сочингга берсангда бўяб сариқ тус.
Товуққа ҳам тақлид қиларми товус?
Бунча уялмасанг ўзбеклигингдан?

Хўп, замонавий бўл, тўплагин олтин,
Сен ўхшаш истаган ўшал зотлар чин.
"Бисмиллоҳ" ҳам айтмас таомдан олдин,
Бунча уялмасанг ўзбеклигингдан?

Сенинг бобонг Темур! Грозный эмас,
Сен "чистый" миллатсан "грязный" эмас.
Руслар учун "мразь"сан, ўзбек учун "мараз",
Бунча уялмасанг ўзбеклигингдан?

Сен учун отанг "пахан", онанг "мамашка",
Мойчечак ҳам сен учун оддий "ромашка".
Ўзи "қўй" экансан, йўғе "барашка",
Бунча уялмасанг ўзбеклигингдан?

Бу кетишда охир сендайин нокас,
Ислом динидан кечиб чўқинмасанг бас!
Виномиш қўлингда шароб, мусаллас.
Бунча уялмасанг ўзбеклигингдан?

Жуда димоғдорсан инглизлардек,
Дидинг ҳам нозикдир танноз қизлардек.
Минг қилса ҳам сенсан "Made in Uzbek",
Бунча уялмасанг ўзбеклигингдан?

Миллатчимасман-у учига чиққан,
Бу ифлос одатинг айт кимдан юққан?
Сени Наташамас, Ҳалима туққан!
Бунча уялмасанг ўзбеклигингдан?

Масхара қиласан дўппи саллани,
"Колыбель" атайсан ҳатто аллани.
Қўй гўштига қўшиб ейсан "салани"
Бунча уялмасанг ўзбеклигингдан?

Сен учун ўзбекнинг ҳаммаси "харип",
Бизлар бобоймишмиз қолганмиз қариб.
Гитлер ҳам қолмаган бунча ўзгариб,
Бунча уялмасанг ўзбеклигингдан?

Етти ёшга тўлди фарзандинг Қудрат,
Ҳалигача уни қилмадинг суннат.
Падарингга эмас, ўзингга лаънат!
Бунча уялмасанг ўзбеклигингдан?

Сени ким деб атай, бир ажнабийми?
Бир сен ижобий-у, ҳамма салбийми?
Алишер дейми ё, Алёша дейми?
Бунча уялмасанг ўзбеклигингдан?

Дейсан "уч юз кўкин" сенга тўларман,
"Напиши мне стих" , мухлиси кўпман.
Сендай отарчига шеър ёзиб бўбман!
Бунча уялмасанг ўзбеклигингдан?

Ўзбеклар ёввойи "дикий" деяпсан
"Ромкангдан" чиқяпсан", "дерзкий кетяпсан"
Уятсиз! Ўзбекнинг нонин еяпсан,
Бунча уялмасанг ўзбеклигингдан?

Бор, бошқа безовта қилмагин мани,
Ўзбекча сўкиш ҳам уволдир сани,
Ёнимдан тур йўқол! пашол на... қани,
Бунча уялмасанг ўзбеклигингдан?

Майли, не қилсанг қил, тинч ҳам қўяйлик,
Фақат ўлсанг айтчи, қандай кўмайлик?
Ё санинг қабрингга хоч ўрнатайлик?
Бунча уялмасанг ўзбеклигингдан?

Тилим қичийдида, шоирнинг шеъри,
Ёлғондан наридир, алдовдан бери,
Ўрис бўлмаганку, онангнинг эри,
Бунча уялмасанг ўзбеклигингдан?

@A_meshayan
21.10.2014
Абдураҳмон Мешаян Ochish/sharhlash

2022-08-27 12:04:57 ​​ДХХга ёзиб бермай ўл!

Устимдан ёзиб берган бир касга икки йил аввал атаган шеърим.

Юзинг қурсин эй аблаҳ “қулоқ”,
Қонинг бўлгур оғзингдан булоқ.
Сенда кетмас барибир улоқ,
ДХХга ёзиб бермай ўл!

Сенга нима диндан гапирсам?
Ноҳақликдан қони гупурсам?
Ё Аллоҳнинг уйин супурсам,
ДХХга ёзиб бермай ўл!

Жондан азиз сирдошларингни,
Сендан афзал диндошларингни.
Тўкиб тимсоҳ кўз ёшларингни,
ДХХга ёзиб бермай ўл!

Билмам сенга не қилар алам,
Бор йўғимку кулбам ва далам.
Юрагингни тешсин шу қалам,
ДХХга ёзиб бермай ўл!

Дўзах қилсин сендайлар жойин,
Эй ўпгувчи миршаблар пойин.
Ичимиздан чиққан эй хойин,
ДХХга ёзиб бермай ўл!

Сени айлар бахтиёр ғуссам,
Тепкиланса тинмасдан жуссам.
Орзуинг шу:Йиғлаб қон қуссам,
ДХХга ёзиб бермай ўл!

Мени Аллоҳ асраса агар,
Бил калтакдан эзилмас жигар.
Отдан тушиб бўшатмас эгар,
ДХХга ёзиб бермай ўл!

Сени ўрсин ажалдек ўроқ,
Ва бошлансин қабрингда сўроқ.
Кўппак, палид, муттаҳам, қўрқоқ,
ДХХга ёзиб бермай ўл!

Қуриб кетсин чирк жирканч юзинг,
Ва яширин севган-юлдузинг.
Ёзинг битган яқиндир кузинг,
ДХХга ёзиб бермай ўл!

Афсус баъзан сен томон зафар,
Ва сендайлар эмас бир нафар.
Лек ниятим келгуси сафар,
ДХХга ёзолмасдан ўл!

@A_meshayan
13:59-27.01.2020
Абдураҳмон Мешаян Ochish/sharhlash

2022-08-26 20:40:37 ​​АНАС ИБН МОЛИК ЙИҒИСИ

Анас ибн Молик йиғларкан ёмон,
Доим Тустар фатҳин олганда ёдга.
Саҳоба бўлсада кўз ёш бегумон,
Бегона бўлмаган у улуғ зотга.

Гарчи жанг қилмишлар Тустар фатҳида,
Аллоҳ бўлсин дея улардан рози.
Йиғининг боиси экан аслида,
У кун қазо бўлган бомдод намози.

Мушрикларга қарши жанг қила туриб,
Намозлари қазо бўлгани учун.
Бир саҳоба йиғлар.. Сенчи ох уриб,
Йиғлашни билмайсан эй гумроҳ нечун?

Устдан кўтаролмай битта кўрпани,
Ухладинг уйқуни сен ширин билиб.
Шу боис Хақ сенга берганча жазо,
Яратмаган сени саҳоба қилиб...

@A_meshayan
14:46-26.08.2021
Абдурроҳман Мешаян Ochish/sharhlash

2022-08-26 13:08:29 ​​"СУҲБАТ"

Шеърларим учун чақиртиришди. Бордим. Шахсларнинг номини тилга олма дейилди. Ёзганларим хақоратлаб, обрўсизлантиришга киришини уқтиришди.
Биров ортиқча гап қилмади.
Ўзи буларни ёзмасдим ҳам.
Мактуб ёғиб кетибди, тушинтирмасам ҳавотир олишмасин деб айтиб қўйяпман.
Жума ўқиёлмай қолдим. Шуниси алам қилди. Нариёққа борганда ўзлари жавоб бераверишади.
Қолган ҳеч бир нарсага эътирозим йўқ.
Одамгарчиликдан ташқарига чиқмай муомала қилишди.
Ўлмасак, ижод давом этади.
Озодликда юрсам озодликда, Аллоҳ кўрсатмасин қамоқда бўлса қамоқда.
Мен шахсларни тилга олмасликка ваъда бердим, ваъдамда тураман.
Яхшиямки шеъриятда маъжоз бор.
Алҳамдулиллаҳ.

P.S: Менга ҳамроҳлик қилган икки дўстимга раҳмат. Яхшиликларни унутмайман.

Абдураҳмон Мешаян Ochish/sharhlash

2022-08-25 11:38:39 ​​ИНТЕРВЬЮ...

-Ким қўнғироқ қилди болажон?
-Интервьюга чорлашди она...
-Вой айлонай йўлга туш шу он,
Радиога чиқ сан маҳмадона...

Қўшниларга мақтанажакман,
Норозилик билдирмагин, жим!
Бутун қавму қариндошларга,
Даркор ҳали бир-бир қоқмоқ сим.

-Она радио чорлагани йўқ,
-Наҳот тв чорлади ўғлим?
Ҳиқилласам урма энди дўқ,
Даданг бевақт топмаса ўлим-

Биргалашиб кўрардик шодон,
Кўрсатувга чиққанлигингни.
Балки бир кун кўрарман омон
Султон қўлин сиққанлигингни...

-Она ТВ чорламадида...
-Рўзномадан чорлашган демак?
-Бу ҳам онанг бир омадида,
Мен ҳам борсам имкон бор демак?

Қўй, яхшиси ўзинг бориб кел,
Сен ҳақинда мақтаб ёзишсин!
Хушрўйлигинг кўриб қўйсин эл,
Соқолли суратинг босишсин...

Волидам шод... Зумда тиклаган
Шод кайфият қасрин бузолмам.
Ош келтирди е деб бир лаган,
Лек мен хуноб, бугун бўлажак,
Интервьюдан хаёл узолмам...

Онамга сюрприз қилгим йўқ,
Йўқ "совға"мнинг унга кераги.
Кўксин тешиб ажал деган ўқ,
Ёрилиб кетмасин юраги...

Интервьюда сўрашса керак:
-Нега қуюқ соқол қўйгансиз?
-Борми сизга хориждан тиргак?
Ҳижобнида фарзга йўйгансиз...

-Шеърларингиз нечун қайғули?
Посбонларга отибдирсиз тош.
Сизга қолганлиги кулгили,
Хоннинг асл юзин қилмоқ фош..

Бу шунчаки тахминлар холос,
Шоир доим фантазия қилар...
Интервьюнинг мавзусини хос,
Фақатгина терговчи билар...

@A_meshayan
12:33-19.09.2019
Абдураҳмон Мешаян Ochish/sharhlash

2022-08-24 12:02:33 ​​​​ЗАМОНЛАР ОША... МАЖЛИС ёҳуд АВГУСТ САРОБИ

Ассалому Алайкум мақсад сизни тўплашдан,
Асло эмас қонингиз сиқиб уни хўплашдан!

Мақсадимиз бузмоқдир минг ёшга тенг мақолни,
Ким ўзи ўйлаб топган ул "эр кўрки соқол"ни!

Хар турли замонларда яшаган бўлсангиз хам,
Не бахт бугун бир жойда қарангки бўлибсиз жам!

Соқолингизни олинг Темур қилмасдан зарда,
Йўқса бизга керакмас сиздек ўжар саркарда!

"Тиб қонунлари"н ёзиб қўйган бўлсангиз нетай?
Ибн Сино соқолдан кечинг айлониб кетай!

Сизга қандоқ уқтирай насрийми ёки назмий,
Соқолни олинг йўқса юртдан кетинг Хоразмий!

Ёзманг, кутиб туради "Мажолис ун-нафоис",
Навоий ибрат бўлиб денг соқол қирмоқ жоиз.

Бобур хам Андижонга қайтмоқ қилса иҳтиёр,
Соқолин олиб қайтсин бизни қилиб бахтиёр.

Майли мени қарғасин, майли мендан ранжисин,
Етказинг Нодирага, тез ечсин паранжисин!

Бизнинг мажлис вабосин бутун элга юқтиринг,
Увайсийга хижобнинг таъқиқлигин уқтиринг!

Эй Навоий ёзгунча тутуриғи йўқ "Хамса",
"Келди очилур чоғинг" дея ёзгандек Хамза,

Сиз хам бизнинг даъватни ёзинг қувватлаб қўллаб,
Сирожиддинга айтай Дўрмонга қўйсин йўллаб.

Тузсангизда Улуғбек, Кўрагоний жадвалин"
Соқол бўлса кўрасиз, семебенинг подвалин.

Қаёққа кетяпсизлар?- мажлис давом жилманглар,
Қанақа демократия-ғала-ғовур қилманглар!

Оғзингизни юмамиз боғлаб керак бўлса скотч,
Хатто ип эшолмайди ўшал "Хюман Райтс Уотч".

Давлатнинг яхшилигин билмаган кўр бўлади,
Қон бўлманглар августда хаммаси зўр бўлади!...

Шеър тугади, шоирнинг битиб илҳом шароби,
Номи замонлар оша ёҳуд август сароби.

@A_meshayan
16:31-24.08.2019
Абдураҳмон Мешаян Ochish/sharhlash