Yurist Imomniyozov

2022-08-30 19:55:14 Қўшни давлатлардаги аккредитацияланган олий таълим ташкилотлари рўйхати эълон қилинди

Ўзбекистон Республикаси Президентининг 2021 йил 22 июндаги "2021/2022 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида"ги қарори ижроси таъминлаш мақсадида Таълим инспекцияси томонидан қўшни давлатлардаги аккредитацияланган олий таълим ташкилотлари рўйхати эълон қилинмоқда.

Рўйхат олий таълим ташкилотлари, ваколатли ташкилотлар ва вазирликларнинг Интернет жаҳон ахборот тармоғидаги расмий веб-сайтларидан ҳамда хорижий квалификацияларни тан олиш бўйича халқаро маълумотлар базаларидан олинган, шунингдек, Ўзбекистон Республикаси Ташқи ишлар вазирлиги томонидан тақдим этилган маълумотлар асосида шакллантирилган.

Қўшни давлатларнинг ваколатли ташкилотлари томонидан аккредитациядан ўтказилган, лекин фойдаланилган манбаларда аккредитация мақоми ноаниқ ёки мавҳум бўлганлиги сабабли мазкур рўйхатда қайд этилмаган олий таълим ташкилотлари тўғрисида ишончли маълумотлар Таълим сифатини назорат қилиш давлат инспекциясига тақдим этилган тақдирда рўйхатга тегишли ўзгартиришлар киритилиши мумкин.

Олий таълим ташкилотлари аттестация ва аккредитацияси белгиланган муддатларда ўтказиб туриладиган жараён бўлиб, кейинчалик мазкур рўйхатдаги айрим олий таълим ташкилотлари аккредитацияси бекор қилиниши эҳтимоли мавжудлигини ҳамда аккредитация муддати тугаши натижасида янги муддатларга аккредитациядан ўтишини инобатга олган ҳолда рўйхат доимий равишда вақти-вақти билан янгилаб борилади.

Рўйхатни шакллантиришда диний ва ҳарбий йўналишдаги олий таълим ташкилотлари ҳисобга олинмаган.

Шу ўринда, ушбу рўйхатни кейинчалик бойитишда Таълим инспекцияси қўшни давлатлар ваколатли органлари ва дипломатик корпусларини ҳамкорликка чорлаб қолади.

Таълим инспекцияси телеграм каналига уланиш
https://t.me/uztdi Ochish/sharhlash

2022-08-30 04:32:28 Bu yil talabalik baxtiga sazovor bo‘lgan uka-singillarimizning ota-onalariga muhim tafsiyalar

Agar farzandingiz to‘lov kontrakt asosida o‘qishga kirgan bo‘lsa, farzandingiz to‘lov kontrakt shartnomasini olgandan keyin kontrak summasini ish haqingizdan to‘lash uchun o‘zingiz ishlaydigan tashkilotingiz buxgalteriyasiga kontrakt summasini ish haqingizdan ushlab qolish haqida ariza berib qo‘ying.

Bunda kontrakt summasi oyma-oy to‘lanishi bilan bir qatorda ish haqingizning kontraktga yo‘naltirilgan qismini soliqdan ozod qilasiz (Soliq kodeksining 378-moddasi).

To‘g‘ri, keyinchalik ham to‘langan kontrakt summasidan soliqlarni qaytarib olish mumkin. Biroq buning uchun ortiqcha vaqt sarflaysiz va ancha vaqt kutishingizga to‘g‘ri keladi.

Hozir OTMlarda talabalarni turar joy bilan to‘liq ta’minlash imkoniyati mavjud emas. Shuning uchun talabalar turar joylari muayyan talablar asosida beriladi.

Ushbu talablar qatoriga oilaning 2 nafar farzandi kontrakt asosida o‘qishi, oilaning “Temir daftar”da, farzandining “Ayollar daftari” yoki “Yoshlar daftari”da ro‘yxatda turishi, talabaning nogironligi bo‘lishi va boshqalar kiritilgan. Shuning uchun yuqorida sanab o‘tilganlar toifasiga kirsangiz, bu haqida ma’lumotlarni oldindan tayyor qilib qo‘ying.

Agar siz yoki farzandingiz yuqoridagi mezonlarga mos bo‘lmasa, unda o‘qish boshlanguncha ijara shartnomasi (yozma ravishda) asosida ijaraga kvartira olib qo‘ying. Bunda farzandingiz to‘laydigan ijara haqining bir qismi:

Toshkent shahrida — bazaviy hisoblash miqdorining bir baravari (300 000 so‘m);

qolgan hududlarda — bazaviy hisoblash miqdorining yarim baravari (150 000 so‘m) miqdorda qoplab beriladi.

Yuqorida sanab o‘tilgan tafsiyalarga amal qilsangiz, farzandingiz muammolar va turli xil dilxiraliklarsiz o‘quv yilini boshlab oladi. Sizning esa ko‘nglingiz xotirjam bo‘ladi.

@yurist_imomniyozov Ochish/sharhlash

2022-08-29 10:02:05 #Қабул_2022

Тест синовлари натижасидан норози абитуриентларнинг апелляция аризалари 6 сентябргача қабул қилинади

Тест синовлари натижасидан норози бўлган абитуриентлар апелляция комиссиясига ёзма ёки электрон шаклда апелляция шикоятини бериш ҳуқуқига эга.

Апелляция аризалари my.dtm.uz сайти орқали (абитуриентнинг шахсий кабинетида) онлайн тарзда қабул қилинмоқда ва 6 сентябрга қадар давом этади.

Абитуриент апелляция шикояти бериши учун тест синовида иштирок этган ва ундан четлатилмаган бўлиши лозим.

Шунга кўра, апелляция аризасини берган абитуриентга уни кўриб чиқиш санаси ва вақти кўрсатилган хабарнома берилади.

Қонунчиликка кўра:

Апелляция шикоятини берган абитуриент хабарномада белгиланган кунда ўзининг паспорти ва абитуриент рухсатномаси билан келиши шарт.

Апелляция жараёнида абитуриентга унинг жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест синовларида абитуриентга тақдим этилган тест топшириқлари китоби берилади.

Апелляция шикояти апелляция комиссияси томонидан фақат абитуриент иштирокида, унинг ёзма жавоблари асосида кўриб чиқилади.

Абитуриентга апелляция шикояти бўйича қабул қилинган қарордан кўчирма берилади.

Апелляция жараёнида қуйидагиларга йўл қўйилмайди:

апелляция ўтказилаётган хонага уяли телефон, компьютер, телекоммуникация воситалари ва шпаргалкалар (луғат, жадваллар бундан мустасно) олиб киришга ҳаракат қилиш ёки олиб кириш;
апелляция жараёнида тест материалларини бошқа абитуриентга узатиш, уларга ёрдам бериш ёки ёрдам олиш;
тест топшириқлари китобининг варағини йиртиш.

Абитуриентнинг жавоблар варақаси, тест топшириқлари китоби ДТМга белгиланган тартибда етказилмаган, йиртилган бўлса, шунингдек, тест синовларидан четлаштирилган ёки ўзининг жавобларини ёзма равишда баён қилмаган абитуриентнинг апелляция шикояти кўриб чиқилмайди.

Апелляция комиссиясининг қарори бўйича маълумот Ўзбекистон Республикаси таълим муассасаларига ўқишга қабул қилиш бўйича давлат комиссиясига апелляция жараёни тўлиқ тугаганидан сўнг 5 иш куни ичида тақдим этилади.

Абитуриент апелляция комиссиясининг апелляция шикоятини кўриб чиқиш натижалари бўйича қабул қилган қарори юзасидан қонун ҳужжатларида белгиланган тартибда судга шикоят қилиши мумкин.

Эслатиб ўтамиз, апелляция шикоятларини кўриб чиқиш 2022 йил 7 сентябрдан бошланади.

Каналга уланиш
https://t.me/huquqiyaxborot Ochish/sharhlash

2022-08-29 03:37:49 Ишдан бўшатиш нафақаси миқдорида ўзгаришлар кутмоқда бизни.

Ишдан бўшатиш нафақаси ҳақида биласиз. Ҳозирги Меҳнат кодексининг 109-моддасига асосан ишдан бўшаш нафақаси меҳнат шартномаси иш берувчи ташаббуси билан бекор қилинганида (ходим вазифаларини бажармаганлиги сабабли бўшатишдан ташқари) ва яна бир-икки сабаблар (МК 106-модда 1, 2 ва 4-бандлари) билан бўшатилганда ходимга тўланадиган қўшимча тўловдир.

Ана шу МК 109-модданинг иккинчи қисмига кўра ишдан бўшатиш нафақасининг миқдори ходимнинг ўртача ойлик иш ҳақидан кам бўлиши мумкин эмаслиги белгилаб қўйилган.

Лекин ўртоқлар, Президент тасдиғини кутаётган янги Меҳнат кодексида бу масалада анчагина ўзгаришлар кутмоқда бизни, хусусан ишдан бўшатиш нафақасининг миқдори масаласида.

Янги Меҳнат кодексининг 173-моддасига кўра, ишдан бўшатиш нафақасининг миқдори ходимнинг мазкур иш берувчидаги иш стажига боғлиқ бўлади ва у:

3 йилгача иш стажига эга бўлган ходимлар учун – ўртача ойлик иш ҳақининг 50 фоизидан;

3 йилдан 5 йилгача иш стажига эга бўлган ходимлар учун – ўртача ойлик иш ҳақининг 75 фоизидан;

5 йилдан 10 йилгача иш стажига эга бўлган ходимлар учун – ўртача ойлик иш ҳақининг 100 фоизидан;

10 йилдан 15 йилгача иш стажига эга бўлган ходимлар учун – ўртача ойлик иш ҳақининг 150 фоизидан;

15 йилдан ортиқ иш стажига эга бўлган ходимлар учун – ўртача ойлик иш ҳақининг 200 фоизидан кам бўлмаган миқдорда тўланади.

Қалай? Фарқлар анчагина, шундай эмасми?

Албатта, бу ўзгаришлар ҳали тасдиқланмаган қонун ҳолатида, тасдиқланганда ҳам, у эълон қилиниши керак, эълон қилинганда ҳам 6 ойдан кейин амалга киради.

Шунчаки ўзгаришларга тайёр туринг деган маънода айтиб ўтяпмиз, буларни.

@yuristkadr Ochish/sharhlash

2022-08-28 20:49:11 ​​Ishga tiklash bilan bog‘liq nizolardagi qiziq holat

Ma’lumki, xodim ishdan noqonuniy bo‘shatilgan bo‘lsa (OSPQ 51-band), u ishga tiklanishi mumkin bo‘ladi.

Sud bunday nizolarni ko‘rishda xodimni qaysi lavozimdan noqonuniy bo‘shatilgan bo‘lsa, shu lavozimga tiklaydi (MK 271-m). Biroq, ayrim holatlar bo‘ladiki, unda xodimni avvalgi lavozimiga tiklashning imkoni bo‘lmaydi.

Misol uchun, korxonada qisqartirish bo‘lib, ushbu lavozim shtatlar jadvalidan chiqarib tashlangan, biroq shu lavozimda ishlaydigan xodim ishdan bo‘shatish tartiblariga rioya qilinmagan holda ishdan bo‘shatilgan. Bunday vaqtda ham xodim noqonuniy ishdan bo‘shatilgan sanaladi va ishga tiklanadi. Lekin qaysi lavozimga…

O‘tgan oyda xuddi shunga o‘xshash masala kelib qoldi. Yoshlar yetakchi lavozimida ishlaydigan bir xodim qisqartirish tufayli (PQ 92-son qaror) ishdan bo‘shatilgan. Lekin yuqorida aytganimdek, ishdan bo‘shatish tartibiga rioya qilinmagan. Shuning uchun sud uni yoshlar yetakchi lavozimiga qayta tiklash haqida hal qiluv qarori chiqargan.

Ma’lumki, sudning ishga tiklash bilan bog‘liq hal qiluv qarori darhol ijro etiladi (FPK 266-m). Yuqoridagi holatda esa xodimni ishga tiklashning imkoni yo‘q. Negaki yoshlar yetakchisi lavozimi allaqachon qisqarib ketgan. Shundan so‘ng MIB bu qarorni ijro etib bo‘lmasligi tufayli sudga qaytargan. Natijada esa xodim sarson bo‘lmoqda.

Amaliyotda bunga o‘xshash vaziyatlar juda ko‘p. Biroq yuridik jihatdan buning aniq yechimi yo‘q.

Amaldagi Mehnat kodeksining 271-moddasi uchinchi qismining mazmuniga ko‘ra faqat g‘ayriqonuniy ravishda sudlangan yoki g‘ayriqonuniy ravishda jinoiy javobgarlikka tortilishi munosabati bilan ishdan (lavozimdan) chetlatilgan xodim avvalgi lavozimi bo‘lmagan taqdirda, unga teng bo‘lgan boshqa lavozimga tiklanadi. Ushbu qoida boshqa xodimlarga nisbatan qo‘llanilmaydi.

Yangi tahrirdagi Mehnat kodeksida (hali tasdiqlanmagan) ham bu masala ochiq qolib ketgan. Demak yangi kodeks qabul qilinganda ham bu muammo yechimini topmay qoladi.

@yurist_imomniyozov Ochish/sharhlash

2022-08-28 18:29:22 HUQUQ «LEGAL EDUCATION AND СONSULTING CENTER» Ўқув марказининг “Ҳуқуқшунослик” курсларига таклиф этамиз.

Маълумки, 2020 йил 29 апрелдаги “Ўзбекистон Республикасида юридик таълим ва фанни тубдан такомиллаштириш бўйича қўшимча чора – тадбирлар тўғрисида” ги ПФ–5987- сон Фармон асосида 2023/2024 ўқув йилидан Юриспруденция йўналишларига ўқишга киришда ҳуқуқий фанлардан тест топшириш амалиёти жорий этилади.

Юқоридагиларни инобатга олиб ташкил этилган “Ҳуқуқшунослик” курсларида Тошкент давлат юридик университети, Ўзбекистон Миллий университетининг Патентшунослик ва Бизнес ҳуқуқи йўналишлари, Термиз давлат университети Юридик факультети ва вилоят университетларидаги юриспруденция йўналишлари абитурентлари ўз ҳуқуқий билимларини ошириши ва келгусидаги кириш имтиҳонларига сифатли таёргарлик кўриши мумкин.

Сиз мазкур ўқув курсларида:
- Давлат ва ҳуқуқ назарияси;
- Конституциявий ҳуқуқ;
- Маъмурий ҳуқуқ;
- Фуқаролик ҳуқуқи;
- Меҳнат ҳуқуқи;
- Оила ҳуқуқи;
- Жиноят ҳуқуқи;
- Тадбиркорлик ҳуқуқи;
- Молия ҳуқуқи;
- Солиқ ҳуқуқи;
- Халқаро ҳуқуқ каби юридик соҳалар бўйича билим олишингиз мумкин.

Бундан ташқари, ўқув марказида умумий ҳуқуқий саводхонликни ошириш, ҳамда ҳуқуқни муҳофаза қилувчи органларга ишга кириш ҳаракатида бўлган номзодларнинг ҳуқуқий билим ва кўникмаларини шакллантириш учун ҳам алоҳида гуруҳлар ташкил этилади.

“Ҳуқуқшунослик” ўқув курслари махсус ишлаб чиқилган ўқув дастурлари асосида, замонавий ўқув услубларини қўллаган ҳолда Ўзбекистоннинг нуфузли Олий ўқув юртларида фаолият юритган ўқитувчилар томонидан олиб борилади.

Бизнинг ўқув курсларимизда ҳар бир ўқувчига индивидуал ёндошилади.

Қабул 5-сентябр кунига қадар.

Дарс машғулотлари 12-сентябр кунидан бошланади.

Дарс соатлари 9:00 дан 20:00 гача ташкил етилади.

Манзил: Тошкент шаҳри, Юнусобод тумани, Боғиравон-55
Мўлжал: "Модерн Строй" биноси

Геолокация: https://maps.app.goo.gl/iVU2FNGikEh76szPA

Мурожаат учун:
+998338810202
+998902994299 Ochish/sharhlash

2022-08-28 09:35:22 Ажрашишдаги қийин процедура фожеага айланиш эҳтимоли

Қуйи чирчиқдаги аёвсиз қотиллик биздаги бир муаммони яна эслашга мажбур қилди. Бу ажрашишлар.

Йўқ, йўқ сиз ажрашишлар кўпайгани ёмон биз уни олдини олишимиз керак деган банални гапларни кутманг мендан. Мен бошқачароқ фикрдаман. Биз ажрашишларга жуда глобал тарзда ёндашиб, кўпиртириб юборганмиз.

Ҳа ажрашишлар ёмон. Лекин бу инсон табиатига хос. Оила кодекси 14-моддасига кўра никоҳ бу ихтиёрий келишувдир. Бундай ихтиёрий келишувлар аслида икки юридик шахс ўртасида тузиладиган шартномага ҳам ўхшатсак бўлади. Қаерда кўргансиз шартнома бекор қилинибди деб аюҳаннос солганларни. Ажрашишларни ҳам шундай тушунсак бўлади. Никоҳ тузилганда ихтиёрий эди, лекин ажрашишда турли тўсиқлар юзага келади. Ва натижада нима бўлади? Икки ёш умрини йўқотади. Ақлини йиғиб олиб ўзига мос деб топган инсони билан ҳаёт бошлаши кейинга қолади. Бундан ҳам даҳшати: умуман келишолмаётган никоҳидаги шахс билан Қуйи чирчиқдаги фалокат юз беради. Бир шахснинг умр дарахти қуриди мана...

Никоҳни бекор қилиш, ажрашишларга нафрат билан қараб сиз балки менга маломат қиларсиз. Ўзбекчилик, мусулмончилик қаерда қолди дерсиз? Айнан мусулмончиликда ажримлар масаласида анча либерал қарашлар мавжуд. Ислом ҳуқуқида ажрашиш қийин процедура эмас. Эркакнинг бир оғиз "талоқ" деган сўзига никоҳ келишуви бекор қилинади. Агар аёл бекор қилмоқчи бўлса, ҳулу процесси бор. Бу ҳам биздагидек судга бер, суд рад қилса 7 ой кут, сўнгра суд қайта бошлаб яна 6 ой муддат ол, ундан кейин ярашув комиссиялари каби босқичлардан иборат эмас.

Ажрашишларга салбий рақамлар сифатида олақарашни бас қилайлик. Қуйи чирчиқдагидек бўғизлашлар ортиқ керак эмас.

@bahodirahmedoff Ochish/sharhlash

2022-08-27 21:38:51 Yuristlarga oson emas

Ko‘pchilik xususiy sektorda ishlash yaxshi deb biladi. Xususan, yuridik sohada ham yuristlar va bo‘lajak yuristlar o‘rtasida bunday fikr ko‘p uchraydi. Bunga asosan 2 ta sabab ko‘rsatiladi.

Birinchisi, yuqori ish haqi;

Ikkinchisi, xususiy sohadagi yuristning o‘ziga o‘zi boshliq, o`z vaqtini o`zi belgilashida ekanligi.

Biroq 2-fikrni bildiradiganlar fikriga qo‘shilib bo‘lmaydi. Buni quyidagi misol bilan tushuntiraman.

Aytaylik, advokat advokatlik byurosi orqali faoliyat yuritadi. Bir qarashda, haqiqatdan ham, u o‘ziga o‘zi boshliq. Bo‘lajak yuristlarning ko‘pchilik qismi shunday fikrda bo‘ladi. Biroq aslida unday emas.

Ushbu advokat xizmat ko‘rsatayotgan har bir fuqaro unga boshliq. Pulini to‘lagan fuqaro uning ishini tezroq bitirishni so‘rab advokatga topshiriq beraveradi.

Sudya ham advokatga boshliq. Chunki qachon sud majlisi bo‘lishini, keyingi sud majlisini qachonga qoldirishni sud belgilaydi. Advokat esa shu kunga kelishga majbur.

Tergovchi unga boshliq. Tergov harakatlari qachon bo‘lishini, qachon tugashinni u belgilaydi.

Advokat xizmat ko‘rsatadigan tadbirkor unga boshliq. Qachon kim bilan shartnoma tuzishni, ushbu shartnoma loyihasini puxta ishlab chiqishni, uning manfaatini himoya qilib sudda qatnashishni u talab qiladi.
Bunday asoslarni yana ko‘plab keltirish mumkin.

P.S. Bu bilan advokatlarni kamsitish (2-va 3-band) fikridan yiroqman. Faqat ularga qanchalik qiyin ekanliginini, xususiy sohada ishlash (ayniqsa, yuridik sohada) oson emasligini, ular o‘ziga o‘zi boshliq emasligini tushuntirmoqchi bo‘ldim xolos.

@yurist_imomniyozov Ochish/sharhlash

2022-08-25 15:24:09 #Қонунчиликдаги_янгиликлар

Мол-мулкни ўзганинг ноқонуний эгалигидан талаб қилиб олиш тўғрисидаги даъволар юзасидан давлат божи олинмайди

Фармонга кўра, кредит таъминоти сифатида гаровга қўйилган мол-мулк сотилганда, кредиторнинг розилигига кўра, сотиб олувчи мулк қийматини 3 йилгача бўлиб тўлаши мумкин.

Шунингдек, мансабдор шахслар ва хизматчиларнинг қуйидаги ҳаракатлари хусусий мулк ҳуқуқини эркин амалга оширишга аралашиш ва дахлсизлигини бузиш деб ҳисобланади ҳамда жиноий жавобгарликка тортишгача чоралар қўлланилади:

мулкка эркин эгалик қилиш, ундан фойдаланиш ва тасарруф этишни чеклаш, тақиқ қўйиш, мулкий ҳуқуқларни давлат рўйхатидан ўтказишни асоссиз рад этиш, мулкдор ёки унинг мулкий ҳуқуқларига таъсир ўтказиш;
мулкдорнинг хўжалик фаолиятига ёки мол-мулкдан фойдаланиш натижасида олинадиган ҳосил ва маҳсулотни реализация қилиш ҳамда даромадларни тасарруф этишга аралашиш;
хусусий мулк объекти ва у жойлашган ҳудудга мулкдор рухсатисиз кириш;
мол-мулкни бошқа шахсга ўтказиш, фойдаланишга бериш ёки тасарруф этишга аралашиш, бу тўғрисида ҳуқуқий ҳужжат қабул қилиш;
мулкдорга унинг ихтиёрига зид тарзда мол-мулки билан боғлиқ ижтимоий, иқтисодий ёки бошқа давлат ва жамоатчилик вазифаларини юклаш ёхуд номақбул шартларни қўйиш;
мол-мулкдан мулкдорнинг розилигисиз ва тегишли ҳақ тўламасдан фойдаланиш;
мол-мулкка эгалик қилиш ва ундан фойдаланишга оид маълумотларни сўраш ёки бундай маълумотларни мулкдорнинг рухсатисиз ишлатиш;
мулк ва мулкий ҳуқуқлардан суд қарорисиз маҳрум этиш ёки мулкдорга улардан воз кечишга қаратилган мажбурлов чоралар қўллаш, тазйиқ ўтказиш ёхуд мол-мулкни тасарруф этишга доир асоссиз талабларни қўйиш.

Кўчар мулк ўзбошимчалик билан олиб қўйилганда мулкдор таъқиб қилиш орқали уни қайтариб олиши, кўчмас мулкка нисбатан эса унга ўзбошимчалик билан кирган ёки эгаллаб олган шахсни чиқариб юбориш орқали эгалигини тиклаши мумкин бўлади.

Фармонга кўра, гумон қилинувчи, айбланувчининг мулкий ҳуқуқларига нисбатан “Хабеас корпус” институти кенг жорий этилади. Бунда cуриштирувчи ва терговчининг мол-мулкни хатлаш билан боғлиқ қарорлари кўриб чиқиш учун судга киритилади.

Давлат органлари ва ташкилотлари судларда давлат божини тўлашдан озод қилинган ҳолатлар қисқартирилади.

Фуқаролик судларида мол-мулкни ўзганинг ноқонуний эгалигидан талаб қилиб олиш тўғрисидаги даъволар юзасидан даъвогарлар (давлат органлари ва ташкилотлари бундан мустасно) давлат божини тўлашдан озод қилинади.

Фармонга кўра, “Хусусий мулкни ҳимоя қилиш ва мулкдорлар ҳуқуқларининг кафолатлари тўғрисида”ги Қонуннинг янги таҳрирдаги лойиҳаси ишлаб чиқилади.

Каналга уланиш
https://t.me/huquqiyaxborot Ochish/sharhlash

2022-08-25 15:23:44 #Қонунчиликдаги_янгиликлар

Мулк ҳуқуқига оид бир қатор чекловлар бекор қилинади

“Мулк ҳуқуқининг дахлсизлигини ишончли ҳимоя қилиш, мулкий муносабатларга асоссиз аралашувга йўл қўймаслик, хусусий мулкнинг капиталлашув даражасини ошириш чора-тадбирлари тўғрисида”ги Президент Фармони (ПФ–198-сон, 24.08.2022 й.) қабул қилинди

Фармон билан қуйидаги тартиблар, талаблар ва чекловлар 2022 йил 1 сентябрдан бекор қилинади:

ерга бўлган ҳуқуқлардан фойдаланишда:

ерга бўлган ҳуқуқнинг вужудга келишига асос бўлган ҳужжатларни бекор қилиш орқали ерга бўлган ҳуқуқни тугатиш, мазкур ҳужжатлар фақат суд томонидан бекор қилиниши ёки ҳақиқий эмас деб топилиши мумкин;

ердан ихтиёрий воз кечишни Ҳукумат ёки ҳокимлик қарорлари билан расмийлаштириш (ихтиёрий воз кечиш тўғрисида нотариал тасдиқланган ариза ҳуқуқни бекор қилиш учун асос бўлади);

юридик шахс тугатилиши билан унинг ерига бўлган ҳуқуқларини бекор қилиш;

ерни жамоат эҳтиёжлари учун олиб қўйишда компенсация сифатида давлатнинг бошқа кўчмас мулкини бериш, бунда кўп квартирали уйлардаги турар жой берилиши мумкин;

турар жойга бўлган мулкий ҳуқуқларни амалга оширишда:

турар жойга нисбатан мулкий ҳуқуқларга ёки турар жой мулкдори билан қариндошлик алоқаларига эга бўлмаганларни доимий рўйхатдан чиқариш учун уларнинг розилигини олиш;

суд томонидан турар жойга нисбатан инсофли эгалловчи деб топилган жисмоний шахсдан ушбу турар жойни унга нисбатан мулк ҳуқуқи давлат рўйхатидан ўтказилган пайтдан бошлаб 3 йил ўтгач натура шаклида талаб қилиб олиш.

2023 йил 1 январдан Кадастр ва кўчмас мулкларни рўйхатдан ўтказиш интеграцион ахборот тизими (UZKAD) кўчмас мулк объектларига бўлган ҳуқуқларнинг давлат реестри ва унга оид маълумотлар юритиладиган, маълумотларининг ҳақиқийлиги ва ишончлилиги давлат томонидан кафолатланадиган ягона ахборот тизими ҳисобланади.

Каналга уланиш
https://t.me/huquqiyaxborot Ochish/sharhlash