URGANCHTRANSGAZ_INFO

Ақчалоқ магистрал газ қувурлари бошқармасининг компрессор станциясидаги технологик қурилма ва иншоотларини 2022/2023-йил куз-қиш мавсумига тайёрлаш бўйича режадан ташқари ишлар ҳам олиб борилмоқда.
Ҳозиргача “А” ва “Б” компрессор цехларининг технологик қурилма, иншоотлари ҳамда ер усти қувурларининг жорий йил куз-қиш мавсумига тайёргарлик кўриш бўйича тузилган режа доирасида белгиланган - цехнинг асосий ва ёрдамчи қурилмаларини бўяш ишлари тўлиқ якунланган. Айни пайтда режадан ташқари қўшимча бўёқлаш ишлари амалга ошириляпти.

Ақчалок магистрал газ қувурлари бошқармасининг Назорат ўлчов асбоблари ва автоматика хизмати мутахассислари - газ ҳайдаш агрегатларининг автоматик бошқарув ва химоя тизимларида техник хизмат кўрсатиш ҳамда созлаш ишларини олиб бормоқда. Олиб борилаётган бу каби тадбирлар - куз-қиш мавсуми давомида бошқарма тасарруфидаги "В-Г" компрессор цехларининг агрегатларини заруратга қараб ишга туширилган вақтларда узлуксиз ва ишончли ишлашини таъминлашга хизмат қилади.

"Урганчтрансгаз" УК Акчолақ МГҚБга қарашли Ақчолак газ тақсимлаш станциясида куз-қиш мавсуми олдидан назорат ишлари олиб бориляпти. Барча қурилмалар, мавжуд мурватлар тафтишдан ўтказилиб аниқланган камчиликлар бартараф этилмоқда.

Мазкур станция 1976 йилда фойдаланишга топширилган бўлиб, ўтказувчанлик қуввати соатига 2750 метр кубни ташқил қилади. Станция орқали Қўнғирот тумани аҳолиси ва ижтимоий объектлари ҳамда алоҳида саноат тармоғи орқали ишлаб чиқариш корхоналарига табиий газ етказиб берилади.

"Ўзтрансгаз" тизимида таҳлилий ускуналар блоклари ўрнатилмоқда

"Ўзтрансгаз" АЖ тизимида табиий газ сифатини назорат қилишга алоҳида эʼтибор қаратилади. Чунки, етказиб берилаётган табиий газнинг сифати паст бўлса - технологик ускуналар тўхтаб қолиши, компрессор станцияларида авария ҳолатлари, қувурда оқмалар пайдо бўлиши ва газ ҳажмининг техник йўқолишига олиб келади.

Бу каби ҳолатларнинг олдини олиш мақсадида таҳлилий ускуналар блокларини ўрнатиш лойиҳаси амалга оширилмоқда.

Хроматограф ва анализаторлар - табиий газ таркиби, олтингугурт ва меркаптан олтингугурт миқдорини, шунингдек, намлик ва углеводородлар учун шудринг нуқтаси ҳароратини доимий равишда аниқлайди. Бу параметрлар табиий газнинг асосий сифат кўрсаткичларидир.

Лойиҳа доирасида Муборак, Газли МГҚБ "Урганчтрансгаз" УК тасарруфидаги бўлинмаларга блоклар ўрнатилган эди. 11-октябрда Ақчалоқ МГҚБ "Арслон" ўлчов узелига ўрнатилган блок фойдаланишга топширилди.

"Gazenergiktaʼmir" ICHTK xodimlari Tuleyda

Korxonaning Nazorat o‘lchov asboblari va avtomatika xizmati mutaxassislari Tuley MGQBning “A” kompressor sexidagi avtomatik boshqaruv tizimlarida sozlash, taʼmirlash hamda kabellarni yangilash ishlarini olib bormoqda. Xususan, ulanish tarmog‘idagi ochib-yopish moslamalarini bosh boshqaruv shiti (GSHU) orqali masofadan boshqaruv tizimi faoliyatining qayta tiklanishi natijasida kompressor sexlarini va gaz transport tizimi faoliyatining operativ harakatlarini tezkorlik bilan amalga oshirishga erishiladi. Hozirda, kompressor sexlaridagi avtomatik boshqaruv qurilmalarini taʼmirlash ishlari rejaga muvofiq davom ettirilmoqda.

Maʼlumot o‘rnida: Tuley MGQB “A” kompressor sexi 1970-yilda ishga tushirilgan bo‘lib, uzoq vaqt davomida ekspluatasiya qilingani tufayli avtomatik boshqaruv qurilmalari va kabellarini butunlay yangilash zarurati paydo bo‘lgandi.

UTG.UZ|Facebok|Instagram|YouTube|Telegram

Урганч магистрал газ қувурлари бошқармаси томонидан хизмат кўрсатиладиган Газли-Нукус магистрал газ қувурининг 66-кмда жойлашган Урганч (отвод) газ йўналишини ўзгартирувчи қувурида диаметри 1020 мм бўлган очиб-ёпиш мосламаси (кран) алмаштирилди. Бу тадбир Хоразм вилоятига табиий газни етказиб беришда муҳим аҳамиятга эга бўлган қувур ўтказувчанлиги ва ишончлилигини оширади.