SHERLAR

2024-05-13 04:53:44 YOZAMAN...

Gohi mendan so'rashar kulib
Siz she'rlarni qanday yozasiz?
Deyman,sirli makonda kelar
Ilhomlarim desam yonasiz.

Ba'zan hayot tutkazar qalam,
Gohi kuyib yonib yozaman.
Dil g'ashlansa ozor alamdan,
Taqdiridan nolib yozaman.

Goh kuldirib, yig'latib kelar
Hijronlardan bezib yozaman.
Achchiq qismat o'ynidan gohi
Netay esdan butkul ozaman.

Dardlarimni eshitguvchi jim
Yulduzlarga ketgim keladi.
Yozib, yozib ba'zan charchasam
Dunyosidan ketgim keladi.

Shodliklarga ergashib qayg'u
Sitamlardan bezib yozaman.
Kezib charchab zulmat ichidan
Yorug'likni izlab yozaman.

Taqdir o'zi ajib muallim,
O'rgatadi tinglab yozaman.
Parvoz etib she'rlarim bilan
Quyoshlarga tenglab yozaman.

Kimdir saboq berar hayotdan
Kim uchundir yomon yozaman.
Kimni ko'ngli to'lgan ijoddan
Kim kimlar deb kuyib yozaman.

Asablarni egovlasa goh
Alamimdan yonib yozaman.
Hoyot shuda goh undoq mundoq
Barchasiga ko'nib yozaman.

O'chiraman chizaman yana
Qancha qog'oz qanday yozaman.
Dardlarimni oshkora gohi
Ich ichimga solib yozaman.

Demang qaydan topib yozasiz
Men hayotdan olib yozaman.

IRODAXON QOSIMOVA.
23.08.2023.  21:00.

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-11 17:32:48 MENGA XABAR YOZGIN

Menga xabar yozgin, kichkina xabar,
Ikki dona so’z ham yetar mayliga,
G’ururingni unut jonim shu safar,
Ko’zmunchoqlar boyla uning bandiga!

Ko’zimning ko’zlari tegib ketmasin,
Intizor kutilgan nomalaringga,
Yozib tur, umidga zavol yetmasin,
Quloq tut so’g’inchli nolalarimga!

Menga xabar yozgin, ikki enlik xat,
Ko’p emas kunda bir, kifoya qilar,
Qozg’onma, shu safar bo’la olgin mard,
So’zlaring shubhamni nihoya qilar!

Menga maktub yozgin, mayli bitta so’z,
Birgina kalomga jur’at top bugun,
Yashamoq istagin topib olsin ko’z,
Xatlaring qarog’im malhami tushun!

Birgina so’z bilan ovunch ber menga,
Umid ber, orzu ber, sevinch ber menga,
Bittagina xabar va sevgi yashar,
Nomalarga o’rab ilinj ber menga!

Menga xabar yozgin, kichkina xabar…

Kamola Abduvaliyeva

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-08 17:19:02 Onamning borligi

Har tola sochlari jonimdan aziz,
Sog’-omon yurgani tillo-taxtimdir.
Dardlarimga darmon aytgan so’zlari,
Onamni borligi meni baxtimdir.

Omadim keladi ne ish boshlasam,
Boshimda tashvish yo’q, yo’qdir menda kam,
Jannatim yonimda - ko’nglim xotirjam,
Onamning borligi meni baxtimdir.

Men uchun duoda qo’llari har kun,
Yo’llarim kutadi uxlamay har tun,
Baralla baqirib aytishim mumkin,
Onamning borligi meni baxtimdir.

Ba'zida dunyoga sig’may qolaman,
Boshim tizzasiga qo’yib olaman,
Dardlarimdan shunda xalos bo’laman,
Onamning borligi meni baxtimdir.

"Qodir bolam", - deya erkalab aytar,
Tabassum qilsa gar armonim ketar,
Yonimda sog’-omon yurgani yetar,
Onamning borligi meni baxtimdir.

Men uchun duoda qo’llari har kun,
Yo’llarim kutadi uxlamay har tun,
Baralla baqirib aytishim mumkin,
Onamning borligi meni baxtimdir.

00:11.07.05.2024

Muallif: Qodir Qaxxor


https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-08 08:26:28 Онам билан...

Турли туман гап-сўзларни тинглар қулоқ,
Давраларга чорлайдилар яқин - йироқ,
Сўзлашаман ҳамма билан дўстлар бироқ,
Суҳбатларнинг энг яхшиси Онам билан....

Дуосидан қўлим ойни тутиб турар,
Эшигимда бахтлар навбат кутиб турар,
Ютқазмайди кўнглим доим ютиб турар,
Омадларнинг энг яхшиси Онам билан...

Болам деса юраккинам дарддан ҳоли,
Буколмайди қаддимни ҳеч ғам шамоли,
Бошим баланд мағрурликда тоғ мисоли,
Савлатларнинг энг яхшиси Онам билан...

Топганимга минг барака берар худо,
Беҳудага қайғурмайман чекиб нидо,
Борликлари бойлигимга жоним фидо,
Давлатларнинг энг яхшиси Онам билан...

Тиззасига бошим қўйсам яйрар таним,
У бор мени енголмайди ҳеч бир ғаним,
Оҳ ёнимда туришлари бахтим маним,
Рағбатларнинг энг яхшиси Онам билан...

Турли туман гап-сўзларни тинглар қулоқ,
Давраларга чорлайдилар яқин - йироқ,
Сўзлашаман ҳамма билан дўстлар бироқ,
Суҳбатларнинг энг яхшиси Онам билан....

Муаллиф: Зоҳид Зиё...

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-07 12:55:36 OʼGʻLONLAR  XOTIRASI

Maktabimda erta tongda,
Qoʻshin shaxdam yurib turar.
Har qoʻngʻiroq har bir bongda,
Yurak mangu urib turar.

Andijondan kelganlari,
Jilmaygancha boqar bizga.
Namanganning oʼgʼlonlari,
Mardanovor yoqar koʼzga.

Samarqandim deya boqib,
Yurar edi mungli koʻzlar.
Surxoniga salom aytib,
Turar edi qancha yuzlar.

Qoʻshin aro yangrab sado,
Uyimizga qaytish kerak .
Kutib-kutib boʻldi ado,
Sirdaryodan kelgan yurak.

Qarshisidan tinch zaminning,
Mevalari oʼtib turar.
Oʻgʻlonlarning koʼpchiligin,
Qashqadaryo kutib turar .

Fargʻonalik,sogʻman ona,
Degandayin hali omon.
Sogʻinch bilan  koʻzlar yona,
Boqib turar Toshkent tomon.

Bu qoʻshindan koʼrar koʻzlar,
Vatan uchun keraklarni.
Har tomondan koʻzlar izlar,
Shu qoʼshin va yuraklarni.

Maktabimda erta tongda,
Qoʻshin shaxdam yurib turar.
Har qoʻngʻiroq,har bir bongda,
Yurak mangu urib turar.

Muallif:Surayyo Xatamova

SAMARQAND JOMBOY

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-06 15:46:41 QIZIQTIRMASMI?

Yuzda ajin - hijronning rasmi,
Tugamadi azobing bazmi,
Sog'inmaysan, xabar yozmaysan,
Aytgin holim qiziqtirmasmi?

Yuragimda tunagan tun bor,
Yana erta, sog'inchli kun bor,
Eslamaysan nahotki bir bor,
Aytgin holim qiziqtirmasmi?

Ko’z yoshlardan to’kildi kiprik,
Sen borsanki, yuribman tirik,
Ishq tilangan boshim ham egik,
Aytgin holim qiziqtirmasmi?

Fayzi ketgan cho'l bo'ldi chehram,
Qadam qo'ysang, koshona kulbam,
Shu on seni sog'indim biram,
Aytgin holim qiziqtirmasmi?

Kamola Abduvaliyeva she’ri

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-03 07:46:07 #PREMYERA

Sen ham rozi bo’lgin ey hayot!

Men roziman ne’matlaringdan,
Qismatimni bitibsan obod,
Kamim yo’qdur bugun hech kimdan,
Sen ham rozi bo’lgin ey hayot!

Sinovlaring tobladi meni,
Yashayabman qara, mag’rur, shod,
Men g’animat bildim har kunni,
Sen ham rozi bo’lgin ey hayot!

Nolishlarim zanjirband bugun,
Shukronalar orzuga qanot,
Kechirganda yechilar tugun,
Sen ham rozi bo’lgin ey hayot!

O’tdik qancha davonlaringdan,
Barchasidan chiqardik sabot,
Ko’tarildik narvonlaringdan,
Sen ham rozi bo’lgin ey hayot!

Boshimizdan qorlar elandi,
Ba’zan bari etildi barbod,
Falsafasin tushundim endi,
Sen ham rozi bo’lgin ey hayot!

Yashamoqning fursati qaytmas,
Deding: - “Mana, ishq bodasin tot”,
Buni mendan boshqasi aytmas,
Sen ham rozi bo’lgin ey hahot!

Kamola Abduvaliyeva she’ri

https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-05-02 11:26:01 Uzr so’rab…

Orzu-havaslarga uchib ketyapsan,
Ko’p o’tmay qadrimni bilasan hali.
Tanlagan yoringdan mehr topolmay,
Bir kun uzr so'rab kelasan hali.

Qalbingni go’zal deb adashganim rost,
Yuzing go’zal ekan, ko’zlaring charos,
Chiroyingga uchib adashdim, xolos,
Bir kun uzr so'rab kelasan hali.

Do’st tutunib jonsiz shu qalam bilan,
Men she'rlar yozaman dard, alam bilan,
Ko’zing yoshga to’lib, afsus-g'am bilan,
Bir kun uzr so'rab kelasan hali.

Armon sovg’a qilib ketyapsan menga,
Men ham bitta va'da beraman senga,
Boshingni jim egib, tikilib yerga,
Bir kun uzr so'rab kelasan hali.

Pulga bog’liq emas bilgin har narsa,
So’zlarim rostligin bilasan hali.
O’sha kun kelguncha o’zingni asra,
Bir kun uzr so'rab kelasan hali.

19:11.30.04.2024

Muallif: Qodir Qaxxor


https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-04-30 09:28:36

ИШОНМАЙ ҚЎЙДИМ.
Қанча чиройли сўз, илиқ табассум,
Шунчаки юзаки, баридан тўйдим.
Билмадим қанчалик ростсан, ёлғонсан,
Мен сенга сираям ишонмай қўйдим .

Ҳар куни илтифот, сокин тун тилаб,
Кетдинг мен ортингдан ҳижронда куйдим.
Шунча ёлғонингга юрак нимталаб ,
Мен сенга сираям ишонмай қўйдим,

Гумонда ёнаман, ёки худбинман,
Ёки юрагимда исёнларим кўп,
Йўқ сен ёлғончи, бунга аминман,
Мен сенга сираям ишонмай қўйдим.

Вақтни даъво дерлар, донолар сўзда,
Мен борини вақтнинг измига қўйдим.
Ишон менинг учун ёлғончи кассан.
Мен сенга сираям ишонмай қўйдим.

Дилфуза Саттарова шеъри



https://t.me/+PBE4iYDhh-GjsEVv


anba: @sherlar


        #like_boss Ochish/sharhlash

2024-04-29 15:46:27 Taqdir qoʼlidagi yolgʼzoyoq yoʼl

Aniq voqealar va tahlil xulosalar asosida...
(Bir yil oldingi holat bilan yaqindagi holat oʼrganilishi asosida)

DONOR MUHABBAT

Ikki yurak telefonda bogʼlanishdi
Bir-birlarin koʼrmoqlikka chogʼlanishdi.
Hayolida oppoq tulpor turar edi,
Yigit tushib qiz tamonga yurar edi.
Qiz koʼksida yurak duk-duk urar shu on,
Yigit misli shahzodadek turar chunon.
Hayolida chamandan gul uzardi qiz,
Yigit bilan Titanikda suzardi qiz.
Suhbatlashib-suhbatlashib oy ham toʻldi,
Ikki koʼngil qirdan oshib yaqin boʻldi.
Mayuslikni namoyonlab yigit yuzda,
Soʼz sehrini tanlab-tanlab,- dedi qizga.
-Onam xasta buyragida bordir nuxson!
-Shoshilmasak boʼlmas emish butkul xazon!
-Endi boʻldik ikkimiz ham bitta yurak,
Shu lahzada bizlar uchun buyrak kerak!
Yarmin olsa inson aslo oʼlmas ekan,
Shu buyrakni qoʼydirmasak boʻlmas ekan.
Qiz shunda ,-der "Bir kun jonni olar xudo"
Onangizga buyrak emas jonim fido!
Qizni yigit manzil tamon eltib bordi,
Bir xususiy  maskan uzra yetib bordi.
Jonin emas qiz avvolo qonin berdi,
Sadqa jon deb muhabbatga qaddin kerdi.
-Sevgingiz ham isbot boʼldi  Shiringa xos!
Ammo tahlil natijasi kelmadi mos.
Qiz dilidan xursand edi shodlik toʼlib,
Manziliga tashlar yigit tulki boʻlib.
Qiz tushunmas nima buzdi orasini?
Yigit shundan koʻrsatmadi qorasini.
Uchrashgan joy manzil tamon borardi qiz,
Atrof uzra umid bilan qarardi qiz.
Yigit bu dam savdo uzra yurar edi,
Donorlikka muhabbatlar turar edi...

Oʼz joniga qasd qilish natijasida olamdan oʼtgan qizning , hayotlik chogʼida dardini yorib aytib oʼtgan suxbat ma'lumotlariga asoslanadi...(2003  - yil tugʼilga ekan qizimiz)
Qiz yigit bilan telefonda tanishgan,onasi xasta ekanligini maʼlum qilib ,yigit qizni bir manzilga olib borgan(bizga bu manzil noma'lum) qizda qon tahlili olingan, tahlilingiz onamning tahliliga mos tushmadi ,-deya ,qizni manzilga tashlab shundan yigit  gʼoyib boʼlgan.
Yigitning hech qanday xasta onasi boʼlmagani aniq.Melonxolik temperament vakil qizlarimizda asosan uchraydi,kuchli hayol ichida boʻlishadi haqiqiy hayotning rangi namoyon boʼlganida qabul qila olmay joniga qast qilishadi.
Qiz ,yigit meni tashlab ketdi deb qaygʻurgan,ammo qizga xudo qarashgan ,lekin qiz oʼziga qarashmadi.Bu lahzada jinoyat emas ,muhabbat va hiyonat haqida oʼy surilga xalos.
Buyrak toʻliq olinmoqchi boʼlganmi ?yarimi olinmoqchi boʻlganmi? xudoning oʼziga ayon...
(Qizning qoʻlida shaxsiy hujjat boʼlgan -boʼlmagani mavhum qolmoqda)
Qizning qanday qiz ekanligi emas, qayerga olib borilganligini tahlil qilmoqchiman ,albatta qorongʻi qoʻrqinchli  gʼorda qoʼl oyogi bogʻlangan holda tahlil olinmagan boʻlsa kerak.Oppoq xalatdagi  qoʼllar,mohirlik bilan tahlil olishgan .
Qiz olib borilgan makon-manzil
yorugʼ,karidorli raqamli eshiklari mavjud boʻlgan ,kirish joyda katta televizor osigʼlik,binoning bir chetida vaqti yetganda (Chiroqlar va aparatlar ishga tushadigan) maxsus xonasi mavjud boʻlgan binoda qiz akvariumdagi baliqlarning suzishini tamosha qilib ,tahlil natijasini kutgan boʻlsa ajab emas...

Tana asosida tahlil aniqlanadi
                                  YOHUD?
Tahlil asosida tana...

Yoʻlda niqob oʻtadi,
Tigʼ manzilda kutadi.

Satrlarimni  oʼqib turgan koʻzdan, savob uchun koʻproq koʼzlarga ulashib qoʻyishini soʼraymiz...


Surayyo Xatamova


https://t.me/+PBE4iYDhh-GjsEVv


anba: @sherlar


        #like_boss Ochish/sharhlash