SHERLAR

2023-05-15 23:57:55 #ПРЕМЬЕРА

Дунёни пойинга тўшайман Она...

Борсам остонада жилмайиб кутсанг,
Андуҳлар кўрмасдан яшайман Она...
Истасанг ранго-ранг гуллар не бўпти,
Дунёни пойинга тўшайман Она...

Оддиймас жонимдан совғалар тузиб,
Дилингда ғамларнинг кулбасин бузиб,
Осмонни тўлдирган юлдузни узиб,
Дунёни пойинга тўшайман Она...

Ахир эъзозларга лойиқсан ўзинг,
Не-не синовларни кўрмаган кўзинг,
Майли деб тилингдан чиқса шу сўзинг,
Дунёни пойинга тўшайман Она...

Келтириб қўяман қошинга бахтни,
Эгаси ўзингсан дилдаги тахтни,
Хеч қачон бузмайман қалбдаги ахтни,
Дунёни пойинга тўшайман Она...

Хўп десанг қуёшлар қилади таъзим,
Қаламлар исмингдан яратар назм,
Сенга йўлак бўлар гардуну аъзим,
Дунёни пойинга тўшайман Она...

Хоҳлагин кундузлар нур сочади ой,
Қадринга етайин бермасимдан бой,
Дунёдир юракда сен ўрнашган жой,
Дунёни пойинга тўшайман Она...

Борсам остонада жилмайиб кутсанг,
Андуҳлар кўрмасдан яшайман Она...
Истасанг жилвакор дунё не бўпти,
Ўзимни пойинга тўшайман Она...

Муаллиф: Зоҳид Зиё...


https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-14 08:00:28 Unutmang, to'rt qizim mening baxtimdir.
Iltimoslariga binoan.
Gʻamdan qaddim egib, yurmayman nochor,
Uyim sarishtali farishta bozor,
Unutmang, kimlardir bir tirnoqqa zor,
Ko'nglim shod, to'rt qizim mening baxtimdir.

Uyimda anvoyi gullar o'sadi,
Dilimning zaharin butkul kesadi.
Mendan jahannamni yuzin to'sadi,
Jannatga eltuvchi to'rt qiz baxtimdir.

Tillolar kerakmas, ming zardan a'lo
Yuragim qo'rida yaraqlar jilo,
Nolisam gunohdir,gunohdir zero,
Qalbim oshuftasi, to'rt qiz baxtimdir.

Bir kuni ketadi yor yorlar aytib,
Deyman, qani vaqtlar qolsaydi qaytib,
Ko'rmasam qolarman tinchim yo'qotib,
Unutmang, to'rt qizim mening baxtimdir.

IRODAXON QOSIMOVA.
11.05.2023.  20:10.


https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-12 16:23:58 «ОНАГИНАМ»

Тинглаганда кўзида ёш дардли нолам,
Бу ҳаётда қийналган кўп бағри порам,
Сиз бордирсиз бу дунё кенг, ёруғ олам,
Бахтимга соғ бўлинг доим Онагинам!

Тунлар бедор алла айтган тилларингиз,
Сочим силаб, эркалаган қўлларингиз,
Кўзларимга суртай босган изларингиз,
Бахтимга соғ бўлинг доим Онагинам!

Мени дея қорлар қўнди сочингизга,
Мени дея дардлар келди бошингизга,
Ширин сўзлар айтолмадим Она сизга,
Бахтимга соғ бўлинг доим Онагинам!

Сиз ёнимда уйим файзга тўлиб турар,
Омад кулар, бахт қушлари бошим қўнар,
Бахтим тилаб шом-у сахар дуо қилар,
Бахтимга соғ бўлинг доим Онагинам!

Илинасиз ҳар нарсанинг сараларинг,
Ўзни демай, дейсиз доим болаларим,
Яратганим қабул айла нолаларим,
Бахтимга соғ бўлсин доим Онагинам!

Абдумуталиб Эргашалиев
Asqar Bozorov-Onaginam

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-12 09:48:53 Доим ёнингда юрган,
Не юмуш бўлса турган,
Сени ўзингдай кўрган,
Дўстларинг омон бўлсин.

Жони ачиб гапирган,
Хол ахвол сўраб юрган,
Ширин сухбатлар қурган,
Дўстларинг омон бўлсин.

Ташвишингга куйгувчи,
Сен учун жон қўйгувчи,
Яқинингдай суйгувчи,
Дўстларинг омон бўлсин.

Дўстсиз бўлса агар бош,
Гўёки тузи йўқ ош,
Нечада бўлса ҳам ёш,
Дўстларинг омон бўлсин.


Феруза Абдусаматова.


https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-12 07:22:05 Ochish/sharhlash

2023-05-11 16:37:57 НИГОҲИМДА
Нигоҳимда бир олов яшар,
Бир сўз демас, ёндиради лек.
Юрагимга санчилди ханжар,
Жон олмайди, ё қўймайди тек.

Нигохимда яшар бир хасрат,
Жоласи юз ювади фақат.
Қалбим қанча тор бўлса ҳамки,
Юрак унга қилади тоқат.

Нигоҳимда яшар қанча сир,
Ҳеч ошкора қилмай турар жим.
Тоқатимни синаса ҳамки,
Барисига етади сабрим.

Нигоҳимда яшар бир туйғу,
Қарогимда кўринар аксинг.
Гоҳ эзади юракни кайғу,
Бунчалар тош бўлмаса кўксинг.

Дилфуза Сатторова

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-11 11:06:38 BO'YDOQLIK HAYR...

Bugun baxt to'la uying
Uylanding yura yura,
Bo'yningda ola hurjun
Bo'ydoqlik hayr, jo'ra.

Atrof to'la sanamlar
Oh ko'zlar qolar kuya.
Endi yoningda yoring
Bo'ydoqlik hayr, jo'ra.

Tun yarim,qorinlar och,
Ming hilda taralgan soch,
Chidab kelding na iloj
Bo'ydoqlik hayr, jo'ra.

Telegramda suzmaysan,
Asablaring buzmaysan.
Qiz qidirib yurmaysan
Bo'ydoqlik hayr, jo'ra.

Parol o'ylab qo'y mundoq,
Tirjayib turgin shundoq.
Kunda yeysan qovurdoq
Bo'ydoqlik hayr, jo'ra.

Shakalad sol kissaga,
Ko'z qisma Alisaga.
Hayot boshla ertaga
Bo'ydoqlik hayr, jo'ra.

Havas qilarding doim
Bo'libsanmi muloyim,
Baxtli bo'lgin ilohim
Bo'ydoqlik hayr, jo'ra.

IRODAXON QOSIMOVA.
10.05.2023. 17:05.

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-10 13:18:19 Чидолмадим хиёнатингга.

Бугун кўксим оғриди ёмон,
Ишонгандим диёнатингга.
Бу қандайин ёлғочи замон,
Чидолмадим хиёнатингга.

Энди сенга куним қолмасин
Мен кетаман нафратим билан.
Эй бевафо ишинг бўлмасин,
Ишқим билан, ҳасратим билан.

Энди менга кўринма асло,
Нигохингни бегона қилдинг.
Сен мени мас, бошқа бир дилни,
Суйиб сиринг пинхона қилдинг.

Мен барига ишондим осон,
Эркалигинг, бор одатингга.
Бугун билдим,соҳта ҳаммаси,
Чидолмадим хиёнатингга

муаллиф: Дилфуза Саттарова
(талабларга биноан)

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-09 13:22:47 Bu medalni bobomlarga bergan ekan,
O'sha mahal bobom qaddin kergan ekan.
Bo'lgan ekan bobojonim ajib mergan.

Olislardan bizga ne'mat olib kelgan,
Cho'ntagiga tinchlik nurin solib kelgan.
Vatan uchun jonin bergan ,jonin bergan,
Bo'lgan ekan bobojonim ajib mergan.

Qancha do'sti olis yurtda qolgan emish,
Kelar yo'lda yarim yo'lda tolgan emish.
Bobomizni eltgan emish samodan qush,
Shu tufayli shu medalni olgan emish.

Ushbu medal qancha qonni korgan ekan,
Termulgan ko'z intiq jonni ko'rgan ekan.
U doimo bobom bilan yurgan ekan,
Ko'ksi uzra doim mag'rur turgan ekan.

Ko'rgan ekan ushbu medal qancha ko'zni,
Tuproqlarga bolam degan singan so'zni,
Qaytib aslo tishlanmagan non-u tuzni,
Tuproqqa tik singgib ketgan intiq yuzni.

Ko'ksim uzra taqajakman shu kun fasli,
Ko'ksimdagi turgan medal bobom asli.
Shu medalda bobojonim qaddin kergan,
Bobojonim bo'lgan ekan ajib mergan.

Surayyo Xatamova


https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-05-09 06:21:24 Ўтмишга айланар кечаги кунинг,
Одамлар унутар сени ҳам билсанг.
Яхшиликлар билан ўтказ бугунинг,
Қалбларда барҳаёт қолайин десанг...

Абдумуталиб Эргашалиев

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash