ELTUZ

2024-04-27 10:59:56 ЙЎҚОЛГАН ЙИГИТНИНГ ЎЛИГИ МОЛХОНАДАН ТОПИЛДИ

Сурхондарё вилояти Денов тумани ИИБ ЖҚБ қидирувга берган 38 яшар Хусин Уруновнинг жасади 26 апрел куни молхонадан топилди.

Элтузга келган маълумотда иддао қилинишича, қотил Денов тумани "Нурли манзил" маҳаласидаги бир неча бор қамалиб чиққан Шерзод исмли тип.

Денов тумани "Даҳана" маҳалласида яшаган Урунов Хусин Ракибович ўлдирган қотил ўз молхонасида гўр қазган.

Ўликни кўмиб бўлиб устидан цемент ва қумни аралаштириб бетон қуйган.

Шерлок Холмсдан ўн карра уста бўлган Денов следаклари ўликни кўмилган жойидан чиқариб олишди.

Қотил эса айбини бўйнига олди ва қўлига кишан солинди.

Қотил қамағда. Хусин Уруновни 27 апрел куни Деновда кўмишади.

Шерзод нега келиб¸ келиб Хусинни ўлдирди? Сабаблари аниқланмоқда.

Элтуз манбасига кўра, валюта олиб сотари бўлган Хусинни Шерзод доллар сотаман деб уйига чақирган.

50 миллион сўм кўтариб келган Хусин Шерзод қурбонига айланган.

Telegram | Facebook |
Twitter | Instagram | YouTube Ochish/sharhlash

2024-04-27 08:59:58 МЕҲРОБДАН ЧАЁН: ЕТИМЛАР ҲАҚҚИНИ ЎМАРАЁТГАН САРИОСИЁЛИК ФИРИБГАР МУЛЛА

Сариосиё туманида ўзидан дин билимдони ясаб олган қашшоқ Ҳайрулло Рўзиқулов етимларга ёрдам ниқоби билан эҳсон уюштириб маблағни ўзлаштирмоқда.
Ҳеч қаерда ишламайдиган, даромади расман тасдиқланмаган интернет мулла эҳсон маблағидан 260 миллион сўм эвазига “Боғиширин” маҳалласидан ер сотиб олди. Ҳозир ўша ерда ўзига данғиллама уй кўтаряпти. Ишонувчан, содда фуқаролардан йиғилган эҳсон пуллари етим-есирга етиб бормаяпти.

Ҳ.Р телеграм каналидаги диний контент орасида етимларга эҳсон тадбирлари уюштиради, яъни навбатдаги дин тужжори. Сохта мулла Ўзб. Рес. Мусулмонлар идорасидан рухсат олмасдан диний контентини Эшонқулжонбобо масжид каналида тарқатмоқда. Рўзиқулов тегишли рухсатнома – лицензия олмасдан отаси билан бирга маҳаллий масжидни эгаллаган. Ота-бола эҳсон ниқоби остида фирибгарлик фаолиятини олиб бораётганидан маҳаллий аҳоли норози.

Фуқаролар Рўзиқулов ҳақида бир неча маротаба маҳаллий ИИБга арз қилишган. Ҳуқуқ-тартибот органлари профилактик суҳбат ўтказиш билан чекланди. Суҳбатдан сўнг мулла айрим постларини каналдан ўчириб юборган. Молиявий жиноятлар ҳақида тафтиш, тергов олиб борилмаяпти.

Лицензиясиз сохта мулла ўз интернет чиқишларида можароли диний блогер Аброр Мухтор Алининг риторикасига тақлид қилади. Сариосиёлик бу рижол машҳур диний блогерлар, хусусан, А.М.А билан учрашувидан фахрланиб, видеороликлар тарқатиб интернет кузатувчилар тасаввурида Аброрнинг издоши деган таасурот қолдирган.

Фирибгар ўз маърузаларида “замонавий кийинган, рўмол ўрамайдиган аёл-қизлар қанжиқ” каби куракда турмас ҳақоратлар ёғдиради. Рўзиқулов мухлислари орасида дунёвий қатламга нисбатан адоват, тоқатсизликни тарғиб қиляпти. Ўринли, тўғри саволлар берган обуначиларга нисбатан ҳақорат ёғдириб, шахсиятини топтайди. Беҳайр диний блогер Х.Р фуқаролар орасида диний айирмачилик, секуляр давлат тузимига нисбатан тафкир кайфиятини уйғотяпти.

Сариосиё аҳолиси ДХХ, Ички ишлар вазирлиги ва Мусулмонлар идорасидан масалага жидий ёндашишни талаб қилмоқда. Ochish/sharhlash

2024-04-27 06:59:58 ТОШКЕНТ ШАҲАР ҚЎРИҚЛАШ БОШҚАРМАСИДАГИЛАРНИНГ ҲАММАСИ ПОРАХЎР(МИ)?

Мен Миллий Гвардия Тошкент шаҳар қўриқлаш бошқармасида ишлардим. Миробот тумани бўлим бошлиғи майор Собиров Бобур босими остида ишдан бўшашга мажбур бўлдим.

Бўлимда нафақат мен, балки бошқа ходимлар ҳам ўз хоҳишига кўра ариза ёзишга мажбур бўлишди. Ишдан кетказишгани етмагандек Тошкент шаҳар бошқармаси мени қарзга солиб қойди.

Ахир қандай қилиб шунча йил ишласам-у, тағин бўйнимда қарз билан кетсам? Буларнинг ҳаммаси порахўр.

Барчасининг исм-фамилиялари ошкор этилса, бутун бошли Тошкент шаҳар қўриқлаш бошқармасида исмлари рўйҳатга киритилмаган одам қолмайди.

Буларнинг пасткашлигидан яна бири шуки, уйингизда тўй-марака, аза бўлса ҳам жавоб беришмайди.

Ҳатто рухсат олиш учун ҳам пора беришингиз керак....

Telegram | Facebook |
Twitter | Instagram | YouTube Ochish/sharhlash

2024-04-27 00:18:12 ЎЗИ КЕЛАР ЁР ЁР, ЎЗИ КЕТАР ЁР ЁР

Ҳикояни тўлдирамиз. Бош прокурор жаҳл билан аризасини секретарь референти столи устига қўйиб чиқиб кетган. Хатни ўз кўзи билан бир неча киши кўрган. Орадан бирмунча вақт ўтиб, Бош прокурорнинг шофёри кириб келган ва ўзи билан аризани олиб, бинони тарк этган.

Афтидан Ниғматилла Тўлқинович жаҳлидан тушган ёки ишонган дўсти, бургага жаҳл қилиб, кўрмага ўт қўйма, деган.

Хуллас, ўзи кетар ёр ёр, шофёри келар ёр ёр... Душанба куни Бош прокурор иш ўрнига қайтса ҳайрон бўлманг.

Кино тугади....

Telegram | Facebook |
Twitter | Instagram | YouTube Ochish/sharhlash

2024-04-26 22:12:05 БОШ ПРОКУРОР АРИЗАСИНИ ТОПШИРДИ

Ўзбекистон Бош прокурори Ниғматилла Йўлдошев ўз истаги билан ишдан кетиш бўйича ариза ёзган.

Элтузга бу ҳақда аризани ўз кўзи билан кўрган бош прокуратурадаги манба маълум қилди.

Бош прокурор жаҳл устида қарор олдими ёки бундай қарорни олишга мажбурлашдими, Элтузга маълум эмас. Маълум бўлгани, ариза қабулхона столида қолган ҳеч қаерга юборилмаган.

Telegram | Facebook |
Twitter | Instagram | YouTube Ochish/sharhlash

2024-04-26 21:29:58 АҚШнинг Ўзбекистондаги элчиси Жонатан Хеник ( Jonathan Henick) Учкўприк туманига атай бориб журналист Шарифа Мадраҳимова билан учрашди. Бу учрашувда АҚШ элчиси 19 апрель куни Шарифа Мадраҳимованинг уйига борган Германиядаги халқаро ташкилот раҳбари Умида Ниëзовага нисбатан уюштирилган погром тафсилотлари билан қизиқди.

Элчини ташвишга солган бу воқеа ëлланган обончи балогир Шухрат Эсонов деган тип тарафидан амалга оширилган эди.

Шарифа Мадраҳимова бу погром юзасидан Учкўприк туман ИИБга 20 апрелда ариза ëзган бўлса ҳам таҳдидчи ҳануз назоратга олинмади. Бу эса бу таҳдидчини куч ишлатар тизимларнинг ўзи ëллаган деган тахминга асос бўлмоқда.

Ўзбекистонни полиция давлати режимига айлантиришни истаб ислоҳот ғилдирагига таëқ тиқаëтган мулозимлар ким ўзи? Ochish/sharhlash

2024-04-26 19:00:50 ЯККАСАРОЙ ҲОКИМЛИГИДАГИ ИШРАТ ЎЛИМ БИЛАН ТУГАДИ 2024 йилнинг 18 апрел куни Яккасарой тумани ҳокими томонидан барча даражадаги ходимларнинг кайфиятини кўтариш ва бу тадбир орқали фойдали иш самарадорлигини ошириш мақсадида баҳорий тадбир ташкил этилди. … Ochish/sharhlash

2024-04-25 10:02:05 ЎҚИТУВЧИСИ ХЎРЛАНГАН ЮРТ

Янги Ўзбекистон клоуни Элмурод Ҳақназаров қизиқчилик дунёдаги энг қийин касб, деди.

Унинг фикрига кўра, любой кўчадаги бездельник ўқитувчи бўлармиш, ўқитувчилик ва дўхтирлик осон иш экан. Любой одам ўқиса суяк тўғирлайдиган хирург бўлармиш.

Кеча тўрт сўм пул топиб, учта мухлис йиққан бу мўлтонига биров “ҳей” деппўйсин. Биринчидан, ҳар касбнинг ўз заҳмати бор, машаққати бор. Ўзингдан қизиқчи бэтмен ясама. Иккинчидан, суяк тўғирлайдиган дўхтир хирургмас. Миллатни ўлдирмоқчи бўлсанг, ўқитувчини пойгакда тепкила!

Нима деганди Навоий бобомиз:

Ҳақ йўлинда ким сенга бир ҳарф ўқитмиш ранж ила,
Айламак бўлмас адо, онинг ҳақин юз ганч ила.

Элмурод Ҳақназаров, ўзича, "санъатни китобдан ўрганиб бўлмайди, санъат буюк, мавҳум иш, бошқа касбларнинг йўриқномаси бор" демоқчи эди.

Лекин саводсиз, оми бўлгани учун фикрини тўғри еткизолмади.

Ғаройиб парадокс – қизиқчиман, бошқалардан фарқ қиламан деган артис фикрини тўғри баён қилолмаса! Савияси баланд сўз устасининг илк маслаҳатчиси она тили, адабиёт малими бўлиши керак.

Мадвазирлик жим, иқтидори фақат аёлларни эзиб, динни ҳимоя қилишга етади, миллат ўқитувчисига, дўхтирига тупириб қўйган.


Telegram | Facebook |
Twitter | Instagram | YouTube Ochish/sharhlash

2024-04-25 08:30:10 РАССОМ ТУЗ: МАДВАЗИР НЕГА КЕРАК?

Мадвазирлик давлат бюджетидан энг кўп маблағ олувчи ТОП-10 вазирлик қаторига киради. 2023 йилда вазирликка бюджетдан 819,7 миллиард сўм, 2024 йилда эса 1,1 триллион сўм маблағ ажратилган.

Қилинган харидлар бўйича энг кўп муҳокамалар остида қоладиган вазирлик – бу, шубҳасиз, Мадвазирлик!

2022 йилда вазирлик томонидан 15,5 миллиард сўмга “Маданият карвони” учун мўлжалланган иккита махсус автотранспорт воситаси сотиб олинди.

Эътирозларга жавобан, вазир Озодбек Назарбеков қўшниларимизда ҳам бундай машина йўқлигини айтиб мақтанди.

Ўтган йилнинг сентябрь ойида эса маданият ва санъат соҳаси вакиллари ҳақида маълумотни ўзида жамловчи янги портал учун қарийб ярим миллиард сўм маблағ ажратилди. Маданият вазири қабул қилган буйруқда харажатлар бюджет маблағлари ҳисобидан қопланиши қайд этилган.

Бундан ташқари, ўтган йили маданият соҳаси вакиллари учун уй-жой сотиб олишда субсидия берувчи қарор ишлаб чиқилди.

Қарорга кўра, маданият ва санъат соҳаси вакилларига ҳамда истеъдодли ёш ижодкорларга ипотека кредити асосида сотиб олинаётган уй-жой қийматининг 50 фоизи миқдорида (бироқ ҳисобланган маълум миқдордан юқори бўлмаган қийматда) субсидия берилади.

Маблағ маҳаллий бюджетнинг қўшимча манбалари ҳисобидан қопланиши айтилди.

Мол-мулки ва бойлиги ҳали декларациядан ўтказилмаган санъаткорларнинг солиқ тўловчилар маблағлари эвазига уй сотиб олиши кўпчиликка хуш келмади.

Маданият вазирлиги коррупциянинг ини!

2020 йилда Сенат Раиси Танзила Норбоева Маданият вазирлигида 12 миллиард сўм пул маблағлари талон-торож қилингани ҳақида маълумот берган.

Савол: Нега керак мадвазирлик???


Telegram | Facebook |
Twitter | Instagram | YouTube Ochish/sharhlash

2024-04-24 20:01:54 Коррупция ва адолатсизлик ўнгида ўзингизни ожиз ҳис қилишдан чарчадингизми?

Овозингиз эшитилишини истайсизми? Жиноятчиларнинг жавобгарликка тортилишиничи?

https://t.me/eltuzportali - халққа минбар берувчи Телеграм канали.

Бизнинг постларимиз обуначиларимиз ва каналимиз меҳмонлари томонидан юборилган фош этувчи материалларга асосланади.

Биз фақат сиз учун муҳим бўлган масалаларни ёритамиз.

Телеграм каналимизга аъзо бўлинг ва жамиятимиздаги ислоҳотларга ҳисса қўшинг.

Арз-додингиз ва шикоятингиз бўлса, фош этувчи материалингиз бўлса, бизнинг @eltuzportali_bot манзилимизга йўлланг. Ochish/sharhlash