Ekologiya vazirligi | Министерство Экологии | Ministry of Ecology

2022-09-27 08:40:37 Ochish/sharhlash

2022-09-27 07:50:44 Kuzda ko‘chat ekishning afzalliklari

Bahorgi ko‘chat ekish mavsumi juda qisqa bo‘lganligi tufayli kuzda ekilgan ko‘chatlarni doim sug‘orish talab etilmaydi. Bir marta sug‘orilsa, havoning salqinligi va yog‘ingarchiliklar ko‘chat uchun kerakli namlikni ta'minlaydi.

Ko‘chatlar kuzda ekilganda bahorgacha ildiz otishi uchun imkoniyat bo‘ladi va bahorda haroratning ko‘tarilishi natijasida tezroq unib o‘sadi. Oktabr oyining oxiri va noyabr oyi boshlarida ko‘chatlarni ekish samarali natija beradi.

E’tiborli jihati shuki, mamlaktimizning turli iqlim sharoitlarini hisobga olib, ko‘chat ekish ishlarida taqvimga qarab emas, ob-havoga e’tibor qaratgan ma’qul. Ekish yoki ko‘chatlarni ko‘chirib o‘tqazishdagi eng yaxshi vaqt bu daraxtlarning biologik uyqu davri hisoblanadi. Chunki ko‘chat ildizining o‘sishi tuproq harorati 4 gradusga tushgunga qadar davom etadi.

To‘ychi Uzoqov, Forish tumani o‘rmon va ov xo‘jaligi bo‘limi boshlig‘i Ochish/sharhlash

2022-09-27 07:22:54 Фасл манзаралари

Шу кунларда тоғларда ҳам олтин куз фасли ўзининг тароватини, жозибасини намоён этмоқда. Баланд чўққилар янада улуғвор кўриниш олиб, тоғлар бағридаги ўсимликлар уруғини тўкмоқда, ёввойи ҳолда ўсувчи резавор мевалар ҳам пишиб етилиб, қушлар ва жониворларга севимли озуқаси бўлмоқда.

Давлат экология қўмитаси тасарруфидаги "Ҳисор" давлат қўриқхонаси ҳудудида ҳам айни кунларда шу манзарани кузатиш мумкин. Ochish/sharhlash

2022-09-26 18:24:13 Ҳамкорлик истиқболлари муҳокама қилинди

Давлат экология қўмитаси раиси Н. Обломурадов БМТ Европа Иқтисодий Комиссияси ижрочи котиби ўринбосари Дмитрий Марьясинни қабул қилди.

Учрашувда “Ўзбекистон Республикаси “Яшил макон” умуммиллий ташаббусини қўллаб-қувватлаш мақсадида бош режа ва инновацион молиявий ечимларни ишлаб чиқиш” қўшма лойиҳаси доирасида халқаро тажрибага асосланган ҳолда янги методика ва услубларга таяниб иш олиб бориш муҳимлиги эътироф этилди.

Шунингдек, жорий йилнинг октябрь ойида Никосия шаҳрида бўлиб ўтадиган Европа учун атроф-муҳит 9-конференциясида Ўзбекистон экологик фаолиятининг 3-Шарҳини донор ташкилот ва давлатларга тақдимотини ташкил этиш масалалари муҳокама қилинди.

Бундан ташқари, Ўзбекистон ва БМТ ЕИК ўртасида ҳаво, сув ва экологик таълим масалаларида олиб борилаётган изчил ишлар икки томонлама ҳамкорлик алоқаларини жадаллаштиришда муҳим харакатланувчи механизм эканлиги таъкидланди.

Учрашув якунида томонлар ҳамкорликни кенгайтириш, институционал салоҳиятни ошириш ва атроф-муҳитни муҳофаза қилиш соҳасида илғор хорижий тажрибани тарғиб этиш бўйича келгусида амалга ошириладиган чора-тадбирларни белгилаб олишди.

Давлат экология қўмитаси Матбуот хизмати Ochish/sharhlash

2022-09-26 11:08:35 Янгиликлар 24 | «Яшил макон»: мавсумий чора-тадбирлар (Самарқанд вилояти)
#26sept #uzbekiston24 Ochish/sharhlash

2022-09-26 10:31:29 Қоятошларда чопиб бораётган тоғ сувсари

Давлат экология қўмитаси тасарруфидаги "Ҳисор" давлат қўриқхонаси ўзига хос ҳайвонот дунёси билан ҳам ажралиб туради. Масалан, тоғ сувсари қўриқхонанинг ана шундай ноёб жониворлардан бири ҳисобланади.

Жажжи, чиройли кўринишга эга бўлган тоғ сувсари жуда ҳаракатчан ва сезгир бўлиб, одатда, тунда жуда фаол бўлади.

Сиз кўриб турган суратда ҳам тоғ сувсарининг кечқурун озуқа излаб юрган пайти фоотоқопқон камерасига муҳрланган.

Сут эмизувчилар синфига мансуб бўлган бу жонивор пасттекисликлардаги қоятошли жойлар ва арчазорларда кўпроқ учрайди. Ochish/sharhlash

2022-09-26 09:48:26 Jizzax viloyati Ekologiya va atrof-muhitni muhofaza qilish boshqarmasi suv, yer resurslari va yer osti boyliklarini muhofaza qilish bo‘limi tomonidan olib borilgan ekologik nazorat reyd tadbirlarida Gʻallaorol tumani hududidan oqib o‘tuvchi "Sangzor" daryosi o‘zanidan fuqaro B.S. qum-shag‘al aralashmasi noqonuniy ravishda ortib ketayotganligi aniqlandi.

Fuqaroga O‘zbekiston Respublikasi MJtKning 70-moddasi 1-qismiga asosan ma’muriy bayonnoma rasmiylashtirildi va BHMning 10 barobari miqdorida jarima belgilandi.

Jizzax viloyati Ekologiya boshqarmasi matbuot xizmati Ochish/sharhlash

2022-09-26 09:19:12 Yangiliklar 24 |"Yashil makon" kuzgi mavsumga tayyorgarlik (Surxondaryo viloyati)
#26sept #uzbekiston24 Ochish/sharhlash

2022-09-26 08:57:54 26-sentabr - Davlat xavfsizlik xizmati organlari xodimlari kuni Ochish/sharhlash

2022-09-26 07:56:21 Zarafshon milliy tabiat bogʼi fotoqopqoniga muhrlangan jonivorlar

Davlat ekologiya qo'mitasi qoshidagi Zarafshon milliy tabiat bogʼi Zarafshon va Turkiston togʼ tizmalariga yaqin va Zarafshon daryosining muhofaza qismida joylashganligi sababli bu yerda koʼplab turdagi jonivorlarni uchratish mumkin.

Masalan, fotoqopqonga muhrlangan sut emizuvchilardan quloqdor tipratikan, sariq yumronqoziq, chiyaboʼri, sariq sassiqkoʼzan shular jumlasidan boʼlib, toʼqay oʼrmon mezboni hisoblanishadi.

Samarqand viloyati Ekologiya va atrof-muhitni muhofaza qilish boshqarmasi matbuot xizmati Ochish/sharhlash