Агро хаёт

2023-04-22 15:29:08 Ot bor joyda yovuz kuchlar boʻlmaydi.

Donolar bisotidan

#kun_fotosi #ot
*****
Там, где находится лошадь, там не бывает нечистой силы.

Народная мудрость

#фото_дня #лошадь

Vebsayt • Telegram • Facebook • YouTube • Instagram Ochish/sharhlash

2023-04-22 08:45:12 Гилоснинг жиддий душмани- гилос пашшаси!

Гилос пашшаси яъники (Rhagoletis ceras) зараркунандани қандай аниқлаш мумкин?

Бир кўришда гилос пашшасини аниқлаш қийин. Кўпчилик боғбонлар унинг мавжудлигини фақат меваларнинг зарарланиши ортганда ва ҳосил деярли нобуд бўлганда билади.
Гилос пашшаси жуда майда 5,5 ммли пашша бўлиб, унинг танаси ёрқин қора рангда, боши ва оёқлари сариқ, қаноти оқ-қора бўлади. Асосан личинкалар меваларни зарарлайди.
Ҳар бир пашша 150 тага яқин гилос ёки олчага биттадан тухум қўйиб зарарлайди.

Қарши курашиш чораси сифатида қишловдан чиққан пашшаларга қарши олтинкўз энтомофагининг личинкаси ва таъсир этувчи моддаси абамектин, имидоклоприд ва лямбда-сигалотрин бўлган инсектотсидлар қўлланилади.

Энг яхши агро тавсияларни бизнинг каналда кузатиб боринг.

http://T.me/agro_hayot Ochish/sharhlash

2023-04-22 08:15:16 Ochish/sharhlash

2023-04-22 08:15:06 Лимон етиштириш

Иссиқхоналар лимон кўчатларини экишдан олдин тупроқ текисланиб, гектарига 60-80 т чириган гўнг, 600 кг суперфосфат ҳамда 150 кг калий ўғитлари солиниб, 50-60 см чуқурликда ер ҳайдалади.
Кўчати 4×3 м схемада экилади. Кўчатларни экиш пайтида ҳар бир чуқурга 10-15 кг чириган гўнг, 100-150 г суперфосфат ва 50 г калийли ўғитлар тупроқ билан аралаштириб солинади. Бир ёшли ўсимликларда 3-4 та биринчи тартиб пишган новдалари ва танасининг йўғонлиги 0,7-0,8 см бўлиши керак.

Икки ёшли кўчатда иккинчи тартибдаги новдалар, танасининг йўғонлиги эса камида 1 см бўлиши лозим. Кузги лимон кўчати илдизига ёпишган тупроғи билан экилади. Акс ҳолда ўсимликнинг бир қисми нобуд бўлади. Кўчатни ўтқазишдан олдин боғ қайчи билан охирги ўсиш даражасининг учдан бир қисми, шунингдек ортиқча новдалари, илдизнинг цинган қисми кесиб ташланади.

Кўчат ўтқазилганда кўчатларнинг илдиз бўғзи тупроқ сатҳидан 2-3 см юқорида бўлиши керак. Кўчат ўтказилгандан сўнг атрофидаги тупроқ зичланади ва бир челакдан сув қуйилади. Сўнгра ҳар бир қаторнинг иккала томонидан туплар танасидан 25-30 см масофада олинган эгатлар бўйлаб суғорилади.

Кўчатлар чуқурлиги 15-20 см ли қилиб олинган ариқлардан жилдиратиб тупроқ 40-50 см чуқурлигида намлангунича суғорилади. Тупроқ вегетация давомида доимо нам ҳолатда бўлиши керак. Учинчи йилда суғориш эгатлари ўсимлик танасидан 50 см узоқликка кўчирилиб, 30-40 см гача чуқурлаштирилади. Цитрус ўсимликлари нормал ўсиши ва яхши мева бериши учун тупроқнинг оптимал намлиги 70-85% ни ташкил этиши керак.

Суғоришлар бўлиб-бўлиб (мавсумда 25 мартагача) ўтказилади. Уларнинг миқдори об-ҳаво ва ўсимлик ҳолатига қараб белгиланади. Қишда иссиқхоналарда тупроққа гўнг ва суперфосфат солиниб 25-30 см чуқурликда ишлов берилади. Тупроққа ишлов беришда ўсимликнинг 15-35 см чуқурликкача етган илдиз системасини шикастламаслик учун эҳтиётлик билан иш кўрилади.

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-21 08:52:44 Qadrli yurtdoshlar, qishloq xo‘jaligi sohasi fidoyilari!

Barchangizni muborak ayyom – Ramazon hayiti bilan chin qalbimdan tabriklayman.

Ushbu bayramga xos shukronalik, sabru-qanoat va xayru-saxovat xalqimizning azaliy qadriyatlariga hamohangdir. Bu qadriyatlar yurtimiz aholisining totuvlikda, o‘zaro mehr-muruvvat ko‘rsatgan holda hamjihatlikda yashab, mehnat qilayotganida aks etadi.

Ramazon hayiti mana shu insoniy fazilatlar yana bir bor ulug‘lanib, qalblarga chuqur kirib boradigan shodiyonadir. Ushbu qutlug‘ bayram kunlarida yana bir bor barchangizga o‘zimning chuqur ehtiromim va ezgu tilaklarimni bildiraman. Oilaviy totuvlik, ishlaringizda muvaffaqiyat doim hamrohingiz bo‘lsin!

Hayit muborak!

O'zbekiston Respublikasi Qishloq xo'jaligi vaziri Aziz Voitov

#Hayit #bayram #ramazon

Vebsayt • Telegram • Facebook • YouTube • Instagram Ochish/sharhlash

2023-04-21 08:11:01 Супер эртаги олма сотувга чиқди, унинг нархи ўтган йилгидан 7 баробар арзон!

Нега у қиммат, нега бу қиммат деймизу лекин арзон нарсаларга, нега бу арзон демаймиз-а?

Ўзбекистон пойтахти супермаркетларида мавсумнинг яна бир янгилиги – халқ орасида “Май олмаси» деб аталадиган ва жуда кичик калибрли супер эртаги олма сотувга чиқди. Номига қарамай, ушбу навдаги олмалар апрель ойининг иккинчи ярмида чакана савдода кўзга ташланади.
Бу мавсум Ўзбекистон пойтахтидаги супермаркетлар пештахталарида супер эртаги олмалар ўтган йилга нисбатан бир неча кун эрта, аммо 2022 йилнинг апрель ойидагидан ўрта ҳисобда 7 баробар арзон нархда сотувга чиққан!
2023 йилнинг 17 апрелида “Коrzinkа” супермаркетлар тармоғи “Май олмаси”нинг чакана нархи 1 кг учун 17 990 сўмдан савдога чиққанини эълон қилди.

Олма учун 18 минг сўм арзон эмас дейсизми? Тўғри лекин эътибор беринг йил янгилиги, барра (свежий) мева бу. Ўтган йилги хосил олмалари эса 10 минг сўмдан бошлаб сотилмоқда. Масалан барра ўрик нархи хозир 40 минг сўм атрофидалигини хисобга олсак бу нарх яхши. Мавсумга киргач, май ойи охрига бориб кескин арзонлаб кетади олмалар.

Тўғри, ушбу янгилик ҳозирча тармоқнинг Ўзбекистон пойтахтида жойлашган тўртта дўконидагина мавжуд. Таққослаш учун айтадиган бўлсак, 2023 йил 19 апрель ҳолатига кўра (оддий ва оммабоп навлар нархлари ҳақида гапирилмоқда), пойтахт супермаркетларида ўтган йилги ҳосил олмасининг чакана нархлари 11500-18000 сўм/кг оралиғида сотилмоқда.


Қайд этиш жоизки, 2022 йил баҳорида “Май олмаси” Ўзбекистон пойтахти супермаркетларида 20-23 апрель кунлари 1 кг учун 117 000 сўмдан 129 990 сўмгача бўлган нархда сотувга чиққан эди.
Эслатиб ўтамиз, Ўзбекистонда янги ҳосил эртаги олмасининг оммавий йиғим-терим мавсуми, одатда, май ойи ўрталарида бошланади.  Айнан шу даврда эртаги олманинг илк экспорти ҳам старт олади. Бироқ экспорт учун олма етказиб беришнинг асосий ҳажми ёз ойларига тўғри келади.

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-21 07:41:04 Ochish/sharhlash

2023-04-21 07:40:54 Ерёнғоқ етиштириш

Экиш муддати. Республикамизнинг жанубий ҳудудларида апрель ойининг биринчи-иккинчи, марказий минтақада жойлашган ҳудудларида эса, апрелнинг учинчи ва май ойининг биринчи ўн кунлигида экиш тавсия этилади.

Экиш меъёри ва схемаси. Уруғларнинг йириклигига боғлиқ ҳолда Қибрай – 4 ва Лидер навларида 0,1 гектарга 10-11 кг, Мумтоз навида 9 кг, Саломат ва Тошкент – 112 навларида 7,5-8 кг. дан 70×10 ва 70×15см кўчат қалинлигида экиш тавсия этилади.

Парваришлаш. Ерёнғоқ кўчатлари тўла униб чиққандан кейин қатор аралари юмшатилиб, бегона ўтлардан тозаланади. Ўсимликларнинг барги тўқ яшил рангга киргандан кейин биринчи озиқлантирилади ва суғорилади. Ерёнғоқ фосфорли ўғитларга талабчан бўлганлиги учун жўяклар олишдан олдин 0,1 га ерга 30 кг аммофос, биринчи сув билан эса 10-15 кг. дан азотли ўғитлар бериш тавсия этилади. Ерёнғоқнинг яхши ўсиб-ривожланиши учун экин қатор ораларини юмшатиш, ўсув даврининг дастлабки босқичларида тупроқ ҳароратини кўтариш, ҳаво алмашувини яхшилаш ва бегона ўтларни йўқотиш жуда ҳам муҳимдир. Иккинчи озиқлантириш эса, ўсимлик тўла гулга киргандан кейин ўтказилади ва 0,1 га ерга 20-30 кг. дан азотли ўғит берилади.

Ерёнғоққа органик ўғитлар бериш тавсия этилмайди. Органик ўғитларни ўтмишдош ўсимликларга бериш ижобий натижа беради.

Касаллик ва зараркунандаларга қарши курашиш. Юртимиз шароитида дуккакларининг пишиб етилиш олдидан қорайиб кетиши кузатилади. Бу касалликка суғориш тартибининг бузилиши, яъни кўллатиб суғориш ва меъёрдан ортиқча сув бериш сабаб бўлади.

Ҳосилни йиғиб олиш. Ерёнғоқ ҳосилини иссиқ ва қуруқ кунларда йиғиб олиш тавсия этилиб. Бу муддат сентябрнинг охири октябрь ойининг бошларига тўғри келади. Ҳосил пишиб етилганда ўсимлик барглари сарғаяди. Уруғлари етилганда ёнғоқ қобиғи тўрланади. Қобиқнинг ички томони қораяди.

Энг яхши агро тавсияларни бизнинг каналда кузатиб боринг

https://t.me/agro_hayot Ochish/sharhlash

2023-04-20 18:52:26 Кунига 3 дона ҳурмо истеъмол қилиш билан:

✓танангиз қувватга тўлади
✓жинсий қувват ошади
✓ҳазм қилиш салоҳияти яхшиланади
✓темир моддаси таъминланади
✓юрак уруши стабиллашади
✓аллергиянинг фаоллигига тўсқинлик қилади.

Шунингдек, организм учун жуда кўплаб фойдали моддалар таркибига эга.

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-20 17:10:31 "O‘zbekiston 24" telekanalining "Axborot 24" dasturida "Kartoshkachilikni rivojlantirish choralari belgilandi" mavzusida lavha efirga uzatildi.

Unda respublikamizda 253 ming gektar yer maydoniga kartoshka ekilayotgani va undan o‘rtacha hosildorlik 163 sentnerni tashkil etayotgani bayon etilgan.

Lavhada O‘zbekiston Respublikasi Qishloq xo‘jaligi vaziri Aziz Voitov ham mavzu bo‘yicha o‘z fikr-mulohazalarini bildirib o‘tgan:

"Xonadonlarga arzon va sifatli kartoshka mahsulotlarini yetkazib berish hamda ularni ekadigan fermer va dehqon xo‘jaliklarimizning, tadbirkorlarimizning daromadlarini hosildorlik hisobiga oshirishni maqsad qilib qo‘yganmiz. Shundan kelib chiqib, asosiy urg‘u sohaga ilm-fanni kiritib, kartoshka urug‘chiligini rivojlantirishga qaratilmoqda".

Shuningdek, lavhada kartoshkachilik va uning urug‘chiligini rivojlantirish, muammolarni bartaraf etish yuzasidan takliflar bildirilgani va bu borada qilinishi lozim bo‘lgan aniq rejalar xususida ham to‘xtalib o‘tilgan.

#repost #Ozbekiston_24 #Axborot_24

Vebsayt • Telegram • Facebook • YouTube • Instagram Ochish/sharhlash