2021-12-25 20:17:44
Бандлик ва меҳнат муносабатлари вазирлиги матбуот котибаси Мавжуда опанинг мана бу постимизга муносабати шахсий илтимосига биноан олиб ташланди. Лекин бу билан вазият ўзгариб қолмайди.
Опанинг айтганида жон бор. Вазирлик қанча ҳаракат қилмасин, Ўзбекистонда меҳнат қонунчилигини таъминлай олмайди. Ярим кечда администрация ёки ВМ берган топшириғини қилмай кўринг-чи!
Нозим ака айтгандилар, иш вақти тугаса, қайтаверишим керак, десангиз, дунёдаги энг ҳалол ходим бўлмайсизми, юмшоққина жойингизга оёқ зарбининг механик кучи таъсирини билиб оласиз.
Хўш, аслида меҳнат қонунчилиги бизга керакми? Ходимлар ватан учун ишласа нима бўлибди? Юқоридаги саволлар аксарият раҳбарларнинг миясида қотиб қолган стериотип холос. Эрталабдан кечгача ишлаб зерикиб кетган ходимларни ўз кўзим билан кўрганман. Ўзбекистонда давлат идораларида ходимлар қандайдир ҳафсаласиз ишлашади. Ҳаммасининг куни бир хил. Эрталабдан кечгача иш-иш-иш...
Мен бу масалани қанақадир зерикканимдан ёки кимнидир ёмонотлиқ қилиш учун кўтармаяпман. Буни Низомиддинов билан Арипов жиддий ўйлаб кўришлари керак. Токи администрация билан ҳукумат ярим кечда қайтаверар экан, қуйидан ҳеч қандай меҳнат қонунчилигини талаб қилиб бўлмайди.
Хуллас, бу фикрларим кимга қанчалик қизиқ ва қандай таъсир қилади, буниси менга қоронғу. Лекин маънан ва жисмонан чарчаган ходимлар билан ривожланиб бўлмайди.
Мана шу зўриқишни ватанпарварлик деб ҳисоблайдиганлар эса бу ватанни бирор куни хароб қилади. Ишонаверинг!!!
@adolat_kuychisi
7.4K viewsedited 17:17