Девонайи Ҳақгўй

2022-02-15 18:06:41 От айланиб қозиғини топади, деганлари исботи билан....

Сиёсат яна битта масхарабоздан халос бўлди. Лекин мансабда турганлари ҳам анчагина...

@adolat_kuychisi Ochish/sharhlash

2022-02-15 13:29:54 “Ойбек” чегара божхона постида божхона ходимлари томонидан юк машинасида салкам 230 кг. героинни олиб киришга бўлган уриниш фош этилибди.

Бундан 4 ой муқаддам айни шу постда 156 кг.га яқин гиёҳвандлик воситалари аниқланган экан.

Айтишларича, бу кўрсаткичлар Ўзбекистон мустақиллигидаги рекорд натижалалар экан. Божхоначи амақиларга давомли қарсаклар!

@adolat_kuychisi Ochish/sharhlash

2022-02-15 11:02:34 Маҳалла ва оилани қўллаб-қувватлаш вазирлиги расмий сайтига жойлаштираётган маълумотларни Google таржимон билан инглизчага ўгирса керак...

Ома, вазирликнинг инглизча номи роса ёқди: "Maxalli and Sex"...

Мақоланинг номи ўзидан катта...

P.S.: Аслида тирноқ остидан кир қидирмоқчи эмасман. Бироқ, сайтнинг хорижликлар учун мўжалланган қисми бунақа савиясиз бўлиши шунчаки шарманда!

@adolat_kuychisi Ochish/sharhlash

2022-02-15 10:24:12 Афсуски...

Қайси бир халқда фаҳш тарқалса, ҳатто уни эълон қилсалар, уларда ота–боболарида бўлмаган ўлат (инфекцион касаллик) ва юқумли касалликлар тарқалади.

Ибн Можжа ва Ҳоким ривоятлари

Манба

@adolat_kuychisi Ochish/sharhlash

2022-02-15 07:32:20 ​​Бир чекка қишлоқни қўшни қишлоқ билан боғлаб турувчи янги кўприк қурилибди. Кўприк тўсиқларига асосан қиммат ёғочлар билан ишлов берилибди. Кўприкни қўриқлагани ва супуриб тозалагани бир қоровул ишга олинибди. Қоровулга иш хақи ёзгани бир бухгалтер ҳам иш билан таъминланибди. Энди икки киши иш хақи олгани учун уларни назорат қилгани директор тайинланибди. Директор бўлгандан кейин, албатта, котибаси бўлиши керак. Чиройли қадди қомати келишган котиба ҳам ишга олинибди. Қоровул ишга ҳар куни чиқадими, йўқми, билиш керак. Кўприк туман марказидан узоқда бўлгани учун бир машина олиниб, ҳайдовчи ҳам иш билан таъминланибди. Янги хоким билса, бир кўприк учун шунча ойлик чиқим бўляпти. Ишчи сони кўпайиб кетганлиги сабабли ҚОРОВУЛ ИШДАН ОЛИНИБДИ...

@adolat_kuychisi Ochish/sharhlash

2022-02-15 03:59:24 Омадингиз бор экан...

• Агар бугун эрталаб соғ-саломат уйғонган бўлсангиз, дунёдаги 330 миллион инсондан бахтлироқ экансиз!
• Агар бу тонгни танда дардсиз кутиб олган бўлсангиз, айни дамда 1 миллиард инсондан омадлироқ экансиз!
• Уруш таҳликаси ва хавф-хатарсиз, ҳаётингизга таҳдидсиз кун кечираётган бўлсангиз, 500 миллион инсондан толелироқ экансиз!
• Музлатгич ва жавонларингизда озиқ-овқат, эгнингизда кийимингиз ва тунда ухлаш учун уйингиз бўлса, дунёдаги 3 миллиард инсон сизга ҳавас қилади!
• Чўнтагингизда ёки ҳисоб рақамингизда пулингиз бўлса, дунёдаги омади кулган 1 миллиард инсондан бирисиз!
• Ушбу мақолани ўқий оляпсизми, демак, дунёдаги 2 миллиард саводсизнинг бири эмассиз!
• Ота-онангиз, турмуш ўртоғингиз ва фарзандларингиз ёнингизда, оилангиз аҳил бўлса, Сиз дунёдаги жуда ноёб инсонлар қаторида ўз ўрнингизга эгасиз!

Берган неъматларига яратганга шукур айтинг!

@adolat_kuychisi Ochish/sharhlash

2022-02-14 19:54:41 Самарқанд вилояти Оқдарё тумани Қиёт қишлоғидаги 50 йиллик устуннинг ҳолати экан...

Сулаймон алайҳиссаломнинг ҳассаларини қуртлар еб, ўлганини билдириб қўйган экан. Масъуллар ҳам кимдирга нимадир бўлмаса, чора кўрмайдиганга ўхшайди!

@adolat_kuychisi Ochish/sharhlash

2022-02-14 19:33:58 Мазкур меҳнат қонунчилиги бузилиши бўйича Меҳнат вазирлиги айбдор масъулларга тегишли чора кўрибди.

Албатта, охирги пайтларда Меҳнат вазирлиги ижтимоий тармоқлардаги ҳолатларимизни эътибордан четда қолдирмаётганлиги таҳсинга сазовор. Бироқ, республикада ҳали ҳам меҳнат қонунчилиги жуда ачинарли аҳволда. Тўғри, бунга битта вазирлик даражасида қарши курашиб бўлмайди. Чунки, улардан ҳам тепадагилар шунақа тартибсиз тартибни ўзлари учун маъқул кўришади.

Меҳнат қонунчилиги ҳам токи шахсан президент томонидан танқидга олинмаса, ўнгланмайди. Биз президентсиз бирор ташаббус қилолмасликка ўрганиб қолганмиз.

Хуллас, кимда меҳнат қонунчилиги бузилиши билан боғлиқ фактлар бўлса, дарҳол бизга юборинг. Мавжуда опа билан биргаликда чорасини кўришга ҳаракат қиламиз!

@adolat_kuychisi Ochish/sharhlash

2022-02-14 16:10:00 Йўл четида анақа ишларни қилишнинг оқибати шунақа бўлади...

@adolat_kuychisi Ochish/sharhlash

2022-02-14 14:06:37 Эҳсоннинг мукофоти эҳсондир!

Оғир хасталикка чалинган бир укамизга ёрдам берайлик! Бобокулов Тўймурод суяк саратонидан сўнг чап оёғи тизза соҳасидан ампутация килишди. Бироқ саратон чекинмасдан ўпкага метостас берибди. Бугунги кунда биродаримизга чет элдан махсус дори-дармон керак бўлмокда экан.

Қўлдан келганча хайрия қилинг. Ҳар биримиз 5 минг сўмдан хайрия қилсак ҳам, шифо топишига сабабчи бўлишимиз мумкин. Ҳеч бўлмаса, саҳватпеша инсонларнинг қўлига ушбу хабаримиз етиб боришида ўз ҳиссангизни қўшинг! Ёки, ҳеч бўлмаса, Аллоҳдан шифо тилаб, дуо қилиб қўйинг. Илло, кўпчиликнинг дуоси ижобатдир!

Ишончли вакиллар томонидан ўрганилган!

Тел.: +998914195514
Узкард: 9860 0201 2696 2982 (Меҳрангиз Аманова номида)
Манзил: Бухоро вилояти, Қоровулбозор тумани, Чўлқувар МФЙ, Буюк ипак йўли кўчаси, 102-уй.
Ёрдам учун очилган гуруҳ: https://t.me/+osRU5PKcdxFhZTRi

@adolat_kuychisi Ochish/sharhlash