Юрист Хизмати | Расмий канал

2022-01-22 08:15:57 ОНЛАЙН ТАЪЛИМ БЕРИЛСА, ЯККА ТАРТИБДА ДАРС ЎТАДИГАН ЎҚИТУВЧИЛАРГА ОЙЛИК ТЎЛАНМАЙДИМИ?

@Yurist_Xizmati 3214-савол:

Assalomu alaykum men uyda talimda dars beraman. Endi karantin bòlsa menga oylik tòlanmaydimi?

ЮРИСТ ЖАВОБИ:

Бу вазият сизнинг иш ҳақингизга таъсир қилмаслиги керак.

Бошқача айтганад сизга иш ҳақингиз тўлаб берилади. Бунга асос Меҳнат кодексининг 159-моддаси ҳисобланади.

Мазкур моддага мувофиқ ходимнинг айбисиз яроқсиз маҳсулот тайёрланганда ва бекор туриб қолинган вақтда унинг ўртача иш ҳақи сақланади. Бу қоидадаги яроқсиз маҳсулот ишлаб чиқариш масаласи тушунарли, бу ишлаб чиқариш тизими билан боғлиқ, бироқ биз ҳозир ходимнинг айбисиз бекор туриб қолинган вақт ва бу вақт учун унга ўртача иш ҳақини тўлаш бироз тушунтириш талаб этади.

Эътибор беринг 159-модда қўлланиши учун энг биринчи навбатда ходимнинг бекор қолиш факти келиб чиққан бўлиши керак, кейин бу бекор туриб қолиш ходимнинг ўзига боғлиқ ёки боғлиқ эмаслигини, яъни унинг айби билан ёки айбисиз келиб чиққанлигини аниқлаш зарур.

Масалан, ходимнинг меҳнат мажбуриятларини бажаришига иш берувчи томонидан тўсқинлик қилиниши ёки одатий меҳнати учун керакли шарт-шароитлар яратиб берилмаслиги, ёхуд ҳозирги вазиятда карантин туфайли ходим ўз вазифасини бажара олмаслигини ходиминг айбисиз бекор туриб қолиш факти деб ҳисоблашимиз мумкин. Яъни ходимнинг айбисиз бекор туриб қолинган вақт деганда, бу ерда ходимнинг айбсизлиги бирламчидир.

Шундай экан 159-моддага кўра, бунда ходимнинг айбсизлик факти етарли ҳисобланади.

Сиздаги ҳолатда ҳам сизнинг бекор туриб қолишингизга мактабда спорт залининг йўқлиги сабаб бўлмоқда. Бунда сизнинг айбингиз йўқлиги туфайли бу даврда сизга ўрта ойлик иш ҳақингиз тўлашда давом эттирилади.

Агар бундай қилишмаса, сиз тумандаги Давлат меҳнат ҳуқуқи инспекторига мурожаат қилишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-21 21:01:44 МАКТАБЛАРДА ТУГАТИЛГАН ЁШЛАР ЕТАКЧИЛАРИ КОМПЕНСАЦИЯ ОЛИШГА ҲАҚЛИМИ?

@Yurist_Xizmati 3213-савол:

Yuristga savolim bor. Maktabda yashlar ittifoqida ishlab kelmoqdaman. Yetakchili fooliyati tugatildi. Men kanpensatsiya to'lanadimi. To'lansa necha oy qaysi tartinda. Yuqoridan maktab raxbariga dars berish majburyati yuklatilmoqda maktab derektori 4 soat dars berish haqida bidirish xati berdi menga man 2200000 oylik olardim endi shunga konishga majburmanmi. Birinchi mutaxasisligim kip aftamatchiq 2 mutaxassisligim tarix 3 kur sirtqi.

ЮРИСТ ЖАВОБИ:

Ҳа бундай ходим компенсация олишга ҳақли.

Штатлар қисқартирилганда иш берувчи асосий ходимларни ҳам ўриндош ходимларни ҳам ишдан бўшатишга ҳақли бўлади.

Бунда ходим тузилган меҳнат шартномаси Меҳнат кодекси 100-моддаси иккинчи қисми 1-бандига кўра (қисқартириш) бекор қилинганда у қуйидаги ҳуқуқларга эга бўлади.

Хусусан:
1. Юқоридаги кодекс 109-моддасига мувофиқ ишдан бўшатиш нафақасини олиш ҳуқуқи;

2. Ушбу кодекс 67-моддасига мувофиқ:

• иш қидириш даврида икки ойдан ортиқ бўлмаган давр мобайнида ходимларнинг ўртача ойлик иш ҳақи сақланиб қолади, бунда ходимга тўланган бир ойлик ишдан бўшатиш нафақаси ҳам қўшиб ҳисобга олинади;

• меҳнат шартномаси бекор қилинган кундан бошлаб ўн календарь кун мобайнида маҳаллий меҳнат органида иш қидираётган шахс сифатида рўйхатдан ўтсалар, маҳаллий меҳнат органи берган маълумотномага биноан учинчи ой учун ҳам олдинги иш жойларидан ўртача иш ҳақи олиш ҳуқуқига эга бўладилар;

3. Мазкур кодекс 151-моддасига кўра меҳнат шартномаси бекор қилинганда ходимга фойдаланилмаган барча йиллик асосий ва қўшимча таътиллар учун пуллик компенсация тўланади.

Агар сизда фойдаланилмаган меҳнат таътиллари ҳақиқатда мавжуд бўлса, бунинг учун сизга компенсация тўланиши лозим.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-21 19:07:41 М.Базаровга 3 йилга озодликни чеклаш жазоси тайинланди - Олий суд

Миробод туман судида М. Базаров Жиноят кодексининг 139-моддаси (туҳмат) 3-қисми “г” бандида назарда тутилган жиноятни содир этганликда айбли деб топилиб, унга 3 йил муддатга озодликни чеклаш жазоси тайинланди.

@Yurist_Xizmati Ochish/sharhlash

2022-01-21 18:42:47 АТТЕСТАЦИЯДАН ОЗОД ЭТИЛАМАНМИ?

@Yurist_Xizmati 3212-савол:

Assalomu alaykum. Men 2007 yil ishga qabul qilinganman. 2013 yil dekret ta'tiliga chiqib 2015 yilda ishga qaytganman. 2020 yil oliy malaka toifasini oldim. 2025 yilda men navbatdagi toifa testini topshiramanmi yoki mehnat stajim 18 yil bo‘lganligi sababli ozod etilamanmi 2025 yilda?

ЮРИСТ ЖАВОБИ:

Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 6-бандига кўра таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар навбатдаги мажбурий аттестациядан озод қилинади.

Агар олий тоифали бўлсангизгина сиз аттестациядан озод бўласиз.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-21 14:03:59 СЕРТИФИКАТГА ЭГА РУС ТИЛИ ЎҚИТУВЧИЛАРИГА ҲАР ОЙ 50% ДАН УСТАМА ТЎЛАБ БОРИЛАДИ

Сертификатга эга рус тили фани ўқитувчиларига устама ҳақ тўлаб берилади, бу ҳақда халқ таълими вазирлиги маълум қилди.

2022 йил 1 февралдан бошлаб таълим тили рус тили бўлмаган умумтаълим муассасалар (синфлар)да фаолият юритаётган камида С1 ва ундан юқори даражадаги миллий ёки унга тенглаштирилган мос даражадаги халқаро тан олинган сертификатга эга рус тили фани ўқитувчиларига 50% миқдорида устама тўланади.

Демак, сертификатга эга рус тили ўқитувчиларининг ҳар ойда ойлик иш ҳақисига 50% устама тўлаб борилади.

Каналимизга уланинг
@Yurist_Xizmati Ochish/sharhlash

2022-01-21 13:48:09 Эндиликда "Юрист хизмати" расмий каналида ўз рекламангизни жойлашингиз мумкин.

Ҳурматли фуқаролар канал сифатини ошириш ҳамда харажатларни қоплаш мақсадида бугундан бошлаб каналга сифатли рекламаларни қабул қилиб боришимизни эълон қиламиз.

Ҳурматли тадбиркорларни ҳамкорликка чорлаймиз

Реклама шартлари билан танишинг

@Yurist_Xizmati_reklama Ochish/sharhlash

2022-01-21 12:36:04 ХТБ МУДИРИ ДИРЕКТОРЛАРНИ ЧАҚИРИБ МАЖЛИС ЎТКАЗИШИ ТЎҒРИМИ?

@Yurist_Xizmati 3211-савол:

Туман халк таьлими булими мудири директорларни чакириб мажлис утказиши тугрими? Ушбу холат юзасидан кимга мурожаат қилиш керак?

ЮРИСТ ЖАВОБИ:

Бу вазиятда давлат меҳнат ҳуқуқи инспекторига ёки туман адлия бўлимига мурожаат қилишингиз мумкин.

Негаки Республика махсус комиссиянинг қарорида карантин шароитида мажлисларни камайтириш ва муҳим бўлган мажлисларни масовафий шаклда ўтказиш назарда тутилган.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-21 09:58:57 ​​ БОҒЧАЛАР ЁПИЛМАЙДИ, ФАОЛИЯТИНИ ДАВОМ ЭТТИРАВЕРАДИ - Мактабгача таълим вазирлиги

Мактабгача таълим муассасалари жорий йилнинг 24 январидан бошлаб, яъни қишки таътилдан сўнг одатий режимда фаолиятини давом эттиради. Бу ҳақда Мактабгача таълим вазирлиги Матбуот хизмати маълум қилди. 

“Боғчалар ёпилмайди, ўз фаолиятини одатдаги режимда давом эттираверади. Боғчаларда карантин қоидаларига риоя қилинади. Агар биронта гуруҳда COVID-19 аниқланса, ўша гуруҳ карантинга олинади, боғча вақтинчага ёпилади”, деди вазирлик Матбуот котиби Мавлуда Асқархўжаева.

Манба
Каналимизга уланинг
@Yurist_Xizmati Ochish/sharhlash

2022-01-21 09:52:05 #Ана_бўлмаса
​​ 1000 СЎМЛИК ҚОҒОЗ ПУЛЛАРДАН ВОЗ КЕЧИЛАДИ

1000 сўмлик банкнота танга шаклига ўтказилса, фойдаланишга қулай бўлади. Бу ҳақда Марказий банк раиси Мамаризо Нурмуродов 20 январь куни бўлиб ўтган матбуот анжуманида маълум қилди.

Айтилишича, келгусида 1000 сўмлик қоғоз шаклида ёки янги банкнота кўринишида муомалага чиқарилмайди.

«1000 сўмликни қайта қоғоз шаклида чиқармоқчи эмасмиз. Биз уни аввал танга пул шаклида чиқарганмиз. Минг афсуски, аҳолимиз тангадан кам фойдаланяпти. Энг кўп қўлланиладиган пул белгиларидан бири бу — 500 ва 1000 сўмлик тангалар ҳамда 2000 сўмлик пулимиздир. Шунинг учун ҳам 1000 сўмликни тўлалигича танга шаклига ўтказмоқчимиз. Бу бир томондан муомалани ташкил қилиш билан боғлиқ харажатларини камайтирса, иккинчидан фойдаланишга жуда қулай бўлади», — деди Мамаризо Нурмуродов.

Хайр қадрдон қадримизга айланган 1000 сўмлик

Каналимизга уланинг
@Yurist_Xizmati Ochish/sharhlash

2022-01-21 06:31:14 ЎҚИТУВЧИ ЯҚИН КИШИСИНИ ЙЎҚОТГАНЛИГИ САБАБЛИ МОДДИЙ ЁРДАМ ОЛИШИ МУМКИНМИ?

@Yurist_Xizmati 3210-савол:

Assalomu alaykum.Oʻqituvchilar yaqin kishisini yoʻqotganligi sababli moddiy yordam olishlari mumkinmi. Buning uchun qanday hujjatlar topshiriladi. Men ariza bilan oʻlimhaqidagi guvohnomani topshirgan edim. Deriktor marosim oʻtkazganlik haqida va mahallada yashaganlik haqida ham mahalladan ma'lumotnoma olib kelsangiz sizga moddiy yordam beriladi deb javob berdi.

ЮРИСТ ЖАВОБИ:

Маҳалладан маълумотнома сўраш мумкин эмас. Бу шарт ҳам эмас.

Моддий ёрдам олиш учун ариза ва ўлим гувоҳномасидан нусха бўлишининг ўзи етарли.

Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомнинг 30-бандига кўра умумтаълим муассасалари ходимларига моддий ёрдам уларнинг мурожаатига кўра ёки умумтаълим муассасаси касаба уюшмаси ташкилотининг ташаббуси бўйича фавқулодда ҳолларда, яъни яқин қариндоши (отаси, онаси, турмуш ўртоғи, фарзанди) вафот этганда, ходим ва унинг яқин қариндоши (отаси, онаси, турмуш ўртоғи, фарзанди) оғир жароҳат олганда, оғир касалликка чалинганда, ходим табиий офатдан зарар кўрганда кўрсатилади.

Ушбу қоидага кўра ходимнинг нормада келтирилган яқин қариндошлари вафот этганда у моддий ёрдам олиши мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash