Юрист Хизмати | Расмий канал

2022-02-06 13:53:56 ИККАЛА ИШ ЖОЙИМДАН ҲАМ ДЕКРЕТ ПУЛИ ЧИҚАДИМИ?

@Yurist_Xizmati 3233-савол:

Assalomu alaykum xurmatli yuristlar Savolim shundan iboratki Men maktabda jismoniy tarbiya fanidan dars beraman hamda Bollalar va ósmirlar sport maktabida tógarak mashg'ulotlaridan dars berib kelmoqdaman 15-fevraldan dekritga chiqmoqchiman menga ikkala joydan ham dekrit puli chiqadimi yoki maktab asosiy ish joyim bólganligi uchun faqat maktabdan dekrit puli chiqadimi iltimos qonuniy javob bersangiz.

ЮРИСТ ЖАВОБИ:

Сиз асосий ва ўриндошлик асосидаги иш жойингиздан декрет пули оласиз.

Бироқ ҳар икки иш жойингиздан алоҳида алоҳида тўланади.

Қаранг! Меҳнат кодекси 233-моддасига мувофиқ аёлларга туққунга қадар етмиш календарь кун ва туққанидан кейин эллик олти календарь кун (туғиш қийин кечган ёки икки ва ундан ортиқ бола туғилган ҳолларда — етмиш календарь кун) муддати билан ҳомиладорлик ва туғиш таътиллари берилиб, давлат ижтимоий суғуртаси бўйича нафақа тўланади.

«Давлат ижтимоий суғуртаси бўйича нафақалар тайинлаш ва тўлаш тартиби тўғрисида»ги низомнинг (рўйхат рақами: 1136, 08.05.2002 й.) 48-бандига мувофиқ ҳомиладорлик ва туғиш бўйича нафақа иш ҳақининг 100 фоизи миқдорида берилади.

Вазирлар Маҳкамасининг 2012 йил 18 октябрдаги 297-сон қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги низом 18-бандига кўра ўриндошлар ўриндошлик асосидаги иш жойи бўйича вақтинча меҳнатга лаёқатсизлик нафақаси олиш, аёллар эса, бундан ташқари, ҳомиладорлик ва туғиш нафақалари олиш ҳуқуқига эгадир.

Шу қоида сизга ўриндошлик асосидаги иш жойингиздан ҳам декрет пули олиш ҳуқуқингиз борлигининг исботи саналади.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-02-05 19:31:55 «Ие математикани қаерда ўқигансан?» - Шавкат Мирзиёев

Манба
@Yurist_Xizmati Ochish/sharhlash

2022-02-05 19:14:13 АТТЕСТАЦИЯ МУДДАТИ ЎТИБ КЕТГАНЛИГИ САБАБЛИ ОРТИҚЧА ТЎЛАНГАН ИШ ҲАҚИ ҚАЙТАРИЛАДИМИ?

@Yurist_Xizmati 3232-савол:

Ассалому алайкум.Мен 2017йил коллежда ишлаётганимда олий тоифа олган эдим. 2019 йил 13-майда ЯНГИ аттестация қарорига кўра тоифамиз мактаблардаги тоифаларга тенглаштирилди. 2020 йил аттестацияга жалб қилинмадик. 2021 йилда эса 2017 аттестацияга ўтганлар навбатдан ташқари аттестацияга жалб қилинади. Мен тоифам 5 йилга ўтади деган фикрда эдим. Лекин хозир 2020йилда ўтишингиз керак эди дейишди. Шунинг учун 2020 йилдан шу кунгача ишланган ортиқча иш хақини қайтариб олишмоқчи. Мен хабарим йўқ йиғилиш баёни расмийлаштирилиб директор буйруғи чиқибди. Бу холатда қандай йўл тутишим керак. Мени айбим бўлмаса хам тўланган пулни қайтариб олишлари мумкинми?

ЮРИСТ ЖАВОБИ:

Ҳақиқатдан ҳам сизнинг аттестация муддатингиз 3 йилни ташкил этган. Сиз 2020 йилда аттестациядан ўтишингиз керак эди.

Бироқ бу сиздан ортиқча тўланган пулларни қайтариб олиш учун асос бўлмайди.

Бу саволга жавоб бериш учун Меҳнат кодекси 279-моддасини таҳлил қилиб ўтамиз. Ушбу нормага мувофиқ иш берувчи томонидан ихтиёрий равишда тўланган, шу жумладан қонунни нотўғри қўлланиш оқибатида тўланган ортиқча иш ҳақи қайта ундириб олиниши мумкин эмас, ҳисоб-китобда йўл қўйилган хато оқибатидаги ортиқча тўловлар бундан мустасно.

Ушбу норманинг мазмунига кўра ҳисоб-китобда бўлган техник хатолик оқибатида тўланган ортиқча иш ҳақи қайтариб олиниши мумкинлиги белгиланган. Мисол учун сизга 900.000 сўм иш ҳақи ёзилиши керак эди, лекин бехгалтериядаги хатолик туфайли сизга 990.000 сўм иш ҳақи чиқди. Шу ҳолатда сиз ортиқча тўланган 90.000 сўмни қайтаришингиз лозим.

Лекин иш берувчи ўз ихтиёри билан тўлаган, шунингдек қонунни нотўғри қўлланиш оқибатида тўланган ортиқча иш ҳақи қайта ундирилиши мумкин эмас.

Мазкур норманинг иккинчи қисмида ходимга у берган ёлғон маълумотлари ёки тақдим этган сохта ҳужжатлари оқибатида тўланган суммалар ундан суднинг қарори ёки ҳукми асосида ундириб олиниши мумкинлиги белгиланган.

Шундай экан сизга тўланган ортиқча иш ҳақи қайтариб олиниши мумкин эмас.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-02-05 19:07:01 ​​1-СИНФ ЎҚУВЧИЛАРИГА ҚЎШИМЧА ТАЪТИЛ БЕРИЛМАЙДИГАН БЎЛДИ

Қадрли ҳамкоримиз Улуғбек Пўлатовнинг маълум қилишича, амалдаги тартибга кўра, ҳар йили 1-синф ўқувчилари учун февраль ойи давомида қўшимча бир ҳафталик таътил берилар эди.

Бу йил истисно тариқасида ўқувчиларнинг қишки таътил муддати жорий йилнинг 24 январига қадар узайтирилганлиги муносабати билан 1-синф ўқувчилари учун февраль ойида белгиланган қўшимча бир ҳафталик таътил берилмаслиги маълум қилинди.

Бу ҳақда Халқ таълими вазирлигининг жорий йилнинг 4 февраль кунги 02-02/2-128 сонли хатида маълум қилинган.

@Yurist_Xizmati Ochish/sharhlash

2022-02-05 05:53:30 ​​ ХАЛҚИМИЗ ОЙЛИК ОШИШИДАН БЕЗИБ ҚОЛЯПТИ

Ойлик ва пенсиялар ошганда нарх-наво ошмаслигини жиддий назоратга олиш керак

Мана ойликлар ошишига халқимизнинг муносабатини бир ўқиб чиқинг

- Купайгани Билан фойдаси йук нарх наво кутарилади иложи булса кутарилмасин ойликлар

- Haqiqatdan ham oylik oshadi desa bezillab qolibmiz. Oylikdan darak bòmiydi narx esa ikki marta oshgani ulguradi. Shunchun aytmay kòtarish kerak ovoza qilavermasdan

- Shu oylik oshmasin yuqoridagi gapga 1000 %qo‘shilaman chunki oylik oshdi desa bir marotaba oshadi undan ketin yana shu axvol

- Oyliklarni ommaviy e'lon qilmay oshirish lozim

- Oylikni oshrib oziq-ovqat, kamunal to'lovlar oshmasa, xalqning turmish tarzi ko'tariladi aksincha bo'lsa qashoqlashadi xalq

- Assalomu Aleykum. Ayni xaqiqatni gapiribsiz otayizga raxmat.
Endi oylik pensiyalar mart oyidan osharmish bu degani yana narx navolar oshadi degani tayyor turilar.

- Бизда Нарх навони назорат киладиган ташкилот борми айникси аптекаларни ,озик овкатни айтмай куяверай ойлик ошмай тургани яхши.

- Oylik oshdi degan xabar chiqqanning ertasi kuni narx navo oshib ketadi baholanki oshirilgan oylikni bir oydan keyin olamiz

- Hali oshgan narxdagi oyligizni qulizga olmasasizdan tovuqlar ish tawlaw qilib tuxumini owirib oladi narxini

- Ойлик ошмасин нарх наво хам ошмасинэшагидан тушаги киматтт

- Narx va oylik bular huddi ikki ko'z bir birini ko'rolmaydiyaa

- Nolimang Hudo berayotgan rizqingizdan

- Oylik oshdi narx navo 5 barobar oshdi,pulimiz qadrsiz bo‘ldi olgan oylik hech narsaga yetmaydi!? Hamma narsalar ham 40%narxni oshirib 20% tushurib ko‘zbo‘yamachilik qilishni bilib oldi.Bu adolatsizlik.

Шунинг учун, ойлик ва пенсияларни оширганда нарх-наволарни назорат қилиш долзарб масаладир.

@Yurist_Xizmati Ochish/sharhlash

2022-02-04 19:34:32 Ойликлар ва пенсиялар ошишидан ҳам қўрқиб қолганмиз.

Ойликлар 10 фоизга ошди дегунча нарх-наволар 20-30 фоизга қимматлаб кетади.

Афсуски бу ҳақиқат...

@Yurist_Xizmati Ochish/sharhlash

2022-02-04 07:07:27 ЯНВАРЬ ОЙЛИГИГА 3 КУНЛИК ИШ ҲАҚИ ЧИҚМАДИ, ДАМ ОЛИШ КУНЛАРИГА ИШ ҲАҚИ ТЎЛАНМАЙДИМИ?

@Yurist_Xizmati 3231-савол:

Ассалому алайкум. Мен, мактабда укитувчи булиб ишлайман. Якинда январ ойининг иш хакини олдим аммо 3 кунлик иш хаким чикмади. Бухгалтердан сурасам, "1,3,4- январ кунлари президент томонидан дам олиш куни деб эълон килинган уша кунларга иш хаки туланмайди" деб жавоб кайтаряпти. Саволим шундай: Хакикатан январ ойидаги президент томонидан берилган дам олиш кунларига иш хаки туланмайдими? Жавоб учун олдиндан рахмат.

ЮРИСТ ЖАВОБИ:

Меҳнат кодексининг 154-моддасига кўра иш берувчи ўзининг молиявий ҳолатидан қатъи назар, ходимга бажарган иши учун ҳақни белгиланган меҳнат ҳақи шартларига мувофиқ ушбу Кодекснинг 161-моддасида кўрсатилган муддатларда яъни ҳар ярим ойда камида бир марта тўлаши шарт.

Ушбу модданинг мазмунига кўра ходим ўзининг бажарган иши учун иш берувчининг молиявий ҳолатидан қатъий назар ҳақ олиши лозим. Бунда қонун чиқарувчи “бажарган иши” тушунчаси қўллаш орқали ходимнинг меҳнат шартномасида ёки лавозим йўриқномасида белгиланган ишни назарда тутган деб ҳисоблашимиз мумкин.

Шу қоидага кўра дам олиш, байрам ва ишланмайдиган кунлар шунингдек, қўшимча дам олиш кунлари учун иш ҳақи тўланмайди.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-02-04 06:45:16 ​​​​Агар мендан умуман ишламайдиган қонун қайси деб сўрашса, ҳеч иккиланмай Реклама тўғрисидаги қонун деб жавоб берган бўлардим.

Бу ҳолатни малакали юристимиз Имомниёзов Дониёр аниқ ва лўнда қилиб тушунтириб берди

Нега дейишингиз мумкин. Буни қуйидагича тушунтираман.

Қуйидаги реклама тақиқланади:

фақат вояга етганларга мўлжалланган ёки вояга етмаганларнинг олиши ёхуд истеъмол қилиши тақиқланган маҳсулотни вояга етмаганлар истеъмол қилаётган ёки ундан фойдаланаётган тасвир туширилган реклама;

вояга етмаганларни маҳсулот олишга ёки реклама қилинаётган маҳсулотни олишни илтимос қилиб учинчи шахсларга мурожаат этишга даъват қилувчи реклама;

ҳақиқий ёки ўйинчоқ қуролдан фойдаланилган реклама (қонун 7 м).

Болалар даврасига (ўн тўрт ёшгача бўлганларга) мўлжалланган кўрсатувларда (эшиттиришларда) реклама тақиқланади (қонун 17 м).

БОЛАЖОН ТЕЛЕКАНАЛИДА БУ НОРМАЛАР ИШЛАЙДИМИ? Бу саволга ҳеч иккиланмай “йўқ” деб жавоб беришим мумкин.

45 минутдан ортиқ давом этадиган концерт-томоша ва спорт дастурлари, кино ва телефильмлар реклама учун тўлиқ 45 минутлик вақт оралиғида кўпи билан бир марта узиб қўйилиши мумкин (қонун 17 м)

Нима деб ўлайсиз бизнинг телеканаллар орасида қайси бири шу қоидага риоя қилади? Манимча улар бундай қоида борлигини билишмаса ҳам керак.

Энергетик ичимликлар рекламасида бундай ичимликларни ҳаддан зиёд истеъмол қилишнинг зарари тўғрисидаги огоҳлантириш, шунингдек бундай ичимликларни истеъмол қилиш тавсия этилмайдиган шахслар ҳақидаги ахборот мавжуд бўлиши керак (қонун 22-1 м).

Зўр қоида-а? бирор марта энергетик ичимлар рекламасида шундай огоҳлантиришни кўрганмисиз?

Бу рўйхатни яна анчагина давом эттиришим мумкин. Лекин шуни ўзи етарли бўлса керак. МЖТК 178-1 моддасида Реклама тўғрисидаги қонунчиликни бузиш учун жавобгарлик ҳам белгиланган. Бироқ …

@Yurist_Xizmati Ochish/sharhlash

2022-02-04 06:30:09 Жума куни Ислом уммати учун энг яхши ва энг улуғ кундир!

Aзиз биродарларим барчангизга Жума айёми муборак бўлсин!

@Yurist_Xizmati Ochish/sharhlash

2022-02-03 18:51:49 ПЕНСИЯ ЁШИДАГИ ХОДИМНИ АТТЕСТАЦИЯГА ЖАЛБ ҚИЛИШ МУМКИНМИ?

@Yurist_Xizmati 3230-савол:

Men 1966 yilda tug'ilganman, maktabda boshlang'ich sinf o'qituvchisi lavozimida ishlayman,2018 yil pensiya yoshiga yetib nafaqaga chiqdim, lekin ish faoliyatimni davom ettiryapman. Hozir attestatsiyaga arizalar berilyapti, menga hamtopshiring deyildi, mani ohirgi toifam 2, 2017 yil 23 mayda berilgan, shunga meni navbatim kelibdi, shunda agar men topshirsam, manodo testdan kam ball to'plab , o'tolmasam, meni toifam saqlanadimi yoki tushib ketamanmi, iltimos menga dalil, qarorlar bilan maslahat bering iltimos. O'z hohishim bilan topshirsam, toifam saqlanadimi? Agar ball yetmasa, toifam saqlanadimi?

ЮРИСТ ЖАВОБИ:

Сизни мажбурий аттестацияга жалб қилиш мумкин эмас.

Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 6-бандига кўра педагогик фаолият билан шуғулланаётган пенсия ёшига тўлган педагог кадрлар навбатдаги мажбурий аттестацияга жалб этилмайди.

Агарда сиз ўз хоҳишингиз билан аттестацияга ҳужжат топширсангиз (етарли балл тўплай олмаган тақдирда ҳам) тоифангиз сақланиб қолинади.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash