Vakillik

2023-01-18 11:45:20 ҒУСЛ ҚИЛИШИ КЕРАКМИ?
#ғусл #ҳайз

1018-CАВОЛ: Жунуб ҳолда ухлаб қолса эрталаб ўйғонганда ҳайзи келиб қолган бўлса ғусл қилиши керакми?

ЖАВОБ: Бисмиллаҳир Роҳманир Роҳим.
Бундай ҳолда аёлнинг ихтиёри ўзида бўлади, хоҳласа ўша пайтда ғусл қилади, хоҳласа ҳайздан поклангандан кейин ғусл қилади. Бу ҳақда “Ал-Муҳитул-Бурҳоний” китобида шундай дейилади:

وإذا أجنبت المرأة ثم أدركها الحيض فهي بالخيار إن شاءت اغتسلت؛ لأن فيه زيادة تنظيف وإزالة أحد الحدثين، وإن شاءت أخرت الاغتسال حتى تطهر؛ لأن الاغتسال للتطهير حتى تتمكن من أداء الصلاة، ألا ترى أن الجنب إذا أخر الاغتسال إلى وقت الصلاة لا يأثم، دل أن المقصود من الطهارة الصلاة، ومن لا يتمكن من الصلاة، فكان لها أن لا تغتسل.

“Аёл киши жунуб бўлса ва кейин ҳайз кўрса, ихтиёри ўзида бўлади. Хоҳласа ғусл қилади, чунки ғуслда зиёда поклик ва икки нопокликдан бирини кетказиш бор. Хоҳласа поклангунча ғусл қилишни кечиктириб туради. Чунки ғусл покланиш учун ва бу покланиш билан у намозни адо қилишга имкон топади. Кўрмайсизми, жунуб киши ғуслни намоз вақтигача кечиктирса, гуноҳкор бўлмаслиги, покликдан мақсад намоз эканига далолат қилади. Ким (ҳайз, нифос каби ҳолатларда) намоз ўқишга имкон топмаса, ғусл қилмаслиги жоиздир”. Валлоҳу аълам.

Ўзбекистон мусулмонлари идораси
Фатво маркази.

  Улашинг | @VAKILLIKUZ Ochish/sharhlash

2023-01-18 09:35:45 #ВИДЕО

ДУНЁ ИШИДА ПАСТГА, ОХИРАТ ИШИДА ЮҚОРИГА ҚАРАНГ

Абдуқаҳҳор домла Юнусов,
Тошкент шаҳар бош имом-хатиби в.б

Ижтимоий тармоқларда бизни кузатинг:
Telegram | Instagram | facebook | Youtube

Улашинг | @VAKILLIKUZ Ochish/sharhlash

2023-01-18 08:27:50 «АҲЛИМИЗНИ ҚАНДАЙ САҚЛАЙМИЗ?»

#Оят
«Эй иймон келтирганлар, ўзингизни ва аҳли аёлингизни ёқилғиси одамлар ва тошлардан бўлган ўтдан қўрқитинг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмайдилар ва нима буюрилса, шуни бажарадилар»
(Таҳрим сураси, б-оят).

Аҳли аёлини, фарзандларини диндор қилиб тарбиялаш оила бошлиғининг Аллоҳнинг олдидаги бурчи эканлигига юқоридаги ояти карима ёрқин далилдир. Одамлар орасида ўзингни бил, ўзгани қўй, деган номаъқул гап юради. Лекин шариат бўйича эр хотин учун, ота болалар учун масъулдир. Қиёматда Аллоҳнинг ҳузурида жавоб беради.
Ҳазрати Умар юқорида зикр қилинган ояти карима нозил бўлгандан сўнг:

#Ҳадис
«Эй Расулуллоҳ (соллаллоҳу алайҳи васаллам)! Ўз нафсимизни-ку сақлаймиз, аҳлимизни қандай сақлаймиз?», деб сўраган эканлар.
Шунда Пайғамбар алайҳиссалом:
«Аллоҳ сизларни нимадан қайтарган бўлса, уларни ҳам қайтарасизлар. Аллоҳ сизларни нимага буюрса, уларни ҳам буюрасизлар», деб жавоб берган эканлар.

Ҳазрати Али розияллоҳу анҳу:
«Ўзингизга ва аҳлингизга яхшиликни таълим беринглар ва уларни одобли қилинглар», деб айтганлар.

Ҳадиси шарифда
Пайғамбаримиз соллаллоҳу алайҳи васаллам:
«Эй аҳлим, намоз ўқинг, закот беринг, мискинларга, етимларга, қўшниларга яхшилик қилинг. Шояд Аллоҳ сизларни жаннатда бирга қилса, деган одамга Аллоҳнинг раҳмати бўлсин», деганлар.

«Ҳадис ва Ҳаёт» китобидан.
Улашинг | @VAKILLIKUZ Ochish/sharhlash

2023-01-18 04:36:02 Ассаламу алайкум ва роҳматуллоҳи ва барокатуҳ!

Янги кун ҳам бошланди. Аллоҳ таоло янги кунни  файзли, баракали ва хайрли қилсин.

Дилда иймон, тилда бўлсин зикр саловат.
Ибодатлар гуноҳларга бўлсин каффорат.
Ҳажга бориб Байтуллоҳни айланг зиёрат.
Борар манзилингиз бўлсин Фирдавси Жаннат.
Жаннатнинг хушбўйлардан бўлинг баҳраманд.
Дуодадир сиз учун қалбим ҳар соат.
Дуоларим Парвардигор этсин ижобат.
Хонадонни тарк этмасин файзу-барокат!

Аллоҳ таоло бугунги кунингизни тинчлик офиятда, яхши кайфиятда, савобли амаллар билан тўла бўлиб ўтишини сизга насиб қилсин!

XАЙРЛИ КУН!

ЯҚИНЛАРИНГИЗГА ҲАМ УЛАШИНГ!

  Улашинг | @VAKILLIKUZ Ochish/sharhlash

2023-01-17 17:40:12 Эслатма
#Намоз_вақтлари

Ассалому алайкум ва роҳматуллоҳи ва барокатуҳ!

1444 ҳ.й ЖУМОДУЛ СОНИЙ
18 ЯНВАР -2022 м.й
ЧОРШАНБА куни тақвими
Т О Ш К Е Н Т

Тонг - 06:22
Қуёш - 07:45
Туш - 12:38
Аср - 15:41
Шом - 17:23
Хуфтон - 18:44

«Намозни адо этганингиздан сўнг, Аллоҳни турган, ўтирган ва ёнбошлаган ҳолингизда эсланг. Хотиржам бўлганингизда намозни тўлиқ адо этинг. Албатта, намоз мўминларга вақтида фарз қилингандир». (Нисо сураси, 103-оят)

Аллоҳ таоло бугунги кунимизни хайрли ва баракали қилсин!

Дўстларингизга ҳам эслатинг!!!
http://t.me/Vakillikuz Ochish/sharhlash

2023-01-17 12:54:03 «АЛЛОҲГА ҲАМД АЙТИШНИНГ ФАЗИЛАТИ»

Абу Саъид розияллоҳу анҳудан ривоят қилинади:

«Муовия масжиддаги ҳалқа олдига чиқди ва:
«Сизларни нима мажлис қурдирди?» деди.
«Аллоҳнинг зикрини қилиб, мажлис қурмоқдамиз», дейишди.
«Аллоҳга қасамки, ундан бошқа нарса сизларни ўтказгани йўқми?» деди.
«Аллоҳга қасамки, ундан бошқа нарса бизларни ўтказгани йўқ», дейишди.
«Мен сизлардан туҳмат юзасидан қасам ичишни
талаб қилганим йўқ. Ҳеч ким Расулуллоҳ соллаллоҳу алайҳи васалламга мен каби яқин манзилада бўлиб туриб, мен каби оз ҳадисли бўлмаган. Албатта, Расулуллоҳ соллаллоҳу алайҳи васаллам ўз саҳобаларидан бўлган бир ҳалқа олдига бордилар ва:
«Сизларни нима мажлис қурдирди?» дедилар.
«Аллоҳнинг зикрини қилиб, бизни Исломга ҳидоятга бошлагани ва берган неъматлари учун ҳамд айтиш учун мажлис қурмоқдамиз», дейишди.
«Аллоҳга қасамки, ундан бошқа нарса сизларни ўтказгани йўқми?» дедилар.
«Аллоҳга қасамки, ундан бошқа нарса бизларни ўтказгани йўқ», дейишди.
«Мен сизлардан туҳмат юзасидан қасам ичишни талаб қилганим йўқ. Аммо ҳузуримга Жаброил келиб, Аллоҳ азза ва жалла фаришталарга сизлар билан фахрланаётганининг хабарини берди», дедилар».
(Муслим ва Термизий ривоят қилишган.)

«Ҳадис ва Ҳаёт» китобидан.
  Улашинг | @VAKILLIKUZ Ochish/sharhlash

2023-01-17 10:43:31 ​ КИМ БИР МЎМИННИНГ ДУНЁ МАШАҚҚАТИНИ АРИТСА,
ОХИРАТ ИШЛАРИ ЕНГИЛЛАТИЛАДИ

Айни кунларда юртимизда давом этаётган қишнинг қировли кунлари халқимизнинг меҳр-оқибатлилик фазилатларини яна бир карра синовдан ўтказмоқда. Шундай дамларда муҳтож кишиларга ёрдам кўрсатиш жуда зарурдир. Шу муносабат ила Ўзбекистон мусулмонлари идораси раиси, муфтий Нуриддин домла ҳазратлари ташаббуслари ила барча имом-хатиблар хайрия ишларида фаол бўлишга чорланди.

Албатта, бир мусулмоннинг бошига тушган синовли кунларда ёрдам қўлини чўзиш Муҳаммад алайҳиссаломнинг суннатларидир. Зеро, Абу Ҳурайра розияллоҳу анҳудан ривоят қилинган ҳадиси шарифда Пайғамбаримиз соллаллоҳу алайҳи васаллам: "Ким бир мўминдан бу дунё машаққатларидан бир машаққатни аритса. Аллоҳ таоло ундан Қиёмат куни машаққатларидан бирини аритади. Ким бир камбағалнинг ишини енгиллатса, Аллоҳ унинг бу дунёю охират ишларини енгиллатади", деб марҳамат қилганлар.

Мана шундай набавий ўгитга амал қилган имом-хатибларимиз ҳомийлар билан биргаликда Республикамиз миқёсида эҳтиёжманд оилаларга 2 млрд. 60 млн. сўмлик хайрия ишларини амалга оширишди.

Хусусан, шу йил 10-13 январь кунлари Тошкент вилоятидаги 427 нафар ижтимоий ҳимояга муҳтож оилага жами 463 миллион сўмга яқин озиқ-овқат маҳсулоти, иситиш қурилмаси, кийим-кечак каби ёрдамлар кўрсатилди. Шунингдек, вилоятнинг чекка Пискент, Паркент, Бўка, Чиноз ва Оққўрғон туманларида истиқомат қилаётган яшаш шароити оғир бўлган 55 та оилага эса жами 15 млн. сўмлик кўмир тарқатилди...
БАТАФСИЛ ЎҚИШ

Ўзбекистон мусулмонлари идораси Матбуот хизмати

  Улашинг | @VAKILLIKUZ Ochish/sharhlash

2023-01-17 09:39:23 #ВИДЕО

950 ЙИЛ УМР КЎРГАН НУҲ АЛАЙҲИССАЛОМ ВАҚТ ҲАҚИДА...

Абдуқаҳҳор домла Юнусов,
Тошкент шаҳар бош имом-хатиби

Ижтимоий тармоқларда бизни кузатинг:
Telegram | Instagram | facebook | Youtube

Улашинг | @VAKILLIKUZ Ochish/sharhlash

2023-01-17 08:45:13 #Куёвга_мактуб

Уйингизни Қуръонсиз, китоб ва намозсиз қолдирманг. Бомдод намозига турганингизда оила азоларингизни ҳам турғазинг, Аллоҳнинг раҳмати ва баракоти кун бўйи сиз билан бирга бўлади.
Изоҳ:
Уйланиш, турмуш қуриш мусулмон киши учун динни янада мустаҳкам тутиши учун бир фурсатдир. Уйланган киши диннинг ярмини камолга етказган бўлади. У кейинги ярми учун ҳаракат қилиши керак. Оилали эркак ҳаётни баҳам кўрадиган умр йўлдошга эга бўлиб, бир жиҳатдан кучлироқ ҳолга келади. Энди у шайтонга ва нафсига қарши тура олади. Шайтон ва шаҳватнинг тузоғига тушишдан ўзини яхшироқ ҳимоя қила одали. Бу жиҳатдан уйланиш яхши банда бўлиш йўлида ташланадиган муҳим қадам сифатида баҳоланиши мумкин. Бироқ турмушнинг инсонга салбий таъсир кўрсатадиган томонлари ҳам бор. Масалан, уйланмасдан илгари пул ҳақида деярли ўйламаган, ҳаромга аралашмаган, ибодатларида собит бўлган бир қанча кишилар турмушдан сўнг оиласини боқиш, кўпроқ пул топиш мақсадида дунёга шўнғиб кетади. Авваллари ҳалол пул топишни ўйлаган киши энди бемалол ҳаромга қўл узатадиган бўлиб қолади. Ибодатларини эса аввалгидек ихлос билан бажармайди. Гўё уйланиб охиратини унутгандек. Ваҳоланки, инсон уйланганидан сўнг бу масалаларга янада кўпроқ аҳамият бериши лозим. У энди жамиятда бир шахс эканидан ташқари бир оиланинг бошлиғи ҳамдир. Унинг энди жамиятдаги роли янада кўп ва аҳамиятли ҳолатга келган. Меҳнат, ибодати, ғайрати ва фойдали ишлари билан намуна бўлиши зарур. Дин ва ватан учун айни меҳнат қиладиган палласидир. Ичидаги Аллоҳга, Пайғамбар алайҳиссаломга, ватан ва миллатга бўлган муҳаббатини янада жонлантирмоғи лозим. Хизмат учун доимо тайёр туриши, фаол бўлиши керак. Бунинг ўрнига ҳаётнинг қийинчиликлари ва тубанликлари қаршисида ҳар куни бир ҳисса ғайрати сусайган, ҳар куни янада кўпроқ кирланган киши учун оила қуриш тириклай қабрга киришдек гап. Дунё учун динни тарк этсак, дунёмизни ҳам бой берамиз.

“Бахтли оила” китобидан.
Улашинг | @VAKILLIKUZ Ochish/sharhlash

2023-01-17 04:40:05 #Хайрли_тонг!

Ассаламу алайкум.
Аллоҳ таолонинг саломи
Пайғамбар ﷺнинг дуоси
Қуръоннинг нури
Янги кун таровати кун давомида сиз билан бўлсин!

КУНИНГИЗ ХАЙРЛИ БЎЛСИН!

  Улашинг | @VAKILLIKUZ Ochish/sharhlash