Maktabgacha va maktab ta'limi vazirligi

2021-06-01 10:15:38 Халқ таълими вазирлиги барчангизни Халқаро болаларни ҳимоя қилиш куни билан самимий муборакбод этади!

Бизнинг энг ёрқин ва беғубор хотираларимиз болалик билан боғлиқ. Йиллар ўтган сари бу ҳислар узоқлашиб боради, аммо биз ҳаётимизни беғубор болалик таассуротлари билан ўтказамиз. Шу боис ҳам ушбу байрам болаларнинг ҳар томонлама баркамол бўлиб ривожланиши учун масъул бўлган катталар учун ҳам жуда муҳимдир. Бу кун яна бир бор биз катталарнинг болалар олдидаги улкан масъулиятимизни эслатади.

Биз катталарнинг асосий вазифамиз фарзандларимизни соғлом, ақлли, одобли, билимли ва албатта бахтли қилиб тарбиялашдир. Улар ишончли ҳимояни ҳис қилишлари ва ҳаётда ўз ўрнини топишлари учун биз ҳамма нарсани қилишимиз керак.

Азиз болажонлар, байрамингиз муборак бўлсин, содиқ дўстлар, бахт, қувонч ва соғлик доим ҳамроҳингиз бўлсин!

Катталарнинг эътибор ва ғамхўрлиги, меҳри ва илиқлиги сизни доимо қуршаб турсин. Ochish/sharhlash

2021-06-01 08:44:59 O’zb: Ushbu so’rovnoma boshlang’ich sinf ingliz tili o’qituvchilarini (1-4 sinflar) malakasini oshirish bo’yicha tashkillashtirilayotgan intensiv o’quv kursining (trening) materiallarini ishlab chiqish uchun o’qituvchilarning ehtiyojlarini o’rganish maqsadida tuzildi.

Sizdan har bir savolga ochiq-oydin javob berishingizni iltimos qilamiz, zero kursning siz uchun foydali bo’lishi aynan javoblaringizga bog’liq.

Рус: Этот опросник разработан для того что бы понять существующие потребности и интересы учителей английского языка школ (1-4 классов) в их профессиональном развитии.

Пожалуйста ответьте на последующие вопросы искренне и максимально полностью для того, чтобы мы могли организовать наиболее подходящий и адаптированный под ваши потребности курс. https://docs.google.com/forms/d/1oAlKefU3WTXe6ZaWytJaVNiFDlf90J5QsIGBpj6nhnY/edit Ochish/sharhlash

2021-06-01 06:56:04 Халқ таълими вазири Сурхондарёдаги мактаблар ҳолатини ўрганмоқда

Куни кеча Ургутдан қайтган Халқ таълими вазири Шерзод Шерматов бугун Сурхондарё вилоятига борди. Вазир бошчилигидаги ишчи гуруҳ вилоятнинг Шеробод туманидаги 2-сонли умумтаълим мактабига ташриф буюрди. Мактабдаги умумий ҳолатни ўрганиб, яратилган шарт-шароитлар бўйича ўқитувчилар билан суҳбатлашди.

Сухбат чоғида таътил вақтида мактабда қўшимча курслар ташкил қилиш, ўқувчиларни касбга йўналтириш борасида фикрлари билан ўртоқлашди. Мактаб бугунги кунда коэффициент кўрсаткичи юқори бўлиб, вазир бунинг сабаблари билан қизиқди ҳамда 2022 йилда мактабга 540 ўринли қўшимча бино қуриш таклифини берди.


БАТАФСИЛ: https://bit.ly/3yOgmRY

@uzedu Ochish/sharhlash

2021-05-31 20:55:11 “Magic City” истироҳат боғининг илк меҳмонлари “Меҳрибонлик уйи” болалари бўлди

Жорий йилнинг 31 май куни пойтахтимиздаги “Magic City” истироҳат боғининг очилиш маросимида Тошкент шаҳрининг 21-, 22-, 23-сонли “Меҳрибонлик уйи” болалари ва “SOS” болалар маҳаллалари тарбияланувчилари иштирок этишди.

Мазкур тадбир давомида янги барпо этилган ушбу истироҳат боғи ўзида турли хил шаҳар ва мамлакатларнинг тематик кўчаларини мужассам этган ҳолда болажонларни Тошкентдан чиқмасдан туриб, Лондан, Париж, Барселона, Венеция каби дунёнинг турли шаҳарларида саёҳат қилиш имконини берди.

1 июнь - Халқаро болаларни ҳимоя қилиш куни муносабати билан “Боланинг бегонаси бўлмайди!” шиори остида ташкил этилган махсус ҳафталик доирасидаги ушбу тадбир болажонларга ажойиб кайфият бахш этиши билан бир қаторда, улар учун ажойиб байрам совғаси бўлди.


БАТАФСИЛ: https://bit.ly/3vDeucB

@uzedu Ochish/sharhlash

2021-05-31 20:21:54 Ҳурматли блогерлар ва ОАВ вакиллари!

Бугун Халқ таълими вазири Шерзод Шерматов Ургутдаги мактаб ўқувчиларининг мустақил равишда 5 дан 10 млн сўмгача даромад топиш билан биргаликда 30-40 нафар ишчини ҳам иш билан таъминлаб, 15-20 млн сўмдан ортиқ даромад топаётгани ҳақида ёзган пости кўплаб муҳокамаларга сабаб бўлди.

Бунга айримлар ҳавас билан қараган бўлса, яна айримлар буни ёлғон маълумотга ва ҳазилга йўйди.

Аслида Ургутда мана шундай ишбилармон ўқувчиларимиз бор ва бу ҳақиқат. Улар бугун катталарга яхшигина ўрнак бўлиб, ҳалол меҳнати билан нафақат ўзи балки оиласига фойда келтирмоқда.

Мазкур лавҳада ана шундай ёшлардан бирининг фаолияти ёритилган.

Ҳурматли блогерлар!

Агар бирор нарсага ишонмасангиз бундай тарзда ижтимоий тармоқларда "Кун ҳазили" дея пост тарқатмасдан ўзингиз ўрганиб кўришингизни тавсия қиламиз. Ушбу ҳолатни шахсан гувоҳи бўлиш истагида бўлган журналист ва блогерларни Самарқанд вилоятининг Ургут туманига Медиа-турга таклиф қилиб қоламиз.

Мурожаат учун: @Laylo_xtvpress Ochish/sharhlash

2021-05-31 17:35:30 Халқ таълими тизими рақамларда

Халқ таълими тизими статистикаси илмий асосда таҳлил қилиниши тўғрисида хабар берган эдик.

Эндиликда халқ таълими тизими статистик маълумотлари бериб борилади

Бугунги кунда мактаблар сон жиҳатдан ортган, аммо ўқувчилар сонига нисбатан олиб қараганда 2016-2017 ўқув йилигача ушбу кўрсаткич -29,0%га пасайган.

Таълим тизимидаги ўзгаришлар, яъни 11 йиллик таълим қайта қўшилиши сабабли жорий йилда ушбу нисбат 2000-2001 ўқув йилига нисбатан 0,3%га ошган.

Ўқитувчилар сони таҳлили ҳам сон жиҳатдан ортган, бироқ мактаблар сонига нисбатан солиштирилганда 2016-2017 ўқув йилигача -6,2%га пасайиб кетган.

Бу йилга ўқитувчиларнинг мактабларга қайтиши сабаб ушбу кўрсаткич 15,2%га ошган.

Таҳлиллар шуни кўрсатмоқдаки, шаҳар жойларда ўқитувчилар сони 2,2 баробарга ортган бўлса, қишлоқ жойларда сони 4,0%га ошган холос. Сабаби юқори билимли кадрлар шаҳар жойларда қолишмоқда.

Халқ таълими статискаси маълумотларини кузатиб боринг!

Telegram |Facebook |Website|YouTube Ochish/sharhlash

2021-05-31 15:27:18 Халқ таълими бўлимлари ходимлари фаолиятини қўшимча моддий рағбатлантириш масалалари муҳокама этилди

Халқ таълими вазирлиги ташаббуси билан ташкил этилган семинарда туман (шаҳар) халқ таълими бўлимлари ҳузурида ташкил этилган Халқ таълими ходимларини рағбатлантириш жамғарма ҳисобидан ўрнак кўрсатган ходимларни рағбатлантириш имкониятлари яратилганлиги, шунингдек, тизимида фаолият кўрсатаётган мудир ва методистларга уларнинг фаолияти самарадорлигини баҳолашда қандай мезонларга эътибор қаратиш лозимлиги каби масалалар мутахассислар томонидан атрофлича муҳокама қилиниб тегишли тушунтиришлар берилди.

Шунингдек, иштирокчилар ўзларини қизиқтирган барча саволларга жавоб олишди ва улар томонидан берилган таклифлар ҳам инобатга олинди.

Халқ таълими вазирлигининг «Туман (шаҳар) халқ таълими бўлимлари ходимларининг фаолияти самарадорлигини баҳолашни такомиллаштириш ҳамда уларни қўшимча рағбатлантириш бўйича чора-тадбирлар тўғрисида» буйруғи ва иловаларини юклаб олиш.


@uzedu Ochish/sharhlash

2021-05-31 14:57:30 ЎҚУВЧИЛИГИДАНОҚ 3 МЛН СЎМ МАОШ ОЛАЁТГАН АНДИЖОНЛИК БИТИРУВЧИ КОРЕЯНИНГ БАРЧА МИЛЛИЙ УНИВЕРСИТЕТЛАРИГА ГРАНТ АСОСИДА ЎҚИШГА ҚАБУЛ ҚИЛИНДИ

Аслиддин Саминжонов Андижон вилояти, Асака туманидаги 36- мактабнинг 11-синф битирувчиси. Иқтидорли ўқувчи жорий йилда мактабни аъло баҳоларга тамомлади.

Уч йилдан буён Аслиддин Саминжонов корейс тилини ўрганиб, айни пайтда хусусий ўқув марказда дарс бериб келмоқда. Аслиддин яқинда 5-ТОПИК натижани қўлга киритиб, Кореянинг барча миллий унверситетларига кириш учун грант ютиб олди.

Бугунги кунда Аслиддин 100 дан ортиқ ўқувчиларга сабоқ бериб, 3 млн сўм даромад топиб, оиласига ҳам кўмак бермоқда.

Аслиддин Саминжоновга келгусида бундан ҳам улкан зафарлар ёр бўлишини тилаб қоламиз! Ochish/sharhlash

2021-05-31 10:40:04 Yozgi taʼtil ssenariysi

Bolalar har yilgi yozgi taʼtilni intiqlik bilan kutishadi. Yozgi taʼtilning yaqinlashishi ota-onalar uchun ham alohida bosh qotirishni talab qiladi: “Bu yozdan bolalar bilan qanday qilib zerikishsiz chiqib olish mumkin, qanday qilib ularni ham xursand qilish, ham foydali mashgʻulotlar bilan band boʻlishlarini taʼminlash mumkin?”

Biroq, koʻpchilik ota-onalar yoz bolalar uchun oʻzlashtirilmay qolib ketgan chet tili kurslari yoki matematikani oʻzlashtirish vaqti boʻlib xizmat qilishi kerak deb oʻylashadi. Lekin oʻzingizni farzandingizning oʻrniga qoʻyib koʻring, “endi maktab tugadi deb quvonganimda yana darslarmi!?” degan boʻlar edingiz.

Quyida sizga farzandingiz uchun ham qiziqarli, ham foydali boʻladigan, eng muhimi ota-ona va farzand oʻrtasida yanada iliq munosabatni shakllantiradigan “Yozgi taʼtil ssenariysi”ni taqdim etamiz.

Batafsil: https://telegra.ph/Yozgi-tatil-ssenariysi-05-28

Kanalga obuna bo'lish:
Telegram|Facebook|Instagram|You Tube Ochish/sharhlash

2021-05-31 07:30:06 Yozda vaqtlarini behuda o'tkazmay o'z halol mehnati bilan oila ro'zg'origa ko'maklashayotgan yuqori sinf o'quvchilaridan tengdoshlari o'rnak olishi zarur

Urgutga borganimizda qator maktab o'quvchilari bilan yoz vaqtida qo'shimcha daromad topishlari haqida suhbatlashdik. Ularni orasida nafaqat o'zi mehnat qilib 5-10 mln so'm oyiga topayotganlari, balki o'zidan tashqari qo'shimcha 30-40 ishchilarni ham oylik bilan ta'minlab, o'zi oyiga 15-20 mlndan ortiq daromad topayotgan tadbirkorlari ham bor ekanligini ko'rib juda xursand bo'ldim.

O'tgan yilgi ma'lumotlarimiz faqat oliy ta'limga kirish bo'yicha bo'lganiga Urgut tumani ko'rsatkichi ancha past edi, kelgusi yildan esa maktab faoliyati natijalari nafaqat bitiruvchilarini OTMga kirgani, balki umuman bitirganidan keyingi bandligi bilan baholanadigan bo'lishini inobatga olib, maktablarimiz OTMga qiziqishi yo'q bo'lgan o'quvchilarni mehnat bozoriga to'g'ri yo'naltirish bo'yicha sektor rahbarlari bilan hamkorlikda harakat qilishi kerak. Ochish/sharhlash