UzA | Tezkor xabarlar

2022-09-27 18:47:36 Пахта теримида мажбурий меҳнатга йўл қўйган ҳокимлар жиноий жавобгарликка тортилади

Айни дақиқаларда бўлиб ўтаётган видеоселектор йиғилишида Президент Администрацияси раҳбари Сардор Умурзаков пахта теримидаги қонунбузилишларни танқид қилди.

«Вилоятлар раҳбарларини пахта теримида мажбурий меҳнатнинг олдини олиш бўйича тизимли ишларни ташкил қилиш тўғрисида алоҳида огоҳлантирган эдик.

Шунга қарамай пахта терими бўйича ҳар куни ижтимоий тармоқларда янги-янги хабарлар тарқалмоқда. Энди тадбиркорлардан, бюджет ташкилотларининг оддий ходимларидан ҳашарчиларни жалб қилиш учун пул йиғиш авжига чиқаяпти экан.

Бу ҳолатлардан битта хулоса қилиш мумкин. Мазкур иш билан шуғулланаётган ҳар қандай раҳбарни ҳурматли Президентимиз сиёсатларига хиёнаткор деб баҳолаш мумкин.

Бош прокуратура (Ниғматилла Тўлқинович) бундай ҳолатларга алоқадор бўлган шахсларни хеч иккиланмай зудлик билан жиноий жавобгарликка тортиши керак. Ҳудудий прокурорлар билан биргаликда бизга қонун устуворлигини таъминлаб беришларингиз керак», - деди Сардор Умурзаков.

Каналга уланиш:
@uzauz Ochish/sharhlash

2022-09-27 16:18:08 Иккиламчи бозор учун кам фоизли ипотека кредитлари очилди

Жорий йилнинг 22 сентябрида “Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида”ги Президент қарори қабул қилинди.

— Эндиликда бирламчи ва иккиламчи бозор учун ипотека кредити асосида уй-жой сотиб олиш учун кам фоизли кредитлар берилади.

Маблағнинг фоиз ставкаси тижорат банкларининг ички ипотека кредит сиёсатидан келиб чиққан ҳолда белгиланади.

“Ўзбекистон ипотекани қайта молиялаштириш компанияси” АЖнинг қайта молиялаштириш йўналиши бирламчи ёки иккиламчи бозордан уй-жойларни ипотека кредити асосида сотиб олишга қаратилган. Мазкур қарор қабул қилинган кундан бошлаб кучга кирган, — дея жавоб берди ЎзА мухбири саволларига Иқтисодий тараққиёт ва камбағалликни қисқартириш вазирлиги бошқарма бошлиғи Акбаржон Нигматов.

Каналга уланиш:
@uzauz Ochish/sharhlash

2022-09-27 15:25:17 #TAYINLOV

Эркин Эркамович Рустамов иқтисодий тараққиёт ва камбағалликни қисқартириш вазирининг биринчи ўринбосари лавозимига тайинланди.

Бунга қадар у Вазирлар Маҳкамасининг Макроиқтисодий таҳлил, таркибий ўзгартиришлар, банк-молия тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибияти мудирининг биринчи ўринбосари лавозимида фаолият юритган.

Каналга уланиш:
@uzauz Ochish/sharhlash

2022-09-27 14:50:58 2022/2023 ўқув йили учун ҳозиргача 27 897 нафар талабага 317 миллиард сўмдан зиёд имтиёзли кредитлар ажратилди. Ушбу кредитларнинг 242 миллиард сўми хотин-қизларга берилган.

Таълим кредити олиш учун https://talim-krediti.uz/ платформаси орқали ариза топшириш мумкин. Аризалар бир кун муддатда кўриб чиқилади.

Президент қарорига кўра, тўлов-контракт асосида таҳсил олаётган хотин-қизларга 7 йил муддатга 14 фоиз ставкада таълим кредитлари ажратилиши белгиланган. Бунда, таълим кредитининг асосий қисми талабанинг расмий ўқиш муддати тугаганидан сўнг еттинчи ойдан бошлаб 7 йил давомида қайтарилиши назарда тутилган.

Каналга уланиш:
@uzauz Ochish/sharhlash

2022-09-27 14:30:31 Ўзбекистон делегацияси МДҲ давлатлари разведка хизматлари раҳбарлари йиғилишида қатнашади

30 сентябрь куни Москвада МДҲ давлатлари хавфсизлик идоралари ва разведка хизматлари раҳбарларининг XVIII йиғилиши бўлиб ўтади.

Ҳар йили ўтказиладиган мазкур тадбирда Озарбайжон, Арманистон, Беларусь, Қозоғистон, Қирғизистон, Россия, Тожикистон ва Ўзбекистон делегациялари иштирок этади.

Маслаҳат органи фаолияти доирасида Россия Федерацияси Президентининг Ҳамдўстлик мамлакатлари махсус хизматлари раҳбарлари билан видеоконференцалоқа шаклида учрашуви режалаштирилган.

Каналга уланиш:
@uzauz Ochish/sharhlash

2022-09-27 14:21:38 Долларнинг расмий курси пастлади

Марказий банк 28 сентябрдан хорижий валюталарнинг сўмга нисбатан расмий курсини эълон қилди.

1 АҚШ доллари -23,36 сўм тушди — 11 024,92 сўм;

1 Евро курси -64,43 сўм тушди — 10 592,74 сўм;

1 Россия рубли -1,72 сўм тушди — 189,51 сўм.

Каналга уланиш:
@uzauz Ochish/sharhlash

2022-09-27 08:56:28 ЭКСКЛЮЗИВ ИНТЕРВЬЮ

Эрон Ислом Республикаси Президенти Сайид Иброҳим Раисий билан ЎзА мухбири мулоқоти

— Ўзбекистон ва Эрон — икки давлат муносабатларида туб бурилиш юз берадими?

— 20 йилдан кейинги илк расмий ташрифдан сўнг нималар ўзгаради?

— Икки давлат ишбилармонлари учун қандай нодир имкониятлар очилмоқда?

— Ўзбекистоннинг очиқ денгизга чиқиши учун Эрон Чобаҳор битими ва Шимол-жануб йўлагига қўшишга тайёр турибди.

— Ўзбекистоннинг дунё ҳамжамиятидаги бугунги ўрни ва ташқи сиёсатини Сайид Иброҳим Раисий қандай баҳолайди?

uza.uz сайтида Эрон Ислом Республикаси Президенти Сайид Иброҳим Раисий билан суҳбат эълон қилинади.

Бизни кузатиб боринг...

Каналга уланиш:
@uzauz Ochish/sharhlash

2022-09-27 07:07:46 Ўзбекистoн халқ шоири Жамол Камол вафот этди

Ўзбекистoн Ёзувчилар уюшмаси аъзоси, Ўзбекистoн халқ шоири Жамол Камол 84 ёшида вафот этди.

Жамол Камол 1938 йил Бухоро вилояти Шофиркон туманида туғилган.

Каналга уланиш:
@uzauz Ochish/sharhlash

2022-09-27 06:50:43 Бугун Ўзбекистоннинг айрим ҳудудларида чанг-тўзонлар кузатилиши мумкин

27 сентябрь куни Ўзбекистон бўйича ёғингарчилик кутилмайди. Шамол 7-12 м/с тезликда эсади, республиканинг баъзи жойларида 15-20 м/с гача кучаяди, Сурхондарё ва Фарғона водийси вилоятларида шамолнинг кучайиши 21-23 м/с га етиб, айрим жойларда чанг-тўзонлар кузатилиши мумкин. Ҳаво ҳарорати +22+27 ни ташкил этади.

Пойтахтимизда ёғингарчилик кутилмайди. Шамол 5-10 м/с тезликда эсади, 12-15 м/с гача кучайиши мумкин. Ҳаво ҳарорати +25+27 бўлади.

Тоғ олди ва тоғли ҳудудларда ёғингарчилик кутилмайди. Баъзи жойларда шамол 15-20 м/с гача кучаяди, баъзида 21-23 м/с гача кучайиши мумкин. Ҳарорат +13+18 бўлади.

Каналга уланиш:
@uzauz Ochish/sharhlash

2022-09-26 17:17:00 Президент Шавкат Мирзиёев Россиянинг Ижевск шаҳридаги мактабда содир бўлган отишма оқибатида инсонлар қурбон бўлгани муносабати билан Президент Владимир Путинга таъзия йўллади.

Каналга уланиш:
   @uzauz Ochish/sharhlash