UzA | Tezkor xabarlar

2022-09-24 09:12:59 2022 йил 1 октябрдан Самарқанд халқаро аэропортида “Очиқ осмон” режими жорий этилади

“Очиқ осмон” режими Самарқанд халқаро аэропортининг техник имкониятларини инобатга олган ҳолда халқаро ҳуқуқ меъёрларига мувофиқ хорижий авиакомпаниялар учун рейслар ва йўналишлар бўйича чекловларнинг бекор қилинишини англатади.

Эндиликда хорижий авиакомпаниялар ҳаво қатнови тўғрисидаги ҳукуматлараро битимнинг мавжуд ёки мавжуд эмаслигидан қатъи назар Самарқанд халқаро аэропортига авиақатновларни амалга ошира олади.

Транспорт вазирлиги бу ҳақда чет эл авиация маъмуриятларини хабардор қилди.

Каналга уланиш:
   @uzauz Ochish/sharhlash

2022-09-23 19:43:35 Рашид Талипов Ўзбекистон миллий каратэ федерацияси раиси лавозимига сайланди

Спортни ривожлантириш вазирлигида Ўзбекистон каратэ WKF федерациясининг навбатдаги ҳисобот-сайлов конференцияси бўлиб ўтди.

Бунга қадар Вазирлар Маҳкамасининг Таълим, соғлиқни сақлаш ва спорт масалалари котибияти масъул ходими бўлиб ишлаган Рашид Азатович Талипов номзоди Ўзбекистон каратэ миллий федерацияси раиси лавозимига делегатлар томонидан бир овоздан маъқулланди.

Каналга уланиш:
   @uzauz Ochish/sharhlash

2022-09-23 15:46:51 Докторантура квоталари тасдиқланди

2023 йилда стажёр тадқиқотчилик, докторантура, таянч ҳамда мақсадли докторатурада давлат бюджети маблағлари ҳисобига таълим олувчиларнинг ОТМ ва илмий ташкилотлар кесимида тақсимоти

ПДФ шаклида юклаб олиш

Эслатма: ҳужжатлар phd.mininnovation.uz платформаси орқали 15-октябрга қадар онлайн қабул қилинади.

Каналга уланиш:
@uzauz Ochish/sharhlash

2022-09-23 14:54:53 Ўзбекистон мусулмонлари идораси Фатво маркази:

Мусулмон кишининг ўз ватанини ҳимоя қилишдан бошқа ҳар қандай ҳарбий ҳаракатларда иштирок этиши шаръан жоиз бўлмайди. Бугунги куннинг мусулмон кишиси ҳар қачонгидан кўра огоҳ ва ҳушёр бўлиши даркор. Хусусан, инсоният тараққиётига таҳдид солаётган турли бўҳронлар ва нотинчликлар пайтида турли фитналарга аралашмаслиги лозим.

Бу каби фитналарга аралашиш шаръан ҳаром ҳисобланади. Қолаверса, амалдаги қонунчилигимизда ҳам хорижий мамлакатларнинг ҳарбий тузилмалари, ноқонуний диний ташкилотлар ва террорчи гуруҳлар таркибига аъзо бўлиш тақиқланган.

Каналга уланиш:
@uzauz Ochish/sharhlash

2022-09-23 14:05:39 Долларнинг расмий курси яна кўтарилди

Марказий банк 26 сентябрдан хорижий валюталарнинг сўмга нисбатан расмий курсини эълон қилди.

1 АҚШ доллари +19,80 сўм кўтарилди — 11 030,13 сўм;

1 Евро курси -83,06 сўмга тушди — 10 768,72 сўм;

1 Россия рубли +5,21 сўмга кўтарилди — 188,79 сўм.

Каналга уланиш:
   @uzauz Ochish/sharhlash

2022-09-23 10:58:45 Бугун Ўзбекистон терма жамоаси Камерунни мағлуб этди

Футбол бўйича Ўзбекистон миллий терма жамоаси Камерун термаси билан ўртоқлик учрашувида 2:0 ҳисобида ғалаба қозонди. Голларга Ҳожимат Эркинов (25-дақиқа) ҳамда Остон Ўрунов (77-дақиқа) муаллифлик қилди.

Каналга уланиш:
@uzauz Ochish/sharhlash

2022-09-23 10:48:51 ОБ-ҲАВО: Ўзбекистонда қор ёғиши кутилмоқда

25-27 сентябрь кунлари Ўзбекистонга Волга бўйидан салқин ва бироз нам ҳаво кириб келади.

25 сентябрда Қорақалпоғистон Республикаси ва Хоразм вилоятида, 26-27 сентябрь кунлари республика бўйича баъзи жойларда шамол 15-20 м/с гача кучайиши, айрим жойларда чанг-тўзонлар кузатилиши кутилмоқда.

25-26 сентябрда Қорақалпоғистон Республикасида, 27 сентябрда Сурхондарё вилоятида ва Фарғона водийси вилоятларида баъзи жойларда шамолнинг кучайиши 21-23 м/с га етиши мумкин.

25 сентябрда Қорақалпоғистон Республикасида, Хоразм вилоятида, 26 сентябрда Қорақалпоғистон Республикасида, Хоразм, Бухоро, Навоий вилоятларида, 27 сентябрда республиканинг тоғ олди ва тоғли ҳудудларида баъзи жойларда ёмғир ёғади, момақалдироқ бўлиши мумкин. Баланд тоғларда (2500 м дан юқорида) ёмғир қорга айланиши мумкин.

26 сентябрда шимолда, 27 сентябрда республиканинг барча ҳудудларида ҳаво ҳарорати кечалари +10+13 гача, кундуз кунлари +22+25 гача пасаяди.

Каналга уланиш:
@uzauz Ochish/sharhlash

2022-09-23 10:04:11 Германия банки Ўзбекистонга электропоездлар сотиб олиш учун имтиёзли кредит ажратади

«Ўзбекистон темир йўллари» АЖ Германиянинг «KFV» тараққиёт банкнинг имтиёзли кредит линияси асосида электропоездлар ҳамда йўловчи вагонлари сотиб олади.

Берлинда бўлиб ўтаётган халқаро транспорт технологиялари кўргазмасида бу бўйича Ўзбекистон транспорт вазирлиги, «Ўзбекистон темир йўллари» АЖ, Германиянинг «KFV» тараққиёт банки ҳамда «Deutsche Bahn AG» компаниялари ўртасида тўрт томонлама меморандум имзоланди.

Каналга уланиш:
@uzauz Ochish/sharhlash

2022-09-23 09:34:48 Ўзбекистонда Мир карталарига хизмат кўрсатиш техник сабабларга кўра тўхтатилди

Ягона умумреспублика процессинг маркази (Uzcard)нинг маълум қилишича, 23 сентябрь соат 9:00дан бошлаб Ўзбекистонда Мир карталарига хизмат кўрсатиш техник сабабларга кўра тўхтатилди.

Каналга уланиш:
@uzauz Ochish/sharhlash

2022-09-23 07:30:25 Иккиламчи бозордан уй сотиб олиш учун ипотека кредитларини қайта молиялаштиришда етакчи компанияга 300 млрд сўм берилади

Тижорат банклари томонидан аҳолига берилган ипотека кредитларини қайта молиялаштириш учун Ўзбекистон ипотекани қайта молиялаштириш компаниясига 300 миллиард сўмгача бюджет ссудаси ажратилади.

Мазкур сумма Молия вазирлиги, Иқтисодий тараққиёт ва камбағалликни қисқартириш вазирлигининг халқаро молия ташкилотларидан Давлат бюджетини қўллаб-қувватлаш учун жалб этилган маблағлар ҳисобидан 3 йил муддатга 12 фоиз ставкада ва фоиз тўловларини ҳар 6 ойда тўлаш шарти билан берилади.

Бунда, Компания ресурсларни тижорат банкларига 1 фоиздан кўп бўлмаган миқдорда маржа қўллаган ҳолда жойлаштирилади — Президент қарори.

Каналга уланиш:
@uzauz Ochish/sharhlash