Turdalieva's

2023-04-21 13:05:26 Ramazon Hayiti muborak bo'lsin barchaga!

P.S: vaqt juda ham tez o'tayapti...
#Ramadan Ochish/sharhlash

2023-04-14 14:46:34 @emefti_zzz Ochish/sharhlash

2023-03-23 04:32:57 May Allah bless you with exponential growth and renewal, both spiritually and physically. May all your good wishes and duas come true.

Ramadan has always been a month of renewal, inner peace and unimaginable progress for me. I can't wait for the barakah flowing into my life in this sacred month again.

Happy Ramadan!
#Ramadan Ochish/sharhlash

2023-03-22 13:55:52 1. Spending less - kamroq xarajat qilish.

2. Investing more - ko'proq investitsiya/sarmoya kiritish.

Xo'p, ikkalasi ham biz uchun "cash out" ya'ni chiqim. Unda nega, bittasini kamroq, bittasini ko'proq qilish kerak?

O'zimning shaxsiy fikrim bo'yicha misol keltiray. Men uchun kamroq xarajat qilish bu qandaydir brendga tegishli qimmat futbolkaning o'rnini bosa oladigan arzonroq futfolkani sotib olish. Yoki rosa ham olgim kelgan bloknotni, olmasam ham bemalol dars tayyorlay olishimni bilganim uchun o'sha "sevib qolgan" bloknotimni shopping listimdan o'chirib tashlash ham kamroq xarajat qilish. MacBook olgim kelsa, hozircha, HP ham yaxshi ishlab turganini eslab, MacBookni xayoldan chiqarish ham xarajatni kamaytirish bo'lishi mumkin. Bir marta kiyiladimi yo'qmi, shunchaki yoqib qolgani uchun kiyim sotib olishni to'xtatish.

Investitsiya qilish esa, undan olgan bilimim yig'ilib bir kun manfaatli bo'lishini bilib, biror kitobni sotib olib, o'qish. Yoki, uzoq muddatda foyda beradi deb o'ylagan kompaniyalarning aksiyalarini sotib olish(moliyaviy investitsiya). Qornim rosa ham och bo'lsa, oqibati yomon bo'lishini bilib, pul qizg'anmay, vaqtida ovqat sotib olib, yeyish. Deylik, ko'proq pul topishim uchun tiniq va sifatli kamera juda ham zarur, unda IPhone 13ni qo'rqmay sotib olaman, chunki bilaman u orqali samaraliroq ishlayman.

E'tibor bergan bo'lsangiz, xarajat qilish bilan investitsiya/sarmoya kiritishning farqi bor. Investitsiya kiritish kelajakda bizga qandaydir(ma'naviy, moddiy...) manfaat/foyda keltiradi. Lekin ayrim xarajatlarsiz ham yashay olamiz, kunimiz o'tadi va ulardan voz kechishimiz mumkin.

Xo'p, farqi bor, innan keyinchi?

Birinchi bo'lib, pulni avvaldan reja qilishni o'rganish kerak. 50 000 yoki 5 000 000 farqi yo'q, istalgan miqdordagi pulni qayerga ketayotganini bilish lozim. Avvaldan reja qilsangiz, xarid qilmoqchi bo'lganingiz, aslida shunchaki o'tkinchi xarajatmi yoki zaruriyatni qondiradimi, yoki kelajakda manfaat keltiradimi yo'qmi deb o'ylab ko'rishga vaqtingiz bo'ladi.

Shunday qilib, nafsimizni sal jilovlab, ayrim zarur bo'lmagan xarajatlarimizni kamaytirib, o'rniga kelajakda manfaatli bo'ladigan narsalar/ishlarga sarf-xarajat qilishni boshlasak "boy" bo'lishimizga katta yordam beradi, menimcha ("boyib ketish" haqida video ko'rib, kurs olgandan ko'ra).

Xullas, qo'lga pul tushdimi, hali reja qilinmagan bo'lsa va qorin och vaqtda bozorga bormaslik kerak, shunda "boy" bo'lishimiz ehtimoli oshadi .

P.S: sizningcha, nega "boy" so'zini qo'shtirnoq ichida yozdim?)

#finance #personalfinance #investment
@emeti_zzz Ochish/sharhlash

2023-03-15 21:00:40 @UploadBooksBot

Elektron kitoblarni topish uchun zo'r bot ekan. Nega avvalroq bilmagan ekanman.)

Ingliz, rus tillaridagi kitoblarni topdi, lekin o'zbek tilida qidirib ko'rganlarim chiqmadi.

P.S: thanks to my friend for sharing.

#sthuseful #booklar
@emeti_zzz Ochish/sharhlash

2023-03-14 22:19:18 Matematika xaritasi

Maktabda sinfxona doskasi tepasida "Matematika fanlar ichra shoh, uning sirlaridan bo'lingiz ogoh!" degan gap yozilib turardi. Mana isboti.

Rasmni 5 minutdan beri tomosha qilib o'tirgan men:
"Voy, game theory! Oh, combinatorics! Iyaaa, chaos theory ham bo'larkan. Topology nima ekan? Ajoyib!"

#maths
@emeti_zzz Ochish/sharhlash

2023-03-05 22:30:30 jami daromad - jami xarajat = sof foyda

Yuqoridagi formulachani hamma bilsa kerak, oddiy foydani hisoblash formulasi. Masalan, 3000 so'mdan non sotib olib, 3200 dan sotsam, xarajat = 3000, daromad = 3200 so'm, foyda = 3200 - 3000 = 200 so'm.

Endi qo'shimcha kiritamiz hozirgi vaqtda qaror qabul qilayotganda yuqoridagi formualadagi barcha o'zgaruvchilarni(daromad, xarajat, foyda), shaxsiy xohish-istaklarni chetga surib, hozirgi kundagi raqobatbardosh bozordagi narx bilan hisoblash kerak.

Tepadagi savolga qaytsak, bizda bor variantlarni ko'rib chiqaylik:

Yoqtirmaydigan konsert biletini olish:

4 * 40k = 160k so'm qiymatdagi prizni olamiz, lekin o'zimizga yoqmagan konsert ga tushamiz

Yoqadigan konsert uchun berilgan biletlarni olish:

2 * 45k = 90k so'm qiymatdagi prizni olamiz, va maza qilamiz konsertda

Avval, o'zimizga yoqmaydigan konsert biletini olamiz:
4 * 40 = 160k

Keyin, ularni 30k so'mdan saytda sotamiz:
4 * 30k = 120k

Saytdan o'zimizga yoqadigan konsert uchun bilet sotib olamiz:
120k - 2 * 50k = 20k so'm foyda qilamiz va konsertda maza qilamiz.

1- va 2-variantda, bozor narxi emas balki biletning ustida yozib qo'yilgan nominal qiymati bilan hisoblaganda foyda ko'rmadik. Shunchaki prizni qabul qildik, bittasida konsert dan rohatlanmadik, bittasida rohatlandik.

3-variantda esa, competitive market(ya'ni bilet oldi-sotdisi olib boriladigan sayt) price ya'ni raqobatbardosh bozor narxida hisobladik. Bunda, konsertda maza qilib, 20k so'm obed pulini chiqarib ham oldik.) Qisqasi eng optimal variantni tanladik.


Competitive market - raqobatbardosh bozor - bu istalgan sotuvchi bemalol o'zining mahsulotini sota oladigan, istalgan xaridor kelib izlagan mahsulotini xarid qila oladigan erkin bozor. Ya'ni bunda narx bozordagi taklif(sotuvchi tomonidan) va talab(xaridor tomonidan) orqali belgilanadi, monopolist sotuvchi yoki xaridor tomonidan emas.

#finance #economics
@emeti_zzz Ochish/sharhlash

2023-02-19 17:08:33 Tasavvur qilamiz:

Siz tanlovda qatnashib, g'olib bo'ldingiz, afsuski, beriladigan priz(mukofot) sizga yoqmaydigan qo'shiqchi konserti uchun 4 ta bilet ekan: biletda yozilgan narx 40k so'm. Agar istasangiz, uning o'rniga o'zingizning sevimli qo'shiqchingiz konserti uchun 2ta bilet olishingiz ham mumkin ekan: biletda yozilgan narx 45k so'm.

Biletlar savdosi amalga oshiriladigan onlayn saytni ko'rib chiqqaningizda, sizga yoqmaydigan qo'shiqchi konserti uchun biletlar aslida 30k so'mdan, sizga yoqadigan qo'shiqchi konsertiniki esa 50k so'mdan ekan.

Xo'sh, bunday holda qaysi prizni tanlardingiz?

#finance
@emeti_zzz Ochish/sharhlash

2023-02-17 21:57:10 Ochish/sharhlash

2023-02-16 18:13:38 Klublar(Clubs)

Klublarni biror umumiy qiziqishga ega talabalar jamiyatchasi desa bo'ladi. Universitetdagi istalgan talaba istalgan yo'nalishdagi klublarni ochishi mumkin.

Klublarga misollar:

Westminster Finance Club.
Eng yaxshi ko'radigan klubim. Klubda talabalarga qanday qilib uzoq muddatga investitsiya qilish, qanday qilib qimmatli qog'ozlar bozorini o'rganib chiqishni o'rgatadi, va eng asosiysi moliyaviy savodxonlikni oshirishga harakat qilinadi. Klubning o'zini portfoliosi bor, unda 40dan oshiq talabalar o'zbek aksiya bozorida savdo qilishadi. Klub portfoliosi umumiy qiymati hozir 70mln so'mdan oshiq. Qisqasi, klub a'zolari "pulingni yostiq tagida saqlama" shioriga amal qiladi.

WIUT Ecology Club.
Nomidan bilgandirsiz, klub a'zolari imkon qadar ekologiyaga ziyon keltirmaslikka harakat qilishadi. Eng oddiy usuli, plastik idishlardan foydalanmaslik, o'rniga termizdan foydalanish, universitet hududida daraxt ekish, va boshqa talabalar orasida ham ekologik muammolar bo'yicha xabardorlikni oshirish.

Art Club.
San'at klubining o'zining alohida studiyasi bor. Studiyada rasm chizish, sopol buyumlar yasash, va yana boshqa ko'plab kreativ mashg'ulotlar bilan shug'ullansa bo'ladi. Rassomchilik bo'yicha professional o'qituvchilar ham bor.

Undan tashqari, Dance Club, Debate Club, Gaming Club , Vocal Club, va yana boshqa 20-30tacha allambalo klublar bor. Koreys tili, turk tili, sport klublari ham bor. Sanab sanog'iga yetolmayman.)

Eng qizig'i, agar shuuuncha klub ichida siz istaganingiz yo'q bo'lsa, o'zingiz o'sha klubga asos solsangiz bo'ladi.)

Faqat kelib darsda o'tirib ketmasdan, shunaqa klublar orqali o'zingizga yoqqan darsdan tashqari mashg'ulotlar bilan shug'ullansangiz bo'ladi.

P.S: klublarni o'qituvchi-professorlar ham umuman universitet xodimlari ham nazorat qilmaydi, barchasi talabalarning tashabbusi va harakati orqali. Universitet xodimlari, albatta bunday tashabbuslarni qo'llab-quvvatlashi, hamkorlik qilishi mumkin.

#WIUTerian #extracurriculars #clubs

@emeti_zzz Ochish/sharhlash